ଗାଲାତିୟ 3:12 - New Testament in Pengo Parja Language

¹² ମୋଶା ଲେକିକିତି ନିୟମ୍ ସାସ୍ତର୍‌ତିଙ୍ଗ୍ ମାନିକିନାକା ଆରେ ଈଶ୍ୱରତାକେ ପାର୍ତି କିଜି ଜିବୁନ୍ କାଟି କିନାକା ବେସି ଜେକ। ଇନେସ୍‌କି ସାସ୍ତର୍‌ତାକେ ଲେକାଆତାତ୍‌ନା, “ନିୟମ୍ ସାସ୍ତର୍‌ତାକେ ଲେକାଆତି ୱିଜୁ ନିୟମ୍‌ତିଙ୍ଗ୍ ଇନେର୍ ଯଦି ମାନି କିନାନ୍ ହେୱାନ୍ ଜିନାନ୍।”

ସତ୍‌ ବଚନ୍‌ ପୁନି ନିୟମ୍‌

¹² ମାତର୍‌ ବିଦି ଲାହାଂ ପାର୍ତିନି ଇନାକାପା ମେହାଣ୍‌ ଆକାୟ୍‌ । ଦରମ୍‌ ସାସ୍ତର୍‌ତ ଲେକାତାତ୍‌ନା, “ଇମ୍‌ଣି ମାନାୟ୍‌ ବିଦିନି ଦାବି ଲାହାଂ କାମାୟ୍‌ କିନାନ୍‌ ହେୱାନ୍‌ ଜିନାନ୍‌ ।”

ଗାଲାତିୟ 3:12 Iomraidhean Croise

ମାତିଉ 19:17

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ହାର୍ଦି କାମାୟ୍ ବିଷୟରେ ଇନା କିଦେଙ୍ଗ୍ ନାଙ୍ଗେଙ୍ଗ୍ ୱେନ୍‌ବା ଆଦ୍‌ନାଦେରା? ମାତର୍ ହାର୍‌ଦାକାନ୍ ରକାନ୍। ଏପେଙ୍ଗ୍ ଯଦି ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଇଚା କିନାଦେରା, ଲାଗିଙ୍ଗ୍ ମାପୃ ଆଦେସ୍‌ତିଙ୍ଗ୍ ୱିଜୁ ମାନି କିୟାଟ୍।”

ରୋମିୟ 11:6

ଆରେ ହେୱାର୍ ଯଦି ଈଶ୍ୱର ଦୟା କାଜିଙ୍ଗ୍ ଉଦାର୍ ପାୟାଆନାର୍‌, ଲାଗିଙ୍ଗ୍ ହେଦାଙ୍ଗ୍ ତା ହାର୍ କାମାୟ୍ କିତି କାଜିଙ୍ଗ୍ ଆକାୟ୍। ଯଦି ହେଲେକେ ଆନାତ୍ ଲାଗିଙ୍ଗ୍ ଈଶ୍ୱରତି ଦୟା ଆରେ ଦୟା ଆକାୟ୍, ମାତର୍ ହେୱାର୍ କାମାୟ୍ କାଜିଙ୍ଗ୍ ଆନାତ୍।

ରୋମିୟ 4:14

ଯଦି ଅବ୍ରାହାମ ଆରେ ତା କୁଟୁମ୍‌ତିଙ୍ଗ୍ ଈଶ୍ୱର ନିୟମ୍‌ତିଙ୍ଗ୍ ମାନିକିତି କାଜିଙ୍ଗ୍ ଇ ପାର୍ମାଣ୍‌ତିଙ୍ଗ୍ ହିତାନ୍‌ନା, ଲାଗିଙ୍ଗ୍ ଅବ୍ରାହାମ ପାର୍ତି କିତାକା ବେକାର୍ ଆତାତ୍‌ମା ଆରେ ଈଶ୍ୱର ହିତି ପାର୍ମାଣ୍ ପା ପୁରା ଆୱାତାତ୍‌ମା।

ରୋମିୟ 4:16

ଲାଗିଙ୍ଗ୍ ମାନାୟାର୍ ପାର୍ତି କାଜିଙ୍ଗ୍ ଈଶ୍ୱର ପାର୍ମାଣ୍ କିତାନ୍। ଇ ପାର୍ମାଣ୍ ଈଶ୍ୱର ଦୟା କିତି କାଜିଙ୍ଗ୍ ଗାଟାଆତ୍‌ତାନା। ଇ ପାର୍ମାଣ୍ ଈଶ୍ୱର ନିୟମ୍‌ତିଙ୍ଗ୍ ପାୟାଆତି ଅବ୍ରାହାମ କୁଟୁମ୍‌ନି ମାନାୟାର୍ କାଜିଙ୍ଗ୍ ନେ ଆକାୟ୍। ମାତର୍ ଏଚେଜାଣ୍ ପାର୍ତିକିନାରା, ହେ ୱିଜୁ ଅବ୍ରାହାମନି କୁଟୁମ୍‌ନି ମାନାୟାର୍ ଆନାର୍, ଇନେସ୍‌କି ହେୱାର୍ ଈଶ୍ୱରତିଙ୍ଗ୍ ପାର୍ତିକିନାରା, ଇନେସ୍ ଅବ୍ରାହାମ ପାର୍ତି କିଜି ମାଚାନ୍, ଆରେ ଅବ୍ରାହାମ ମା ଆକଦାଦି ଆତାନ୍।

ରୋମିୟ 7:10

ଲାଗିଙ୍ଗ୍ ଈଶ୍ୱର ହିତ୍‌ତି ହେ ହାର୍ଦି ନିୟମ୍ ଜିବୁନ୍‌ହିନି ବାଦୁଲ୍ ନାଙ୍ଗେଙ୍ଗ୍ ଈଶ୍ୱର ତାକେତାଙ୍ଗ୍ ଅଲ୍‌ଗା କିତ୍‌ତାନ୍।