ଗାଲାତିୟ 3:10 - New Testament in Pengo Parja Language

¹⁰ ମାତର୍ ଈଶ୍ୱର ଲାଗାୟ୍ ଦରମ୍ ମାନାୟ୍ ଆଦେଙ୍ଗ୍ ଇମ୍‌ଣାକାନ୍ ମୋଶା ଲେକିକିତି ନିୟମ୍ ସାସ୍ତର୍‌ତିଙ୍ଗ୍ ଆହା କିନାନ୍, ଈଶ୍ୱର ହେୱାରିଙ୍ଗ୍ ଅବିଶାପ୍ ହିନାନ୍। ଇନେସ୍‌କି ସାସ୍ତର୍‌ତାକେ ଲେକାଆତାତ୍‌ନା, “ଇମ୍‌ଣାକାନ୍ ମୋଶା ଲେକିକିତି ସାସ୍ତର୍‌ନି ନିୟମ୍ ୱିଜୁତିଙ୍ଗ୍ ମାନ୍‌ଦିୟାନ୍ କିଜି ମାନିକିୱିତିସ୍, ଈଶ୍ୱର ହେୱାନିଙ୍ଗ୍ ଅବିଶାପ୍ ହିନାନ୍।”

ସତ୍‌ ବଚନ୍‌ ପୁନି ନିୟମ୍‌

¹⁰ ଇମ୍‌ଣାକାର୍‌ ବିଦି ପାଲି କିନି ଜପି ବାର୍ସି କିତାର୍‌, ହେୱାର୍‌ ସାଇପ୍‍ନିକାର୍ ବିତ୍ରେ ଜିବୁନ୍‌ ଜିପ୍‌କା କିତାର୍‌ । ଇନେକିଦେଂକି ଦରମ୍‌ ସାସ୍ତର୍‌ତ ଲେକାମାନାତ୍‌, “ମସାତି ବିଦି ପତିତ ଇନାକା ସବୁ ଲେକା ଆତାତ୍‌ନ୍ନା, ଜଦି ଇନେର୍‌ ପୁରାବାବେ ହେଦାଂ ପାଲି କିଉନ୍‌, ହେୱାନ୍‌ ଇସ୍ୱର୍‌ତି ସାଇପ୍‌ ପାୟା ଆନାଦେର୍‌ ।”

ଗାଲାତିୟ 3:10 Iomraidhean Croise

ମାତିଉ 25:41

ତାପାଚେ ରାଜା ତା ଡେବା ବାଗାୟ୍ ମାନି ମାନାୟାରିଙ୍ଗ୍ ୱେଚ୍‌ନାନ୍, ‘ନାବେତାଙ୍ଗ୍ ହାଲାଟ୍। ଈଶ୍ୱର ମି କାଜିଙ୍ଗ୍ ଦଣ୍ଡ୍ ବାଚି କିତାନ୍‌ନା। ଏପେଙ୍ଗ୍ ୱିଜୁଦିନ୍ କାଚାଆନି ନାଣିତାକେ ହାନାଦେର୍। ଇନେସ୍‌କି ଶୟତାନ ଆରେ ତା ଦୁତ୍‌କୁକାଜିଙ୍ଗ୍ ରହିଆତାତ୍‌ନା।’

ରୋମିୟ 4:15

ଇନେସ୍‌କି ୱିଜୁ ନିୟମ୍‌ତିଙ୍ଗ୍ ମାନି କିୱାକାରିଙ୍ଗ୍ ଈଶ୍ୱର ଦଣ୍ଡ୍ ହିନାନ୍। ଲାଗିଙ୍ଗ୍ ନିୟମ୍ ହିଲିତିସ୍, ମାନାୟାର୍ ନିୟମ୍‌ତିଙ୍ଗ୍ ବାଙ୍ଗାୟ୍ କିୱାତାର୍‌ମା।

ରୋମିୟ 6:23

ଇନେସ୍‌କି ପାପ୍ କାମାୟ୍ କାଜିଙ୍ଗ୍ ମାରାଣ୍ ୱାତାତ୍, ମାତର୍ ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ୱିଜ୍‌ୱି ଜିବୁନ୍ ଈଶ୍ୱର ଦୟାତାଙ୍ଗ୍ ଦାନ୍ ହିତାନ୍।

ରୋମିୟ 8:7

ଇନେସ୍‌କି ପାପ୍‍କିନି ଇଚା ୱିଜୁଦିନ୍ ଈଶ୍ୱରତିଙ୍ଗ୍ ବିରଦ୍ କିନାତ୍, ହେଦାଙ୍ଗ୍ ଈଶ୍ୱର ନିୟମ୍‌ତିଙ୍ଗ୍ ମାନି କିଦେଙ୍ଗ୍ ଇଚା କିଉତ୍ ଆରେ ଇନାୱେଡ଼ାଙ୍ଗ୍ ମାନିକିଉତ୍।

୨ କରନ୍ତିୟ 3:7

ଏଚେପାଦ୍ନା ମୋଶା ଲେକିକିତି ଦରମ୍ ସାସ୍ତର୍ କାଲ୍‌ଜପି ଲେକାଆଜି ମାଚାତ୍, ହେପାଦ୍ନା ଈଶ୍ୱର ଅଜଡ଼୍‌ଲେକେ ଗୌରବ ଚଞ୍ଜିଆଆଜି ମାଚାତ୍। ହେ ଗୌରବ ଅଲପ୍ ସମୟ୍ ନେ ମାଚାତ୍, ଆତିସ୍‌ପା ଇସ୍ରାଏଲନି ମାନାୟାର୍ ହେ ଗୌରବତିଙ୍ଗ୍ ହୁଡ଼୍‌ଦେଙ୍ଗ୍ ଆଡ୍‌ୱାତାର୍।

ଗାଲାତିୟ 2:16

ମାତର୍ ଆପେଙ୍ଗ୍ ପୁନାପ୍ ଯେ ରକାନ୍ ମାନାୟ୍ ଯୀଶୁ ଖ୍ରୀଷ୍ଟତାକେ ପାର୍ତି କିଜି ଈଶ୍ୱର ଲାଗାୟ୍ ଦରମ୍ ମାନାୟ୍ ଇଞ୍ଜି ଗାଣାକିୟା ଆନାନ୍, ମୋଶା ଲେକିକିତି ନିୟମ୍ ସାସ୍ତର୍‌ତାଙ୍ଗ୍ ଆକାୟ୍। ହେଦାଙ୍ଗ୍ କାଜିଙ୍ଗ୍ ଖ୍ରୀଷ୍ଟତାକେ ଆପେଙ୍ଗ୍ ପାର୍ତିକିତି କାଜିଙ୍ଗ୍, ଆସେଙ୍ଗ୍ ନଙ୍ଗୟ୍ ଈଶ୍ୱର ଲାଗାୟ୍ ଦରମ୍ ମାନାୟ୍ ଇଞ୍ଜି ଗାଣାକିୟା ଆନାସ୍‌, ମୋଶା ଲେକିକିତି ନିୟମ୍ ସାସ୍ତର୍‌ତିଙ୍ଗ୍ ମାନିକିନି କାଜିଙ୍ଗ୍ ଆକାୟ୍। ଇନେସ୍‌କି ରକାନ୍ ପା ନିୟମ୍ ସାସ୍ତର୍ ମାନିକିଜି ଈଶ୍ୱର ଲାଗାୟ୍ ଦରମ୍ ମାନାୟ୍ ଆଦେଙ୍ଗ୍ ଆଡୁନ୍।”