ଗାଲାତିୟ 3:29 - New Testament in Pengo Parja Language

²⁹ ଏପେଙ୍ଗ୍ ନଙ୍ଗୟ୍ ଖ୍ରୀଷ୍ଟନି ମାନାୟ୍ କାଦେର୍, ଆରେ ଏପେଙ୍ଗ୍ ହାତ୍‌ପା ଅବ୍ରାହାମନି ମେହି କାଦେର୍। ଈଶ୍ୱର ଅବ୍ରାହାମତିଙ୍ଗ୍ କିଜିମାଚି ପାର୍ମାଣ୍‌ନି ଆଶ୍ରିବାଦ୍‌ତାଙ୍ଗ୍ ଏପେଙ୍ଗ୍ ତା ଅଦିକାର୍ ଆତାଦେର୍।

ସତ୍‌ ବଚନ୍‌ ପୁନି ନିୟମ୍‌

²⁹ ଆରେ ଜଦି ଏପେଙ୍ଗ୍‌ କ୍ରିସ୍ଟତି ମାନାୟାର୍‌ ଲାଗିଂ ଅବ୍ରାହାମ୍‌ତି ଲାତ୍ରା ଆରି ଇସ୍ୱର୍‌ ଇନାକା ପାର୍ମାଣ୍‌ କିତାନ୍‌ନା, ହେଦାଂ ଲାବ୍‌ କିନାଦେର୍‌ ।

ଗାଲାତିୟ 3:29 Iomraidhean Croise

ମାତିଉ 3:9

ଈଶ୍ୱର ମାଙ୍ଗେଙ୍ଗ୍ ଦଣ୍ଡ୍ ହିଦୁନ୍ ଆପେଙ୍ଗ୍ ଅବ୍ରାହାମ୍‌ ମେହି ଇଞ୍ଜି, ଏଲେଙ୍ଗ୍ ଏପେଙ୍ଗ୍ ମାନ୍ତ ବାବିକିମାଟ୍। ଇନେସ୍‌କି ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଈଶ୍ୱର ଅବ୍ରାହାମ୍‌ କାଜିଙ୍ଗ୍ ଇ କାଲ୍‌କୁକାଙ୍ଗ୍ ପା ତା ହିମ୍‌ଣାୱାକ୍‌ଡ଼ା ଉବ୍‌ଜାଇ କିଦେଙ୍ଗ୍ ଆଡ୍‌ନାନ୍।

ରୋମିୟ 8:17

ଆରେ ଯଦି ଆପେଙ୍ଗ୍ ଈଶ୍ୱର ମେହିକାପ୍ ଆତାପ୍‌ନା, ଲାଗିଙ୍ଗ୍ ତା ମେହି ଖ୍ରୀଷ୍ଟଙ୍ଗ୍ ହିନି ଦନ୍ ସମ୍ପତି ପା ମାଦାଙ୍ଗ୍ ଆନାତ୍। ମାତର୍ ଯଦି ଆସେଙ୍ଗ୍ ତା ଗୌରବ ପାୟାଆନାସ୍‌, ଲାଗିଙ୍ଗ୍ ହେୱାନ୍ ଦୁଃକ୍ କଷ୍ଟ ପାୟା ଆତିଲେକେ ଆସେଙ୍ଗ୍ ପା ପାୟା ଆଦେଙ୍ଗ୍ ଆନାତ୍।

୧ କରନ୍ତିୟ 15:23

ମାତର୍ ୱିଜୁ ମାନାୟାର୍ ଟିକ୍ ସମୟରେ ଆରେରଗ ଜିବୁନ୍ ଆନାର୍। ଈଶ୍ୱର ମାଙ୍ଗେଙ୍ଗ୍ ପୁନି କିଦ୍‌ନି କାଜିଙ୍ଗ୍ ଖ୍ରୀଷ୍ଟଙ୍ଗ୍ ଆରେରଗ ପାର୍ତୁମ୍ ଜିବୁନ୍ କିତାନ୍। ଲାଗିଙ୍ଗ୍ ଏଚେପାଦ୍ନା ଖ୍ରୀଷ୍ଟ ଆରେରଗ ୱାନାନ୍ ତା ମାନାୟାରିଙ୍ଗ୍ ଆରେରଗ ଜିବୁନ୍ କିନାନ୍।

