ଏପିସିୟ 6:5 - New Testament in Pengo Parja Language

⁵ ଏ ଦାସ୍ କାଦେର୍, ଏପେଙ୍ଗ୍ ଇନେସ୍ ଖ୍ରୀଷ୍ଟ କାତାତିଙ୍ଗ୍ ମାନିକିଜି ମାନାଦେରା, ହେଲେକେ ଏପେଙ୍ଗ୍ ସନ୍‌ମାନ୍ ଆରେ ସାଦୁ ଆଜି ଜାର୍‌ତିଙ୍ଗ୍ ପାଣ୍ଡ୍ରାଆଜି ଆରେ ଗାଗାଡ଼୍‌ନି ହାର୍ଦି ମାନ୍‌ତାଙ୍ଗ୍ ମି ମାଲିକାର୍ କାତା ମାନିକିଜି ମାନାଟ୍।

ସତ୍‌ ବଚନ୍‌ ପୁନି ନିୟମ୍‌

⁵ କଡ଼୍‌କାଆଡ଼ିୟାର୍‌, ଏପେଙ୍ଗ୍‌ କ୍ରିସ୍ଟତି ହେବା କିନାଦେରା ଇଞ୍ଜି ୱାସ୍କି ବାବ୍ରେ ପାଣ୍ଡ୍ରୁତିଂ ତ୍ରିଗ୍‌ଜି ସଁସାର୍‌ନି ହାଉକାରିକାଂ ବଲ୍‌ ମାନିକିୟାଟ୍‌ ।

ଏପିସିୟ 6:5 Iomraidhean Croise

ମାତିଉ 6:22

ମି କାଣ୍‌କୁ ଗାଗାଡ଼୍‌ନି ବଇଟାଲେକେ। ଲାଗିଙ୍ଗ୍ ମି କାଣ୍‌କୁ ଇନାୱେଡ଼ାଙ୍ଗ୍ ହାର୍ ମାନ୍‌ଗିନିକ୍, ଲାଗିଙ୍ଗ୍ ମି ୱିଜୁ ଗାଗାଡ଼୍‍ମୁଡ଼ି ପା ହାର୍ ମାନ୍‌ଗାନାତ୍।

ମାତିଉ 6:24

ରକାନ୍ ହଲିଆ ରଞ୍ଜେମାଡ୍ ରିକାର୍ ମାଲିକ୍‌ତିଙ୍ଗ୍ ହେବା କିଦେଙ୍ଗ୍ ଆଡୁନ୍। ଲାଗିଙ୍ଗ୍ ହେୱାନ୍ ରକାନିଙ୍ଗ୍ ଆକାର୍ ଆନାନ୍ ଆରେ ଜେକନିକାରିଙ୍ଗ୍ ଲାଡ୍ କିନାନ୍, ରକାନିଙ୍ଗ୍ ଇଚା ଆନାତ୍ ଆରେ ଜେକନିକାରିଙ୍ଗ୍ ଗିଣ୍ କିନାନ୍। ଏପେଙ୍ଗ୍ ଈଶ୍ୱର ଆରେ ଦନ୍ ଇ ରିଣ୍ଡେକାଙ୍ଗ୍ ହେବା କିଦେଙ୍ଗ୍ ଆଡୁଦେର୍।”

ମାତିଉ 8:9

ଆନେଙ୍ଗ୍ ପା ରକାନ୍ ଗାଜାକାନ୍ ତାକେ କାମାୟ୍ କିନାଙ୍ଗା। ନା ତାରେନ୍ କେତେକ୍ ସେନାର୍ ମାନାର୍, ଆନେଙ୍ଗ୍ ଯଦି ର ସେନାଙ୍ଗ୍ ୱେଚ୍‌ନାଙ୍ଗ୍, ହାଲା ଇଚିସ୍ ହେୱାନ୍ ହାନାନ୍। ଆନେଙ୍ଗ୍ ଯଦି ଆରେ ରକାନିଙ୍ଗ୍ ୱେଚ୍‌ନାଙ୍ଗ୍ ୱା ଇଚିସ୍ ହେୱାନ୍ ୱାନାନ୍। ଆନେଙ୍ଗ୍ ଯଦି ନା ହଲିଆଙ୍ଗ୍ ଇଦାଙ୍ଗ୍ କିୟା ଇଚିସ୍ ହେୱାନ୍ ହେଦାଙ୍ଗ୍ କିନାନ୍।

