ଗାଲାତିୟ 3:14 - New Testament in Pengo Parja Language

¹⁴ ଖ୍ରୀଷ୍ଟତି ଇ କାମାୟ୍ କାଜିଙ୍ଗ୍, ଈଶ୍ୱର ଅବ୍ରାହାମତିଙ୍ଗ୍ କିଜିମାଚି ମାର୍ମାଣ୍‌ନି ହାମାନ୍ ଆଶ୍ରିବାଦ୍ ବିନ୍‌ଜାତିନି ମାନାୟାରିଙ୍ଗ୍ ହିତାନ୍। ଖ୍ରୀଷ୍ଟତାକେ ପାର୍ତିକିନି କାଜିଙ୍ଗ୍ ଈଶ୍ୱର ପାର୍ମାଣ୍‌କିତି ପବିତ୍ର ଆତ୍ମାତିଙ୍ଗ୍ ମାଙ୍ଗେଙ୍ଗ୍ ହିତ୍‌ତାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

¹⁴ ଇସ୍ୱର୍‌ ଅବ୍ରାହାମ୍‌ତି ଇମ୍‌ଣି ଆସିର୍ବାଦ୍‌ ହିନି କାଜିଂ ପାର୍ମାଣ୍‌ କିଜ଼ି ମାଚାନ୍‌, ପାର୍ତିକିୱି ଜିହୁଦିର୍‌ ପା ଇନେସ୍‌ ହେଦାଂ ଲାବ୍‌ କିଦେଙ୍ଗ୍‌ ଆଡ୍‌ନାର୍‌, ଇଦାଂ କାଜିଂ ଜିସୁ କ୍ରିସ୍ଟ କାମାୟ୍‌ କିନାନ୍‌ । ଲାଗିଂ ପାର୍ତି ହୁକେ ଆସେଙ୍ଗ୍‌ ପା ଇସ୍ୱର୍‌ତି ଡାଟ୍‌ ଇସାବ୍ରେ ପୁଇପୁୟା ଜିବୁନ୍‌ ଲାବ୍‌ କିଦେଙ୍ଗ୍‌ ଆଡ୍‌ନାସ୍‌ ।

ଗାଲାତିୟ 3:14 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:13

ଏପେଙ୍ଗ୍ ବାନ୍ଯା ମାନାୟ୍ ଆଜି ମାଚିସ୍ ପା ଜାର୍-ଜାର୍ ହିମ୍‌ଣାକାଙ୍ଗ୍ ହାର୍-ହାର୍ ଜିନିଷ୍ ହିନାଦେରା। ଲାଗିଙ୍ଗ୍ ସରଗ୍‌ତାକେ ମାନି ମି ଆବା ଈଶ୍ୱରତିଙ୍ଗ୍ ଇନେର୍ ପା ଏନ୍‌ନାର୍, ହେୱାନିଙ୍ଗ୍ ଆଦିକ୍ ଜବର୍ କିଜି ପବିତ୍ର ଆତ୍ମା ହିନାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:49

ୱେନାଟ୍! ନା ଆବା ମିଙ୍ଗେଙ୍ଗ୍ ଇମ୍‌ଣି କାତା ହିଜିମାନ୍‌ଞ୍ଚାନ୍ ହେ ପବିତ୍ର ଆତ୍ମାତିଙ୍ଗ୍ ଆନେଙ୍ଗ୍ ମି ଲାଗାୟ୍ ପକ୍ତାନାଙ୍ଗ୍। ମାତର୍ ସରଗ୍‌ତାଙ୍ଗ୍ ହେ ଶାକ୍ତି ଏପେଙ୍ଗ୍ ପାୟାଆୱି ପାତେକ୍ ଯିରୁଶାଲାମ ସହର୍‌ତାକେ ମାନାଦେର୍।”

