ଗାଲାତିୟ 3:2 - New Testament in Pengo Parja Language

² ଲାଗିଙ୍ଗ୍ ଆନେଙ୍ଗ୍ ରଞ୍ଜାଙ୍ଗ୍ ମିଙ୍ଗେଙ୍ଗ୍ ପଶ୍ନ ୱେନ୍‌ବାଆଦ୍‌ଦେଙ୍ଗ୍ ଇଚା କିନାଙ୍ଗା: ମୋଶା ଲେକିକିତି ନିୟମ୍‌ତିଙ୍ଗ୍ ମାନିକିଜି କି ଏପେଙ୍ଗ୍ ପବିତ୍ର ଆତ୍ମା ପାୟାଆଜି ମାଚାଦେର୍? ଇଦାଙ୍ଗ୍ ଆକାୟ୍! ମାତର୍ ଯୀଶୁ ଖ୍ରୀଷ୍ଟ ବିଷୟନି ହାର୍ଦିକାବୁର୍ ୱେନ୍‌ଞ୍ଜି ପାର୍ତିକିତି କାଜିଙ୍ଗ୍ ଏପେଙ୍ଗ୍ ପବିତ୍ର ଆତ୍ମା ପାୟାଆତାଦେର୍।

ସତ୍‌ ବଚନ୍‌ ପୁନି ନିୟମ୍‌

² ର କାତା ନାଙ୍ଗ୍‌ ଇଞ୍ଜା, ବିଦି ପାଲି କିନି କାଜିଂ ଏପେଙ୍ଗ୍‌ ପୁଇପୁୟା ଜିବୁନ୍‌ତିଂ ପାୟାତାୟ୍‌ନା, ଆକାୟ୍‌ ନେକ୍ରିକାବୁର୍‌ ୱେନ୍‌ଞ୍ଜି ହେବେ ପାର୍ତି କିନି ହୁକେ ?

ଗାଲାତିୟ 3:2 Iomraidhean Croise

ପକ୍ୟାତାକା 15:8

ୱିଜୁ ବିଷୟରେ ପୁନି ଈଶ୍ୱର ମାଙ୍ଗେଙ୍ଗ୍ ଇନେସ୍ ପବିତ୍ର ଆତ୍ମା ଦାନ୍ ହିତ୍‌ତାନ୍‌ନା, ହେଲେକେ ନେ ବିନ୍‌ଜାତିରିଙ୍ଗ୍ ପା ଦାନ୍ ହିନାନ୍। ଆରେ ହେୱାନ୍ ହେୱାରିଙ୍ଗ୍ ତା ଜାର୍ ମାନାୟ୍ ଇଞ୍ଜି ୱେଚ୍‌ଚାନ୍‌ନା।

ପକ୍ୟାତାକା 2:38

ପିତର ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ୱିଜାକାଦେର୍ ପାପ୍ କାମାୟ୍ ପିସ୍ତି ମାପୃତାକେ ୱାଡ, ଆରେ ପାପ୍ କେମା ପାୟା ଆଦେଙ୍ଗ୍ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ଡୁବନ୍ ଆଡ, ଲାଗିଙ୍ଗ୍ ଏପେଙ୍ଗ୍ ପବିତ୍ର ଆତ୍ମାନି ଦାନ୍ ପାୟାଆନାଦେର୍।

ପକ୍ୟାତାକା 8:15

ହେୱାର୍ ହାଲ୍‌ଜି ଇକାତାର୍, ଆରେ ହେୱାର୍ ହେବେ ମାନି ପାର୍ତିକିନି ମାନାୟାର୍ ଇନେସ୍ ପବିତ୍ର ଆତ୍ମା ପାୟାଆନାର୍‌, ଇଦାଙ୍ଗ୍ କାଜିଙ୍ଗ୍ ହେୱାର୍ ପାର୍ତାନା କିତାର୍।

ରୋମିୟ 1:17

ଇନେସ୍‌କି ଇ ହାର୍ଦିକାବୁର୍‌ତାକେ, ଈଶ୍ୱର ପୁନି କିଦ୍‌ନାନା ଯେ, ହେୱାନ୍ ମାନାୟାରିଙ୍ଗ୍ ଇନେସ୍‌କିଜି ଦରମ୍ ଲକ୍ କିଦେଙ୍ଗ୍ ଆଡ୍‌ନାନ୍, ଯଦି ତାଙ୍ଗେଙ୍ଗ୍ ଆରମ୍‌ତାଙ୍ଗ୍ ହାରିହାରା ପାତେକ୍ ପାର୍ତି କିଜିମାନାର୍‌ ହେୱାରିଙ୍ଗ୍ ଦରମ୍ ମାନାୟ୍ କିଦେଙ୍ଗ୍ ଆଡ୍‌ନାତ୍। ଇଦାଙ୍ଗ୍ ବେସି ଆଗେ ଦରମ୍ ସାସ୍ତରତାକେ ଲେକାଆତାତ୍‌ନା, ପାର୍ତି କାଜିଙ୍ଗ୍ ଦରମ୍ ମାନାୟ୍ ଜିନାନ୍।

