ଗାଲାତିୟ 4:14 - New Testament in Pengo Parja Language

¹⁴ ନା ଗାଗାଡ଼୍ ହାର୍ ହିଲିତିସ୍ ପା, ଏପେଙ୍ଗ୍ ନାଙ୍ଗେଙ୍ଗ୍ ଇନସ୍ତା କିଦ୍‌ୱାତାଦେର୍ କି ଗିଣ୍ କିଦ୍‌ୱାତାଦେର୍। ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ରକାନ୍ ଈଶ୍ୱର ଦୁତ୍ ଲେକେ ଜାତୁନ୍ କିତ୍‌ତାଦେର୍, ଆରେ ଯୀଶୁ ଖ୍ରୀଷ୍ଟଙ୍ଗ୍ ଆସ୍ତି ଲେକେ ନାଙ୍ଗେଙ୍ଗ୍ ଆସ୍ତାତାଦେର୍।

ସତ୍‌ ବଚନ୍‌ ପୁନି ନିୟମ୍‌

¹⁴ ମାତର୍‌ ନା ଗାଗାଡ଼୍‌ନି ଅବସ୍ତା ମି ପାକ୍ୟାତ ରିସା ଆତିସ୍‌ପା, ଏପେଙ୍ଗ୍‌ ନାଙ୍ଗ୍‌ ଗ୍ଡାଇଦାୱାତାଦେର୍ କି ଗିଣ୍‌ କିୱାତାଦେର୍‌, ଇଚିସ୍‌ ଇସ୍ୱର୍‌ ନାଙ୍ଗ୍‌ ର ସାର୍ଗେ ଦୁତ୍‌ ଲାକେ ଇଟ୍ୟାଜ଼ି ମାନ୍‌ଚାନ୍‌ । କ୍ରିସ୍ଟ ଜିସୁତି ଏପେଙ୍ଗ୍‌ ଇନେସ୍‌ ମାନି କିତାଦେର୍‌ମା ହେ ଲାକେ ନାଙ୍ଗେଙ୍ଗ୍‌ ପା ମାନି କିଜ଼ି ମାନ୍‌ଚାଦେର୍‌ ।

ଗାଲାତିୟ 4:14 Iomraidhean Croise

ମାତିଉ 10:40

ଯୀଶୁ ଆରେରଗ ୱେଚ୍‌ଚାନ୍, “ଇନେର୍ ମିଙ୍ଗେଙ୍ଗ୍ ଆସ୍ତାନାର୍, ହେୱାର୍ ନାଙ୍ଗେଙ୍ଗ୍ ଆସ୍ତାନାର୍। ଆରେ ଇନେର୍ ନାଙ୍ଗେଙ୍ଗ୍ ଆସ୍ତାନାର୍‌, ହେୱାନ୍ ନାଙ୍ଗେଙ୍ଗ୍ ପକ୍ତିତି ଆବାଙ୍ଗ୍ ଆହ୍‌ନାର୍‌।

ମାତିଉ 18:5

ଇମ୍‌ଣାକାନ୍ ନା ତର୍‍ଦାଙ୍ଗ୍ ଇଲେକେ ର ହିରୁ ହିମ୍‌ଣାତିଙ୍ଗ୍ ଆହ୍‌ନାନ୍ ହେୱାନ୍ ନାଙ୍ଗେଙ୍ଗ୍ ଆସ୍ତାନାନ୍।

ମାତିଉ 25:40

ଏଚେପାଦ୍ନା ଆନେଙ୍ଗ୍ ରାଜା ୱେଚ୍‌ଚାନାଙ୍ଗ୍, ‘ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା। ଏପେଙ୍ଗ୍ ନାବେ ପାର୍ତିକିନି ଟଣ୍ଡାର୍ ବିତ୍ରେତାଙ୍ଗ୍ ରକାନିଙ୍ଗ୍ ଇନାକା କିତାଦେର୍‌ନା। ହେଦାଙ୍ଗ୍ ଏପେଙ୍ଗ୍ ନା କାଜିଙ୍ଗ୍ କିତାଦେର୍‌ନା।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:16

“ଏଚେପାଦ୍ନା ଇମ୍‌ଣାକାନ୍ ମି କାତାତିଙ୍ଗ୍ ୱେନାନ୍, ହେୱାନ୍ ହାତ୍‌ପା ନା କାତାତିଙ୍ଗ୍ ପା ୱେନାନ୍। ହେପାଦ୍ନା ରକାନ୍ ମିଙ୍ଗେଙ୍ଗ୍ ଆସ୍ତେଙ୍ଗ୍ ମୁନା କିଦ୍‌ନାନ୍, ହେୱାନ୍ ନାଙ୍ଗେଙ୍ଗ୍ ପା ଆସ୍ତେଦେଙ୍ଗ୍ ମୁନା କିନାନ୍। ଆରେ ଏଚେପାଦ୍ନା ନାଙ୍ଗେଙ୍ଗ୍ ମୁନା କିଦ୍‌ନାନ୍, ହେୱାନ୍ ହାତ୍‌ପା ନାଙ୍ଗେଙ୍ଗ୍ ପକ୍ତିତି ଈଶ୍ୱରତିଙ୍ଗ୍ ଆସ୍ତେଙ୍ଗ୍ ମୁନା କିନାନ୍।”