ପକ୍ୟାତାକା 2:46

ଆରେ ହେୱାର୍ ର ମାନ୍‌ଆଜି ୱିଜୁଦିନ୍ ଈଶ୍ୱର ମାନି ମନ୍ଦିର୍‌ତାକେ ମେହାଆଜି ମାଚାର୍। ଆରେ ଇଞ୍ଜ-ଇଞ୍ଜ ରୁଟି ଡିକ୍‌ଚି ୱାରିତାଙ୍ଗ୍ ଆରେ ଶାନ୍ତିତାଙ୍ଗ୍ ତିନ୍‌ଞ୍ଜି ଈଶ୍ୱରତିଙ୍ଗ୍ ଜୟ୍-ଜୟ୍ କିଜି ମାଚାର୍।

୧ କରନ୍ତିୟ 2:3

ଆନେଙ୍ଗ୍ ଏଚେକାଡ଼୍‌ଦ ମିହୁଦାଙ୍ଗ୍ ମାଚାଙ୍ଗ୍। ଆନେଙ୍ଗ୍ ଖ୍ରୀଷ୍ଟ ବିଷୟତିଙ୍ଗ୍ ୱେଚ୍‌ଚେଙ୍ଗ୍ ଆଡ୍‌ନାଙ୍ଗ୍ କି ଆକାୟ୍ ଇଞ୍ଜି ପାଣ୍ଡ୍ରାଆଜି ମାଚାଙ୍ଗ୍, ଆରେ ଆନେଙ୍ଗ୍ ପାଣ୍ଡ୍ରୁତିଙ୍ଗ୍ ତ୍ରିଗ୍‍ଜି ମାଚାଙ୍ଗ୍।

୧ କରନ୍ତିୟ 7:22

ଯଦି ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଚାକର୍ ଆଜି ମାଚିହିଙ୍ଗ୍ ବାଚି କିତ୍‌ତାନ୍‌ନା, ଲାଗିଙ୍ଗ୍ ହେୱାନ୍ ପାପ୍‌ନି ଶାକ୍ତିତାଙ୍ଗ୍ ମିଙ୍ଗେଙ୍ଗ୍ ମୁକ୍ତି କିତ୍‌ତାନ୍‌ନା। ଆରେ ଯଦି ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଚାକର୍ ଆୱିହିଙ୍ଗ୍ ବାଚି କିତ୍‌ତାନ୍‌ନା, ଲାଗିଙ୍ଗ୍ ହେୱାନ୍ ମିଙ୍ଗେଙ୍ଗ୍ ତା ଚାକର୍ କିତ୍‌ତାନ୍‌ନା।

୨ କରନ୍ତିୟ 1:12

ଆସେଙ୍ଗ୍ ବାଟ୍‌ପାଣ୍ ଆଜି ୱେଚ୍‌ଚେଙ୍ଗ୍ ଆଡ୍‌ନାସ୍, ଇନେସ୍‌କି ଆପେଙ୍ଗ୍ ଦରମ୍ ଆରେ ସତ୍ ସମ୍ପର୍କ ମିହୁଦାଙ୍ଗ୍ ଇଡ଼୍‌ତାପ୍‌ନା, ହେଦାଙ୍ଗ୍ ମା ମାନ୍ତି ବାବ୍‌ନା ସାକି ହିନାତା। ଆସେଙ୍ଗ୍ ମା ପୁର୍ତିନି ଜ୍ଞାନ୍‌ତିଙ୍ଗ୍ ଆହା କିୱାଦାଙ୍ଗ୍, ଈଶ୍ୱର ଦୟାତିଙ୍ଗ୍ ଆହା କିନାପା। ହେଲେକେ ମିହୁଦାଙ୍ଗ୍ ଆରେ ୱିଜାକାର୍ ହୁଦାଙ୍ଗ୍ ଜିବୁନ୍ କାଟିକିଜି ମାଚାପ୍।

