ଏପିସିୟ 6:6 - New Testament in Pengo Parja Language

⁶ ହେୱାରିଙ୍ଗ୍ ୱାରି କିଦେଙ୍ଗ୍ ଆରେ ହେୱାର୍ ହୁଡ଼୍‌ନିହିଙ୍ଗ୍ ହେଦାଙ୍ଗ୍ କିମାଟ୍। ମାତର୍ ଏପେଙ୍ଗ୍ ଖ୍ରୀଷ୍ଟ ଦାସ୍ ଲେକେ ବାବିକିଜି ଆତ୍ମାତାଙ୍ଗ୍ ଈଶ୍ୱରତିଙ୍ଗ୍ ଇନାକା ଇଚା ଏପେଙ୍ଗ୍ ହେଦାଙ୍ଗ୍ କିୟାଟ୍।

ସତ୍‌ ବଚନ୍‌ ପୁନି ନିୟମ୍‌

⁶ କେବଲ୍‌ ହାଉକାର୍‌ ମିଙ୍ଗ୍‌ ଇଟ୍‌କାଡ଼୍‌ କିଜ଼ିମାନି ସମୁତ ତା ସାରି ଆଜ଼ି ହେବା କାଜିଂ ଇଦାଂ କିୱାଦାଂ, କ୍ରିସ୍ଟତି କଡ଼୍‌କାଆଡ଼ିଏନ୍‌ ଲାକେ ମି ୱିଜ଼ୁ ୱାସ୍କି ହିଜ଼ି ଇସ୍ୱର୍ତି ଇଚା ମାନି କିୟାଟ୍‌ ।

ଏପିସିୟ 6:6 Iomraidhean Croise

ମାତିଉ 12:50

ମାତର୍ ଇନେର୍ ପା ନା ସରଗ୍‌ନି ଆବା ଇଚା ମାନିକିନାର୍, ହେୱାନ୍ ନା ଟଣ୍ଡେନ୍, ତଣ୍‌ଦେଲ୍ ଆରେ ମାଞ୍ଜିୟା।”

ମାତିଉ 7:21

ନାଙ୍ଗେଙ୍ଗ୍ ମାପୃ, ମାପୃ ଇଞ୍ଜି କୁକ୍‌ତିନି ୱିଜୁ ମାନାୟାର୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡୁର୍। ଇମ୍‌ଣାକାନ୍ ସରଗ୍‌ତାକେ ମାନି ନା ଆବା ଇଚାତାଙ୍ଗ୍ କାମାୟ୍ କିନାନ୍, ହେୱାନ୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡ୍‌ନାନ୍।

ମାର୍କ 3:35

ଇନେର୍ ସରଗ୍‌ନି ଈଶ୍ୱରତିଙ୍ଗ୍ ମାନିକିନାର୍, ହେୱାର୍ ନା ଟଣ୍ଡେନ୍, ତଣ୍‌ଦେଲ୍ ଆରେ ମାଞ୍ଜିୟା ଆନାର୍।”

ରୋମିୟ 6:17

ମାତର୍ ଆନେଙ୍ଗ୍ ଈଶ୍ୱରତିଙ୍ଗ୍‌ ଦନ୍ୟବାଦ ହିନାଙ୍ଗା ଯେ, ଏପେଙ୍ଗ୍ ଆଗେ ପାପ୍‌ନି ଚାକର୍ ଆଜି ମାଚାଦେର୍। ମାତର୍ ନଙ୍ଗୟ୍ ଏପେଙ୍ଗ୍ ଈଶ୍ୱର ହିତ୍‌ତି ହିକ୍ଷାତିଙ୍ଗ୍ ଗରବ୍‌ତାଙ୍ଗ୍ ମାନି କିନାଦେରା।

୧ କରନ୍ତିୟ 7:22

ଯଦି ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଚାକର୍ ଆଜି ମାଚିହିଙ୍ଗ୍ ବାଚି କିତ୍‌ତାନ୍‌ନା, ଲାଗିଙ୍ଗ୍ ହେୱାନ୍ ପାପ୍‌ନି ଶାକ୍ତିତାଙ୍ଗ୍ ମିଙ୍ଗେଙ୍ଗ୍ ମୁକ୍ତି କିତ୍‌ତାନ୍‌ନା। ଆରେ ଯଦି ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଚାକର୍ ଆୱିହିଙ୍ଗ୍ ବାଚି କିତ୍‌ତାନ୍‌ନା, ଲାଗିଙ୍ଗ୍ ହେୱାନ୍ ମିଙ୍ଗେଙ୍ଗ୍ ତା ଚାକର୍ କିତ୍‌ତାନ୍‌ନା।