ଜହନ୍‌ 7:39

ଇମ୍‌ଣାକାର୍ ଯୀଶୁତାକେ ପାର୍ତି କିଜି ମାଚାର୍, ଆରେ ହେୱାର୍ ଈଶ୍ୱରଆତ୍ମା ପାୟାଆନାକା ମାଚାତ୍। ହେୱାରିଙ୍ଗ୍ ଚଚ୍‌ଚି ଯୀଶୁ ଇ କାତା ୱେଚ୍‌ଚାନ୍। ଇନେସ୍‌କି ଈଶ୍ୱର ଯୀଶୁଙ୍ଗ୍ ଅଜଡ଼୍ କିୱାଦାଙ୍ଗ୍ ମାଚିଲେ, ହେୱାର୍ ଈଶ୍ୱରଆତ୍ମା ପାୟାଆୱାଦାଙ୍ଗ୍ ମାଚାର୍।

ପକ୍ୟାତାକା 2:33

ଈଶ୍ୱର ଯୀଶୁଙ୍ଗ୍ ଗାଜାୟ୍ କିଜି ତା ତିନାବାଗାୟ୍ କୁଚିକିଜି ତା ହୁଦାଙ୍ଗ୍ ସାସନ୍ କିଦେଙ୍ଗ୍ ଆଦିକାର୍ ହିତାନ୍। ଆରେ ହେୱାନ୍ ମାଙ୍ଗେଙ୍ଗ୍ ଆବା ପବିତ୍ର ଆତ୍ମା ହିତ୍‌ତାନ୍, ଇନେରିଙ୍ଗ୍ ଏପେଙ୍ଗ୍ ହୁଡ଼୍‌ନାଦେରା ଆରେ ୱେନାଦେରା।

ପକ୍ୟାତାକା 4:12

ଯୀଶୁଙ୍ଗ୍ ପିସ୍ତି ଆରେ ଇନେର୍‌ତାକେ ପା ଉଦାର୍ ଗାଟାଆଦୁତ୍। ଇନେସ୍‌କି ବାଦାଡ଼୍ ତାରେନ୍ ମାନାୟାର୍ ବିତ୍ରେତାଙ୍ଗ୍ ହେଲେକେ ଇନେର୍ ତର୍‌ ହିଲୁତ୍, ତା ତର୍‍ଦାଙ୍ଗ୍ ରକ୍ଷା ପାୟାଆନାସ୍।”

ପକ୍ୟାତାକା 5:32

ଆରେ ଆପେଙ୍ଗ୍ ଇୱିଜୁ ବିଷୟନି ସାକି ମାନାପ୍। ଈଶ୍ୱର ତା ଆଦେସ୍ ମାନି କିନାକାରିଙ୍ଗ୍ ତା ପବିତ୍ର ଆତ୍ମା ହିତାନ୍‌ନା, ହେୱାନ୍ ପା ହେବେନି ସାକି ମାନାନ୍।”

୧ କରନ୍ତିୟ 12:13

ଲାଗିଙ୍ଗ୍ ଆସେଙ୍ଗ୍ ଯିହୁଦି ଆଜି ମାଚିସ୍ କି, ବିନ୍‌ଜାତି ଆଜି ମାଚିସ୍ କି, ଚାକର୍ ଆଜି ମାଚିସ୍ କି, ଆରେ ଚାକର୍ ଆୱାଦାଙ୍ଗ୍ ମାଚିସ୍ ପା ଆସେଙ୍ଗ୍ ୱିଜାକାସ୍ ର ଆତ୍ମା କାଜିଙ୍ଗ୍ ଡୁବନ୍ ଅଜି ଈଶ୍ୱର ଗାଗାଡ଼୍‌ତାକେ ଏକ୍ ଆତାପ୍‌ନା, ଆରେ ଆପେଙ୍ଗ୍ ହେ ଆତ୍ମାତିଙ୍ଗ୍ ନେ ପାୟାଆତାପ୍‌ନା।

୨ କରନ୍ତିୟ 1:22

ହେୱାନ୍ ମାଙ୍ଗେଙ୍ଗ୍ ବାଚି କିତ୍‌ତାନ୍‌ନା, ଆରେ ହେୱାନ୍ ତା ପବିତ୍ର ଆତ୍ମା ମା ଗରବ୍‌ତାକେ ଗେରେଣ୍ଟିଲେକେ ଦାନ୍ ହିତ୍‌ତାନ୍‌ନା।