୨ କରନ୍ତିୟ 10:7

ଏପେଙ୍ଗ୍ ଲକାର୍ ମୁମ୍ ହୁଡ଼୍‌ଜି ବିଚାର୍ କିନାଦେରା। ଯଦି ଇମ୍‌ଣି ମାନାୟ୍ ଖ୍ରୀଷ୍ଟ ଲକ୍ ଆତାଙ୍ଗ୍‌ନା ଇଞ୍ଜି ପୁରାପୁରି ପାର୍ତି କିନାନା, ଲାଗିଙ୍ଗ୍ ଆପେଙ୍ଗ୍ ଖ୍ରୀଷ୍ଟର୍ ଲକ୍ ଇଞ୍ଜି ହେୱାର୍ ପା ମାନିକିନି ଦର୍‌କାର୍, ଇନେସ୍ ହେୱାର୍ ଖ୍ରୀଷ୍ଟର୍ ଲକ୍ ଆତାପ୍‌ନା ଇଞ୍ଜି ବାଟ୍‌ପାଣ୍ ଆନାରା।

ଗାଲାତିୟ 3:16

ଈଶ୍ୱର ଅବ୍ରାହାମ ଆରେ ତା ହିମ୍‌ଣାତିଙ୍ଗ୍ ପାର୍ମାଣ୍ କିଜି ମାଚାନ୍। ଆରେ “ତା ହିମ୍‌ଣା” ଇଦାଙ୍ଗ୍‌ନି ଅର୍ତ ବେସି ହିମ୍‌ଣାକାଙ୍ଗ୍ ଚଚ୍‌ଚି ସାସ୍ତର୍‌ତାକେ ଲେକାଆୱାତାତ୍‌ନା, ମାତର୍ ରକାନ୍ ହିମ୍‌ଣାତିଙ୍ଗ୍ ଚଚ୍‌ଚି ୱେଚ୍‌ଚାନ୍‌ନା ହେୱାନ୍ ଆନାନା ଯୀଶୁ ଖ୍ରୀଷ୍ଟ।

ଗାଲାତିୟ 3:18

ମୋଶା ଲେକିକିତି ନିୟମ୍ ସାସ୍ତର୍ ମାନିକିତି କାଜିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଦୟା କିଦୁନ୍, ମାତର୍ ହେୱାନ୍ ପାର୍ମାଣ୍ କିଜି ମାନ୍‌ଞ୍ଚି କାଜିଙ୍ଗ୍ ମାଙ୍ଗେଙ୍ଗ୍ ଦୟା କିଦ୍‌ନାନ୍। ହେଲେକେ ଈଶ୍ୱର ଅବ୍ରାହାମ ହୁଦାଙ୍ଗ୍ ପାର୍ମାଣ୍‌କିତି କାଜିଙ୍ଗ୍ ହେୱାନିଙ୍ଗ୍ ଏଚେକ୍ ଇଚା ହେଏଚେକ୍ ଦାନ୍ ହିତାନ୍।

ଗାଲାତିୟ 3:28

ଲାଗିଙ୍ଗ୍ ଯିହୁଦି ଜାତି କି ବିନ୍‌ଜାତି, ଦାସ୍ କି ଦାସ୍ ଆୱିତି ମାନାୟ୍, ଆଣ୍ଡ୍ରା କି କଗ୍‌ଲେ ବିତ୍ରେ ଇନାକା ପା ଜେକ ଆକାୟ୍। ଇନେସ୍‌କି ଏପେଙ୍ଗ୍ ଯୀଶୁ ଖ୍ରୀଷ୍ଟତାକେ ରବେ ଆତାଦେର୍‌ନା।

ଗାଲାତିୟ 3:7

ଲାଗିଙ୍ଗ୍ ଏପେଙ୍ଗ୍ ପୁନି ଦର୍‌କାର୍ ଯେ, ଇମ୍‌ଣାକାର୍ ଅବ୍ରାହାମ ଲେକେ ଈଶ୍ୱରତିଙ୍ଗ୍ ପାର୍ତିକିନାର୍, ହାତ୍‌ପା ହେୱାର୍ ଅବ୍ରାହାମନି ମେହି।

