ଗାଲାତିୟ 2:19 - New Testament in Pengo Parja Language

¹⁹ ଆନେଙ୍ଗ୍ ଏଚେପାଦ୍ନା ନିୟମ୍‌ତିଙ୍ଗ୍ ମାନି କିଦେଙ୍ଗ୍ ଉପାୟ୍ କିତାଙ୍ଗ୍, ଇଦାଙ୍ଗ୍ ନାଙ୍ଗେଙ୍ଗ୍ ଦସି କିତ୍‌ତାତ୍। ଆରେ ଆନେଙ୍ଗ୍ ନିୟମ୍ କାଜିଙ୍ଗ୍ ହାଃତାଙ୍ଗ୍‌ନା, ଲାଗିଙ୍ଗ୍ ଆନେଙ୍ଗ୍ ଇନେସ୍ ଈଶ୍ୱର କାଜିଙ୍ଗ୍ ଜିଜି ମାନାଙ୍ଗ୍, ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଆରେ ନିୟମ୍ ୱିଜୁତିଙ୍ଗ୍ ମାନି କିଦେଙ୍ଗ୍ ଉପାୟ୍ କିଉଙ୍ଗା।

ସତ୍‌ ବଚନ୍‌ ପୁନି ନିୟମ୍‌

¹⁹ ବିଦି କାଜିଂ ଆନ୍‌ ବାର୍ତି ହାକି ହେ ବିଦି ହୁକେ ନେ ଆନ୍‌ ହାତାଙ୍ଗ୍‌ନା ମାତର୍‌ ଆନ୍‌ ନଙ୍ଗ୍‌ ଇସ୍ୱର୍‌ କାଜିଂ ଜିବୁନ୍‌ । କ୍ରିସ୍ଟ ଲାହାଂ ତା କ୍ରୁସ୍‌ତ ଜପି ଆନ୍‌ ପା ହାତାଙ୍ଗ୍‌ନା ।

ଗାଲାତିୟ 2:19 Iomraidhean Croise

ରୋମିୟ 4:15

ଇନେସ୍‌କି ୱିଜୁ ନିୟମ୍‌ତିଙ୍ଗ୍ ମାନି କିୱାକାରିଙ୍ଗ୍ ଈଶ୍ୱର ଦଣ୍ଡ୍ ହିନାନ୍। ଲାଗିଙ୍ଗ୍ ନିୟମ୍ ହିଲିତିସ୍, ମାନାୟାର୍ ନିୟମ୍‌ତିଙ୍ଗ୍ ବାଙ୍ଗାୟ୍ କିୱାତାର୍‌ମା।

ରୋମିୟ 5:20

ଈଶ୍ୱର ହିତି ନିୟମ୍ କାଜିଙ୍ଗ୍ ମାନାୟାର୍ ନିଜେ ବେସି ପାପ୍‌ କିନାପା ଇଞ୍ଜି ପୁଚାର୍। ମାତର୍ ଏଚେପାଦ୍ନା ମାନାୟାର୍ ଆଦିକ୍‌ତାଙ୍ଗ୍ ଆଦିକ୍ ପାପ୍ କିତାର୍, ହେପାଦ୍ନା ଈଶ୍ୱର ମାନାୟାରିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ଦୟା କିତାନ୍।

ରୋମିୟ 6:11

ଲାଗିଙ୍ଗ୍ ଏପେଙ୍ଗ୍ ପାପ୍‌ନି ଶାକ୍ତିତାଙ୍ଗ୍ ହାଃତାଙ୍ଗ୍‌ନା ଇଞ୍ଜି ପୁନି ଦର୍‌କାର୍ ଆରେ ଯୀଶୁ ଖ୍ରୀଷ୍ଟ କାଜିଙ୍ଗ୍ ଈଶ୍ୱରତି ଗୌରବ କିନି ଦର୍‌କାର୍।

ରୋମିୟ 6:14

ଲାଗିଙ୍ଗ୍ ପାପ୍ ମି ଜିବୁନ୍‌ତିଙ୍ଗ୍ ସାସନ୍ କିଦୁତ୍, ଇନେସ୍‌କି ଏପେଙ୍ଗ୍ ଦରମ୍ ସାସ୍ତର୍‌ନି ନିୟମ୍ ତାରେନ୍ ହିଲୁଦେର୍, ହେଦାଙ୍ଗ୍ ପାପ୍ କାମାୟ୍ କିୟି କିଦ୍‌ନାତ୍। ମାତର୍ ଆପେଙ୍ଗ୍ ଈଶ୍ୱର ଦୟାତାଙ୍ଗ୍ ମାନାପ୍।

