ଗାଲାତିୟ 2:14 - New Testament in Pengo Parja Language

¹⁴ ଏଚେପାଦ୍ନା ଆନେଙ୍ଗ୍ ହେୱାରିଙ୍ଗ୍ ସତ୍ ହାର୍ଦିକାବୁର୍ ବିରଦ୍‌ରେ ବ୍ୟବହାର୍ କିନାକା ହୁଡ଼୍‌ତାଙ୍ଗ୍। ୱିଜାକାର୍ ମୁମ୍‌ଦ ପିତର ଇନେରିଙ୍ଗ୍ କେପା ଇଞ୍ଜି ଇନାର୍ ହେୱାନିଙ୍ଗ୍ ୱେଚ୍‌ଚାଙ୍ଗ୍, “ଏନେଙ୍ଗ୍ ନିଜେ ଯିହୁଦି ଆଜି ଯିହୁଦିର୍ ନିୟମ୍‌ତିଙ୍ଗ୍ ମାନି କିଉୟା, ଆରେ ବିନ୍‌ଜାତିର୍ ଲେକେ ବ୍ୟବହାର୍ କିନାୟା। ଲାଗିଙ୍ଗ୍ ଏନେଙ୍ଗ୍ ଇନାକିଦେଙ୍ଗ୍ ଇ ବିନ୍‌ଜାତିନି ମାନାୟାରିଙ୍ଗ୍ ଯିହୁଦିର୍ ନିତି ନିୟମ୍‌ତିଙ୍ଗ୍ ମାନି କିଦେଙ୍ଗ୍ ବାଦ୍ୟ କିନାୟା?”

ସତ୍‌ ବଚନ୍‌ ପୁନି ନିୟମ୍‌

¹⁴ ମାତର୍‌ ଏଚେକାଡ଼୍‌ଦ ଆନ୍‌ ହୁଡ଼୍‌ତାଂ ଜେ, ନେକ୍ରିକାବୁର୍‌ନି ହାତ୍‌ପା ଇସାପ୍ରେ ହେୱାର୍‌ ହୁଦାର୍ ବେବାର୍‌ କିଉରା, ଆନ୍‌ ହେୱାର୍‌ ମୁମ୍‌ଦ ପିତର୍‌ତିଂ ଇଞ୍ଜି ମାଚାଙ୍ଗ୍, “ଜଦି ଏନ୍‌ ଜିହୁଦି ଆଜ଼ି ପାର୍ତିକିୱି ଜିହୁଦିର୍‌ ଲାକେ ଜିବୁନ୍‌ ଜିଉଣା କିନାଦେରା, ୱାଟିଙ୍ଗ୍‌ ଏପେଙ୍ଗ୍‌ ଇନେସ୍‌ ପାର୍ତିକିୱି ଜିହୁଦିର୍‌ ଲାକେ ଚିନ୍ତା କିଦେଙ୍ଗ୍‌ କାଜିଂ ବଲତ୍କାର୍ କିନାଦେରା ?”

ଗାଲାତିୟ 2:14 Iomraidhean Croise

ପକ୍ୟାତାକା 10:28

ଆରେ ହେୱାନ୍ ହେୱାରିଙ୍ଗ୍ ୱେଚ୍‌ଚାନ୍, ଏପେଙ୍ଗ୍ ପୁଚାଦେର୍‌ନା ଯିହୁଦିର୍ ମାନାୟାର୍ ବିନ୍‌ଜାତିର୍ ହୁଦାଙ୍ଗ୍ ମେହାଆଦେଙ୍ଗ୍ କି ହେୱାର୍ ଲାଗାୟ୍ ହାଞ୍ଜେଙ୍ଗ୍ ବିଦି ହିଲେତ୍। ମାତର୍ ଇନେରିଙ୍ଗ୍ ପା ଅଚୁଆଁ ମାନାୟ୍ ଇଞ୍ଜି ୱେଚ୍‌ୱେଦେଙ୍ଗ୍ ଈଶ୍ୱର ନାଙ୍ଗେଙ୍ଗ୍ ହିକାଇ କିତ୍‌ତାନ୍‌ନା।

