ଗାଲାତିୟ 3:17 - New Testament in Pengo Parja Language

¹⁷ ଆନେଙ୍ଗ୍ ୱେଚ୍‌ଚେଦେଙ୍ଗ୍ ଇଚା କିନାଙ୍ଗା ଯେ, ଈଶ୍ୱର ଅବ୍ରାହାମ ହୁଦାଙ୍ଗ୍ ର ପାର୍ମାଣ୍ କିଜି ମାଚାର୍। ଆରେ ଈଶ୍ୱର ଚାର୍‌ଶ ତିରିଶ୍ ବାର୍ହୁ ପାଚେ ମୋଶାଙ୍ଗ୍ ଇମ୍‌ଣି ନିୟମ୍ ହିଜିମାଚାନ୍, ଇ ନିୟମ୍ ହେ ପାର୍ମାଣ୍‌ତିଙ୍ଗ୍ ବାଙ୍ଗାୟ୍ କିଦେଙ୍ଗ୍ ଆଡୁତ୍। ନଇଲେ ଈଶ୍ୱର ତା ପାର୍ମାଣ୍‌ତିଙ୍ଗ୍ ବାଙ୍ଗାୟ୍ କିତିଲେକେ ଆନାତ୍।

ସତ୍‌ ବଚନ୍‌ ପୁନି ନିୟମ୍‌

¹⁷ ନାଦାଂ ଇନାକା ଅରତ୍‌ ଆନାତା, ଇସ୍ୱର୍‌ ଅବ୍ରାହାମ୍‌ ଲାହାଂ ର ନିୟମ୍‌ ରଚ୍‌ଚି ମାଚାନ୍‌ ଆରି ହେଦାଂ ରାକ୍ୟା କିନି କାଜିଂ ପାର୍ମାଣ୍‌ କିଜ଼ି ମାଚାନ୍‌ । ଚାର୍‌ସ ତିରିସ୍‌ ବାର୍ହୁ ପାଚେ ହିଦ୍ୟାତାତ୍‌, ହେଦାଂ ହେ ଗଜାତିଂ ଡ୍ରିକ୍‌ଚି ଇସ୍ୱର୍‌ତି ପାର୍ମାଣ୍‌ ମୁନା କିଦେଙ୍ଗ୍‌ ଆଡୁତ୍‌ ।

ଗାଲାତିୟ 3:17 Iomraidhean Croise

ଜହନ୍‌ 1:17

ଈଶ୍ୱର ମାଙ୍ଗେଙ୍ଗ୍ ମୋଶା ଲେକିକିତି ନିୟମ୍‌ନି ସାସ୍ତର୍‌ତାଙ୍ଗ୍ ହିତ୍‌ତାନ୍‌ନା। ମାତର୍ ଯୀଶୁ ଖ୍ରୀଷ୍ଟତାଙ୍ଗ୍ ଦୟା ଆରେ ସତ୍ ବିଷୟ ହିତ୍‌ତାନ୍‌ନା।

ପକ୍ୟାତାକା 7:6

ଈଶ୍ୱର ହେୱାନିଙ୍ଗ୍ ଇଦାଙ୍ଗ୍ ପା ୱେଚ୍‌ଚାନ୍, ‘ନି ଲାତ୍ରାନି ହିମ୍‌ଣାଙ୍ଗ୍ ବିନ୍ ଦେସ୍‌ତାକେ ବାହା କିନାର୍। ଆରେ ବିନ୍ ଦେସ୍ତାକାର୍‌ତାକେ ନି ହିମ୍‌ଣା ୱାକ୍‌ଡ଼ାରିଙ୍ଗ୍ ହଲିଆ କିନାର୍, ଆରେ ହେୱାର୍ ହେୱାରିଙ୍ଗ୍ ଚାରିଶହ ବାର୍ହୁ ପାତେକ୍ ବେସି ଗତିକାଟି କିୟିକିନାର୍।’