ରୋମିୟ 6:2

ଲାଗିଙ୍ଗ୍ ଆସେଙ୍ଗ୍ ପାପ୍ କାମାୟ୍ ଆରେ କିଜି ମାନୁସ୍। ଇନେସ୍‌କି ଆସେଙ୍ଗ୍ ପାପ୍ କାଜିଙ୍ଗ୍ ହାଃତି ମାନାୟ୍ ଲେକେ ଆତାସ୍‌ନା।

ରୋମିୟ 7:14

ଲାଗିଙ୍ଗ୍ ଆସେଙ୍ଗ୍ ପୁଚାସ୍ ଯେ, ଦରମ୍ ସାସ୍ତର୍‌ନି ନିୟମ୍ ହାର୍, ମାତର୍ ଆନେଙ୍ଗ୍ ନିଜେ କରାପ୍, ଆରେ ଆନେଙ୍ଗ୍ ପାପ୍‌ନି ଦାସ୍ ଆତାଙ୍ଗ୍‌ନା, ଆରେ ପାପ୍ ନା ମାଲିକ୍ ଆତାତ୍‌ନା।

ରୋମିୟ 7:4

ହେଲେକେ ପାର୍ତିକିନି ଟଣ୍ଡାର୍‌କାଦେର୍, ଏପେଙ୍ଗ୍ ନଙ୍ଗୟ୍ ହେ ନିୟମ୍‌ନି ତାରେନ୍ ହିଲୁଦେର୍, ଇନେସ୍‌କି ଏପେଙ୍ଗ୍ ନିୟମ୍ କାଜିଙ୍ଗ୍ ହାଃତାଦେର୍‌ନା। ଏଚେପାଦ୍ନା ଖ୍ରୀଷ୍ଟ ହାଃତାନ୍ ଆରେ ଆରେରଗ ଜିବୁନ୍ ଆତାନ୍, ଏପେଙ୍ଗ୍ ତା ହୁଦାଙ୍ଗ୍ ହାଃତାଦେର୍ ଆରେ ତା ହୁଦାଙ୍ଗ୍ ଏକ୍ ଆତାଦେର୍‌ନା। ଲାଗିଙ୍ଗ୍ ଏପେଙ୍ଗ୍ ଈଶ୍ୱର କାଜିଙ୍ଗ୍ ହାର୍ କାମାୟ୍ କିଦେଙ୍ଗ୍ ଆଡ୍‌ନାଦେର୍।

ରୋମିୟ 8:2

ଇନେସ୍‌କି ପବିତ୍ର ଆତ୍ମା ମାଙ୍ଗେଙ୍ଗ୍ ଜିବୁନ୍ ହିଦ୍‌ନାତ୍ ହେଦାଙ୍ଗ୍ ଯୀଶୁ ଖ୍ରୀଷ୍ଟତାଙ୍ଗ୍ ୱାନାତ୍, ଆରେ ପାପ୍‌ନି ଶାକ୍ତିତାଙ୍ଗ୍ ଆରେ ମାରାଣ୍‌ତାଙ୍ଗ୍ ମୁକ୍ତି କିଦ୍‌ନାତ୍।

୧ କରନ୍ତିୟ 10:31

ଏପେଙ୍ଗ୍ ତିନାଟ୍ କି ଉଣାଟ୍ ଆରେ ଏପେଙ୍ଗ୍ ଇନାକା ପା କିୟାଟ୍, ହେ ୱିଜୁ ଈଶ୍ୱରତିଙ୍ଗ୍ ଗୌରବ କିଦେଙ୍ଗ୍ କିୟାଟ୍।

