ଗାଲାତିୟ 3:1 - New Testament in Pengo Parja Language

¹ ଗାଲାତିୟ ସହର୍‌ତାକେ ମାନି ପାର୍ତିକିନି ମାନାୟ୍ କାଦେର୍ ଏପେଙ୍ଗ୍ ବକୁୱା କାଦେର୍ କି? ଯୀଶୁ ଖ୍ରୀଷ୍ଟ ଇନାକିଦେଙ୍ଗ୍ କୃଶକାଟ୍‌ତାକେ ହାଃଜି ମାଚାନ୍ ହେଦାଙ୍ଗ୍ ମିଙ୍ଗେଙ୍ଗ୍ କିଲେର୍ କିଜି ବୁଜାଇକିଜି ମାନ୍‌ଞ୍ଚାଙ୍ଗ୍। ଲାଗିଙ୍ଗ୍ ଇନେର୍ କାତା ଆସ୍ତି ଏପେଙ୍ଗ୍ ବୁଲ୍‌କା ଆତାଦେର୍‌ନା?

ସତ୍‌ ବଚନ୍‌ ପୁନି ନିୟମ୍‌

¹ ଏ ବୁଜାୱି ଗାଲାତିୟାର୍‌ ! ଇନେର୍‌ ମି ଜପି ଗାଜାକିତ୍‌ତାନ୍‌ ? ମି କାଣ୍‌କୁ ମୁମ୍‌ଦ ତ କ୍ରୁସ୍‌ତ ହାତି ଜିସୁ କ୍ରିସ୍ଟତି ବାନା ରଚ୍‌ୟାଜ଼ି ମାଚାତ୍‌ ।

ଗାଲାତିୟ 3:1 Iomraidhean Croise

ମାତିଉ 24:24

ମିଚ୍‌ୱା ଖ୍ରୀଷ୍ଟ ଆରେ ମିଚ୍‌ୱା ଭବିଷ୍ଯତବକ୍ତାର୍ ଚଞ୍ଜିଆଆଦ୍‌ନାର୍। ଆରେ ହେୱାର୍ ଗାଜାଗାଜା କାମାୟ୍ କିନାର୍ ଆରେ ଚାନିଆ କାମାୟ୍ କିଜି ଈଶ୍ୱର ବାଚିକିତି ମାନାୟାରିଙ୍ଗ୍ ପା ବୁଲ୍‌କାଇ କିନାର୍।

ମାତିଉ 7:26

ମାତର୍ ଇମ୍‌ଣାକାନ୍ ନା କାତାତିଙ୍ଗ୍ ୱେନ୍‌ଞ୍ଜି ହେ କାତାତିଙ୍ଗ୍ ମାନିକିଉନ୍, ହେୱାନ୍ କୁନାଦି କିୱାଦାଙ୍ଗ୍ ବାଲିଜପି ଇଲ୍ ଗାଚ୍‌ଚି ମାନାୟ୍ ର ବକୁୱା ମାନାୟ୍ ଲେକେ ଆନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:25

ତାପାଚେ ଯୀଶୁ ହେ ରିକାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଏଚେକ୍ ବକୁଆ। ଭବିଷ୍ଯତବକ୍ତାର୍ ଇନାକା ୱିଜୁ ୱେଚ୍‌ଚି ମାନ୍‌ଞ୍ଚାର୍, ହେ ସତ୍‌ତିଙ୍ଗ୍ ଏପେଙ୍ଗ୍ ପାର୍ତି କିଦେଙ୍ଗ୍ ଆଡୁଦେରା।

ପକ୍ୟାତାକା 16:6

ପବିତ୍ର ଆତ୍ମା ପାଉଲ ଆରେ ତା ହାଙ୍ଗ୍‌ଦାକାରିଙ୍ଗ୍ ଏସିଆ ଜିଲ୍ଲାତାକେ ଈଶ୍ୱର କାତା ଶୁଣାୟ୍ କିଦେଙ୍ଗ୍ ମୁନା କିତାତ୍। ଲାଗିଙ୍ଗ୍ ହେୱାର୍ ଫ୍ରୁଗିଆ ଆରେ ଗାଲାତିୟ ଜିଲ୍ଲା ନିପଣ୍ ଆଜି ହାଚାର୍।