ରୋମିୟ 3:25

ଈଶ୍ୱର ମା ପାପ୍‌ନି ଦଣ୍ଡ୍‌ତିଙ୍ଗ୍ ପିଣ୍‌ଜି ଅଦେଙ୍ଗ୍ ଆରେ ତା ରିସାତିଙ୍ଗ୍ ତିର୍ କିଦେଙ୍ଗ୍ ଯୀଶୁ ମାପୃଙ୍ଗ୍ ପକ୍ତାତାନ୍‌ନା। ଏଚେକାଡ଼୍‌ଦ ଯୀଶୁ ମାପୃ ମା କାଜିଙ୍ଗ୍ କୃଶକାଟ୍‌ତାକେ ହାଃତାନ୍ ଆରେ ତା ନେତେର୍ ବଡ଼ାୟ୍ କିତାନ୍‌ନା। ହେପାଦ୍ନା ଆସେଙ୍ଗ୍ ଈଶ୍ୱର ଆଗେ ଟିକ୍ ମାନାୟ୍ ଆତାସ୍‌ନା। ଆଗେ ପାପ୍ କିତାକାରିଙ୍ଗ୍ ଈଶ୍ୱର କେମାକିଜି ମାଚାନ୍, ଇନେସ୍‌କି ଈଶ୍ୱର ନ୍ୟାୟ୍ ବିଚାର୍ କିନାକାନ୍।

ରୋମିୟ 3:3

ସତ୍‌ନେ, କେତ୍‌ଜାଣ୍ ଯିହୁଦି ଜାତିନି ମାନାୟ୍ ମାନାର୍, ହେୱାର୍ ଈଶ୍ୱର ପାର୍ମାଣ୍‌ତିଙ୍ଗ୍ ବାଙ୍ଗାୟ୍ କିନାରା। ଲାଗିଙ୍ଗ୍ ହେୱାର୍ ଈଶ୍ୱର ପାର୍ମାଣ୍ ବାଙ୍ଗାୟ୍ କିତିଲେକେ ଈଶ୍ୱର ତା ପାର୍ମାଣ୍‌ତିଙ୍ଗ୍ ବାଙ୍ଗାୟ୍ କିଉନ୍।

୧ କରନ୍ତିୟ 1:12

ଏପେଙ୍ଗ୍ କେତ୍‌ଜାଣ୍ ଇଲେକେ ୱେଚ୍‌ଚି ବାଗ୍-ବାଗ୍ ଆନାଦେରା ଯେ, “ଆନେଙ୍ଗ୍ ପାଉଲତି ଚେଲା,” ଆରେ କେତେକ୍ ମାନାୟ୍ ଇଞ୍ଜ୍‌ନାରା ଯେ, “ଆନେଙ୍ଗ୍ ଆପୋଲନି ଚେଲା ଇନେର୍-ଇନେର୍ ଇନାରା ଆନେଙ୍ଗ୍ କେପା ଚେଲା,” ଆରେ କେତେକ୍ ମାନାୟ୍ ଇଞ୍ଜ୍‌ନାରା ଯେ, “ଆନେଙ୍ଗ୍ ଖ୍ରୀଷ୍ଟନି ଚେଲା।”

୧ କରନ୍ତିୟ 1:17

ଇନେସ୍‌କି ଖ୍ରୀଷ୍ଟ ନାଙ୍ଗେଙ୍ଗ୍ ଡୁବନ୍ ହିଦେଙ୍ଗ୍ ପକ୍ତାୱାତାନ୍‌ନା, ମାତର୍ ହାର୍ଦିକାବୁର୍ ୱେଚ୍‌ଚେଙ୍ଗ୍ ପକ୍ତାତାନ୍‌ନା। ଆନେଙ୍ଗ୍ ନା ଜ୍ଞାନ୍ ଅନୁସାରେ ହାର୍ଦିକାବୁର୍ ଶୁଣାୟ୍ କିଉଙ୍ଗା, ଯଦି ହେଲେକେ କିତାଙ୍ଗ୍‌ମା ମାନାୟାର୍ ନା ଜ୍ଞାନ୍‌ତିଙ୍ଗ୍ ପାର୍ତି କିତାର୍‌ମା, ଆରେ ହେୱାର୍ ଖ୍ରୀଷ୍ଟ କୃଶକାଟ୍‌ତାକେ ହାଃତି ଶାକ୍ତିତିଙ୍ଗ୍ ପୁନ୍‌ୱାତାର୍‌ମା।