୧ କରନ୍ତିୟ 9:20

ଏଚେପାଦ୍ନା ଆନେଙ୍ଗ୍ ଯିହୁଦି ମାନାୟାର୍ ହୁଦାଙ୍ଗ୍ ମାଚାଙ୍ଗ୍ ହେୱାରିଙ୍ଗ୍ ଖ୍ରୀଷ୍ଟତାକେ ତାସି ୱାଦେଙ୍ଗ୍ ଯିହୁଦି ମାନାୟ୍ ଲେକେ ଜିବୁନ୍ କାଟିକିଜି ମାଚାଙ୍ଗ୍। ଆନେଙ୍ଗ୍ ଏଚେପାଦ୍ନା ହେ ଦରମ୍ ସାସ୍ତର୍‌ନି ନିୟମ୍‌ତିଙ୍ଗ୍ ମାନିକିନି ଯିହୁଦିର୍ ହୁଦାଙ୍ଗ୍ ମାଚାଙ୍ଗ୍, ଆନେଙ୍ଗ୍ ପା ହେ ଦରମ୍ ସାସ୍ତର୍‌ତିଙ୍ଗ୍ ମାନିକିଜି ମାଚାଙ୍ଗ୍। ହେ ଦରମ୍ ସାସ୍ତର୍‌ତିଙ୍ଗ୍ ମାନିକିନି ମାନାୟାର୍ ଖ୍ରୀଷ୍ଟତାକେ ତାସିୱାନି କାଜିଙ୍ଗ୍ ଆନେଙ୍ଗ୍ ଇଲେକେ କିତାଙ୍ଗ୍, ଆରେ ନାଙ୍ଗେଙ୍ଗ୍ ଦରମ୍ ସାସ୍ତର୍ ମାନିକିନାକା ଦର୍‌କାର୍ ହିଲାତାତ୍।

୨ କରନ୍ତିୟ 5:15

ଖ୍ରୀଷ୍ଟ ୱିଜାର୍ ମାନାୟାର୍ କାଜିଙ୍ଗ୍ ହାଃତାନ୍, ଲାଗିଙ୍ଗ୍ କେତେକ୍ ମାନାୟାର୍ ହେୱାନ୍ ହିତି ପୁନି ଜିବୁନ୍‌ତିଙ୍ଗ୍ ପାୟାଆତାର୍‌ନା, ଜାର୍‌ତିଙ୍ଗ୍ ୱାରି କିଦେଙ୍ଗ୍ ଉପାୟ୍ କିମେର୍। ମାତର୍ ଇନେର୍ ହାଃଜି ଆରେରଗ ହେୱାର୍ କାଜିଙ୍ଗ୍ ଜିବୁନ୍ ଆତାନ୍‌ନା ତାଙ୍ଗେଙ୍ଗ୍ ୱାରି କିଦେଙ୍ଗ୍ ଉପାୟ୍ କିନାର୍।

ଗାଲାତିୟ 2:20

ନା ପାନି ଚାଲିଚଲନ୍ ଖ୍ରୀଷ୍ଟ ହୁଦାଙ୍ଗ୍ କୃଶକାଟ୍‌ତାକେ ହାଃତାତ୍‌ନା। ଲାଗିଙ୍ଗ୍ ଆନେଙ୍ଗ୍ ଆରେ ଜିବୁନ୍ ଆକାୟ୍, ମାତର୍ ଖ୍ରୀଷ୍ଟ ନାବେ ଜିବୁନ୍ ମାନାନ୍। ଯୀଶୁ ଈଶ୍ୱର ମେହି, ହେୱାନ୍ ନାଙ୍ଗେଙ୍ଗ୍ ଲାଡ୍ କିତ୍‌ତାନ୍ ଆରେ ନା କାଜିଙ୍ଗ୍ ଜାର୍ ଜିବୁନ୍‌ତିଙ୍ଗ୍ ହିତାନ୍, ଲାଗିଙ୍ଗ୍ ଆନେଙ୍ଗ୍ ଇ ଗାଗାଡ଼୍‌ତ ହେୱାନ୍‌ତାକେ ପାର୍ତି କିଜି ଜିନାଙ୍ଗ୍।

