ଗାଲାତିୟ 2:5 - New Testament in Pengo Parja Language

⁵ ମାତର୍ ଆପେଙ୍ଗ୍ ଅଲପ୍‌ପା ହେୱାର୍ ହୁଦାଙ୍ଗ୍ ରାଜି ଆୱାତାପ୍। ଇନେସ୍‌କି ଏପେଙ୍ଗ୍ ଇନେସ୍ ସତ୍ ହାର୍ଦିକାବୁର୍‌ତାକେ ତିର୍‌ଆଜି ମାନାଦେର୍।

ସତ୍‌ ବଚନ୍‌ ପୁନି ନିୟମ୍‌

⁵ ମାତର୍‌ ମି କାଜିଂ ନେକ୍ରିକାବୁର୍‌ ହାତ୍‌ପାତିଂ ଚାଲା ଆଜ଼ି ମାନି କାଜିଂ ଆସେଙ୍ଗ୍‌ ହେ ପରଚାର୍‌ କିନାକାରିଂ ଚାନେକ୍‍ ମତର୍ ପାବ୍‌ ହିୱାଦାଂ ମାଚାର୍‌ ।

ଗାଲାତିୟ 2:5 Iomraidhean Croise

ପକ୍ୟାତାକା 15:2

ଲାଗିଙ୍ଗ୍ ବାଚିକିତି ଚେଲା ପାଉଲ ଆରେ ବର୍ଣ୍ଣବା ହେୱାର୍ ହିକ୍ଷାତାଙ୍ଗ୍ ମେହା ଆୱାତାର୍ ଆରେ ହେୱାର୍ ହୁଦାଙ୍ଗ୍ ଜୁକ୍ତି କିବାଆତାର୍। ଲାଗିଙ୍ଗ୍ ପାର୍ତି କିନାକାର୍ ଆରେ ପ୍ରାଚିନାର୍ ହୁଦାଙ୍ଗ୍ ଇ ବିଷୟରେ ଆଲ୍‌ଚାନା କିଦେଙ୍ଗ୍, ମଣ୍ଡ୍‌ଲିନି ମାନାୟାର୍ ପାଉଲ, ବର୍ଣ୍ଣବା ଆରେ କେତେକ୍ ପାର୍ତି କିନାକାରିଙ୍ଗ୍ ଯିରୁଶାଲାମ୍ ସହର୍‌ତାକେ ପକ୍ତେଙ୍ଗ୍ ବାଚିକିତାର୍।

ଗାଲାତିୟ 1:6

ଆନେଙ୍ଗ୍ ଚାନିଆ ଆନାଙ୍ଗା ଯେ ଖ୍ରୀଷ୍ଟ ଦୟାତାଙ୍ଗ୍ ମିଙ୍ଗେଙ୍ଗ୍ ଈଶ୍ୱର ତା ମାନାୟ୍ କିଦ୍‌ନି କାଜିଙ୍ଗ୍ କୁକ୍ତାତାନ୍‌ନା। ମାତର୍ ହେୱାନ୍‌ତାଙ୍ଗ୍ ଏପେଙ୍ଗ୍ ଏଚେକ୍ ବେଗି ଜେକ ଆଜି ବିନ୍ ହାର୍ଦିକାବୁର୍‌ତିଙ୍ଗ୍ ପାର୍ତି କିନାଦେରା।

ଗାଲାତିୟ 2:14

ଏଚେପାଦ୍ନା ଆନେଙ୍ଗ୍ ହେୱାରିଙ୍ଗ୍ ସତ୍ ହାର୍ଦିକାବୁର୍ ବିରଦ୍‌ରେ ବ୍ୟବହାର୍ କିନାକା ହୁଡ଼୍‌ତାଙ୍ଗ୍। ୱିଜାକାର୍ ମୁମ୍‌ଦ ପିତର ଇନେରିଙ୍ଗ୍ କେପା ଇଞ୍ଜି ଇନାର୍ ହେୱାନିଙ୍ଗ୍ ୱେଚ୍‌ଚାଙ୍ଗ୍, “ଏନେଙ୍ଗ୍ ନିଜେ ଯିହୁଦି ଆଜି ଯିହୁଦିର୍ ନିୟମ୍‌ତିଙ୍ଗ୍ ମାନି କିଉୟା, ଆରେ ବିନ୍‌ଜାତିର୍ ଲେକେ ବ୍ୟବହାର୍ କିନାୟା। ଲାଗିଙ୍ଗ୍ ଏନେଙ୍ଗ୍ ଇନାକିଦେଙ୍ଗ୍ ଇ ବିନ୍‌ଜାତିନି ମାନାୟାରିଙ୍ଗ୍ ଯିହୁଦିର୍ ନିତି ନିୟମ୍‌ତିଙ୍ଗ୍ ମାନି କିଦେଙ୍ଗ୍ ବାଦ୍ୟ କିନାୟା?”

ଗାଲାତିୟ 4:16

ଲାଗିଙ୍ଗ୍ ନଙ୍ଗୟ୍ ଆନେଙ୍ଗ୍ ସତ୍ ୱେଚ୍‌ଚିତିଲେ କି, ମି ଶତ୍ରୁ ଆତାଙ୍ଗ୍‌ନା?

