ଗାଲାତିୟ 4:11 - New Testament in Pengo Parja Language

¹¹ ଲାଗିଙ୍ଗ୍ ମି କାଜିଙ୍ଗ୍ ଆନେଙ୍ଗ୍ ଇମ୍‌ଣି କାମାୟ୍ କିତାଙ୍ଗ୍‌ନା, ହେଦାଙ୍ଗ୍ ବେକାରେ ଆନାତ୍ ଇଞ୍ଜି ବାବିକିଜି ଆନେଙ୍ଗ୍ ପାଣ୍ଡ୍ରାଆନାଙ୍ଗା।

ସତ୍‌ ବଚନ୍‌ ପୁନି ନିୟମ୍‌

¹¹ ମି କାଜିଂ ଆନ୍‌ ଇମ୍‌ଣି କସ୍ଟ କିନାଙ୍ଗା, ଏଚେକାଡ଼୍‌ଦ ହେଦାଂ ପଲ୍ୟା ଆନାତ୍‌, ମି ବିସ୍ରେ ନାଦାଂ ଇ ପାଣ୍ଡ୍ରୁ ।

ଗାଲାତିୟ 4:11 Iomraidhean Croise

ପକ୍ୟାତାକା 16:6

ପବିତ୍ର ଆତ୍ମା ପାଉଲ ଆରେ ତା ହାଙ୍ଗ୍‌ଦାକାରିଙ୍ଗ୍ ଏସିଆ ଜିଲ୍ଲାତାକେ ଈଶ୍ୱର କାତା ଶୁଣାୟ୍ କିଦେଙ୍ଗ୍ ମୁନା କିତାତ୍। ଲାଗିଙ୍ଗ୍ ହେୱାର୍ ଫ୍ରୁଗିଆ ଆରେ ଗାଲାତିୟ ଜିଲ୍ଲା ନିପଣ୍ ଆଜି ହାଚାର୍।

୧ କରନ୍ତିୟ 15:58

ଲାଗିଙ୍ଗ୍, ଏ ଟଣ୍ଡାର୍‌କାଦେର୍, ଏପେଙ୍ଗ୍ ଖ୍ରୀଷ୍ଟଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ପାର୍ତି କିଜି ମାନାଟ୍, ଆରେ ମିଚ୍ ହିକ୍ଷା ଶୁଣାୟ୍ କିନି ମାନାୟାର୍‌ତାଙ୍ଗ୍ ଦେହା ହାଲ୍‌ମାଟ୍। ଇନେସ୍‌କି ତା କାମାୟ୍ କିଦେଙ୍ଗ୍ କଷ୍ଟ କିନାକା ବେକାର୍ ଆଉତ୍, ଇନେସ୍‌କି ଏପେଙ୍ଗ୍ ହାର୍ କିଜି ପୁଚାଦେର୍‌ନା ଯେ, ତା କାଜିଙ୍ଗ୍ କିନି କାମାୟ୍ ମି କାଜିଙ୍ଗ୍ ଲାବ୍ ଆଦ୍‌ନାତ୍।

ଗାଲାତିୟ 2:2

ଈଶ୍ୱର ନାଙ୍ଗେଙ୍ଗ୍ ହାନି କାଜିଙ୍ଗ୍ ୱେଚ୍‌ଚିତିଲେ ଆନେଙ୍ଗ୍ ହେବେ ହାଚାଙ୍ଗ୍। ଆରେ ହେବେ ମାନି ମଣ୍ଡ୍‌ଲିନି ଦେକାଶୁଣା କିନି ନେତାରିଙ୍ଗ୍ ଆନେଙ୍ଗ୍ ଇନେର୍ ପୁଞ୍ଜ୍‌ୱି ଲେକେକିଜି ମାହା ଆତାଙ୍ଗ୍, ଆରେ ବିନ୍‌ଜାତିନି ମାନାୟାର୍ ଲାଗାୟ୍ ଆନେଙ୍ଗ୍ ଶୁଣାୟ୍ କିଜିମାଚି ହାର୍ଦିକାବୁର୍‌ତିଙ୍ଗ୍ ହେୱାରିଙ୍ଗ୍ ବୁଜାଇ କିତାଙ୍ଗ୍। ନା ୱିଜୁ କଷ୍ଟ କିତାକା ଇନେସ୍ ପଲିଆ ଆଉତ୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ହେୱାର୍ ହୁଦାଙ୍ଗ୍ ମାହାଆଜି ରାଜି ଆତାଙ୍ଗ୍।

ଗାଲାତିୟ 4:10

ଏପେଙ୍ଗ୍ ଈଶ୍ୱରତାଙ୍ଗ୍ ସାଇଜ ପାୟାଆନି କାଜିଙ୍ଗ୍ ଉପାୟ୍ କିଜି କେତେକ୍ ଦିନ୍, ମାସ୍, ପର୍ବ ଆରେ ବାର୍ହୁ ମାନି କିନାଦେରା।