ପକ୍ୟାତାକା 6:7

ଲାଗିଙ୍ଗ୍ ବାଚିକିତି ଚେଲାର୍ ଈଶ୍ୱର କାତା ଶୁଣାୟ୍ କିଦେଙ୍ଗ୍‌ ବୁଲାଆଦେଙ୍ଗ୍ ଲାଗାତାର୍, ଆରେ ଯିରୁଶାଲାମ ସହର୍‌ତାକେ ଯୀଶୁତାକେ ପାର୍ତିକିନି ଚେଲାହିର୍ ଆଦିକ୍ ବାଡା ଆଦେଙ୍ଗ୍ ଲାଗାତାର୍। ହେୱାର୍ ବିତ୍ରେତାଙ୍ଗ୍ ଯିହୁଦି ପୁଜାରିର୍ ପା ବେସିହେନି ଯୀଶୁ ହାର୍ଦିକାବୁର୍‌ତିଙ୍ଗ୍ ପାର୍ତି କିତାର୍।

ରୋମିୟ 10:16

ମାତର୍ ୱିଜାର୍ ମାନାୟ୍ ଈଶ୍ୱରତି ହାର୍ଦିକାବୁର୍‌ତିଙ୍ଗ୍ ଆହୁର୍, ଇନେସ୍‌କି ଯିଶାୟ ଭବିଷ୍ଯତବକ୍ତା ତା ଦରମ୍ ସାସ୍ତର୍‌ତାକେ ଲେକିକିତାନ୍‌ନା, “ଏ ମାପୃ ଇନେର୍ ପା ଆପେଙ୍ଗ୍ ଶୁଣାଇକିତି ହାର୍ଦିକାବୁର୍‌ତିଙ୍ଗ୍ ପାର୍ତି କିୱାତାର୍।

ରୋମିୟ 2:8

ମାତର୍ ଇମ୍‌ଣାକାର୍ ଜାର୍ ପାଇଦା କାଜିଙ୍ଗ୍ ନେ କାମାୟ୍ କିନାର୍, ଆରେ ସତ୍ କାମାୟ୍ କିଉର୍, ମାତର୍ ଅଦରମ୍‌ କାମାୟ୍ କିଦେଙ୍ଗ୍ ଇଚା କିନାର୍। ଈଶ୍ୱର ହେୱାରିଙ୍ଗ୍ ରିସା ଆନାନ୍ ଆରେ ଦଣ୍ଡ୍ ହିନାନ୍।

ରୋମିୟ 6:17

ମାତର୍ ଆନେଙ୍ଗ୍ ଈଶ୍ୱରତିଙ୍ଗ୍‌ ଦନ୍ୟବାଦ ହିନାଙ୍ଗା ଯେ, ଏପେଙ୍ଗ୍ ଆଗେ ପାପ୍‌ନି ଚାକର୍ ଆଜି ମାଚାଦେର୍। ମାତର୍ ନଙ୍ଗୟ୍ ଏପେଙ୍ଗ୍ ଈଶ୍ୱର ହିତ୍‌ତି ହିକ୍ଷାତିଙ୍ଗ୍ ଗରବ୍‌ତାଙ୍ଗ୍ ମାନି କିନାଦେରା।

୧ କରନ୍ତିୟ 11:26

ଏପେଙ୍ଗ୍ ଏଚେହଟ୍‌ ଇ ରୁଟି ତିନାଦେର୍‌ ଆରେ ଇ ଅଙ୍ଗୁର୍ ରାସ୍ ଉଣାଦେର୍, ଏପେଙ୍ଗ୍ ମାପୃ ଆରେରଗ ପୁର୍ତିତାକେ ୱାନି ପାତେକ୍ ମାନାୟାରିଙ୍ଗ୍ ୱେଚ୍‌ନାଦେରା ଯେ, ହେୱାନ୍ ମା କାଜିଙ୍ଗ୍ ହାଃତାନ୍‌ନା।

