ଗାଲାତିୟ 1:21 - New Testament in Pengo Parja Language

²¹ ପାଚେ ଆନେଙ୍ଗ୍ ଯିରୁଶାଲାମ ସହର୍ ପିସ୍ତି ସିରିୟା ଆରେ କିଲିକିୟା ସହର୍‌ତାକେ ହାଚାଙ୍ଗ୍।

ସତ୍‌ ବଚନ୍‌ ପୁନି ନିୟମ୍‌

²¹ ଇଦାଂ ପାଚେ ଆନ୍‌ ସିରିୟା ଆରି କିଲିକିୟାନି ବେସି ବାହାତ ହାଲ୍‌ଜି ମାଚାଙ୍ଗ୍ ।

ଗାଲାତିୟ 1:21 Iomraidhean Croise

ମାତିଉ 4:24

ଆରେ ତା ବିଷୟ ସିରିୟା ଦେସ୍ ପାତେକ୍ ବିଚାଆତାତ୍। ଆରେ ହେବେ ବୁତ୍ଆତ୍ମା ଡୁୟାଆତାକାରିଙ୍ଗ୍, ଆପ୍ରାଙ୍ଗ୍ ରଗ୍, ଆରେ ହିର୍କଲ୍ ରଗ୍, ଆରେ ବାରବିନି ରଗ୍ ଆତାକାରିଙ୍ଗ୍ ଆରେ କଷ୍ଟନିକାରିଙ୍ଗ୍ ତା କଚଣ୍‌ତ ତାହିୱାତାର୍, ଆରେ ଯୀଶୁ ହେୱାରିଙ୍ଗ୍ ହାର୍‍କିତାନ୍।

ପକ୍ୟାତାକା 13:1

ଆନ୍ତିୟକିଆ ସହର୍‌ନି ମଣ୍ଡ୍‌ଲିତାକେ ଭବିଷ୍ଯତବକ୍ତାର୍ ଆରେ ଗୁରୁର୍ ମାଚାର୍। ହେୱାର୍ ତର୍‌ ଇଲେକେ ବର୍ଣ୍ଣବା, ଶିମିୟନ ତର୍‌ ନିଗର ପା ଇନାର୍, କୁରିଣିୟ ସହର୍‌ନି ଲୁକିୟ, ହେରୋଦ ରାଜା ମାନିହିଙ୍ଗ୍ ମନହେମ, ଶାଉଲ ମାଚାର୍।

ପକ୍ୟାତାକା 15:23

ହେୱାର୍ କେଇଦ ଇଦାଙ୍ଗ୍ ଲେକିକିଜି ପକ୍ତାର୍, ଆନ୍ତିୟକିଆ ସହର୍ ସିରିୟା ସହର୍ ଆରେ କିଲିକିୟା ସହର୍‌ନି ବିନ୍‌ଜାତିନି ପାର୍ତିକିନି ଟଣ୍ଡାର୍ ବାଚିକିତି ଚେଲାର୍ ଆରେ ପ୍ରାଚିନାର୍ ଜୁୱାର୍ କିନାରା।

ପକ୍ୟାତାକା 15:41

ହେୱାର୍ ସିରିୟା ଜିଲ୍ଲା ଆରେ କିଲିକିୟା ଜିଲ୍ଲା ନିପଣ୍ ଆଜି ହାଚାର୍। ହେପାଦ୍ନା ପାଉଲ ମଣ୍ଡ୍‌ଲିନି ମାନାୟାରିଙ୍ଗ୍ କେତେକ୍ କାତା ୱେଚ୍‌ଚି ପାର୍ତିତାକେ ମାଞ୍ଜେଙ୍ଗ୍ ସାହାସ୍ ହିଜିମାଚାନ୍।

ପକ୍ୟାତାକା 18:18

ପାଉଲ ହେ ସହର୍‌ତାକେ କେତେକ୍ ଦିନ୍ ପାତେକ୍ ମାଚାନ୍। ହେବେ ମାନି ଟଣ୍ଡାରିଙ୍ଗ୍ ପିସ୍ତି କେଙ୍କ୍ରେୟା ସହର୍‌ତାକେ ପ୍ରିସ୍‌କିଲା ଆରେ ଆର୍କିଲା ହୁଦାଙ୍ଗ୍ ମେହାଆଜି ହାଚାନ୍। ର ମାନତ୍ ଇଡ଼୍‌ଜି ମାଚିଲେ ପାଉଲ ହେବେ କାପ୍‌ଡ଼ା କୁରାଇ କିୟାଆତାନ୍। ତାପାଚେ ହେୱାର୍ ସିରିୟା ଜିଲ୍ଲାତାକେ ହାଚାର୍।

ପକ୍ୟାତାକା 21:3

ମାଙ୍ଗେଙ୍ଗ୍ ଡେବା କେଇ ନିପଣ୍ଡାଙ୍ଗ୍ କୁପ୍ର ଦ୍ୱିପ୍ ଚଞ୍ଜ୍‌ଞ୍ଜାତାତ୍, ହେଦାଙ୍ଗ୍ ପିସ୍ତି ସିରିୟା ଜିଲ୍ଲା ନିପଣ୍ ହାଲ୍‌ଜି ସୋର୍ ସହର୍‌ତାକେ ଇକାତାପ୍। ହେବେ ଜାଜ୍‌ନି ଜିନିଷ୍ ପତର୍ ଜୁତ୍‌ନାକା ମାଚାତ୍।