ଗାଲାତିୟ 4:12

ଏ ପାର୍ତିକିନି ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାଙ୍ଗା, ନା ଲେକେ ଏପେଙ୍ଗ୍ ପା ନିୟମ୍ ସାସ୍ତର୍‌ତାଙ୍ଗ୍ ସ୍ୱାଦିନ୍ ଆଡ। ଇନେସ୍‌କି ଆନେଙ୍ଗ୍ ମି ଲେକେ ବିନ୍‌ଜାତି ଆତାଙ୍ଗ୍‌ନା। ଏଚେପାଦ୍ନା ଆନେଙ୍ଗ୍ ପାର୍ତୁମ୍ ମି ଲାଗାୟ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ୱାଜି ମାଚାଙ୍ଗ୍, ଏପେଙ୍ଗ୍ ବେସି ହାର୍‌ଦାଙ୍ଗ୍ ନାଙ୍ଗେଙ୍ଗ୍ ଜାତୁନ୍ ଅତ୍‌ତାଦେର୍।

ଗାଲାତିୟ 4:20

ଆନେଙ୍ଗ୍ ଇଚା କିଜି ମାଚାଙ୍ଗ୍ ଯେ ନଙ୍ଗୟ୍ ଆନେଙ୍ଗ୍ ମି ଲାଗାୟ୍ ମାଚିସ୍ ଆତାତ୍‌ମା, ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଶାନ୍ତିଆଜି କାତା ବୁଜାଇ କିଦ୍‌ଦେଙ୍ଗ୍ ଆଡ଼୍‌ତାଙ୍ଗ୍‌ମା। ଇନେସ୍‌କି ଆନେଙ୍ଗ୍ ଦେହା ମାନ୍‌ଞ୍ଜି ଇନେସ୍ ମିଙ୍ଗେଙ୍ଗ୍ ସାଇଜ କିଦେଙ୍ଗ୍ ଆଡ଼୍‌ଦାନାଙ୍ଗ୍ ହେଦାଙ୍ଗ୍ ଆନେଙ୍ଗ୍ ପୁଞ୍ଜେଙ୍ଗ୍ ଆଡୁଙ୍ଗା।

ପିଲିପିୟ 2:16

ଲାଗିଙ୍ଗ୍ ନା ଉପାୟ୍ କି କଷ୍ଟନି କାମାୟ୍ ବେକାରେ ହାଲ୍‌ୱାତାତ୍‌ନା ଇଞ୍ଜି ଆନେଙ୍ଗ୍ ପୁନାଙ୍ଗ୍, ଖ୍ରୀଷ୍ଟ ୱାନିଦିନ୍ ଆନେଙ୍ଗ୍ ବେସି ୱାରି ଆନାଙ୍ଗ୍।

୧ ଥେସଲନୀକିୟ 3:5

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍, ଏପେଙ୍ଗ୍ ଖ୍ରୀଷ୍ଟତାକେ ବେସି ପାର୍ତି କିନାଦେରା କି ଆକାୟ୍ ଇଞ୍ଜି ପୁଞ୍ଜେଙ୍ଗ୍ ତିମତିତିଙ୍ଗ୍ ମିତାକେ ପକ୍ତାତାଙ୍ଗ୍। ଇନେସ୍‌କି ଆନେଙ୍ଗ୍ ପାଣ୍ଡ୍ରାଆଜି ମାଚାଙ୍ଗ୍ ଯେ, ଶୟତାନ୍ ମାନାୟାରିଙ୍ଗ୍ ପରିକ୍ଷା କିନାତା, ହେଦାଙ୍ଗ୍ କାଜିଙ୍ଗ୍ ମିଙ୍ଗେଙ୍ଗ୍ ପରିକ୍ଷା କିଜି ମାଞ୍ଜ୍‌ନାତ୍, ଆରେ ମା କିତି କଷ୍ଟ କାମାୟ୍ ବେକାର୍ ଆନାତ୍।

୨ ଯୋହନ 1:8

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜାଗ୍ରତ୍ ଆଜି ମାନାଟ୍, ଇ ଲେଗ୍‌ଦି ମାନାୟ୍ ମିଙ୍ଗେଙ୍ଗ୍ ଟକାୟ୍ କିଦ୍‌ମେର୍, ଇନେସ୍ ଏପେଙ୍ଗ୍ ଇମ୍‌ଣି ପୁରଷ୍କାର୍ ପାୟା ଆଦେଙ୍ଗ୍ କଷ୍ଟ କିନାଦେରା ହେଦାଙ୍ଗ୍ ପାଙ୍ଗ୍‌ୱା ଆଉତ୍। ମାତର୍ ଏପେଙ୍ଗ୍ ହେ କାମାୟ୍ କାଜିଙ୍ଗ୍ ଆଶ୍ରିବାଦ୍ ପାୟାଆଡ, ଇମ୍‌ଣାକା ଈଶ୍ୱର ହିଦ୍‌ନାଙ୍ଗ୍ ଇଞ୍ଜି ପାର୍ମାଣ୍ କିତାନ୍‌ନା।