ଏପିସିୟ 6:13 - New Testament in Pengo Parja Language

¹³ ଲାଗିଙ୍ଗ୍ ଈଶ୍ୱର ହିତ୍‌ତି ୱିଜୁ ନାଲି କାଣ୍ଡାଙ୍ଗ୍ ଆସ୍ତି ରେଡି ଆଜି ମାନାଟ୍। ଲାଗିଙ୍ଗ୍ ଏପେଙ୍ଗ୍ ଶୟ୍‌ତାନତିଙ୍ଗ୍ ବିରଦ୍ କିଦେଙ୍ଗ୍ ଆଡ୍‌ନାଦେର୍ ଆରେ ଏପେଙ୍ଗ୍ ଜିତାଆଜି ବାଡ଼୍‌କାସ୍ ଆଦେଙ୍ଗ୍ ଆଡ୍‌ନାଦେର୍।

ସତ୍‌ ବଚନ୍‌ ପୁନି ନିୟମ୍‌

¹³ ଲାଗିଂ ନଙ୍ଗ୍‌ ଇସ୍ୱର୍‌ ହିତ୍‌ତି ଜୁଜ୍‌ହାଜ ଉସ୍‌ପାଟ୍‌; ତା ଆତିସ୍‌ କସ୍ଟଦିନ୍‌ ସମୁତ ଏପେଙ୍ଗ୍‌ ସତ୍ରୁ କାଟ୍ରାନାକା ବନ୍ଦକିଦେଂ ଆଡ୍‌ନାଦେର୍‌ ଆରି ହାରିହାରା ପାତେକ୍‌ ଜୁଜ୍‌ କିଜ଼ି ପା ଡାଟ୍‌ ମାନ୍‌ଗାନାତ୍‌ ।

ଏପିସିୟ 6:13 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:36

ଏପେଙ୍ଗ୍ ପାର୍ତାନା କିଜି ୱିଜୁଦିନ୍ ଜାଗ୍ରତ୍ ମାନାଟ୍। ଲାଗିଙ୍ଗ୍ ଏପେଙ୍ଗ୍ ୱାନି ଦୁକ୍‌ନି ସମୟ୍‌ତିଙ୍ଗ୍ ରକ୍ଷା ପାୟାଆନାଦେର୍। ଆରେ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ମୁମ୍‌ଦ ସାସ୍ ଆସ୍ତି ନିଲ୍‌ତେଙ୍ଗ୍ ଆଡ୍‌ନାଦେର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:13

କେତେକ୍ ମାନାୟ୍ କାଲ୍‌କୁ କୁଡ଼ିନି ଜମିତ ଆର୍ତି ବିୟାନ୍ ଲେକେ, ହେୱାର୍ ଈଶ୍ୱର କାତାତିଙ୍ଗ୍ ୱେନ୍‌ଞ୍ଜି ୱାରିତାଙ୍ଗ୍ ଆହ୍‌ନାର୍। ମାତର୍ ହେୱାର୍ ଗରବ୍ ବିତ୍ରେ ଈଶ୍ୱର କାତା ହାଲ୍‌ୱିତିଲେ ହେୱାର୍ ଈଶ୍ୱରତାକେ ଅଲପ୍‌ଦିନ୍ ପାର୍ତିକିନାର୍ ଆରେ ଈଶ୍ୱର କାତାକାଜିଙ୍ଗ୍ ଦୁଃକ୍ କଷ୍ଟ ୱାତିସ୍ ହେୱାର୍ ପାର୍ତିତିଙ୍ଗ୍ ପିହ୍‌ନାର୍।