ଏପିସିୟ 1:13

ଏପେଙ୍ଗ୍ ପା ସତ୍ କାତା, କି ଉଦାର୍ କିଦ୍‌ନି ହାର୍ଦିକାବୁର୍ ୱେନ୍‌ଞ୍ଜି ପାର୍ତିକିନି କାଜିଙ୍ଗ୍ ଖ୍ରୀଷ୍ଟତାକେ ରବେ ଆତାଦେର୍‌ନା। ଆରେ ଈଶ୍ୱର ମିଙ୍ଗେଙ୍ଗ୍ ସିଲ୍ କିତ୍‌ତାନ୍‌ନା, ଇ ସିଲ୍ ଆନାତା ପବିତ୍ର ଆତ୍ମା ଇନାକା ହେୱାନ୍ ହିଦ୍‌ନି କାଜିଙ୍ଗ୍ ପାର୍ମାଣ୍ କିଜି ମାଚାନ୍।

କଲସିୟ 1:5

ମି କାଜିଙ୍ଗ୍ ଈଶ୍ୱର ସରଗ୍‌ତାକେ ଇଡ଼୍‌ଜି ମାଚି ପୁରଷ୍କାର୍‌ତାକେ ଆହା ଇଡ଼୍‌ଜି ମାଚି କାଜିଙ୍ଗ୍ ଏପେଙ୍ଗ୍ ଇ ଲେକେ ପାର୍ତି ଆରେ ଲାଡ୍ କିନାଦେରା। ଏଚେପାଦ୍ନା ମାନାୟାର୍ ମିଙ୍ଗେଙ୍ଗ୍ ପାର୍ତୁମ୍ ଈଶ୍ୱରତି ସତ୍ କାତା ଯୀଶୁ ଖ୍ରୀଷ୍ଟ ବିଷୟନି ହାର୍ଦିକାବୁର୍ ୱେଚ୍‌ଚି ମାଚାର୍, ହେପାଦ୍ନା ଏପେଙ୍ଗ୍ ଇ ବିଷୟରେ ୱେଚାଦେର୍‌ନା।

୧ ଥେସଲନୀକିୟ 2:13

ଆରେ ହେଦାଙ୍ଗ୍ ଆପେଙ୍ଗ୍ ୱିଜୁଦିନ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାପା ଯେ, ଏଚେପାଦ୍ନା ଏପେଙ୍ଗ୍ ମା ହାର୍ଦିକାବୁର୍‌ତିଙ୍ଗ୍ ଆସ୍ତାଦେର୍। ହେପାଦ୍ନା ଏପେଙ୍ଗ୍ ମାନାୟାର୍ ୱେଚ୍‌ଚି କାତାତିଙ୍ଗ୍ ଆସ୍ତିଲେକେ ଆହ୍‌ୱାତାଦେର୍‌ନା। ମାତର୍ ଆପେଙ୍ଗ୍ ୱେଚ୍‌ଚି ହାର୍ଦିକାବୁର୍‌ତିଙ୍ଗ୍ ଈଶ୍ୱର ନିଜେ ୱେଚ୍‌ଚାନ୍ ଇଞ୍ଜି ଆସ୍ତାଦେର୍ ଆରେ ହେଦାଙ୍ଗ୍ ସତ୍। ଏପେଙ୍ଗ୍ ଯୀଶୁଙ୍ଗ୍ ପାର୍ତି କିତାଦେର୍, ଆରେ ଈଶ୍ୱର ହିତ୍‌ତି ହାର୍ଦିକାବୁର୍ ମି ବିତ୍ରେ କାମାୟ୍ କିନାତା।

ଜିହୁଦା 1:3

ନା ଲାଡ୍‌ନି ସାଙ୍ଗ କାଦେର୍, ଈଶ୍ୱର କିତ୍‌ତି ଉଦାର୍ ଆସେଙ୍ଗ୍ ଇମ୍‌ଣାକା ପାୟାଆତାସ୍‌ନା, ହେ ବିଷୟରେ ଆନେଙ୍ଗ୍ ମି ଲାଗାୟ୍ ଲେକିକିଦେଙ୍ଗ୍ ବେସି ଇଚା କିତାଙ୍ଗ୍। ଆରେ ଆସେଙ୍ଗ୍ ପାର୍ତିକିନି ସତ୍ ହିକ୍ଷା ନିପଣ୍, ଇନେସ୍ ଏପେଙ୍ଗ୍ ଜୁଜ୍ କିଦେଙ୍ଗ୍ ଆଡ୍‌ନାଦେର୍, ଇଦାଙ୍ଗ୍ କାଜିଙ୍ଗ୍ ମିଙ୍ଗେଙ୍ଗ୍ ସାସ୍ କିଦ୍‌ନି କାଜିଙ୍ଗ୍ ଇଦାଙ୍ଗ୍ ଆନେଙ୍ଗ୍ ଲେକିକିଦେଙ୍ଗ୍ ବାଦ୍ୟ ଆତାଙ୍ଗ୍। ଈଶ୍ୱର ତା ପବିତ୍ର ମାନାୟାରିଙ୍ଗ୍ ଇ ସତ୍ ୱିଜୁଦିନ୍ କାଜିଙ୍ଗ୍ ରଗ ହିତାନ୍‌ନା ଆରେ ଇଦାଙ୍ଗ୍ ବାଦ୍‌ଲା ଆଉତ୍।