୧ କରନ୍ତିୟ 2:2

ଇନେସ୍‌କି ଆନେଙ୍ଗ୍ ଯୀଶୁ ଖ୍ରୀଷ୍ଟ ଆରେ ତା କୃଶକାଟ୍‌ତାକେ ହାଃତି ବିଷୟତିଙ୍ଗ୍ ନେ ମାନ୍‌ଦ୍ଯାନ୍ କିଜି ମାଚାଙ୍ଗ୍।

୨ କରନ୍ତିୟ 10:5

ଆସେଙ୍ଗ୍ ହେ ଅସ୍ତର୍ ଶସ୍ତର୍‌ତିଙ୍ଗ୍ ବ୍ୟବହାର୍ କିଜି ଈଶ୍ୱରତିଙ୍ଗ୍ ପୁନ୍‌ୱି ବାଟ୍‌ପାଣିୟାର୍‌ ଜିକାଟାଣା ଆନି ବିଷୟତିଙ୍ଗ୍ ଆପେଙ୍ଗ୍ ନଷ୍ଟ କିନାପା। ଆପେଙ୍ଗ୍ ହେ ଅସ୍ତର୍ ଶସ୍ତର୍‌ତିଙ୍ଗ୍ ବ୍ୟବହାର୍ କିଜି ହେୱାର୍ ମାନ୍‌ତିଙ୍ଗ୍ କଣ୍ଟ୍ରୁଲ୍ କିନାପା, ଆରେ ଆପେଙ୍ଗ୍ ଖ୍ରୀଷ୍ଟଙ୍ଗ୍ ମାନି କିଦେଙ୍ଗ୍ ହିକ୍ଷା ହିନାପା।

୨ କରନ୍ତିୟ 11:3

ମାତର୍ ପାର୍ତୁମ୍ କଗ୍‌ଲେଙ୍ଗ୍ ହବାଙ୍ଗ୍ ଶୟ୍‌ତାନ୍ ରାଚ୍ ହେଲେକେ ଆଜି ଟକାୟ୍ କିତାତ୍। ହେଲେକେ ଶୟ୍‌ତାନ୍ ମିଚ୍ ହିକ୍ଷାହିନି ମାନାୟାର୍‌ଲେକେ ଆଜି ମିଙ୍ଗେଙ୍ଗ୍ ପା ଚାଲାକି କିଜି ଟକାୟ୍ କିଦ୍‌ନାତ୍ ଆରେ ଏପେଙ୍ଗ୍ ଖ୍ରୀଷ୍ଟଙ୍ଗ୍ ହେବା କିନାକା ବନ୍ଦ୍ କିନାଦେର୍ ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ପାଣ୍ଡ୍ରାଆନାଙ୍ଗା।

ଗାଲାତିୟ 1:2

ନା ହୁଦାଙ୍ଗ୍ ମାନି ଟଣ୍ଡାର୍ ହୁଦାଙ୍ଗ୍ ଆନେଙ୍ଗ୍ ଇ ଚିଟି ଗାଲାତିୟ ଜିଲ୍ଲାତାକେ ମାନି ମଣ୍ଡ୍‌ଲିତିଙ୍ଗ୍ ପକ୍‌ନାଙ୍ଗା।

ଗାଲାତିୟ 1:6

ଆନେଙ୍ଗ୍ ଚାନିଆ ଆନାଙ୍ଗା ଯେ ଖ୍ରୀଷ୍ଟ ଦୟାତାଙ୍ଗ୍ ମିଙ୍ଗେଙ୍ଗ୍ ଈଶ୍ୱର ତା ମାନାୟ୍ କିଦ୍‌ନି କାଜିଙ୍ଗ୍ କୁକ୍ତାତାନ୍‌ନା। ମାତର୍ ହେୱାନ୍‌ତାଙ୍ଗ୍ ଏପେଙ୍ଗ୍ ଏଚେକ୍ ବେଗି ଜେକ ଆଜି ବିନ୍ ହାର୍ଦିକାବୁର୍‌ତିଙ୍ଗ୍ ପାର୍ତି କିନାଦେରା।