ରୋମିୟ 13:12

ଆସେଙ୍ଗ୍ କରାପ୍ ପୁର୍ତିତାକେ ଜିନି ଦିନ୍ ର ରାତି ସେସ୍ ଆନିଲେକେ ସେସ୍ ଆନାତ୍‌ଦେ, ଆରେ ଖ୍ରୀଷ୍ଟ ଆରେରଗ ପୁର୍ତିତାକେ ୱାନିଦିନ୍ ଇକାୱାତାତେ। ଲାଗିଙ୍ଗ୍ ଆସେଙ୍ଗ୍ ମାଜାଗାତାକେ କିନି ୱିଜୁ କରାପ୍ କାମାୟ୍ ବନ୍ଦ୍ କିନି ଦର୍‌କାର୍, ଆରେ ର ସେନା ୱେଡ଼ାଲିଙ୍ଗ୍ ତା ଯୁଜ୍ କିନିହିଙ୍ଗ୍ ତା ଗାଗାଡ଼୍‌ତାକେ ଉସ୍‌ପାନାନ୍ ହେଲେକେ ଆସେଙ୍ଗ୍ କରାପ୍ କାମାୟ୍‌ତିଙ୍ଗ୍ ବନ୍ଦ୍ କିନି କାଜିଙ୍ଗ୍ ହାର୍ କାମାୟ୍ କିନି ଦର୍‌କାର୍।

୨ କରନ୍ତିୟ 10:4

ଇନେସ୍‌କି ଇ ପୁର୍ତିନି ମାନାୟାର୍ ଯୁଜ୍ କିନିହିଙ୍ଗ୍ ଇମ୍‌ଣି ଅସ୍ତର୍ ଶସ୍ତର୍ ବ୍ୟବହାର୍ କିନାର୍ ତାବେତାଙ୍ଗ୍ ମା ଅସ୍ତର୍ ଶସ୍ତର୍ ଅଲ୍‌ଗା। ଆସେଙ୍ଗ୍ ଈଶ୍ୱରତି ଶାକ୍ତିମାନି ଅସ୍ତର୍ ଶସ୍ତର୍‌ତିଙ୍ଗ୍ ବ୍ୟବହାର୍ କିଜି ଶୟତାନନି ୱିଜୁ ଶାକ୍ତିତିଙ୍ଗ୍ ନଷ୍ଟ କିନାସ୍।

ଏପିସିୟ 5:16

ଆରେ ୱିଜୁ ସୁଯଗ୍‌ତିଙ୍ଗ୍ ହାର୍ଦି କାମାୟ୍ କିନି କାଜିଙ୍ଗ୍ ବ୍ଯବହାର୍ କିୟାଟ୍। ଇନେସ୍‌କି ଇ ସମୟ୍‌ତ ମାନାୟାର୍ ବେସି କରାପ୍ କାମାୟ୍ କିନାର୍।

ଏପିସିୟ 5:6

ଲାଗିଙ୍ଗ୍ ମିଙ୍ଗେଙ୍ଗ୍ ଇନେର୍‌ପା ଟକାଇ କିଦ୍‌ମେର୍ ଯେ ଇ ୱିଜୁ ବିଷୟ କିତିସ୍ ଦଣ୍ଡ୍ ଗାଟାଆଦୁତ୍। ଇନେସ୍‌କି ଇମ୍‌ଣାକାର୍ ତା ଆଦେସ୍‌ତିଙ୍ଗ୍ ମାନିକିଉର୍ ହେୱାରିଙ୍ଗ୍ ଈଶ୍ୱର ଦଣ୍ଡ୍ ହିନାନ୍।

କଲସିୟ 4:12

ଏପାଫ୍ରା ମିଙ୍ଗେଙ୍ଗ୍ ଜୱାର୍ କିଦ୍‌ନାନା, ହେୱାନ୍ ମି ସହର୍‌ନି ମାନାୟ୍। ହେୱାନ୍ ରକାନ୍ ଯୀଶୁ ଖ୍ରୀଷ୍ଟଙ୍ଗ୍ ହେବା କିନାକାନ୍। ଏପେଙ୍ଗ୍ ଇନେସ୍ ଈଶ୍ୱରତାକେ ଟିକ୍‌ଆଜି ମାଞ୍ଜେଙ୍ଗ୍ ଆଡ୍‌ନାଦେର୍, ଆରେ ଈଶ୍ୱର ଇଚା ଏପେଙ୍ଗ୍ ପୁରାପୁରି ପୁଞ୍ଜେଙ୍ଗ୍ ଆଡ୍‌ନାର୍, ହେଦାଙ୍ଗ୍ କାଜିଙ୍ଗ୍ ହେୱାନ୍ ମି କାଜିଙ୍ଗ୍ ୱିଜୁଦିନ୍ ମାନ୍‌ଦିୟାନ୍ କିଜି ପାର୍ତାନା କିନାନା।

