ଗାଲାତିୟ 4:12 - New Testament in Pengo Parja Language

¹² ଏ ପାର୍ତିକିନି ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାଙ୍ଗା, ନା ଲେକେ ଏପେଙ୍ଗ୍ ପା ନିୟମ୍ ସାସ୍ତର୍‌ତାଙ୍ଗ୍ ସ୍ୱାଦିନ୍ ଆଡ। ଇନେସ୍‌କି ଆନେଙ୍ଗ୍ ମି ଲେକେ ବିନ୍‌ଜାତି ଆତାଙ୍ଗ୍‌ନା। ଏଚେପାଦ୍ନା ଆନେଙ୍ଗ୍ ପାର୍ତୁମ୍ ମି ଲାଗାୟ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ୱାଜି ମାଚାଙ୍ଗ୍, ଏପେଙ୍ଗ୍ ବେସି ହାର୍‌ଦାଙ୍ଗ୍ ନାଙ୍ଗେଙ୍ଗ୍ ଜାତୁନ୍ ଅତ୍‌ତାଦେର୍।

ସତ୍‌ ବଚନ୍‌ ପୁନି ନିୟମ୍‌

¹² ଏ ଟଣ୍ଡାର୍‌, ଆରି ତଣ୍‌ଦେକ୍‌ ମିଙ୍ଗେଙ୍ଗ୍‌ ଗୱାରି କିଦ୍‌ନାଙ୍ଗା, ଏପେଙ୍ଗ୍‌ ନା ଲାକେ ଆଡ । ଆନ୍‌ ମି ଲାକେ ଆତାଙ୍ଗ୍‌ନା ଆରି ଏପେଙ୍ଗ୍‌ ନା କାଜିଂ ଇମ୍‌ଣାକା ପା ଅନ୍ୟାୟ୍‌ କିୱାତାଦେର୍ଣ୍ଣା ।

ଗାଲାତିୟ 4:12 Iomraidhean Croise

ପକ୍ୟାତାକା 21:21

ବିନ୍‌ଜାତିନି ମାନାୟାର୍ ବିତ୍ରେ ମାନି ଯିହୁଦିର୍ ତା ହିମ୍‌ଣା ୱାକ୍‌ଡ଼ାକାଙ୍ଗ୍ ସୁନତ ବିଦି କିୱେଦେଙ୍ଗ୍ ଆରେ ଜେକନି ବିଦିତିଙ୍ଗ୍, ଆରେ ମୋଶା ଲେକିକିତି ନିୟମ୍‌ ସାସ୍ତର୍‌ତିଙ୍ଗ୍ ମାନି କିୱେଦେଙ୍ଗ୍ ହିକ୍ଷା ହିତି ବିଷୟରେ ଇ ଯିହୁଦି ଖ୍ରୀଷ୍ଟାନାର୍ ୱେଚାର୍‌ନା।

୨ କରନ୍ତିୟ 2:5

ଯଦି ଇମ୍‌ଣାକାନ୍ ପାପ୍ କାମାୟ୍ କିଜି ଦୁଃକ୍ ହିତ୍‌ତାନ୍‌ନା, ହେୱାନ୍ ନାଙ୍ଗେଙ୍ଗ୍ ଦୁଃକ୍ ହିତ୍‌ତାନ୍‌ନା, ମାତର୍ ନାବେତାଙ୍ଗ୍ ଆଦିକ୍ ମିଙ୍ଗେଙ୍ଗ୍ ଦୁଃକ୍ ହିତ୍‌ତାନ୍‌ନା, ଆରେ ଆନେଙ୍ଗ୍ ତା ପାପ୍ କାମାୟ୍‌ତିଙ୍ଗ୍ ଆଦିକ୍ କିଜି ୱେଚ୍‌ଚେଙ୍ଗ୍ ଇଚା କିଉଙ୍ଗା।

୨ କରନ୍ତିୟ 6:11

ଏ ଲାଡ୍‌ନି କରନ୍ତିୟ ସହର୍‌ନି ପାର୍ତିକିନି ଟଣ୍ଡାର୍‌କାଦେର୍, ଆପେଙ୍ଗ୍ ମିଙ୍ଗେଙ୍ଗ୍ ଦରମ୍‌ଆଜି ୱେଚ୍‌ଚି ମାନ୍‌ଞ୍ଚାପ୍, ଇନେସ୍‌କି ମିଙ୍ଗେଙ୍ଗ୍ ମା ଗରବ୍‌ତାଙ୍ଗ୍ ଲାଡ୍ କିଦ୍‌ନାପା।