ଗାଲାତିୟ 4:1

ଇଦାଙ୍ଗ୍‌ତିଙ୍ଗ୍ ଆନେଙ୍ଗ୍ ହାର୍‌ଦାଙ୍ଗ୍ ବୁଜାଇକିଜି ୱେଚ୍‌ଚାନାଙ୍ଗ୍, ହିମ୍‌ଣା ଲାତ୍ରାହି ସମ୍ଫତିନି ଆଦିକାରି ଆନାନ୍। ମାତର୍ ଏଚେଦିନ୍ ପାତେକ୍ ହେୱାନ୍ ହିରୁ ହିମ୍‌ଣା ଆଜି ମାନ୍‌ଙ୍ଗାନାନ୍, ହେଦିନ୍‌ ପାତେକ୍ ହେୱାନ୍ ୱିଜୁ ବିଷୟନି ମାଲିକ୍ ଆତିସ୍‌ପା, ହେୱାନ୍ ଦାସ୍‌ତାଙ୍ଗ୍ ଜେକ ଆକାୟ୍।

ଗାଲାତିୟ 4:7

ଲାଗିଙ୍ଗ୍ ଏପେଙ୍ଗ୍ ଆରେ ନିୟମ୍ ସାସ୍ତର୍‌ନି ଦାସ୍ ଆକାୟ୍, ମାତର୍ ଈଶ୍ୱରନି ଜାର୍ ହିମ୍‌ଣା କାଦେର୍। ଆରେ ଏପେଙ୍ଗ୍ ଈଶ୍ୱର ମେହି ଆତି କାଜିଙ୍ଗ୍, ଈଶ୍ୱର ତା ହିମ୍‌ଣାରିଙ୍ଗ୍ ହିନି ଆଦିକାର୍ ମିଙ୍ଗେଙ୍ଗ୍ ହିତ୍‌ତାନ୍‌ନା।

ଗାଲାତିୟ 5:24

ଇମ୍‌ଣାକାର୍ ଯୀଶୁ ଖ୍ରୀଷ୍ଟନି ମାନାୟ୍, ହେୱାର୍ ତା ଗାଗାଡ଼୍‌ନି ଇଚା ଆରେ କରାପ୍ ଚିନ୍ତାତିଙ୍ଗ୍ ତା କୃଶକାଟ୍‌ତାକେ ଅସ୍ତାର୍‌ନା।

ଗାଲାତିୟ 6:16

ଆରେ ଏଚେଜାଣ୍ ଇ ନିୟମ୍ ଅନ୍‌ସାରେ ବ୍ଯବହାର୍ କିନାର୍, ଈଶ୍ୱର ସତ୍ ଇସ୍ରାଏଲ ମାନାୟାରିଙ୍ଗ୍ ତା ଶାନ୍ତି ଆରେ ଦୟା ହିନାନ୍, ଆରେ ହେୱାର୍ ଈଶ୍ୱରତି ପୁନି ମାନାୟ୍ ଆନାର୍।

ଏପିସିୟ 3:6

ଈଶ୍ୱର ଡ଼ୁକ୍‌ତି ଜଜ୍‌ନା ଇଦାଙ୍ଗ୍ ଯେ, ହାର୍ଦିକାବୁର୍ କାଜିଙ୍ଗ୍ ଯୀଶୁ ଖ୍ରୀଷ୍ଟତାକେ ଆପେଙ୍ଗ୍ ରବେ ଆତି କାଜିଙ୍ଗ୍ ବିନ୍‌ଜାତିର୍ ପା ଯିହୁଦିର୍ ଲେକେ ହାମାନ୍ ଆଦିକାର୍ ପାୟାଆତାର୍‌ନା। ହେୱାର୍ ର ଗାଗାଡ଼୍, ଆରେ ଈଶ୍ୱର ପାର୍ମାଣ୍‌ତାକେ ମାହା ଆତାର୍‌ନା।

ତୀତସ 3:7

ଈଶ୍ୱର ଇଦାଙ୍ଗ୍ ୱେଚ୍‌ଚାତାନ୍‌ନା, ଇନେସ୍ ଆସେଙ୍ଗ୍ ତା ଦୟାତାଙ୍ଗ୍ ଦରମ୍ ମାନାୟ୍ ଇଞ୍ଜି ଗାଣାକିୟା ଆନାପ୍‌, ଆରେ ପୁରା ଆହାତାଙ୍ଗ୍ ୱିଜ୍‌ୱି ଜିବୁନ୍‌ନି ଆଦିକାର୍ ଆଦେଙ୍ଗ୍ ଆଡ୍‌ନାପ୍।