ଗାଲାତିୟ 3:16

ଈଶ୍ୱର ଅବ୍ରାହାମ ଆରେ ତା ହିମ୍‌ଣାତିଙ୍ଗ୍ ପାର୍ମାଣ୍ କିଜି ମାଚାନ୍। ଆରେ “ତା ହିମ୍‌ଣା” ଇଦାଙ୍ଗ୍‌ନି ଅର୍ତ ବେସି ହିମ୍‌ଣାକାଙ୍ଗ୍ ଚଚ୍‌ଚି ସାସ୍ତର୍‌ତାକେ ଲେକାଆୱାତାତ୍‌ନା, ମାତର୍ ରକାନ୍ ହିମ୍‌ଣାତିଙ୍ଗ୍ ଚଚ୍‌ଚି ୱେଚ୍‌ଚାନ୍‌ନା ହେୱାନ୍ ଆନାନା ଯୀଶୁ ଖ୍ରୀଷ୍ଟ।

ଗାଲାତିୟ 3:2

ଲାଗିଙ୍ଗ୍ ଆନେଙ୍ଗ୍ ରଞ୍ଜାଙ୍ଗ୍ ମିଙ୍ଗେଙ୍ଗ୍ ପଶ୍ନ ୱେନ୍‌ବାଆଦ୍‌ଦେଙ୍ଗ୍ ଇଚା କିନାଙ୍ଗା: ମୋଶା ଲେକିକିତି ନିୟମ୍‌ତିଙ୍ଗ୍ ମାନିକିଜି କି ଏପେଙ୍ଗ୍ ପବିତ୍ର ଆତ୍ମା ପାୟାଆଜି ମାଚାଦେର୍? ଇଦାଙ୍ଗ୍ ଆକାୟ୍! ମାତର୍ ଯୀଶୁ ଖ୍ରୀଷ୍ଟ ବିଷୟନି ହାର୍ଦିକାବୁର୍ ୱେନ୍‌ଞ୍ଜି ପାର୍ତିକିତି କାଜିଙ୍ଗ୍ ଏପେଙ୍ଗ୍ ପବିତ୍ର ଆତ୍ମା ପାୟାଆତାଦେର୍।

ଗାଲାତିୟ 4:6

ଆରେ ଆସେଙ୍ଗ୍ ତା ହିମ୍‌ଣା ଆତି କାଜିଙ୍ଗ୍, ଈଶ୍ୱର ତା ହିମ୍‌ଣାନି ଆତ୍ମାତିଙ୍ଗ୍ ମା ଗରବ୍ ବିତ୍ରେ ପକ୍ତାତାନ୍‌ନା। ହେ ଆତ୍ମା ଆବା ପିତା ଇଞ୍ଜି କୁକ୍‍ତେଙ୍ଗ୍ ମାଙ୍ଗେଙ୍ଗ୍ ସାହାସ୍ ହିଦ୍‌ନାତା।

ଏପିସିୟ 2:18

ଲାଗିଙ୍ଗ୍ ଖ୍ରୀଷ୍ଟ କାଜିଙ୍ଗ୍, ଆସେଙ୍ଗ୍ ତା ପବିତ୍ର ଆତ୍ମାତାଙ୍ଗ୍ ଆବା ଈଶ୍ୱର ଲାଗାୟ୍ ହାନି କାଜିଙ୍ଗ୍ ହାଜି ଗାଟା ଆତାପ୍‌ନା।

ଏପିସିୟ 2:22

ଏ ବିନ୍‌ଜାତିନି ମାନାୟ୍ କାଦେର୍ ଏପେଙ୍ଗ୍ ଖ୍ରୀଷ୍ଟତାକେ ରବେ ଆତି କାଜିଙ୍ଗ୍, ଈଶ୍ୱରତି ପବିତ୍ର ଆତ୍ମା ବାହାକିନି ଇଲ୍ ଲେକେ ଏପେଙ୍ଗ୍ ଆତାଦେର୍‌ନା।

