ଗାଲାତିୟ 4:15 - New Testament in Pengo Parja Language

¹⁵ ହେପାଦ୍ନା ଏପେଙ୍ଗ୍ ବେସି ୱାରିତାଙ୍ଗ୍ ମାଚାଦେର୍, ଲାଗିଙ୍ଗ୍ ମି ହେ ୱାରି ଇମେତ୍‌? ହାତ୍‌ପା ଆନେଙ୍ଗ୍ ମି ବିଷୟରେ ୱେଚ୍‌ଚାନାଙ୍ଗା ଯେ, ଯଦି ଆଡ଼୍‌ତିସ୍ ଏପେଙ୍ଗ୍ ଜାର୍-ଜାର୍ କାଣ୍‌କୁ ଉନ୍ଦ୍‌ଦି ନାଙ୍ଗେଙ୍ଗ୍ ହିତ୍‌ତାଦେର୍‌ମା।

ସତ୍‌ ବଚନ୍‌ ପୁନି ନିୟମ୍‌

¹⁵ ଏପେଙ୍ଗ୍‌ ଏଚେକ୍‌ ୱାରିୱାଦାଂ ମାଚାଦେର୍‌ ! ମାତର୍‌ ନଙ୍ଗ୍‌ ଇନାକା ଆତାଦେର୍ଣ୍ଣା ? ମି ମେହାବିଡ଼ା ଆନ୍‌ ଇ ସାକି କାତା ଡାଟ୍‌ ବାବ୍ରେ ଇଞ୍ଜେଙ୍ଗ୍‌ ଆଡ୍‌ନାଙ୍ଗ୍‌ ଜେ, ଆଜ଼ି ମାଚିସ୍‌, ଏପେଙ୍ଗ୍‌ ଜାର୍‌ ଜାର୍‌ତି କାଣ୍‌ଗା ଉନ୍‌ଦି ତାଇୱାଜ଼ି ହିତାଦେର୍‍ମା ।

ଗାଲାତିୟ 4:15 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:13

କେତେକ୍ ମାନାୟ୍ କାଲ୍‌କୁ କୁଡ଼ିନି ଜମିତ ଆର୍ତି ବିୟାନ୍ ଲେକେ, ହେୱାର୍ ଈଶ୍ୱର କାତାତିଙ୍ଗ୍ ୱେନ୍‌ଞ୍ଜି ୱାରିତାଙ୍ଗ୍ ଆହ୍‌ନାର୍। ମାତର୍ ହେୱାର୍ ଗରବ୍ ବିତ୍ରେ ଈଶ୍ୱର କାତା ହାଲ୍‌ୱିତିଲେ ହେୱାର୍ ଈଶ୍ୱରତାକେ ଅଲପ୍‌ଦିନ୍ ପାର୍ତିକିନାର୍ ଆରେ ଈଶ୍ୱର କାତାକାଜିଙ୍ଗ୍ ଦୁଃକ୍ କଷ୍ଟ ୱାତିସ୍ ହେୱାର୍ ପାର୍ତିତିଙ୍ଗ୍ ପିହ୍‌ନାର୍।

ରୋମିୟ 10:2

ଇନେସ୍‌କି ହେୱାର୍ ଈଶ୍ୱରତିଙ୍ଗ୍ ଆହା କିନାରା, ମାତର୍ ହେୱାର୍ ଈଶ୍ୱରତିଙ୍ଗ୍ ଟିକ୍ ବାବ୍‌ରେ ହେବା କିଦେଙ୍ଗ୍ ପୁଞ୍ଜେଙ୍ଗ୍ ଆଡୁରା। ଆନେଙ୍ଗ୍ ତା ସାକି ମାନାଙ୍ଗ୍।