୧ କରନ୍ତିୟ 10:19

ଆନେଙ୍ଗ୍ ମିଙ୍ଗେଙ୍ଗ୍ ଇଦାଙ୍ଗ୍‌ ୱେଚ୍‌ଚେଦେଙ୍ଗ୍ ଉପାୟ୍ କିନାଙ୍ଗା ଯେ, ବିନ୍‌ଜାତିନି ମାନାୟାର୍ ହେବାକିନି ମାପୃ ସତ୍ ଆକାୟ୍ ଆରେ ହେୱାର୍ ଇମ୍‌ଣି ମୁର୍ତିତିଙ୍ଗ୍ ବଳି ପୁଜା ହିନାର୍ ହେଦାଙ୍ଗ୍ ଇନା ମୁଲ୍ଯ ଆକାୟ୍।

୧ କରନ୍ତିୟ 7:29

ଏ ଟଣ୍ଡାର୍‌କାଦେର୍, ମା କାଜିଙ୍ଗ୍ ପୁର୍ତିତାକେ ବେସିଦିନ୍ ହିଲେତ୍। ହେଦାଙ୍ଗ୍ କାଜିଙ୍ଗ୍ ଡକ୍ରି ମାନାତ୍ କି ଆକାୟ୍ ଇଞ୍ଜି ଚିନ୍ତା କିମାଟ୍। ମାତର୍ ମାପୃ ଯୀଶୁଙ୍ଗ୍ ହେବା କିଦେଙ୍ଗ୍ ଚିନ୍ତା କିୟାଟ୍।

୨ କରନ୍ତିୟ 1:20

ଇନେସ୍‌କି ଈଶ୍ୱରତି ୱିଜୁ ପାର୍ମାଣ୍ ଖ୍ରୀଷ୍ଟତାକେ ପୁରା ଆତାତ୍‌ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ଖ୍ରୀଷ୍ଟ କାଜିଙ୍ଗ୍ ଈଶ୍ୱରତିଙ୍ଗ୍ ଗୌରବ ହିତିହିଙ୍ଗ୍ “ଆମେନ୍” ଇଞ୍ଜି ଇନାପା।

୨ କରନ୍ତିୟ 9:6

ଏପେଙ୍ଗ୍ ମାନ୍ତ ଇଟାଟ୍ ଯେ, ଇମ୍‌ଣି ଚାଷି ଅଲପ୍ ବିୟାନ୍ ୱିତ୍‌ନାନ୍ ହେୱାନ୍ ଅଲପ୍ ତାସ୍ ପାୟା ଆନାନ୍, ମାତର୍ ଇନେର୍ ଜବର୍ ବିୟାନ୍ ୱିତ୍‌ନାନ୍ ହେୱାନ୍ ବେସି ଜବର୍ ତାସ୍ ପାୟା ଆନାନ୍।

ଗାଲାତିୟ 3:15

ଏ ପାର୍ତିକିନି ଟଣ୍ଡାର୍‌କାଦେର୍, ଆନେଙ୍ଗ୍ ନା ଜିବୁନ୍‌ତାଙ୍ଗ୍ ର କାତା ବୁଜାଇକିଜି ୱେଚ୍‌ଚେଦେଙ୍ଗ୍ ଇଚା କିନାଙ୍ଗା। ଏଚେପାଦ୍ନା ରିକାର୍ ରାଜିନାମା ଆଜି ସନ୍ତକ୍ କିତାର୍, ଇନେର୍ ପା ହେଦାଙ୍ଗ୍‌ତିଙ୍ଗ୍ ବାଙ୍ଗାୟ୍ କିଦେଙ୍ଗ୍ ଆଡୁର୍ କି ହେବେ ମାହାୟ୍ କିଦେଙ୍ଗ୍ ଆଡୁର୍। ଈଶ୍ୱର ପାର୍ମାଣ୍ କିତିତାକେ ପା ହେଲେକେ।