ପକ୍ୟାତାକା 15:1

କେତ୍‌ଜାଣ୍ ପାର୍ତିକିନି ମାନାୟାର୍ ଯିହୁଦା ଜିଲ୍ଲାତାଙ୍ଗ୍ ୱାଜି ଆନ୍ତିୟକିଆ ସହର୍‌ତାକେ ଟଣ୍ଡାରିଙ୍ଗ୍ ହିକ୍ଷାହିଦେଙ୍ଗ୍ ଲାଗାତାର୍, “ମୋଶା ଲେକିକିତି ସାସ୍ତର୍‌ନି ବିଦିତାଙ୍ଗ୍ ଏପେଙ୍ଗ୍ ସୁନତ କିୱିତିସ୍, ଏପେଙ୍ଗ୍ ରକ୍ଷା ପାୟା ଆଉଦେର୍।”

ପକ୍ୟାତାକା 15:24

ଆପେଙ୍ଗ୍ ୱେଚାପ୍‌ନା, ମା ଆଦେସ୍ ହିୱାଦାଙ୍ଗ୍ ମା ବିତ୍ରେତାଙ୍ଗ୍ କେତେକ୍ ମାନାୟ୍ ମି ଲାଗାୟ୍ ୱାତାର୍, ଆରେ ହେୱାର୍ କେତେକ୍ କାତା ୱେଚ୍‌ଚି ମି ମାନ୍‌ତିଙ୍ଗ୍ ବୁଲ୍‌କାଇ କିଜି ଚାନିଆ କିୟିକିତ୍‌ତାର୍।

ପକ୍ୟାତାକା 15:5

ପାରୁସିଦଳ୍‍ନି କେତ୍‌ଜାଣ୍ ପାର୍ତି କିନାକାର୍ ନିଙ୍ଗ୍‌ଞ୍ଜି ୱେଚ୍‌ଚାର୍, “ବିନ୍‌ଜାତିନି ମାନାୟାର୍ ସୁନତ ବିଦି ଆରେ ମୋଶା ଲେକିକିତି ନିୟମ୍‌ନି ସାସ୍ତର୍ ପା ମାନିକିନି ଦର୍‌କାର୍।”

ରୋମିୟ 14:14

ଆନେଙ୍ଗ୍ ମାପୃ ଯୀଶୁ ଅଦିକାର୍‌ତାଙ୍ଗ୍ ହାର୍ କିଜି ପୁଚାଙ୍ଗ୍‌ନା ଯେ, ଇମ୍‌ଣି କାଦି ପା ତିନାକା ବୁଲ୍ ଆକାୟ୍। ମାତର୍ ଯଦି ଇମ୍‌ଣି ମାନାୟ୍ ୱିଜୁ କାଦି ତିନାକା ବୁଲ୍ ଇଞ୍ଜି ପାର୍ତି କିନାନା, ଲାଗିଙ୍ଗ୍ ହେଦାଙ୍ଗ୍ ତା କାଜିଙ୍ଗ୍ ବୁଲ୍।

ଗାଲାତିୟ 1:18

ଆରେ ତିନ୍ ବାର୍ହୁ ପାଚେ ଆନେଙ୍ଗ୍ ବାଚିକିତି ଚେଲା ପିତର ଇନେରିଙ୍ଗ୍ କେପା ଇଞ୍ଜି ଇନାର୍ ହେୱାନିଙ୍ଗ୍ ଗିଟାଆଦେଙ୍ଗ୍ ଯିରୁଶାଲାମ ସହର୍‌ତାକେ ହାଚାଙ୍ଗ୍। ହେୱାନ୍ ହୁଦାଙ୍ଗ୍ ଗିଟାଆଜି ପନ୍ଦ୍‌ର ଦିନ୍ ମାଚାଙ୍ଗ୍।

ଗାଲାତିୟ 1:6

ଆନେଙ୍ଗ୍ ଚାନିଆ ଆନାଙ୍ଗା ଯେ ଖ୍ରୀଷ୍ଟ ଦୟାତାଙ୍ଗ୍ ମିଙ୍ଗେଙ୍ଗ୍ ଈଶ୍ୱର ତା ମାନାୟ୍ କିଦ୍‌ନି କାଜିଙ୍ଗ୍ କୁକ୍ତାତାନ୍‌ନା। ମାତର୍ ହେୱାନ୍‌ତାଙ୍ଗ୍ ଏପେଙ୍ଗ୍ ଏଚେକ୍ ବେଗି ଜେକ ଆଜି ବିନ୍ ହାର୍ଦିକାବୁର୍‌ତିଙ୍ଗ୍ ପାର୍ତି କିନାଦେରା।