ଏବ୍ରି 1:14

ଲାଗିଙ୍ଗ୍ ଦୁତ୍‌କୁ ଇନେର୍? ହେୱେକ୍ ଆପ୍‌କା ଈଶ୍ୱରତିଙ୍ଗ୍ ହେବା କିନିକିକ୍। ଆରେ ଉଦାର୍ ପାୟା ଆଦେଙ୍ଗ୍ ମାନି ମାନାୟାରିଙ୍ଗ୍ ସାଇଜ କିନି କାଜିଙ୍ଗ୍ ଈଶ୍ୱର ହେୱେକିୟାକାଙ୍ଗ୍ ପକ୍‌ଚି ମାନାନ୍।

ଏବ୍ରି 11:7

ପାର୍ତି କାଜିଙ୍ଗ୍ ନୋହ ତା ପରିବାର୍‌ତିଙ୍ଗ୍ ବନ୍ୟାତାଙ୍ଗ୍ ଉଦାର୍ କିନି କାଜିଙ୍ଗ୍ ରଞ୍ଜାଙ୍ଗ୍ ଜାଜ୍ ରସ୍ତାନ୍। ହେପାଦ୍ନା ଇନାୱେଡ଼ାଙ୍ଗ୍ ଗଟାଆୱି ବନ୍ୟା ବିଷୟରେ ଈଶ୍ୱର ନୋହଙ୍ଗ୍ ୱେଚ୍‌ଚାନ୍, ଆରେ ହେୱାନ୍ ଈଶ୍ୱର କାତାତିଙ୍ଗ୍ ମାନି କିତାନ୍। ତା ହେ ପାର୍ତି କାଜିଙ୍ଗ୍, ଇ ପୁର୍ତିତାକେ ପାର୍ତିକିୱି ମାନାୟାରିଙ୍ଗ୍ ହେୱାନ୍ ଦସି କିତାନ୍ ଆରେ ଈଶ୍ୱର ହେୱାନିଙ୍ଗ୍ ଦରମ୍ ମାନାୟ୍ ଇଞ୍ଜି ସାକି ହିତାନ୍।

ଏବ୍ରି 6:17

ହେଦାଙ୍ଗ୍ କାଜିଙ୍ଗ୍ ଈଶ୍ୱର ଶପତ୍ କିଜି ପାର୍ମାଣ୍ କିତାନ୍। ଇମ୍‌ଣାକାର୍ ପାର୍ମାଣ୍ ପାୟାଆତାର୍‌ନା ଇଦାଙ୍ଗ୍ କାଜିଙ୍ଗ୍ ହେୱାନ୍ କିଲେର୍ କିଜି ଚଚ୍‌ନି କାଜିଙ୍ଗ୍ ଇଚାକିନାନ୍ ଯେ ହେୱାନ୍ ଇନା ପାର୍ମାଣ୍ କିତାନ୍‌ନା, ହେଦାଙ୍ଗ୍ ହାତ୍‌ପା କିନାନ୍।

ଜାକ୍‌ବ 2:5

ଏ ନା ପାର୍ତିକିନି ଟଣ୍ଡାର୍‌କାଦେର୍ ୱେନାଟ୍, ଈଶ୍ୱର ଗରିବ୍ ମାନାୟାରିଙ୍ଗ୍ ପାର୍ତିତାଙ୍ଗ୍ ହାଉକାର୍ ଆଦେଙ୍ଗ୍ ଇ ପୁର୍ତିତାଙ୍ଗ୍ ବାଚି କିତାନ୍‌ନା। ଆରେ ଈଶ୍ୱରତିଙ୍ଗ୍ ଲାଡ୍‌କିନି ମାନାୟାରିଙ୍ଗ୍ ଇମ୍‌ଣି ରାଜି ବିଷୟରେ ପାର୍ମାଣ୍ କିତାନ୍‌ନା, ଇ ମାନାୟାର୍ ହେ ରାଜିନି ଆଦିକାର୍ ଆନାର୍।

ହତ୍‌ତି 21:7

ଇମ୍‌ଣି ମାନାୟାର୍ ଶୟତାନତିଙ୍ଗ୍ ଆରାୟ୍ କିଜି ଜିତାଆଜି ମାନାର୍, ହେୱାର୍ ଇ ୱିଜୁ ଆଶ୍ରିବାଦ୍‌ତିଙ୍ଗ୍ ପାୟାଆନାର୍‌, ଆନେଙ୍ଗ୍ ହେୱାର୍ ଈଶ୍ୱର ଆନାଙ୍ଗ୍ ଆରେ ହେୱାର୍ ନା ହିମ୍‌ଣାୱାକ୍‌ଡ଼ା ଆନାର୍।