ଗାଲାତିୟ 3:21

ଲାଗିଙ୍ଗ୍ ମୋଶା ନିୟମ୍ ସାସ୍ତର୍ ଈଶ୍ୱରକିତି ପାର୍ମାଣ୍‌ତିଙ୍ଗ୍ ବିରଦ୍ କିନାତା କି? ହେଲେକେ ଇନାୱେଡ଼ାଙ୍ଗ୍ ପା ଆଦେଙ୍ଗ୍ ଆଡୁତ୍। ନିୟମ୍ ସାସ୍ତର୍ ମାନିକିନି କାଜିଙ୍ଗ୍ ଯଦି ୱିଜ୍‌ୱି ଜିବୁନ୍ ପାୟାଆତାଦେର୍‌ମା, ଲାଗିଙ୍ଗ୍ ହେ ନିୟମ୍‌ତିଙ୍ଗ୍ ମାନିକିଜି ଆପେଙ୍ଗ୍ ଈଶ୍ୱର ଲାଗାୟ୍ ପା ଦରମ୍ ମାନାୟ୍ ଆଦେଙ୍ଗ୍ ଆଡ଼୍‌ତାପ୍‌ମା।

ଗାଲାତିୟ 5:16

ଲାଗିଙ୍ଗ୍ ଆନେଙ୍ଗ୍ ଇଦାଙ୍ଗ୍ ୱେଚ୍‌ଚାନାଙ୍ଗା, ପବିତ୍ର ଆତ୍ମା ସାଇଜତାଙ୍ଗ୍ ବ୍ଯବହାର୍ କିୟାଟ୍। ଲାଗିଙ୍ଗ୍ ଏପେଙ୍ଗ୍ ଗାଗାଡ଼୍‌ନି ଇଚାତାଙ୍ଗ୍ ପୁରା କିନିଲେକେ କାମାୟ୍ କିମାଟ୍।

ଗାଲାତିୟ 5:4

ଇନେସ୍‌କି ଏପେଙ୍ଗ୍ ଯଦି ମୋଶା ଲେକିକିତି ନିୟମ୍‌ତିଙ୍ଗ୍ ମାନିକିତି କାଜିଙ୍ଗ୍ ଈଶ୍ୱର ଲାଗାୟ୍ ଦରମ୍ ମାନାୟ୍ ଇଞ୍ଜି ଗାଣାକିୟା ଆଦେଙ୍ଗ୍ ଇଚା କିନାଦେରା, ଲାଗିଙ୍ଗ୍ ଏପେଙ୍ଗ୍ ଖ୍ରୀଷ୍ଟତାଙ୍ଗ୍ ଜେକ ଆତାଦେର୍‌ନା ଆରେ ଏପେଙ୍ଗ୍ ଈଶ୍ୱର ଦୟାତିଙ୍ଗ୍ ଆହୁଦେରା।

ଏପିସିୟ 2:12

ହେପାଦ୍ନା ଏପେଙ୍ଗ୍ ଖ୍ରୀଷ୍ଟତାଙ୍ଗ୍ ଜେକ ମାଚାଦେର୍। ଈଶ୍ୱର ବାଚିକିଜି ମାଚି ଇସ୍ରାଏଲନି ମାନାୟାର୍ ବିତ୍ରେ ଏପେଙ୍ଗ୍ ହିଲ୍‌ୱାତାଦେର୍ ଆରେ ଈଶ୍ୱର ହେୱାରିଙ୍ଗ୍ ପାର୍ମାଣ୍ କିଜିମାଚି ନିୟମ୍‌ନି ବାଗ୍ ଆୱାଦାଙ୍ଗ୍ ମାଚାଦେର୍। ଏପେଙ୍ଗ୍ ଈଶ୍ୱରତିଙ୍ଗ୍ ପୁନ୍‌ୱାଦାଙ୍ଗ୍ ମାଚାଦେର୍ ଆରେ ୱିଜ୍‌ୱି ଜିବୁନ୍‌ନି ଆହା ଇଟ୍‌ୱାଦାଙ୍ଗ୍ ଇ ପୁର୍ତିତାକେ ଜିବୁନ୍ କାଟିକିଜି ମାଚାଦେର୍।