ଗାଲାତିୟ 2:3

ତିତସ ରକାନ୍ ବିନ୍‌ଜାତିନି ମାନାୟ୍, ହେୱାନ୍ ନା ହୁଦାଙ୍ଗ୍ ମାଚାନ୍। ମାତର୍ ନେତାର୍ ହେୱାନିଙ୍ଗ୍ ସୁନତ ବିଦି ମାନି କିଦେଙ୍ଗ୍ ଜବର୍‌ଦସ୍ତି କିୱାତାର୍।

ଗାଲାତିୟ 2:5

ମାତର୍ ଆପେଙ୍ଗ୍ ଅଲପ୍‌ପା ହେୱାର୍ ହୁଦାଙ୍ଗ୍ ରାଜି ଆୱାତାପ୍। ଇନେସ୍‌କି ଏପେଙ୍ଗ୍ ଇନେସ୍ ସତ୍ ହାର୍ଦିକାବୁର୍‌ତାକେ ତିର୍‌ଆଜି ମାନାଦେର୍।

ଗାଲାତିୟ 2:7

ଇନେସ୍‌କି ହେ ନେତାର୍ ହୁଡ଼୍‌ତାର୍ ଯେ ପିତରତିଙ୍ଗ୍ ଇନେସ୍ ଯିହୁଦିର୍ ଲାଗାୟ୍ ହାର୍ଦିକାବୁର୍ ଶୁଣାୟ୍ କିନି ଦାୟିତ୍‌ପ ହିତ୍‌ତାର୍‌ନା, ହେଲେକେ ନାଙ୍ଗେଙ୍ଗ୍ ବିନ୍‌ଜାତିର୍ ଲାଗାୟ୍ ଶୁଣାୟ୍ କିନି ଦାୟିତ୍‌ପ ହିତ୍‌ତାର୍‌ନା।

ଗାଲାତିୟ 2:9

ଈଶ୍ୱର ନାଙ୍ଗେଙ୍ଗ୍ ହିଜି ମାନ୍‌ଞ୍ଚି ବର୍‌ଦାନ୍ ବିଷୟରେ ଏଚେପାଦ୍ନା ହେୱାର୍ ବୁଜାଆତାର୍। ଲାଗିଙ୍ଗ୍ ମଣ୍ଡ୍‌ଲିତାକେ ର କମ୍‌ମୁଣ୍ଡା ଲେକେ ମାନି ଯାକୁବ, ପିତର ଇନେରିଙ୍ଗ୍ କେପା ଇଞ୍ଜି ଇନାର୍ ଆରେ ଯୋହନ, ନାଙ୍ଗେଙ୍ଗ୍ ଆରେ ବର୍ଣ୍ଣବାଙ୍ଗ୍ କେଇ ମାହାଇ କିଜି ରାଜି ଆତାର୍। ଆରେ ହେୱାର୍ ମାଙ୍ଗେଙ୍ଗ୍ ବିନ୍‌ଜାତିନି ମାନାୟାର୍‌ତାକେ ଶୁଣାୟ୍ କିଦେଙ୍ଗ୍ ସାହାସ୍ କିତ୍‌ତାର୍, ଆରେ ହେୱାର୍ ଯିହୁଦି ଜାତିନି ମାନାୟାର୍ ଲାଗାୟ୍ ଶୁଣାୟ୍ କିଦେଙ୍ଗ୍ ଲାଗାତାର୍।