ରୋମିୟ 15:13

ଲାଗିଙ୍ଗ୍ ଆହା ହିଦ୍‌ନି ଈଶ୍ୱରତିଙ୍ଗ୍ ପାର୍ତାନା କିନାଙ୍ଗା ଯେ, ଏପେଙ୍ଗ୍ ତାଙ୍ଗେଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ହେୱାନ୍ ମିଙ୍ଗେଙ୍ଗ୍ ୱାରି କିଦେନ୍, ଆରେ ମିଙ୍ଗେଙ୍ଗ୍ ଶାନ୍ତି ହିଦେନ୍। ଏପେଙ୍ଗ୍ ପବିତ୍ର ଆତ୍ମାନି ଶାକ୍ତିତାଙ୍ଗ୍ ଆଦିକ୍ ତାଙ୍ଗେଙ୍ଗ୍ ଆହାକିନି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ସାଇଜ କିଦେନ୍।

ରୋମିୟ 5:2

ଆପେଙ୍ଗ୍ ଖ୍ରୀଷ୍ଟଙ୍ଗ୍ ପାର୍ତିକିତି କାଜିଙ୍ଗ୍, ଈଶ୍ୱର ମାଙ୍ଗେଙ୍ଗ୍ ଦୟା ପାୟା ଆଦେଙ୍ଗ୍ ଅଦିକାର୍ ହିତ୍‌ତାନ୍‌ନା। ଆରେ ପୁରା ପାର୍ତି ହୁଦାଙ୍ଗ୍ ଆରେ ୱାରିୟା ଆଜି ତା ଗୌରବ ପାୟା ଆଦେଙ୍ଗ୍ ଆହାକିଜି କାନାପା।

୨ କରନ୍ତିୟ 8:3

ଆନେଙ୍ଗ୍ ହେୱାର୍ ବିଷୟରେ ସାକି ହିଦ୍‌ନାଙ୍ଗା ଯେ, ହେୱାର୍ ଜାର୍ ଇଚାତାଙ୍ଗ୍ ହିନାରା। ହେୱାର୍ ଏଚେକ୍ ହିଦେଙ୍ଗ୍ ଶାକ୍ତି ମାନାତ୍ ତାବେ ଆଦିକ୍ ହିଜି ପାର୍ତିକିନି ମାନାୟାରିଙ୍ଗ୍ ସାଇଜ କିନାରା।

ଗାଲାତିୟ 3:14

ଖ୍ରୀଷ୍ଟତି ଇ କାମାୟ୍ କାଜିଙ୍ଗ୍, ଈଶ୍ୱର ଅବ୍ରାହାମତିଙ୍ଗ୍ କିଜିମାଚି ମାର୍ମାଣ୍‌ନି ହାମାନ୍ ଆଶ୍ରିବାଦ୍ ବିନ୍‌ଜାତିନି ମାନାୟାରିଙ୍ଗ୍ ହିତାନ୍। ଖ୍ରୀଷ୍ଟତାକେ ପାର୍ତିକିନି କାଜିଙ୍ଗ୍ ଈଶ୍ୱର ପାର୍ମାଣ୍‌କିତି ପବିତ୍ର ଆତ୍ମାତିଙ୍ଗ୍ ମାଙ୍ଗେଙ୍ଗ୍ ହିତ୍‌ତାନ୍‌ନା।

ଗାଲାତିୟ 4:14

ନା ଗାଗାଡ଼୍ ହାର୍ ହିଲିତିସ୍ ପା, ଏପେଙ୍ଗ୍ ନାଙ୍ଗେଙ୍ଗ୍ ଇନସ୍ତା କିଦ୍‌ୱାତାଦେର୍ କି ଗିଣ୍ କିଦ୍‌ୱାତାଦେର୍। ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ରକାନ୍ ଈଶ୍ୱର ଦୁତ୍ ଲେକେ ଜାତୁନ୍ କିତ୍‌ତାଦେର୍, ଆରେ ଯୀଶୁ ଖ୍ରୀଷ୍ଟଙ୍ଗ୍ ଆସ୍ତି ଲେକେ ନାଙ୍ଗେଙ୍ଗ୍ ଆସ୍ତାତାଦେର୍।

ଗାଲାତିୟ 4:16

ଲାଗିଙ୍ଗ୍ ନଙ୍ଗୟ୍ ଆନେଙ୍ଗ୍ ସତ୍ ୱେଚ୍‌ଚିତିଲେ କି, ମି ଶତ୍ରୁ ଆତାଙ୍ଗ୍‌ନା?