୨ କରନ୍ତିୟ 7:15

ହେୱାନ୍ ଆଗେତାଙ୍ଗ୍ ନଙ୍ଗୟ୍ ଆଦିକ୍ ଚିନ୍ତା କିନାନା ଏଚେପାଦ୍ନା ହେୱାନ୍ ମି ବିଷୟରେ ବାବିକିନାନା, ଏପେଙ୍ଗ୍ ଇନେସ୍‌କିଜି ତାଙ୍ଗେଙ୍ଗ୍ ସନ୍‌ମାନ୍ ହୁଦାଙ୍ଗ୍ ଆସ୍ତାଦେର୍, ତା କାତା ୱେଚାଦେର୍ ଆରେ ତା ଜାତୁନ୍ ଅଜି ମାଚାଦେର୍।

ଏପିସିୟ 5:22

ଏ କଗ୍‍ଲେକ୍ ଏପେଙ୍ଗ୍ ଇନେସ୍ ମାପୃଙ୍ଗ୍ ମାନିକିଜି ମାନାଦେରା, ହେଲେକେ ଜାର୍-ଜାର୍ ଆଣ୍ଡ୍ରା କାତାତିଙ୍ଗ୍ ମାନିକିଜି ମାନାଟ୍।

ଏପିସିୟ 6:24

ଇମ୍‌ଣାକାର୍ ମା ମାପୃ ଯୀଶୁ ଖ୍ରୀଷ୍ଟଙ୍ଗ୍ ୱିଜ୍‌ୱି ଲାଡ୍‌ତାକେ ଲାଡ୍ କିନାର୍, ହେୱାରିଙ୍ଗ୍ ଈଶ୍ୱର ଦୟା କିନାନ୍।

ପିଲିପିୟ 2:12

ହେଦାଙ୍ଗ୍ କାଜିଙ୍ଗ୍ ଏ ପାର୍ତିକିନି ଟଣ୍ଡାର୍‌କାଦେର୍, ଆନେଙ୍ଗ୍ ମାନିହିଙ୍ଗ୍ ଇନେସ୍ ୱିଜୁଦିନ୍ ଈଶ୍ୱର କାତାତିଙ୍ଗ୍ ମାନିକିଜି ମାଚାଦେର୍, ଲାଗିଙ୍ଗ୍ ଆନେଙ୍ଗ୍ ହିଲ୍‌ୱିହିଙ୍ଗ୍ ପା ଏପେଙ୍ଗ୍ ହେବେତାଙ୍ଗ୍ ଆଦିକ୍ ମାନି କିୟାଟ୍। ଈଶ୍ୱର ଇମ୍‌ଣାକାରିଙ୍ଗ୍ ଉଦାର୍ କିତାନ୍‌ନା ହେୱାର୍ କାଜିଙ୍ଗ୍ ଟିକ୍ ମାଚିଲେକେ କାମାୟ୍ ଏପେଙ୍ଗ୍ ପାଣ୍ଡ୍ରାଆଜି ତ୍ରିଗ୍‍ଜି କିନି ଦର୍‌କାର୍।

ଫିଲୀମୋନ 1:16

ନଙ୍ଗୟ୍ ଏନେଙ୍ଗ୍ ହେୱାନିଙ୍ଗ୍ ଚାକର୍ ନେ ଇଞ୍ଜି ବାବିକିମା, ହେୱାନ୍ ର ଦାସ୍‌ତାଙ୍ଗ୍ ପା ଗାଜାକାନ୍‌। ମାତର୍ ହେୱାନ୍ ରକାନ୍ ମା ଲେକେ ପାର୍ତିକିନି ଟଣ୍ଡେନ୍, ହେଦାଙ୍ଗ୍ କାଜିଙ୍ଗ୍ ହେୱାନିଙ୍ଗ୍ ଏନେଙ୍ଗ୍ ଲାଡ୍ କିୟା। ଆନେଙ୍ଗ୍ ହେୱାନିଙ୍ଗ୍ ଲାଡ୍ କିନାଙ୍ଗ୍ ମାତର୍ ଏନେଙ୍ଗ୍ ହେୱାନିଙ୍ଗ୍ ନି ଦାସ୍ ଆରେ ଖ୍ରୀଷ୍ଟତାକେ ପାର୍ତିକିନି ଟଣ୍ଡେନ୍ ଆତି କାଜିଙ୍ଗ୍ ଏନେଙ୍ଗ୍ ନାବେତାଙ୍ଗ୍ ଆଦିକ୍ ଲାଡ୍ କିୟା।