ଗାଲାତିୟ 1:10

ସତ୍‌ରେ ଆନେଙ୍ଗ୍ ମାନାୟାରିଙ୍ଗ୍ ୱାରି କିୟିକିଦେଙ୍ଗ୍ ଉପାୟ୍ କିଉଙ୍ଗା, ମାତର୍ ଈଶ୍ୱରତିଙ୍ଗ୍ ୱାରି କିୟିକିଦେଙ୍ଗ୍ ଇଚା କିନାଙ୍ଗା। ଯଦି ଆନେଙ୍ଗ୍ ନଙ୍ଗୟ୍ ପା ମାନାୟାରିଙ୍ଗ୍ ୱାରି କିୟିକିଦେଙ୍ଗ୍ ଇଚା କିନାଙ୍ଗା, ଲାଗିଙ୍ଗ୍ ଆନେଙ୍ଗ୍ ଖ୍ରୀଷ୍ଟ ଦାସ୍ ଆକାୟ୍।

ଏପିସିୟ 5:17

ଲାଗିଙ୍ଗ୍ ବୁଦିହିଲ୍‌ୱି ମାନାୟ୍ ଲେକେ ଆୱାଦାଙ୍ଗ୍ ବୁଦି ମାନିଲେକେ ଆଡ, ଆରେ ମାପୃ ଇଚା ଇନାକା ହେଦାଙ୍ଗ୍ ବୁଜାଆଡ।

ପିଲିପିୟ 2:12

ହେଦାଙ୍ଗ୍ କାଜିଙ୍ଗ୍ ଏ ପାର୍ତିକିନି ଟଣ୍ଡାର୍‌କାଦେର୍, ଆନେଙ୍ଗ୍ ମାନିହିଙ୍ଗ୍ ଇନେସ୍ ୱିଜୁଦିନ୍ ଈଶ୍ୱର କାତାତିଙ୍ଗ୍ ମାନିକିଜି ମାଚାଦେର୍, ଲାଗିଙ୍ଗ୍ ଆନେଙ୍ଗ୍ ହିଲ୍‌ୱିହିଙ୍ଗ୍ ପା ଏପେଙ୍ଗ୍ ହେବେତାଙ୍ଗ୍ ଆଦିକ୍ ମାନି କିୟାଟ୍। ଈଶ୍ୱର ଇମ୍‌ଣାକାରିଙ୍ଗ୍ ଉଦାର୍ କିତାନ୍‌ନା ହେୱାର୍ କାଜିଙ୍ଗ୍ ଟିକ୍ ମାଚିଲେକେ କାମାୟ୍ ଏପେଙ୍ଗ୍ ପାଣ୍ଡ୍ରାଆଜି ତ୍ରିଗ୍‍ଜି କିନି ଦର୍‌କାର୍।

କଲସିୟ 1:9

ହେଦାଙ୍ଗ୍ କାଜିଙ୍ଗ୍ ହେ କାତା ୱେଚି ଦିନ୍‌ତାଙ୍ଗ୍ ୱିଜୁଦିନ୍ ଆପେଙ୍ଗ୍ ମି କାଜିଙ୍ଗ୍ ପାର୍ତାନା କିନାପା। ଆପେଙ୍ଗ୍ ପାର୍ତାନା କିନାପା ଯେ, ମିଙ୍ଗେଙ୍ଗ୍ ଈଶ୍ୱର ଆତ୍ମା ଜ୍ଞାନ୍ ଆରେ ବୁଦି ହିଦେନ୍, ଇନେସ୍‌କି ଏପେଙ୍ଗ୍ ତା ଇଚାତାଙ୍ଗ୍ ପୁରାପୁରି ପୁଞ୍ଜେଙ୍ଗ୍ ଆଡ୍‌ନାଦେର୍।

କଲସିୟ 4:12

ଏପାଫ୍ରା ମିଙ୍ଗେଙ୍ଗ୍ ଜୱାର୍ କିଦ୍‌ନାନା, ହେୱାନ୍ ମି ସହର୍‌ନି ମାନାୟ୍। ହେୱାନ୍ ରକାନ୍ ଯୀଶୁ ଖ୍ରୀଷ୍ଟଙ୍ଗ୍ ହେବା କିନାକାନ୍। ଏପେଙ୍ଗ୍ ଇନେସ୍ ଈଶ୍ୱରତାକେ ଟିକ୍‌ଆଜି ମାଞ୍ଜେଙ୍ଗ୍ ଆଡ୍‌ନାଦେର୍, ଆରେ ଈଶ୍ୱର ଇଚା ଏପେଙ୍ଗ୍ ପୁରାପୁରି ପୁଞ୍ଜେଙ୍ଗ୍ ଆଡ୍‌ନାର୍, ହେଦାଙ୍ଗ୍ କାଜିଙ୍ଗ୍ ହେୱାନ୍ ମି କାଜିଙ୍ଗ୍ ୱିଜୁଦିନ୍ ମାନ୍‌ଦିୟାନ୍ କିଜି ପାର୍ତାନା କିନାନା।

