ଏପିସିୟ 6:10 - New Testament in Pengo Parja Language

¹⁰ ସେସ୍ କାତା ଇଦାଙ୍ଗ୍, ମାପୃତାଙ୍ଗ୍ ଶାକ୍ତି ପାୟାଆଜି ତା ଶାକ୍ତିତାଙ୍ଗ୍ ବାଡ଼୍‌କାସ୍ ଆଡ।

ସତ୍‌ ବଚନ୍‌ ପୁନି ନିୟମ୍‌

¹⁰ ହାରିହାରା, ମାପ୍ରୁ ଲାହାଙ୍ଗ୍‌ ମେହାଜ଼ି ତା ଜବର୍‌ ସାକ୍ତିତାଂ ବାଡ଼୍‌କାସ୍‌ ଆଡ ।

ଏପିସିୟ 6:10 Iomraidhean Croise

୧ କରନ୍ତିୟ 16:13

ଏପେଙ୍ଗ୍ ହୁଞ୍ଜ୍‌କାର୍ ଲେକେ ଆମାଟ୍, ମାତର୍ ଆଦିକ୍‌ତାଙ୍ଗ୍ ଆଦିକ୍ ପାର୍ତି କିଜି ମାନାଟ୍। ଏପେଙ୍ଗ୍ ସାସ୍ ମାନାକାଦେର୍ ଆଡ ଆରେ ଆଦିକ୍‌ତାଙ୍ଗ୍ ଆଦିକ୍ ପାର୍ତିକିୟାଟ୍।

୨ କରନ୍ତିୟ 13:11

ଏ ଲାଡ୍‌ନି ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ସେସ୍ କାତା ୱେଚ୍‌ଚି ଇ ଚିଟି ଲେକିକିନାକା ବନ୍ଦ୍ କିନାଙ୍ଗା, ଏପେଙ୍ଗ୍ ୱିଜୁଦିନ୍ ୱାରି କିୟାଟ୍। ଏପେଙ୍ଗ୍ ଗାଜାକାର୍ ଲେକ ବୁଦି କାଟାକାଦେର୍ ଆଡ। ଏପେଙ୍ଗ୍ ଜାର୍-ଜାର୍‌ବିତ୍ରେ ସାସ୍ ହିବାଆଡ। ଏପେଙ୍ଗ୍ ର ମାନ୍‌ଆଜି ଶାନ୍ତିତାଙ୍ଗ୍ ମାନାଟ୍। ଲାଗିଙ୍ଗ୍ ଲାଡ୍ ଆରେ ଶାନ୍ତିନି ଈଶ୍ୱର ମିହୁଦାଙ୍ଗ୍ ମାନ୍‌ଗାନାନ୍।

ଏପିସିୟ 1:19

ଆସେଙ୍ଗ୍ ଖ୍ରୀଷ୍ଟତାକେ ପାର୍ତିକିନି ମାନାୟାର୍ କାଜିଙ୍ଗ୍ ଈଶ୍ୱର ଇଡ଼୍‌ତି ଗାଜା ଆରେ ବେସି ଶାକ୍ତି ବିଷୟରେ ଏପେଙ୍ଗ୍ ପୁନାଟ୍ ଇଞ୍ଜି ଆନେଙ୍ଗ୍ ପାର୍ତାନା କିନାଙ୍ଗା।

ଏପିସିୟ 3:16

ଆନେଙ୍ଗ୍ ଇଦାଙ୍ଗ୍ ପାର୍ତାନା କିନାଙ୍ଗା ଯେ ତା ଗୌରବନି ଦନ୍ ତା ଆତ୍ମାତାଙ୍ଗ୍ ମି ଆତ୍ମା ଶାକ୍ତି ଆୟେତ୍।

ପିଲିପିୟ 3:1

ଏ ନା ପାର୍ତିକିନି ଟଣ୍ଡାର୍‌କାଦେର୍ ଏପେଙ୍ଗ୍ ମାପୃତାକେ ୱାରି ଆଡ। ଇ କାତାତିଙ୍ଗ୍ ବାରମ୍-ବାରମ୍ ଲେକିକିଦେଙ୍ଗ୍ ନାଙ୍ଗେଙ୍ଗ୍ ବିଜାର୍ ହତୁତା। ଇନେସ୍‌କି ଏପେଙ୍ଗ୍ ମିଚ୍ ହିକ୍ଷାତାଙ୍ଗ୍ ରକ୍ଷା ପାୟାଆନାଦେର୍।

ପିଲିପିୟ 4:13

ନାଙ୍ଗେଙ୍ଗ୍ ଶାକ୍ତି ହିଦ୍‌ନି ଖ୍ରୀଷ୍ଟ ସାଇଜତାଙ୍ଗ୍ ଆନେଙ୍ଗ୍ ୱିଜୁ ବିଷୟ କିଦେଙ୍ଗ୍ ଆଡ୍‌ନାଙ୍ଗ୍।