ଏପିସିୟ 4:17

ଲାଗିଙ୍ଗ୍ ଆନେଙ୍ଗ୍ ମାପୃ ଆଦିକାର୍‌ତାକେ ବିଷେସ୍‌କିଜି ଗୁୱାରି କିନାଙ୍ଗା, ପାର୍ତିକିୱାକାର୍ ଇନେସ୍ ଜାର୍-ଜାର୍ ଚିନ୍ତାତାକେ ଲାବ୍ ଆୱି ଜିବୁନ୍‌ତିଙ୍ଗ୍ କାଟିକିନାର୍, ଏପେଙ୍ଗ୍ ହେଲେକେ ଜିବୁନ୍ କାଟି କିମାଟ୍।

କଲସିୟ 2:4

ମାନାୟାର୍ ମିଚ୍ ହିକ୍ଷାହିଜି ମିଙ୍ଗେଙ୍ଗ୍ ଇନେସ୍ ଟକାୟ୍ କିଦ୍‌ମେର୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଇଦାଙ୍ଗ୍ ୱେଚ୍‌ଚାନାଙ୍ଗା।

ଏବ୍ରି 11:13

ଈଶ୍ୱର ଇନାକା ପାର୍ମାଣ୍ କିଜି ମାଚାନ୍, ହେଦାଙ୍ଗ୍ ପାୟାଆୱାଦାଙ୍ଗ୍ ଇ ୱିଜୁ ପାର୍ତିକିନି ମାନାୟ୍ ହାଃତାର୍, ମାତର୍ ହେୱାର୍ ଈଶ୍ୱର ପାର୍ମାଣ୍‌ତିଙ୍ଗ୍ ଦେହାତାଙ୍ଗ୍ ହୁଡ଼୍‌ଜି ଆସ୍ତାର୍। ଲାଗିଙ୍ଗ୍ ହେୱାର୍ ଇ ପୁର୍ତିତାକେ ବିନେନି ଦେସ୍ତି ମାନାୟ୍ ଆରେ ଚିନ୍ କିୱିତି ମାନାୟ୍ ଲେକେ ଆଜି ମାଚାର୍।

ଏବ୍ରି 7:18

ପୁଜାରି ଆନି କାଜିଙ୍ଗ୍ ମୋଶା ଲେକିକିତି ନିୟମ୍ ଇନାକା କିନି ଦର୍‌କାର୍ ହେଦାଙ୍ଗ୍ କିଦେଙ୍ଗ୍ ଆଡ଼୍‌ତି କାଜିଙ୍ଗ୍ ଆରେ ଇନା ମୁଲ୍ୟ ହିଲ୍‌ୱି କାଜିଙ୍ଗ୍, ଇଦାଙ୍ଗ୍‌ତିଙ୍ଗ୍ ବାଦ୍‌ଲାୟ୍ କିତାର୍‌ନା।

୧ ପିତର 1:20

ପୁର୍ତି ଉବ୍‌ଜା ଆୱି ଆଗେ ଈଶ୍ୱର ଯୀଶୁ ଖ୍ରୀଷ୍ଟଙ୍ଗ୍ ମାନାୟାରିଙ୍ଗ୍ ଉଦାର୍ କିନି କାଜିଙ୍ଗ୍ ବାଚିକିଜି ମାଚାନ୍। ମାତର୍ ଇ ପୁର୍ତି ସେସ୍‌ଆନି ନାଞ୍ଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ସାଇଜ କିଦ୍‌ଦେଙ୍ଗ୍ ୱାତାନ୍।