ଗାଲାତିୟ 2:14

ଏଚେପାଦ୍ନା ଆନେଙ୍ଗ୍ ହେୱାରିଙ୍ଗ୍ ସତ୍ ହାର୍ଦିକାବୁର୍ ବିରଦ୍‌ରେ ବ୍ୟବହାର୍ କିନାକା ହୁଡ଼୍‌ତାଙ୍ଗ୍। ୱିଜାକାର୍ ମୁମ୍‌ଦ ପିତର ଇନେରିଙ୍ଗ୍ କେପା ଇଞ୍ଜି ଇନାର୍ ହେୱାନିଙ୍ଗ୍ ୱେଚ୍‌ଚାଙ୍ଗ୍, “ଏନେଙ୍ଗ୍ ନିଜେ ଯିହୁଦି ଆଜି ଯିହୁଦିର୍ ନିୟମ୍‌ତିଙ୍ଗ୍ ମାନି କିଉୟା, ଆରେ ବିନ୍‌ଜାତିର୍ ଲେକେ ବ୍ୟବହାର୍ କିନାୟା। ଲାଗିଙ୍ଗ୍ ଏନେଙ୍ଗ୍ ଇନାକିଦେଙ୍ଗ୍ ଇ ବିନ୍‌ଜାତିନି ମାନାୟାରିଙ୍ଗ୍ ଯିହୁଦିର୍ ନିତି ନିୟମ୍‌ତିଙ୍ଗ୍ ମାନି କିଦେଙ୍ଗ୍ ବାଦ୍ୟ କିନାୟା?”

ଗାଲାତିୟ 3:3

ଏପେଙ୍ଗ୍ ଇନେସ୍ ବକୁୱା ଆଦେଙ୍ଗ୍ ଆଡ୍‌ନାଦେର୍? ପବିତ୍ର ଆତ୍ମା ସାଇଜତାଙ୍ଗ୍ ଏପେଙ୍ଗ୍ ମି ଖ୍ରୀଷ୍ଟାନ୍ ଜିବୁନ୍‌ତିଙ୍ଗ୍ ଆରମ୍ କିତାଦେର୍‌ନା। ନଙ୍ଗୟ୍ ଏପେଙ୍ଗ୍ ଇନାକିଦେଙ୍ଗ୍ ଜାର୍ ଶାକ୍ତିତାଙ୍ଗ୍ ପୁରା ଟିକ୍ ଆଦେଙ୍ଗ୍ ଇଚା କିନାଦେରା?

ଗାଲାତିୟ 4:9

ମାତର୍ ନଙ୍ଗୟ୍ ଏପେଙ୍ଗ୍ ଈଶ୍ୱରତିଙ୍ଗ୍ ପୁଚାଦେର୍‌ନା, ନଇଲେ ଇଦାଙ୍ଗ୍ ପା ଆନେଙ୍ଗ୍ ୱେଚ୍‌ଚାନାଙ୍ଗ୍ ଯେ ଈଶ୍ୱର ନଙ୍ଗୟ୍ ମିଙ୍ଗେଙ୍ଗ୍ ପୁନ୍‌ଞ୍ଚାନ୍‌ନା। ଲାଗିଙ୍ଗ୍ ଇ ଜଗତ୍‌ନି ଦୁର୍‌ବଲ୍ ଆରେ ମୁଲ୍ୟ ହିଲ୍‌ୱି ହିକ୍ଷାନି ଦାସ୍ ଆଦେଙ୍ଗ୍, ଇନେସ୍ ଆରେରଗ ଲେଉଟା ଆଜି ହାଞ୍ଜେଙ୍ଗ୍ ଇଚା କିନାଦେରା?