ଗାଲାତିୟ 3:10

ମାତର୍ ଈଶ୍ୱର ଲାଗାୟ୍ ଦରମ୍ ମାନାୟ୍ ଆଦେଙ୍ଗ୍ ଇମ୍‌ଣାକାନ୍ ମୋଶା ଲେକିକିତି ନିୟମ୍ ସାସ୍ତର୍‌ତିଙ୍ଗ୍ ଆହା କିନାନ୍, ଈଶ୍ୱର ହେୱାରିଙ୍ଗ୍ ଅବିଶାପ୍ ହିନାନ୍। ଇନେସ୍‌କି ସାସ୍ତର୍‌ତାକେ ଲେକାଆତାତ୍‌ନା, “ଇମ୍‌ଣାକାନ୍ ମୋଶା ଲେକିକିତି ସାସ୍ତର୍‌ନି ନିୟମ୍ ୱିଜୁତିଙ୍ଗ୍ ମାନ୍‌ଦିୟାନ୍ କିଜି ମାନିକିୱିତିସ୍, ଈଶ୍ୱର ହେୱାନିଙ୍ଗ୍ ଅବିଶାପ୍ ହିନାନ୍।”

ଗାଲାତିୟ 3:24

ଖ୍ରୀଷ୍ଟତାକେ ପାର୍ତିକିନି କାଜିଙ୍ଗ୍ ଆସେଙ୍ଗ୍ ଇନେସ୍ ଈଶ୍ୱର ଲାଗାୟ୍ ଦରମ୍ ମାନାୟ୍ ଆଦେଙ୍ଗ୍ ଆଡ୍‌ନାସ୍, ଇଦାଙ୍ଗ୍ କାଜିଙ୍ଗ୍ ଖ୍ରୀଷ୍ଟ ୱାୱି ପାତେକ୍। ମାଙ୍ଗେଙ୍ଗ୍ କାସିମାଞ୍ଜେଙ୍ଗ୍ ଆରେ ଜାତୁନ୍ ଆନି କାଜିଙ୍ଗ୍ ନିୟମ୍ ସାସ୍ତର୍ ହିୟାଆଜି ମାଚାତ୍।

ଗାଲାତିୟ 6:14

ମା ମାପୃ ଯୀଶୁ ଖ୍ରୀଷ୍ଟନି କୃଶକାଟ୍‌ତିଙ୍ଗ୍ ପିସ୍ତି, ଆନେଙ୍ଗ୍ ଆରେ ଇନାକାତାକେ ପା ଗର୍ବ କିଉଙ୍ଗ୍। ଇନେସ୍‌କି ଖ୍ରୀଷ୍ଟ କାଜିଙ୍ଗ୍, ଇ ଜଗତ୍‌ତାକେ ମାନି ନା ଇଚା କୃଶକାଟ୍‌ତାକେ ହାଃତାତ୍‌ନା, ଆରେ ନାବେ ମାନି ପୁର୍ତିନି ଇଚା ପା ହାଃତାତ୍‌ନା।

କଲସିୟ 2:20

ଏପେଙ୍ଗ୍ ଖ୍ରୀଷ୍ଟ ହୁଦାଙ୍ଗ୍ ହାଃତାଦେର୍‌ନା, ଲାଗିଙ୍ଗ୍ ହେୱାନ୍ ମିଙ୍ଗେଙ୍ଗ୍ ପୁର୍ତିନି ୱିଜୁ ଶୟତାନନି ଶାକ୍ତିତାଙ୍ଗ୍ ମୁକ୍ତି କିତାନ୍‌ନା। ଲାଗିଙ୍ଗ୍ ଏପେଙ୍ଗ୍ ଇନେକିଦେଙ୍ଗ୍ ଇ ପୁର୍ତିନି ନିତି ନିୟମ୍‌ତିଙ୍ଗ୍ ମାନି କିନାଦେରା।

କଲସିୟ 3:3

ଇନେସ୍‌କି ମି ପାପ୍‌ନି ଗୁଣ୍ ହାଃତାତ୍‌ନା, ଆରେ ମି ଜିବୁନ୍ ଖ୍ରୀଷ୍ଟ ହୁଦାଙ୍ଗ୍ ଈଶ୍ୱରତାକେ ଡ଼ୁକ୍‌ତାତ୍‌ନା।

୧ ଥେସଲନୀକିୟ 5:10

ହେୱାନ୍ ମା କାଜିଙ୍ଗ୍ ହାଃତାନ୍। ହେୱାନ୍ ଏଚେପାଦ୍ନା ଆରେରଗ ୱାତିସ୍, ଆସେଙ୍ଗ୍ ଜିବୁନ୍ ମାଚିସ୍ କି ହାଃଜି ମାଚିସ୍ ପା, ତା ଲାହାଙ୍ଗ୍ ୱିଜୁଦିନ୍ ଜିବୁନ୍‌ଆଜି ମାନାସ୍।