ଏପିସିୟ 3:16

ଆନେଙ୍ଗ୍ ଇଦାଙ୍ଗ୍ ପାର୍ତାନା କିନାଙ୍ଗା ଯେ ତା ଗୌରବନି ଦନ୍ ତା ଆତ୍ମାତାଙ୍ଗ୍ ମି ଆତ୍ମା ଶାକ୍ତି ଆୟେତ୍।

ଏପିସିୟ 4:30

ଈଶ୍ୱର ମିଙ୍ଗେଙ୍ଗ୍ ସିଲ୍ କିତ୍‌ତାନ୍‌ନା। ଇ ସିଲ୍ ଆନାତା ପବିତ୍ର ଆତ୍ମା ଇନାକା ହେୱାନ୍ ହିଦ୍‌ଦେଙ୍ଗ୍ ପାର୍ମାଣ୍ କିତାନ୍‌ନା। ଇ ପବିତ୍ର ଆତ୍ମା ର ଡିପଜିଟ୍ ଲେକେ ଗେରେଷ୍ଟି ହିଦ୍‌ନାତ୍ ଯେ ଈଶ୍ୱର ମାଙ୍ଗେଙ୍ଗ୍ ତା ଜାର୍ ମାନାୟ୍ କିଦେଙ୍ଗ୍ ମୁକ୍ତି କିତ୍‌ତାନ୍‌ନା, ଲାଗିଙ୍ଗ୍ ହେୱାନିଙ୍ଗ୍ ଦୁକ୍ ହିମାଟ୍।

୧ ପିତର 1:22

ଇନେସ୍‌କି ଏପେଙ୍ଗ୍ ସତ୍‌ତିଙ୍ଗ୍ ମାନିକିତି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ପାପ୍‌ତିଙ୍ଗ୍ ନୁସ୍‌ଦାତାନ୍‌ନା, ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ମି ପାର୍ତିନି ଟଣ୍ଡାରିଙ୍ଗ୍ ଟକାୟ୍ କିୱାଦାଙ୍ଗ୍ ହାତ୍‌ପା ଲାଡ୍‌କିନି ଦର୍‌କାର୍। ଏପେଙ୍ଗ୍ ଜାର୍-ଜାର୍‌ବିତ୍ରେ ଗରବ୍‌ତାଙ୍ଗ୍ ଲାଡ୍‌କିଜି ମାନାଟ୍।

୧ ପିତର 3:9

ଯଦି ମି ବିରୁଦ୍‌ତାକେ ଇନେର୍ ମି ଜିନିଷ୍‌ତିଙ୍ଗ୍ ନଷ୍ଟ କିନାନ୍, ଲାଗିଙ୍ଗ୍ ଏପେଙ୍ଗ୍ ତା ଜିନିଷ୍‌ତିଙ୍ଗ୍ ଉଲ୍‌ଟା ନଷ୍ଟ କିମାଟ୍, ଆରେ ଇନେର୍ ଯଦି ମିଙ୍ଗେଙ୍ଗ୍ ଇନସ୍ତା କିଦ୍‌ନାନ୍ ଆରେ ଏପେଙ୍ଗ୍ ତାଙ୍ଗେଙ୍ଗ୍ ଉଲ୍‌ଟା ଇନସ୍ତା କିମାଟ୍। ମାତର୍ ଏପେଙ୍ଗ୍ ହେୱାରିଙ୍ଗ୍ ଆଶ୍ରିବାଦ୍ କିୟାଟ୍, ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ବାଚି କିତ୍‌ତାନ୍‌ନା, ଯଦି ଏପେଙ୍ଗ୍ ହେଲେକେ କିନାଦେର୍ ଈଶ୍ୱର ମିଙ୍ଗେଙ୍ଗ୍ ଆଶ୍ରିବାଦ୍ କିଦ୍‌ନାନ୍।