୧ କରନ୍ତିୟ 9:21

ହେଲେକେ ଆନେଙ୍ଗ୍ ଏଚେପାଦ୍ନା ବିନ୍‌ଜାତିନି ମାନାୟାର୍‌ତାକେ କାମାୟ୍ କିଜି ମାଚାଙ୍ଗ୍, ଆନେଙ୍ଗ୍ ହେୱାରିଙ୍ଗ୍ ଖ୍ରୀଷ୍ଟତାକେ ତାସିୱାନାଙ୍ଗ୍ ଦରମ୍ ସାସ୍ତରତିଙ୍ଗ୍ ମାନିକିୱି ବିନ୍‌ଜାତିର୍ ମାନାୟ୍ ଲେକେ ଜିବୁନ୍ କାଟିକିଜି ମାଚାଙ୍ଗ୍। ଆନେଙ୍ଗ୍ ଈଶ୍ୱର ନିୟମ୍‌ତିଙ୍ଗ୍ ମାନିକିଜି ଜିବୁନ୍ କାଟିକିଜି ମାନାଙ୍ଗ୍, ଇନେସ୍‌କି ଆନେଙ୍ଗ୍ ଖ୍ରୀଷ୍ଟନି ନିୟମ୍ ତାରେନ୍ ମାନାଙ୍ଗ୍।

୨ କରନ୍ତିୟ 11:4

ଆପେଙ୍ଗ୍ ଯୀଶୁ ବିଷୟରେ ମିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାପ୍, ଏପେଙ୍ଗ୍ ପବିତ୍ର ଆତ୍ମାତିଙ୍ଗ୍ ପାୟାଆଜି ମାଚାଦେର୍ ଆରେ ଆପେଙ୍ଗ୍ ୱେଚ୍‌ଚିତି ହାର୍ଦିକାବୁର୍‌ତିଙ୍ଗ୍ ଆସ୍ତି ମାଚାଦେର୍। ମାତର୍ ଏପେଙ୍ଗ୍ ନଙ୍ଗୟ୍ ଜେକନି ଯୀଶୁ ବିଷୟରେ ୱେଚ୍‌ନି ମାନାୟାରିଙ୍ଗ୍ ଆହ୍‌ନାଦେରା, ଏପେଙ୍ଗ୍ ଜେକନି ଆତ୍ମାତିଙ୍ଗ୍ ଆରେ ଜେକନି ହାର୍ଦିକାବୁର୍‌ତିଙ୍ଗ୍ ଆସ୍ତେଙ୍ଗ୍ ରେଡି ଆତାଦେର୍‌ନା। ଏପେଙ୍ଗ୍ ହେ ହିକ୍ଷାତିଙ୍ଗ୍ ଆସ୍ତି ବେସିବୁଲ୍ କିନାଦେରା।

ଗାଲାତିୟ 3:14

ଖ୍ରୀଷ୍ଟତି ଇ କାମାୟ୍ କାଜିଙ୍ଗ୍, ଈଶ୍ୱର ଅବ୍ରାହାମତିଙ୍ଗ୍ କିଜିମାଚି ମାର୍ମାଣ୍‌ନି ହାମାନ୍ ଆଶ୍ରିବାଦ୍ ବିନ୍‌ଜାତିନି ମାନାୟାରିଙ୍ଗ୍ ହିତାନ୍। ଖ୍ରୀଷ୍ଟତାକେ ପାର୍ତିକିନି କାଜିଙ୍ଗ୍ ଈଶ୍ୱର ପାର୍ମାଣ୍‌କିତି ପବିତ୍ର ଆତ୍ମାତିଙ୍ଗ୍ ମାଙ୍ଗେଙ୍ଗ୍ ହିତ୍‌ତାନ୍‌ନା।

ଗାଲାତିୟ 3:3

ଏପେଙ୍ଗ୍ ଇନେସ୍ ବକୁୱା ଆଦେଙ୍ଗ୍ ଆଡ୍‌ନାଦେର୍? ପବିତ୍ର ଆତ୍ମା ସାଇଜତାଙ୍ଗ୍ ଏପେଙ୍ଗ୍ ମି ଖ୍ରୀଷ୍ଟାନ୍ ଜିବୁନ୍‌ତିଙ୍ଗ୍ ଆରମ୍ କିତାଦେର୍‌ନା। ନଙ୍ଗୟ୍ ଏପେଙ୍ଗ୍ ଇନାକିଦେଙ୍ଗ୍ ଜାର୍ ଶାକ୍ତିତାଙ୍ଗ୍ ପୁରା ଟିକ୍ ଆଦେଙ୍ଗ୍ ଇଚା କିନାଦେରା?