ଗାଲାତିୟ 5:11

ମାତର୍ ଏ ଟଣ୍ଡାର୍‌କାଦେର୍, ଯଦି ଆନେଙ୍ଗ୍ ସୁନତ ବିଦି ମାନି କିଦେଙ୍ଗ୍ ଶୁଣାୟ୍ କିତାଙ୍ଗ୍‌ମା, ଲାଗିଙ୍ଗ୍ ଆନେଙ୍ଗ୍ ନଙ୍ଗୟ୍ କଷ୍ଟ ପଡ଼ାଆୱାତାଙ୍ଗ୍‌ମା। ଆରେ ଆନେଙ୍ଗ୍ ଯଦି କୃଶକାଟ୍‌ତାକେ ହାଃତି ଖ୍ରୀଷ୍ଟ କାଜିଙ୍ଗ୍ ନେ ଉଦାର୍ ମାନାତ୍ ଇଞ୍ଜି ଶୁଣାୟ୍ କିୱାତାଙ୍ଗ୍‌ମା, ଲାଗିଙ୍ଗ୍ ଇନେର୍‌ତାକେ ପା ଅପ୍‌ମାନ୍ ପାୟାଆୱାତାଙ୍ଗ୍‌ମା।

ଏପିସିୟ 3:8

ଈଶ୍ୱର ୱିଜୁ ମାନାୟାର୍ ବିତ୍ରେ ଆନେଙ୍ଗ୍ ରକାଙ୍ଗ୍ ହିରୁକାଙ୍ଗ୍। ମାତର୍ ବିନ୍‌ଜାତିନି ମାନାୟାରିଙ୍ଗ୍ ଖ୍ରୀଷ୍ଟତାକେ ମାନି ୱିଜ୍‌ୱି ହେବାକିନି ବାବ୍‌ନାତାଙ୍ଗ୍ ଆଦିକ୍ ଆଶ୍ରିବାଦ୍‌ନି ହାର୍ଦିକାବୁର୍ ଆନେଙ୍ଗ୍ ୱେଚ୍‌ଚେଙ୍ଗ୍ ଆଡ୍‌ନାଙ୍ଗ୍।

ଏପିସିୟ 4:14

ଲାଗିଙ୍ଗ୍ ଆସେଙ୍ଗ୍ ହିରୁ ହିମ୍‌ଣା ଲେକେ ଆଜି ମାନୁସ୍, ଆରେ ହିରୁ ଡଙ୍ଗା ଲଉଡ଼ି ଆରେ ଡ଼ୁଇତାକେ ଇନି ଆନି ଆତି ଲେକେ ଆସେଙ୍ଗ୍ ଆଉସ୍। ଇନେସ୍‌କି ଟକୁୱା ମାନାୟାର୍ ମାଙ୍ଗେଙ୍ଗ୍ ଆରେ ଟକାଇ କିଦ୍‌ଦେଙ୍ଗ୍ ଆଡ଼୍‌ଦୁର୍, କି ଚାତୁର୍ ମାନାୟାର୍ ବୁଲ୍ ହିକ୍ଷାତାଙ୍ଗ୍ ମାଙ୍ଗେଙ୍ଗ୍ ବୁଲ୍‌କାଇ କିଦ୍‌ଦେଙ୍ଗ୍ ଆଡ଼୍‌ଦୁର୍।

ଏପିସିୟ 5:15

ଇଦାଙ୍ଗ୍ କାଜିଙ୍ଗ୍ ମି ବ୍ଯବାହାର୍‌ତାକେ ଜାଗ୍ରତ୍ ଆଡ। ଏପେଙ୍ଗ୍ ବୁଦିହିଲ୍‌ୱି ଲେକେ ଆୱାଦାଙ୍ଗ୍ ବୁଦି ମାନିଲେକେ ବ୍ଯବାହାର୍ କିୟାଟ୍।