୨ କରନ୍ତିୟ 6:13

ଏପେଙ୍ଗ୍ ନା ଜାର୍ ମାଜିର୍‌ଲେକେ, ଲାଗିଙ୍ଗ୍ ଆନେଙ୍ଗ୍ ୱେଚ୍‌ଚାନାଙ୍ଗା ଏପେଙ୍ଗ୍ ନାଙ୍ଗେଙ୍ଗ୍ ମି ଗରବ୍‌ତାଙ୍ଗ୍ ଲାଡ୍ କିଦାଟ୍।

ଗାଲାତିୟ 2:14

ଏଚେପାଦ୍ନା ଆନେଙ୍ଗ୍ ହେୱାରିଙ୍ଗ୍ ସତ୍ ହାର୍ଦିକାବୁର୍ ବିରଦ୍‌ରେ ବ୍ୟବହାର୍ କିନାକା ହୁଡ଼୍‌ତାଙ୍ଗ୍। ୱିଜାକାର୍ ମୁମ୍‌ଦ ପିତର ଇନେରିଙ୍ଗ୍ କେପା ଇଞ୍ଜି ଇନାର୍ ହେୱାନିଙ୍ଗ୍ ୱେଚ୍‌ଚାଙ୍ଗ୍, “ଏନେଙ୍ଗ୍ ନିଜେ ଯିହୁଦି ଆଜି ଯିହୁଦିର୍ ନିୟମ୍‌ତିଙ୍ଗ୍ ମାନି କିଉୟା, ଆରେ ବିନ୍‌ଜାତିର୍ ଲେକେ ବ୍ୟବହାର୍ କିନାୟା। ଲାଗିଙ୍ଗ୍ ଏନେଙ୍ଗ୍ ଇନାକିଦେଙ୍ଗ୍ ଇ ବିନ୍‌ଜାତିନି ମାନାୟାରିଙ୍ଗ୍ ଯିହୁଦିର୍ ନିତି ନିୟମ୍‌ତିଙ୍ଗ୍ ମାନି କିଦେଙ୍ଗ୍ ବାଦ୍ୟ କିନାୟା?”

ଗାଲାତିୟ 4:11

ଲାଗିଙ୍ଗ୍ ମି କାଜିଙ୍ଗ୍ ଆନେଙ୍ଗ୍ ଇମ୍‌ଣି କାମାୟ୍ କିତାଙ୍ଗ୍‌ନା, ହେଦାଙ୍ଗ୍ ବେକାରେ ଆନାତ୍ ଇଞ୍ଜି ବାବିକିଜି ଆନେଙ୍ଗ୍ ପାଣ୍ଡ୍ରାଆନାଙ୍ଗା।

ଗାଲାତିୟ 4:13

ଏପେଙ୍ଗ୍ ମାନ୍ତ ବାବିକିଜି ମାନ୍‌ଙ୍ଗାନାଦେର୍, ଏଚେପାଦ୍ନା ଆନେଙ୍ଗ୍ ପାର୍ତୁମ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ୱାଜି ମାଚାଙ୍ଗ୍, ହେପାଦ୍ନା ନା ଗାଗାଡ଼୍ ହାର୍ ହିଲାତାତ୍।

ଗାଲାତିୟ 6:14

ମା ମାପୃ ଯୀଶୁ ଖ୍ରୀଷ୍ଟନି କୃଶକାଟ୍‌ତିଙ୍ଗ୍ ପିସ୍ତି, ଆନେଙ୍ଗ୍ ଆରେ ଇନାକାତାକେ ପା ଗର୍ବ କିଉଙ୍ଗ୍। ଇନେସ୍‌କି ଖ୍ରୀଷ୍ଟ କାଜିଙ୍ଗ୍, ଇ ଜଗତ୍‌ତାକେ ମାନି ନା ଇଚା କୃଶକାଟ୍‌ତାକେ ହାଃତାତ୍‌ନା, ଆରେ ନାବେ ମାନି ପୁର୍ତିନି ଇଚା ପା ହାଃତାତ୍‌ନା।

ଗାଲାତିୟ 6:18

ଏ ପାର୍ତିକିନି ଟଣ୍ଡାର୍‌କାଦେର୍, ମା ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଦୟା କିଦେନ୍। ଆମେନ୍।