ଜାକ୍‌ବ 4:7

ଲାଗିଙ୍ଗ୍ ଏପେଙ୍ଗ୍ ଈଶ୍ୱରତିଙ୍ଗ୍ ମାନିକିଜି ମାନାଟ୍, ଆରେ ଶୟତାନତିଙ୍ଗ୍ ବିରଦ୍ କିୟାଟ୍। ଲାଗିଙ୍ଗ୍ ହେ ଶୟତାନ ମି ଲାଗାୟ୍‌ତାଙ୍ଗ୍ ହନ୍‍ଚି ହାନାତ୍।

୧ ପିତର 4:1

ଲାଗିଙ୍ଗ୍ ଖ୍ରୀଷ୍ଟ ଏଚେପାଦ୍ନା ପୁର୍ତିତାକେ ମାଚାନ୍ ହେୱାନ୍ ତା ଗାଗାଡ଼୍‌ତାକେ ଦୁଃକ୍ କଷ୍ଟ ପାୟାଆଜି ମାଚାନ୍। ହେଲେକେ ଏପେଙ୍ଗ୍ ପା ମି ମାନ୍ ପା ଖ୍ରୀଷ୍ଟ ମାନ୍‌ଲେକେ କିନି ଦର୍‌କାର୍ ଆରେ ଦୁଃକ୍ କଷ୍ଟ ପାୟାଆନି କାଜିଙ୍ଗ୍ ରେଡି ଆଜି ମାନି ଦର୍‌କାର୍। ଇନେସ୍‌କି ଯଦି ଏପେଙ୍ଗ୍ ଖ୍ରୀଷ୍ଟ କାଜିଙ୍ଗ୍ ଦୁଃକ୍ କଷ୍ଟ ପାୟା ଆଦେଙ୍ଗ୍ ଇଚା କିନାଦେରା, ଲାଗିଙ୍ଗ୍ ଏପେଙ୍ଗ୍ ପାପ୍ କିୱେଦେଙ୍ଗ୍ ଇଚା କିତାଦେର୍‌ନା।

ହତ୍‌ତି 3:10

ଏପେଙ୍ଗ୍ ଦୁଃକ୍ କଷ୍ଟ ପାୟାଆତିହିଙ୍ଗ୍ ସାସ୍ ଆଜି ନା କାତାତିଙ୍ଗ୍ ମାନିକିଜି ସମ୍ବାଲି କିଜି ମାଚାଦେର୍, ହେଦାଙ୍ଗ୍ କାଜିଙ୍ଗ୍ ଇ ପୁର୍ତିନି ୱିଜାର୍ ମାନାୟାରିଙ୍ଗ୍ ୱାନି ଗାଜା ପରିକ୍ଷାତାଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଉଦାର୍ କିଦ୍‌ନାଙ୍ଗ୍।

ହତ୍‌ତି 6:17

ଇନେସ୍‌କି ବେସି କଷ୍ଟନି ଦିନ୍ ୱାତାତ୍‌ନା ଏଚେପାଦ୍ନା ଈଶ୍ୱର ଆରେ ମେଣ୍ଢା ଇନେର୍‌କି ଯୀଶୁ ୱିଜାକାରିଙ୍ଗ୍ ଦଣ୍ଡ୍ ହିଦ୍‌ନାର୍, ହେ ଦଣ୍ଡ୍‌ତିଙ୍ଗ୍ ଇନେର୍ ପା ସମ୍ବାଲି କିଦେଙ୍ଗ୍ ଆଡୁର୍।”