୨ ଥେସଲନୀକିୟ 1:8

ଇମ୍‌ଣି ମାନାୟାର୍ ଈଶ୍ୱରତିଙ୍ଗ୍ ପୁନ୍‌ୱାତାର୍‌ନା, ଆରେ ମା ମାପୃ ଯୀଶୁତି ହାର୍ଦିକାବୁର୍ ମାନି କିୱାତାର୍‌ନା, ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।

୧ ତିମତି 6:4

ଇ ଲେକେ ବୁଲ୍ ହିକ୍ଷାହିନି ମାନାୟ୍ ବାଟ୍‌ପାଣିଆ ଆରେ ଇନାକା ପା ପୁନ୍‌ୱାଦାଙ୍ଗ୍ ମାନ୍‌ଗାନାନ୍, ଇ ଲେଗ୍‌ଦି ମାନାୟ୍ ଜୁକ୍ତି କିନାର୍ ଆରେ ର କାତାତିଙ୍ଗ୍ ଆଜି ମାଡ୍‌ଗଲ୍ ଆଦେଙ୍ଗ୍ ଇଚାକିନାର୍। ଇଦାଙ୍ଗ୍ କାଜିଙ୍ଗ୍ ଆକାର୍, ଜାର୍-ଜାର୍‌ବିତ୍ରେ ମାଡ୍‌ଗଲ୍, ଜେକନିକାରିଙ୍ଗ୍ ଅପ୍‌ମାନ୍ କିନାକା ଆରେ ବେକାରେ ନିନ୍ଦାକିନାକା ଗଟାଆନାତ୍,

ଏବ୍ରି 11:8

ପାର୍ତି କାଜିଙ୍ଗ୍ ଅବ୍ରାହାମ ଈଶ୍ୱର କାତାତିଙ୍ଗ୍ ମାନି କିତାନ୍, ଏଚେପାଦ୍ନା ଈଶ୍ୱର ହେୱାନିଙ୍ଗ୍ ତା ଇଲ୍ ପିସ୍ତି ଜେକନି ଦେସ୍‌ତାକେ ହାଞ୍ଜେଙ୍ଗ୍ କୁକ୍‌ତାନ୍। ଅବ୍ରାହାମତିଙ୍ଗ୍ ଈଶ୍ୱର ହେ ଦେସ୍ ଆଦିକାରି କିନି କାଜିଙ୍ଗ୍ ହିଦେଙ୍ଗ୍ ହାଲ୍‌ଜି ମାଚାନ୍। ମାତର୍ ହେୱାନ୍ ଇଦାଙ୍ଗ୍ ପୁନ୍‌ୱାଦାଙ୍ଗ୍ ମାଚାନ୍, ଆତିସ୍‌ପା ହେୱାନ୍ ହସିହାଚାନ୍।

ଏବ୍ରି 5:9

ଇଦାଙ୍ଗ୍ କାଜିଙ୍ଗ୍ ଈଶ୍ୱର ହେୱାନିଙ୍ଗ୍ ପୁରାପୁରି ଟିକ୍ ପ୍ରଦାନ୍ ମୁଡ଼୍‌ଦି ପୁଜାରି ଇଞ୍ଜି ଯଗ୍ୟ କିତାନ୍, ଆରେ ହେୱାନ୍‌ତାକେ ପାର୍ତିକିନି ମାନାୟାରିଙ୍ଗ୍ ହେୱାନ୍ ଯୁଗ୍-ଯୁଗ୍ କାଜିଙ୍ଗ୍ ଉଦାର୍ କିନାନ୍।

୧ ପିତର 1:22

ଇନେସ୍‌କି ଏପେଙ୍ଗ୍ ସତ୍‌ତିଙ୍ଗ୍ ମାନିକିତି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ପାପ୍‌ତିଙ୍ଗ୍ ନୁସ୍‌ଦାତାନ୍‌ନା, ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ମି ପାର୍ତିନି ଟଣ୍ଡାରିଙ୍ଗ୍ ଟକାୟ୍ କିୱାଦାଙ୍ଗ୍ ହାତ୍‌ପା ଲାଡ୍‌କିନି ଦର୍‌କାର୍। ଏପେଙ୍ଗ୍ ଜାର୍-ଜାର୍‌ବିତ୍ରେ ଗରବ୍‌ତାଙ୍ଗ୍ ଲାଡ୍‌କିଜି ମାନାଟ୍।