ଗାଲାତିୟ 4:19

ଏ ନା ଲାଡ୍‌ନି କାଡ଼୍‌ଦେର୍, ର କଗ୍‌ଲେ ହିମ୍‌ଣା ଜନମ୍ କିନିହିଙ୍ଗ୍ ଇନେସ୍ କଷ୍ଟ ପାୟାଆନାତ୍, ହେଲେକେ ଆନେଙ୍ଗ୍ ମି କାଜିଙ୍ଗ୍ ଆରେରଗ କଷ୍ଟ ପାୟାଆନାଙ୍ଗା। ଏପେଙ୍ଗ୍ ପୁରାପୁରି ଖ୍ରୀଷ୍ଟ ଲେକେ ଆୱି ପାତେକ୍, ଆନେଙ୍ଗ୍ ହେ କଷ୍ଟ ପାୟାଆଜି ମାନ୍‌ଙ୍ଗାନାଙ୍ଗ୍।

ଗାଲାତିୟ 5:22

ମାତର୍ ପବିତ୍ର ଆତ୍ମା ମାଙ୍ଗେଙ୍ଗ୍ ସାଇଜ କିତ୍‌ତିସ୍, ଇଲେକେ ଗୁଣ୍: ଲାଡ୍ କିନାକା, ୱାରି କିନାକା, ଶାନ୍ତିତାଙ୍ଗ୍ ମାନାକା, ବେସି କଷ୍ଟତିଙ୍ଗ୍ ସମ୍ୱାଲି କିନାକା, ଦୟା କିନାକା।

ଗାଲାତିୟ 6:4

ମାତର୍ ୱିଜାକାର୍ ଜାର୍-ଜାର୍ କାମାୟ୍‌ତିଙ୍ଗ୍ ପରିକ୍ଷା କିୟେର୍। ଯଦି ହେୱାନ୍ ହାର୍ଦି କାମାୟ୍ କିଜି ମାନ୍‌ଙ୍ଗାନାନ୍, ଲାଗିଙ୍ଗ୍ ହେୱାନ୍ ଜାର୍ କାମାୟ୍‌ତିଙ୍ଗ୍ ୱାରି ଆନାନ୍, ମି କାମାୟ୍ ଜେକ ଇନେର୍ ହୁଦାଙ୍ଗ୍ ପା ହାମାନ୍ କିମାଟ୍।

କଲସିୟ 4:13

ହେୱାନ୍ ମି କାଜିଙ୍ଗ୍ ଆରେ, ଲାଅଦିକୀଆ ଆରେ ହିଏରାପଲି ସହର୍‌ନି ମାନାୟାର୍ କାଜିଙ୍ଗ୍ ମାନ୍‌ଦିୟାନ୍ କିଜି ପାର୍ତାନା କିନାନା। ଆନେଙ୍ଗ୍ ହେବେନି ସାକି।

୧ ଥେସଲନୀକିୟ 2:8

ଆପେଙ୍ଗ୍ ମିଙ୍ଗେଙ୍ଗ୍ ଲାଡ୍ କିଦ୍‌ନାପା। ଲାଗିଙ୍ଗ୍ ଈଶ୍ୱରତି ହାର୍ଦିକାବୁର୍ ଜାଣି ୱେଚ୍‌ଚାୱାତାପ୍‌ନା, ମାତର୍ ଜାର୍ ଜିବୁନ୍ ପା ହିଦେଙ୍ଗ୍ ଇଚା କିନାପା।

୧ ଥେସଲନୀକିୟ 5:13

ଆରେ ହେୱାର୍ କିତି କାମାୟ୍ କାଜିଙ୍ଗ୍ ଏପେଙ୍ଗ୍ ହେୱାରିଙ୍ଗ୍ ସନ୍‌ମାନ୍ କିୟାଟ୍, ଆରେ ବେସି ଲାଡ୍‌କିଜି ଜାର୍-ଜାର୍‌ବିତ୍ରେ ଶାନ୍ତିତାକେ ମାନାଟ୍।