ତୀତସ 2:14

ଆସେଙ୍ଗ୍ ଇନେସ୍ ତା ମାନାୟ୍ ଆଜି ୱିଜୁ ହାର୍ଦି କାମାୟ୍ କିନି କାଜିଙ୍ଗ୍ ଆରେ ଅଦରମ୍‌ ଜିବୁନ୍‌ତାଙ୍ଗ୍ ମୁକ୍ତି କିଦ୍‌ଦେଙ୍ଗ୍ ଆରେ ୱିଜୁ କରାପ୍ ବ୍ୟବହାର୍‌ତାଙ୍ଗ୍ ହପ୍ତେଦେଙ୍ଗ୍ ଯୀଶୁ ଖ୍ରୀଷ୍ଟ ଜାର୍ ଜିବୁନ୍‌ତିଙ୍ଗ୍ ହିତାନ୍‌ନା।

ଏବ୍ରି 9:14

ମାତର୍ ଏପେଙ୍ଗ୍ ଇଦାଙ୍ଗ୍ ବାବି କିୟାଟ୍ ଯେ ହାଃନି ହାଜ୍‌ଦିଙ୍ଗ୍ ଅଦ୍‌ନି କାମାୟ୍‌ତାଙ୍ଗ୍ ଖ୍ରୀଷ୍ଟ ନେତେର୍ ଆଦିକ୍ କିଜି ମା ଗରବ୍‌ତିଙ୍ଗ୍ ଶୁଚି କିଦ୍‌ନାତ୍, ଆରେ ଆସେଙ୍ଗ୍ ଜିବୁନ୍ ମାନି ଈଶ୍ୱରତିଙ୍ଗ୍ ହେବା କିଦେଙ୍ଗ୍ ଆଡ୍‌ନାସ୍। ଇନେସ୍‌କି ୱିଜ୍‌ୱି ଆତ୍ମାନି ଶାକ୍ତିତାଙ୍ଗ୍, ମା ପାପ୍ କାଜିଙ୍ଗ୍ ଖ୍ରୀଷ୍ଟ ତା ଜାର୍ ଜିବୁନ୍‌ତିଙ୍ଗ୍ ଈଶ୍ୱର ଲାଗାୟ୍ ର ପୁରାପୁରି ଟିକ୍ ବଲିପୁଜା କିତାନ୍‌ନା।

୧ ପିତର 2:24

ହେୱାନ୍ ନିଜେ ମା ପାପ୍‌ତିଙ୍ଗ୍ ତା ଗାଗାଡ଼୍‌ତାକେ ଅତାନ୍ ଆରେ କୃଶକାଟ୍‌ତାକେ ହାଃତାନ୍, ଲାଗିଙ୍ଗ୍ ଆସେଙ୍ଗ୍ ପାପ୍ କାଜିଙ୍ଗ୍ ହାଃତି ଲେକେ ଆୟା ଆନାତ୍ ଆରେ ଟିକ୍ କାମାୟ୍ କିନି କାଜିଙ୍ଗ୍ ଜିନାପା। ଆରେ ହେୱାନ୍ ତା ଗାଗାଡ଼୍‌ତାକେ ଗାଉଦାଉ ଆଜି ଦୁଃକ୍ କଷ୍ଟ ସମ୍ବାଲି କିତି କାଜିଙ୍ଗ୍ ଆସେଙ୍ଗ୍ ହାର୍ ଆତାସ୍।

୧ ପିତର 4:6

ଇନେସ୍ ମାନାୟାର୍ ଖ୍ରୀଷ୍ଟ ହାର୍ଦିକାବୁର୍‌ତିଙ୍ଗ୍ ୱେଚି ପାଚେ ପା ତା ଗାଗାଡ଼୍ ହାଃନାତା, ହେଲେକେ ହେୱାରିଙ୍ଗ୍ ପା ଈଶ୍ୱର ବିଚାର୍ କିଜି ମାଚାନ୍। ମାତର୍ ନଙ୍ଗୟ୍ ହେୱାର୍ ଆତ୍ମା ଈଶ୍ୱର ହୁଦାଙ୍ଗ୍ ୱିଜୁଦିନ୍ କାଜିଙ୍ଗ୍ ଜିବୁନ୍ ମାନ୍‌ଗାନାତ୍।