୧ ପିତର 4:17

ଇନେସ୍‌କି ଖ୍ରୀଷ୍ଟ ବିଚାର୍‌କିନି ଦିନ୍ ଲାଗେ ୱାତାତେ, ଆରେ ହେୱାନ୍ ଖ୍ରୀଷ୍ଟାନାରିଙ୍ଗ୍ ଆଗେ ବିଚାର୍ କିନାନ୍। ଲାଗିଙ୍ଗ୍ ଏପେଙ୍ଗ୍ ବାବି କିୟାଟ୍ ଈଶ୍ୱର ହାର୍ଦିକାବୁର୍‌ତିଙ୍ଗ୍ ପାର୍ତି କିୱାତାକାରିଙ୍ଗ୍ କେତେକ୍ ଦଣ୍ଡ୍ ହିଉନ୍।

୨ ପିତର 2:18

ଇ ମାଷ୍ଟେରାର୍ ଏଚେପାଦ୍ନା ହିକ୍ଷା ହିନାର୍, ହେୱାର୍ ମୁଲ୍ୟ ହିଲାକା ଆରେ ନିଜେ ଗାଜାକାଙ୍ଗ୍ ଇଞ୍ଜି ଚଚିୟାଆନି କାତା ୱେଚ୍‌ନାର୍। ଅପ୍‌ମାନ୍ ପାୟାଆନି କାମାୟ୍ ହେୱାର୍ ଗାଗାଡ଼୍ ଇଚା କିତିସ୍ ହେଦାଙ୍ଗ୍ କିଦେଙ୍ଗ୍ ଆଡ୍‌ନାର୍ ଇଞ୍ଜି ହେୱାର୍ ମାନାୟାରିଙ୍ଗ୍ ୱେଚ୍‌ନାର୍। ଇମ୍‌ଣାକାର୍ ଇଲେକେ କରାପ୍ ଜିବୁନ୍‌ତାଙ୍ଗ୍ ହସି ନୁଆଁରେ ଖ୍ରୀଷ୍ଟାନ୍ ଆତାର୍‌ନା, ହେୱାରିଙ୍ଗ୍ ଇ ବୁଲ୍ ହିକ୍ଷାହିନି ମାଷ୍ଟେରାର୍ ଟକାୟ୍ କିଜି ପାପ୍ କାମାୟ୍ କିୟିକିନାର୍।

ହତ୍‌ତି 2:20

ମାତର୍ ଏପେଙ୍ଗ୍ ର ବୁଲ୍ କାମାୟ୍ କିନାକା ଆନେଙ୍ଗ୍ ହୁଡ଼୍‌ନାଙ୍ଗା। ଏପେଙ୍ଗ୍ ଯିଜେବଲ ତର୍‌ଦି କଗ୍‌ଲେ ମିଚ୍ ହିକ୍ଷାତିଙ୍ଗ୍ ଆହ୍‌ନାଦେରା ହେଦେଲ୍ ଜାର୍‌ତିଙ୍ଗ୍ ଭବିଷ୍ଯତବକ୍ତା ଇଞ୍ଜି ୱେଚ୍‌ନାତା। ମାତର୍ ନା ଲକ୍‌ବାକ୍ ମୁର୍ତିକାଙ୍ଗ୍ ହିତି କାଦି କିନାକା, ମୁର୍ତିକାଙ୍ଗ୍ ପୁଜା କିନାକା ଆରେ ଦାରି କାମାୟ୍ କିନି ପାପ୍ କାମାୟ୍ କିନାକା ହିକାୟ୍ କିନାତା।