ଜହନ୍‌ 13:20

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଆନେଙ୍ଗ୍ ପକ୍ତାତାକାନିଙ୍ଗ୍ ଇନେର୍ ଆହ୍‌ନାନ୍, ହେୱାନ୍ ନାଙ୍ଗେଙ୍ଗ୍ ଆସ୍ତାନାନ୍। ନାଙ୍ଗେଙ୍ଗ୍ ଇମ୍‌ଣାକାନ୍ ଆସ୍ତାନାନ୍, ହେୱାନ୍ ନାଙ୍ଗେଙ୍ଗ୍ ପକ୍ତିତି ଆବାଙ୍ଗ୍ ପା ଆହ୍‌ନାନ୍।”

୧ କରନ୍ତିୟ 1:28

ଇ ପୁର୍ତିନି ମାନାୟାର୍ ଇମ୍‌ଣାକାଦିଙ୍ଗ୍ ମୁକ୍ଯ ଇଞ୍ଜି ବାବିକିନାରା, ହେଦାଙ୍ଗ୍ ବେକାର୍ ଇଞ୍ଜି ପୁନିକିଦେଙ୍ଗ୍ ଈଶ୍ୱର ପୁର୍ତିନି ଇମ୍‌ଣି ମାନାୟାରିଙ୍ଗ୍ ଇନସ୍ତା କିନାରା, ହେୱାରିଙ୍ଗ୍ କିଜ୍ରାଇ କିନାରା ଆରେ ବେକାର୍ ଇଞ୍ଜି ୱେଚ୍‌ନାରା ହେୱାରିଙ୍ଗ୍ ବାଚି କିତାନ୍‌ନା।

୧ କରନ୍ତିୟ 4:10

ମାନାୟାର୍ ମାଙ୍ଗେଙ୍ଗ୍ ବକୁୱା ଇଞ୍ଜି ବାବିକିନାରା, ଇନେସ୍‌କି ଆପେଙ୍ଗ୍ ଖ୍ରୀଷ୍ଟ ବିଷୟରେ ଶୁଣାୟ୍ କିନାପା, ମାତର୍ ଏପେଙ୍ଗ୍ ବୁଲ୍‌ରେ ବୁଦି ମାନି ଖ୍ରିଷ୍ଟାନ୍ ଇଞ୍ଜି ବାବିକିନାଦେରା। ବେସିହେନି ମାନାୟାର୍ ମାଙ୍ଗେଙ୍ଗ୍ ଅଦିକାର୍ ପାୟା ଆୱାତାକାର୍ ଇଞ୍ଜି ବାବିକିନାରା, ମାତର୍ ଏପେଙ୍ଗ୍ ଈଶ୍ୱରତାଙ୍ଗ୍ ଶାକ୍ତି ପାୟାଆତାପ୍‌ନା ଇଞ୍ଜି ବାଟ୍‌ପାଣ୍ ଆନାଦେରା। ମାନାୟାର୍ ମାଙ୍ଗେଙ୍ଗ୍ ସନ୍‌ମାନ୍ ହିଦୁରା, ମାତର୍ ହେୱାର୍ ମିଙ୍ଗେଙ୍ଗ୍ ସନ୍‌ମାନ୍ ହିଦ୍‌ନାରା।

୨ କରନ୍ତିୟ 5:20

ଆସେଙ୍ଗ୍ ଖ୍ରୀଷ୍ଟ ବାଦୁଲ୍‌ତ ହାର୍ଦିକାବୁର୍ ଶୁଣାୟ୍ କିନି ମାନାୟ୍ ଆତାସ୍‌ନା, ଆରେ ଈଶ୍ୱର ମିହୁଦାଙ୍ଗ୍ ବେଣ୍‌କିଦେଙ୍ଗ୍ ମାଙ୍ଗେଙ୍ଗ୍ ବ୍ୟବହାର୍ କିଦ୍‌ନାନା। ଖ୍ରୀଷ୍ଟ ଇବେ ମାନ୍‌ଞ୍ଜି ଗୁୱାରି କିତିଲେକେ ଆପେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାପା, “ଏପେଙ୍ଗ୍ ଈଶ୍ୱର ହୁଦାଙ୍ଗ୍ ଆରେରଗ ମାହାଆଡ।”

ଗାଲାତିୟ 3:26

ଲାଗିଙ୍ଗ୍ ଯୀଶୁ ଖ୍ରୀଷ୍ଟତାକେ ପାର୍ତିକିତି କାଜିଙ୍ଗ୍ ଆସେଙ୍ଗ୍ ଈଶ୍ୱର ହିମ୍‌ଣା ଆତାସ୍‌ନା।

ଗାଲାତିୟ 3:28

ଲାଗିଙ୍ଗ୍ ଯିହୁଦି ଜାତି କି ବିନ୍‌ଜାତି, ଦାସ୍ କି ଦାସ୍ ଆୱିତି ମାନାୟ୍, ଆଣ୍ଡ୍ରା କି କଗ୍‌ଲେ ବିତ୍ରେ ଇନାକା ପା ଜେକ ଆକାୟ୍। ଇନେସ୍‌କି ଏପେଙ୍ଗ୍ ଯୀଶୁ ଖ୍ରୀଷ୍ଟତାକେ ରବେ ଆତାଦେର୍‌ନା।