ଗାଲାତିୟ 6:12

ଇମ୍‌ଣାକାର୍ ସୁନତ ବିଦି ମାନିକିନି କାଜିଙ୍ଗ୍ ଜବର୍‌ଦସ୍ତି କିଦ୍‌ନାର୍, ହେୱାର୍ ଯିହୁଦି ମାନାୟାରିଙ୍ଗ୍ ୱାରି କିୟିକିଦେଙ୍ଗ୍ ଇଚା କିନାର୍। ଆରେ ଖ୍ରୀଷ୍ଟନି କୃଶକାଟ୍‌ତାକେ ଆପ୍‌କା ପାର୍ତି କିତିସ୍ ଉଦାର୍ ଗାଟାଆଦ୍‍ନାତ୍, ଇଦାଙ୍ଗ୍ ଶୁଣାୟ୍ କିତିସ୍ ଇନେସ୍ ହେୱାର୍ ଦୁକ୍‌କଷ୍ଟ ପାୟା ଆଉର୍, ଇଦାଙ୍ଗ୍ କାଜିଙ୍ଗ୍ ହେୱାର୍ ହେ ସୁନତ ବିଦି ମାନି କିଦେଙ୍ଗ୍ ୱେଚ୍‌ନାର୍।

କଲସିୟ 1:5

ମି କାଜିଙ୍ଗ୍ ଈଶ୍ୱର ସରଗ୍‌ତାକେ ଇଡ଼୍‌ଜି ମାଚି ପୁରଷ୍କାର୍‌ତାକେ ଆହା ଇଡ଼୍‌ଜି ମାଚି କାଜିଙ୍ଗ୍ ଏପେଙ୍ଗ୍ ଇ ଲେକେ ପାର୍ତି ଆରେ ଲାଡ୍ କିନାଦେରା। ଏଚେପାଦ୍ନା ମାନାୟାର୍ ମିଙ୍ଗେଙ୍ଗ୍ ପାର୍ତୁମ୍ ଈଶ୍ୱରତି ସତ୍ କାତା ଯୀଶୁ ଖ୍ରୀଷ୍ଟ ବିଷୟନି ହାର୍ଦିକାବୁର୍ ୱେଚ୍‌ଚି ମାଚାର୍, ହେପାଦ୍ନା ଏପେଙ୍ଗ୍ ଇ ବିଷୟରେ ୱେଚାଦେର୍‌ନା।

୧ ତିମତି 5:20

ଇମ୍‌ଣାକାନ୍ ପାପ୍ କାମାୟ୍ କିଜି ଲାଗାନାନ୍‌, ହେୱାନିଙ୍ଗ୍ ୱିଜୁ ପାର୍ତି କିନାକାର୍ ମୁମ୍‌ଦ କେତା। ଇନେସ୍‌କି ଜେକନି ପାର୍ତି କିନାକାର୍ ପାଣ୍ଡ୍ରାଆଜି ମାନ୍‌ଗାନାର୍।

ଏବ୍ରି 12:13

ମି କାଲ୍‌ପାନା କାଜିଙ୍ଗ୍ ସିଦା ହାଜି ରହାଟ୍। ଲାଗିଙ୍ଗ୍ ମି ପାଚେ ୱାନି ଦୁର୍‌ବଲ୍ ଆରେ ଚଟା ମାନାୟାର୍ ଅଡ଼୍‌ଜା ଆଜି ଗୁରୁର୍, ମାତର୍ ହେୱାର୍ ଷ୍ଟ୍ରଙ୍ଗ୍ ଆନାର୍।

ଏବ୍ରି 9:10

ଇନେସ୍‌କି ପାନି ନିୟମ୍ ଆପ୍‌କା, ରକାନ୍ ଇନାକା ତିନାନ୍ ଆରେ ଉଣାନ୍ ଆରେ ଜେକନି ଶୁଚି ରିତିନିତି ବିଷୟରେ ୱେଚ୍‌ଚି ମାନାତ୍। ଇ ନିତି ନିୟମ୍ ରକାନ୍ ଗରବ୍‌ତିଙ୍ଗ୍ ବାଦ୍‌ଲାୟ୍‌କିନି କାଜିଙ୍ଗ୍ ଇନା ସମ୍ପର୍କ ଆକାୟ୍। ପୁନି ନିୟମ୍ ହିଦ୍‌ୱି ପାତେକ୍ ହେଦାଙ୍ଗ୍ ମାନିକିନି କାଜିଙ୍ଗ୍ ହିୟାଆଜି ମାଚାତ୍।