ପକ୍ୟାତାକା 21:39

ହେବେତାଙ୍ଗ୍ ପାଉଲ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ଯିହୁଦି ଜାତିନି ମାନାୟ୍। ଆନେଙ୍ଗ୍ କିଲିକିୟା ଜିଲ୍ଲାନି ତାର୍ଷ ଗାଜା ସହର୍‌ତାକେ ମାନାକାଙ୍ଗ୍। ଦୟାକିଜି ଇ ମାନାୟାରିଙ୍ଗ୍ ବେଣ୍‌କିଦେଙ୍ଗ୍ ନାଙ୍ଗେଙ୍ଗ୍ ଆଦେସ୍ ହିଦା।”

ପକ୍ୟାତାକା 22:3

ହେୱାନ୍ ୱେଚ୍‌ଚାନ୍, “ଆନେଙ୍ଗ୍ ଯିହୁଦି ଜାତିନି ମାନାୟ୍, କିଲିକିୟା ଜିଲ୍ଲାନି ତାର୍ଷ ସହର୍‌ତାକେ ଆନେଙ୍ଗ୍ ଜନମ୍ ଆତାଙ୍ଗ୍‌ନା। ମାତର୍ ଆନେଙ୍ଗ୍ ଇ ଯିରୁଶାଲାମ ସହର୍‌ତାକେ ଗାଜା ଆତାଙ୍ଗ୍‌ନା। ଗମଲିୟେଲ ଗୁରୁର୍ କାଲ୍‌କୁ ତାରେନ୍ କୁଚ୍‌ଚି ଈଶ୍ୱର ମା ଆକଦାଦିର୍ ମାଚି ନିୟମ୍ ସାସ୍ତର୍‌ତିଙ୍ଗ୍ ହିକାଆତାଙ୍ଗ୍‌ନା, ଏପେଙ୍ଗ୍ ଇନେସ୍ ଈଶ୍ୱରତିଙ୍ଗ୍ ହେବା କିଦେଙ୍ଗ୍ ଷ୍ଟିଟ୍ ମାଚାଦେର୍, ଆନେଙ୍ଗ୍ ପା ମି ଲେକେ ମାଚାଙ୍ଗ୍।

ପକ୍ୟାତାକା 23:34

ହେ ରାଜା ହେ ଚିଟିତିଙ୍ଗ୍ ପଡ଼ି‌କିତାନ୍। ଆରେ ପାଚେ ରାଜା ପାଉଲତିଙ୍ଗ୍ ୱେନ୍‌ବାତାନ୍, “ଏନେଙ୍ଗ୍ ଇମ୍‌ଣି ଜିଲ୍ଲାନି ମାନାୟ୍?” ହେୱାନିଙ୍ଗ୍ କିଲିକିୟା ଜିଲ୍ଲାନି ମାନାୟ୍ ଇଞ୍ଜି ପୁନ୍‌ଞ୍ଜି ରାଜା ୱେଚ୍‌ଚାନ୍,

ପକ୍ୟାତାକା 6:9

ମାତର୍ କେତ୍‌ଜାଣ୍ ସ୍ତିପାନତିଙ୍ଗ୍ ବିରଦ୍ କିତାର୍। ହେୱାର୍ ହଲିଆ କାମାୟ୍‌ତାଙ୍ଗ୍ ମୁକ୍ତି ପାୟାଆତି ଯିହୁଦି ମାନାୟାର୍, କୁରିଣିୟ ସହର୍, ଆଲେକ୍‌ଜାଣ୍ଡ୍ରିଆ ସହର୍‌ନି ପାର୍ତାନା ଇଲ୍‌ନି କେତ୍‌ଜାଣ୍ ମାନାୟ୍, କିଲିକିୟା ଆରେ ଏସିଆ ଜିଲ୍ଲାନି ମାନାୟାର୍ ମାଚାର୍। ଇୱାର୍ ସ୍ତିପାନତିଙ୍ଗ୍ ଜୁକ୍ତି କିଦେଙ୍ଗ୍ ଲାଗାତାର୍।

ପକ୍ୟାତାକା 9:30

ହେଦାଙ୍ଗ୍ କାଜିଙ୍ଗ୍ ତା ହାଙ୍ଗ୍‌ଦି ଟଣ୍ଡାହିର୍ ଇଦାଙ୍ଗ୍ ପୁନ୍‌ଞ୍ଜି ହେୱାନିଙ୍ଗ୍ କାଇସରିଆ ସହର୍‌ତାକେ ଅତାର୍। ଆରେ ହେୱାନ୍ କାଜିଙ୍ଗ୍ ତାର୍ଷ ସହର୍‌ତାକେ ହାଞ୍ଜେଙ୍ଗ୍ ଜଗାଡ଼୍ କିଜି ପକ୍ତାର୍।