ଗାଲାତିୟ 4:13

ଏପେଙ୍ଗ୍ ମାନ୍ତ ବାବିକିଜି ମାନ୍‌ଙ୍ଗାନାଦେର୍, ଏଚେପାଦ୍ନା ଆନେଙ୍ଗ୍ ପାର୍ତୁମ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ୱାଜି ମାଚାଙ୍ଗ୍, ହେପାଦ୍ନା ନା ଗାଗାଡ଼୍ ହାର୍ ହିଲାତାତ୍।

ଗାଲାତିୟ 4:15

ହେପାଦ୍ନା ଏପେଙ୍ଗ୍ ବେସି ୱାରିତାଙ୍ଗ୍ ମାଚାଦେର୍, ଲାଗିଙ୍ଗ୍ ମି ହେ ୱାରି ଇମେତ୍‌? ହାତ୍‌ପା ଆନେଙ୍ଗ୍ ମି ବିଷୟରେ ୱେଚ୍‌ଚାନାଙ୍ଗା ଯେ, ଯଦି ଆଡ଼୍‌ତିସ୍ ଏପେଙ୍ଗ୍ ଜାର୍-ଜାର୍ କାଣ୍‌କୁ ଉନ୍ଦ୍‌ଦି ନାଙ୍ଗେଙ୍ଗ୍ ହିତ୍‌ତାଦେର୍‌ମା।

୧ ଥେସଲନୀକିୟ 2:13

ଆରେ ହେଦାଙ୍ଗ୍ ଆପେଙ୍ଗ୍ ୱିଜୁଦିନ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାପା ଯେ, ଏଚେପାଦ୍ନା ଏପେଙ୍ଗ୍ ମା ହାର୍ଦିକାବୁର୍‌ତିଙ୍ଗ୍ ଆସ୍ତାଦେର୍। ହେପାଦ୍ନା ଏପେଙ୍ଗ୍ ମାନାୟାର୍ ୱେଚ୍‌ଚି କାତାତିଙ୍ଗ୍ ଆସ୍ତିଲେକେ ଆହ୍‌ୱାତାଦେର୍‌ନା। ମାତର୍ ଆପେଙ୍ଗ୍ ୱେଚ୍‌ଚି ହାର୍ଦିକାବୁର୍‌ତିଙ୍ଗ୍ ଈଶ୍ୱର ନିଜେ ୱେଚ୍‌ଚାନ୍ ଇଞ୍ଜି ଆସ୍ତାଦେର୍ ଆରେ ହେଦାଙ୍ଗ୍ ସତ୍। ଏପେଙ୍ଗ୍ ଯୀଶୁଙ୍ଗ୍ ପାର୍ତି କିତାଦେର୍, ଆରେ ଈଶ୍ୱର ହିତ୍‌ତି ହାର୍ଦିକାବୁର୍ ମି ବିତ୍ରେ କାମାୟ୍ କିନାତା।

୧ ଥେସଲନୀକିୟ 4:8

ଲାଗିଙ୍ଗ୍ ଇମ୍‌ଣି ମାନାୟ୍, ଇ ହିକ୍ଷାତିଙ୍ଗ୍ ଆହୁନ୍, ହେୱାନ୍ ମାନାୟାର୍ ହିକ୍ଷାତିଙ୍ଗ୍ ଆହ୍‌ନାନା, ଲାଗିଙ୍ଗ୍ ହେୱାନ୍ ପବିତ୍ର ଆତ୍ମା ହିଦ୍‌ନି ଈଶ୍ୱରତିଙ୍ଗ୍ ଆହୁନ୍।

ଏବ୍ରି 13:2

ଏପେଙ୍ଗ୍ ପୁନ୍‌ୱିତି ପାର୍ତିକିନି ମାନାୟାରିଙ୍ଗ୍ ଗତାଙ୍ଗ୍‌ଲେକେ ବ୍ଯବହାର୍ କିନାକା ବାଣା ଆମାଟ୍। ଇନେସ୍‌କି ଇଦାଙ୍ଗ୍ ଗତାଙ୍ଗ୍‌ଲେକେ ବ୍ୟବହାର୍ କିତି କାଜିଙ୍ଗ୍ କେତେକ୍ ମାନାୟ୍ ସରଗ୍ ଦୁତ୍‌କୁକାଙ୍ଗ୍ ପା ପୁନ୍‌ୱାଦାଙ୍ଗ୍ ଗତାଙ୍ଗ୍‌ଲେକେ ବ୍ୟବହାର୍ କିଦେଙ୍ଗ୍ ଆଡ଼୍‌ତାର୍‌ନା।