ଗାଲାତିୟ 3:5

ଆନେଙ୍ଗ୍ ଆରେରଗ ମିଙ୍ଗେଙ୍ଗ୍ ପଶ୍ନ ୱେନ୍‌ବାଆଦ୍‌ନାଙ୍ଗ୍, ଏପେଙ୍ଗ୍ ମୋଶା ଲେକିକିତି ନିୟମ୍‌ତିଙ୍ଗ୍ ମାନିକିତି କାଜିଙ୍ଗ୍ କି ଈଶ୍ୱର ମିଙ୍ଗେଙ୍ଗ୍ ପବିତ୍ର ଆତ୍ମା ହିଜିମାନ୍‌ଞ୍ଚାନ୍ ଆରେ ମିବେ ଚାନିଆଆନି କାମାୟ୍ କିନାନ୍? ଇଦାଙ୍ଗ୍ ଆକାୟ୍! ମାତର୍ ଯୀଶୁ ଖ୍ରୀଷ୍ଟ ବିଷୟନି ହାର୍ଦିକାବୁର୍ ୱେନ୍‌ଞ୍ଜି ପାର୍ତିକିତି କାଜିଙ୍ଗ୍ ଇଦାଙ୍ଗ୍ ଆତାତ୍‌ନା।

ଏବ୍ରି 2:4

ଏଚେପାଦ୍ନା ଈଶ୍ୱର ଇଦାଙ୍ଗ୍ କିନି କାଜିଙ୍ଗ୍ ଇଚା କିତାନ୍, ହେୱାନ୍ ପା ବେସି ଚିନା ଆରେ ଚାନିଆ କାମାୟ୍ ଆରେ ବିନ୍ ପର୍‌କାର୍ ଶାକ୍ତିନି କାମାୟ୍‌ତାଙ୍ଗ୍ ଆରେ ପବିତ୍ର ଆତ୍ମାନି ବର୍‌ଦାନ୍ ହିଜି ଚଚ୍‌ଚାତାନ୍‌ନା।

ଏବ୍ରି 4:2

ଇନେସ୍‌କି ଇସ୍ରାଏଲନି ମାନାୟାର୍ ଇନେସ୍ ଜମ୍‌ନି ବାହାତାକେ ହାନି ହାର୍ଦିକାବୁର୍ ୱେନ୍‌ଞ୍ଜି ମାଚାର୍, ହେଲେକେ ଆସେଙ୍ଗ୍ ପା ଯୀଶୁ ଖ୍ରୀଷ୍ଟନି ହାର୍ଦିକାବୁର୍ ୱେଚାସ୍‌ନା। ମାତର୍ ହେୱାର୍ ଈଶ୍ୱର ୱେଚ୍‌ଚି ଇ କାତାତିଙ୍ଗ୍ ପାର୍ତିକିୱି କାଜିଙ୍ଗ୍, ହେଦାଙ୍ଗ୍ ହେୱାର୍ କାଜିଙ୍ଗ୍ ଇନା ଲାବ୍‌ନି ବିଷୟ ଆୱାତାତ୍।

ଏବ୍ରି 6:4

ଇମ୍‌ଣାକାର୍ ହେୱାର୍ ପାର୍ତିତିଙ୍ଗ୍ ପିସ୍ତାର୍‌ନା, ହେୱାରିଙ୍ଗ୍ ଆରେରଗ ପାପ୍ କାମାୟ୍‌ତାଙ୍ଗ୍ ଲେଉଟାଇ କିଜି ତାସିୱାନାକା ବେସି କଷ୍ଟ। ଇନେସ୍‌କି ହେୱାର୍ ରଗ ଈଶ୍ୱର ସତ୍ ବିଷୟତିଙ୍ଗ୍ ଚିନ୍ କିତାର୍‌ନା ଆରେ ସରଗ୍‌ତାଙ୍ଗ୍ ଦାନ୍ ପାୟାଆତାର୍‌ନା, ଆରେ ହେୱାର୍ ଜେକନିକାର୍ ଲେକେ ପବିତ୍ର ଆତ୍ମା ପାୟାଆତାର୍‌ନା।

୧ ପିତର 1:12

ମାତର୍ ଈଶ୍ୱର ଇ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟାରିଙ୍ଗ୍ ୱେଚ୍‌ଚାନ୍, ଇ ହାର୍ଦିକାବୁର୍ ମି କାଜିଙ୍ଗ୍ ଆକାୟ୍ ମାତର୍ ମାନାୟାର୍ କାଜିଙ୍ଗ୍। ଆରେ ହେ ହାର୍ଦିକାବୁର୍ ଯୀଶୁ ଖ୍ରୀଷ୍ଟ ବିଷୟ ଇମ୍‌ଣାକା ଏପେଙ୍ଗ୍ ନଙ୍ଗୟ୍ ୱେଚାଦେର୍‌ନା। ଈଶ୍ୱର ତା ପବିତ୍ର ଆତ୍ମା ସରଗ୍‌ତାଙ୍ଗ୍ ମିଙ୍ଗେଙ୍ଗ୍ ହାର୍ଦିକାବୁର୍ ୱେଚ୍‌ନି ମାନାୟାରିଙ୍ଗ୍ ସାଇଜ କିଦେଙ୍ଗ୍ ପକ୍ତାତାନ୍‌ନା। ହେଦାଙ୍ଗ୍ ୱିଜୁ ଚାନିଆଆନି ବିଷୟ ଯେ, ଇୱିଜୁ ଗଟାଆନି ବିଷୟ ସରଗ୍‌ନି ଦୁତ୍‌କୁ ପା ହୁଡ଼୍‌ନିକା।