୧ ଥେସଲନୀକିୟ 2:4

ଈଶ୍ୱର ମାଙ୍ଗେଙ୍ଗ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ଟିକ୍ ମାନାୟ୍ ଇଞ୍ଜି ବାଚି କିତ୍‌ତାନ୍‌ନା। ହେଲେକେ ଆପେଙ୍ଗ୍ ଶୁଣାୟ୍ କିନାପା। ଆପେଙ୍ଗ୍ ମାନାୟାରିଙ୍ଗ୍ ସାର୍‌ଦା କିନି କାଜିଙ୍ଗ୍ ହାର୍ଦିକାବୁର୍ ଶୁଣାୟ୍ କିଉପା, ମାତର୍ ମା ଈଶ୍ୱରତିଙ୍ଗ୍ ସାର୍‌ଦା କିନି କାଜିଙ୍ଗ୍ କିନାପା। ଇନେସ୍‌କି ହେୱାନ୍ ମା ଗରବ୍‌ନି ଇଚାତାଙ୍ଗ୍ ପରିକ୍ଷା କିଦ୍‌ନାନ୍।

୧ ଥେସଲନୀକିୟ 4:3

ଈଶ୍ୱରତିଙ୍ଗ୍ ଇଚା ଯେ, ଏପେଙ୍ଗ୍ ପବିତ୍ର ଆଡ, ଇ ଅର୍ତ ଏପେଙ୍ଗ୍ ଦାରି କାମାୟ୍ କିମାଟ୍।

ଏବ୍ରି 10:36

ଲାଗିଙ୍ଗ୍ ଏପେଙ୍ଗ୍ ଈଶ୍ୱର ଇଚା ଅନ୍‌ସାରେ କାମାୟ୍ କିଜି, ହେୱାନ୍ ଇନାକା ପାର୍ମାଣ୍ କିତାନ୍‌ନା ହେଦାଙ୍ଗ୍ ୱିଜୁ ଏପେଙ୍ଗ୍ ପାୟାଆନି କାଜିଙ୍ଗ୍, ମିଙ୍ଗେଙ୍ଗ୍ ନଙ୍ଗୟ୍ ସାହାସ୍ ଦର୍‌କାର୍ ମାନାତ୍।

୧ ପିତର 2:15

ହେଦାଙ୍ଗ୍ କାଜିଙ୍ଗ୍ ଈଶ୍ୱର ଇଚା କିନାକାନ୍ ଯେ, ଏପେଙ୍ଗ୍ ହାର୍ କାମାୟ୍ କିୟାଟ୍। ଲାଗିଙ୍ଗ୍ ଈଶ୍ୱର ପୁନ୍‌ୱିତି ବକୁୱା ମାନାୟାର୍ ମିଙ୍ଗେଙ୍ଗ୍ ବିରଦ୍ କିତ୍‌ତିସ୍ ପା ମି ହାର୍ କାମାୟ୍ କାଜିଙ୍ଗ୍ ହେ ବିରଦ୍‌ତିଙ୍ଗ୍ ଏପେଙ୍ଗ୍ ବନ୍ଦ୍ କିଦେଙ୍ଗ୍ ଆଡ୍‌ନାଦେର୍।

୧ ପିତର 4:2

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ମି ୱିଜୁ ଜିବୁନ୍ ପୁର୍ତିତାକେ କରାପ୍ କାମାୟ୍ କିଜି ଜିବୁନ୍ କାଟି କିଉତ୍, ମାତର୍ ଈଶ୍ୱର ଇଚାକିତି କାମାୟ୍ ଏପେଙ୍ଗ୍ କିନାଦେର୍।

୧ ଯୋହନ 2:17

ପୁର୍ତି ଆରେ ଜଗତ୍‌ନି ଜିନିଷ୍ ପାୟାଆନି ଆହା ଅଲପ୍‌ଦିନ୍ କାଜିଙ୍ଗ୍। ମାତର୍ ଇମ୍‌ଣି ମାନାୟ୍ ଆବା ଈଶ୍ୱର କାତାତିଙ୍ଗ୍ ମାନି କିନାନ୍, ହେୱାନ୍ ୱିଜୁଦିନ୍ ଜିଜି ମାନାନ୍।