ପିଲିପିୟ 4:8

ହାରିହାରା, ଏ ପାର୍ତିକିନି ଟଣ୍ଡାର୍‌କାଦେର୍, ସତ୍ ବିଷୟରେ, ସନ୍‌ମାନ୍ ପାୟାଆନି ବିଷୟରେ, ଟିକ୍ ବିଷୟରେ, ଇମ୍‌ଣି ୱିଜୁ ବିଷୟରେ ପାପ୍ ହିଲ୍‌ଗୁତ୍, ହଲ୍‌ନି ବିଷୟରେ, ଇମ୍‌ଣି ବିଷୟରେ ହାର୍ଦି ତର୍‌ ମାନାତ୍। ହାର୍ଦି ବିଷୟରେ ଆରେ ଇମ୍‌ଣି ବିଷୟରେ ମାନାୟାର୍ ଜୟ୍-ଜୟ୍ କିନାର୍ ଇ ୱିଜୁ ବିଷୟରେ ଏପେଙ୍ଗ୍ ଚିନ୍ତା କିୟାଟ୍।

କଲସିୟ 1:11

ଆପେଙ୍ଗ୍ ଈଶ୍ୱରତିଙ୍ଗ୍ ପାର୍ତାନା କିନାପା ଯେ, ତା ମହିମା ଶାକ୍ତିନି ସାଇଜତାଙ୍ଗ୍ ମିଙ୍ଗେଙ୍ଗ୍ ଶାକ୍ତି ହିଦେନ୍। ଇନେସ୍‌କି ଏପେଙ୍ଗ୍ ୱିଜୁ ପର୍‌କାର୍ କଷ୍ଟ ୱେଡ଼ାଙ୍ଗ୍ ପା ସାସ୍ ଆରେ ସମ୍ବାଲି କିଜି ୱାରିତାଙ୍ଗ୍ ମାଞ୍ଜେଙ୍ଗ୍ ଆଡ୍‌ନାଦେର୍।

୨ ତିମଥି 2:1

ଲାଗିଙ୍ଗ୍ ଏ ନା ମାଜି ତିମତି, ଯୀଶୁ ଖ୍ରୀଷ୍ଟନି ଇମ୍‌ଣି ଦୟା ନିଙ୍ଗେଙ୍ଗ୍ ହିତ୍‌ତାନ୍‌ନା ହେବେତାଙ୍ଗ୍ ଜାର୍‌ତିଙ୍ଗ୍ ସାହାସ୍ କିୟା।

୨ ତିମଥି 4:17

ମାତର୍ ମାପୃ ନା ନିପଣ୍ ଆଜି ନାଙ୍ଗେଙ୍ଗ୍ ଶାକ୍ତି କିତ୍‌ତାନ୍, ଆରେ ଆନେଙ୍ଗ୍ ଇନେସ୍ ହାର୍ଦିକାବୁର୍ ପୁରାପୁରି କିଲେର୍ କିଜି ଶୁଣାୟ୍ କିଦେଙ୍ଗ୍ ଆଡ୍‌ନାଙ୍ଗ୍। ଆରେ ବିନ୍‌ଜାତିର୍ ୱିଜୁ ମାନାୟାର୍ ହେଦାଙ୍ଗ୍ ୱେଞ୍ଜେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ହାଃନିତାଙ୍ଗ୍ ରକ୍ଷା କିତ୍‌ତାନ୍।

୧ ପିତର 3:8

ସେସ୍ ୱେଡ଼ାଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଯେ, ୱିଜାକାଦେର୍ ର ମାନ୍ କିନି ଦର୍‌କାର୍। ଏପେଙ୍ଗ୍ ଜାର୍-ଜାର୍ କାଜିଙ୍ଗ୍ କାନିକରମ୍‌ ଆନି ଦର୍‌କାର୍ ଆରେ ର କୁଟୁମ୍‌ନି ମାନାୟାର୍‌ଲେକେ ଜାର୍-ଜାର୍‌ବିତ୍ରେ ଲାଡ୍ କିୟାଟ୍, ଏପେଙ୍ଗ୍ ଜାର୍-ଜାର୍‌ବିତ୍ରେ ଦୟା କିୟାଟ୍ ଆରେ ଦରମ୍ ଆଡ।

୧ ପିତର 4:11

ହେଦାଙ୍ଗ୍ ଇଲେକେ, ଯଦି ଈଶ୍ୱର ମିଙ୍ଗେଙ୍ଗ୍ ଶୁଣାୟ୍ କିନି ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ଏପେଙ୍ଗ୍ ଈଶ୍ୱର ହାର୍ଦିକାବୁର୍‌ତିଙ୍ଗ୍ ଶୁଣାୟ୍ କିନି ଦର୍‌କାର୍। ଯଦି ଈଶ୍ୱର ମିଙ୍ଗେଙ୍ଗ୍ ଜେକନିକାରିଙ୍ଗ୍ ସାଇଜ କିଦେଙ୍ଗ୍ ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ଏପେଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ହିତ୍‌ତି ୱିଜୁ ଶାକ୍ତିତାଙ୍ଗ୍ ହେଦାଙ୍ଗ୍ କିୟାଟ୍। ଆରେ ଏପେଙ୍ଗ୍ ୱିଜୁ ଜିନିଷ୍ କିତିସ୍ ଖ୍ରୀଷ୍ଟ କାଜିଙ୍ଗ୍ ଈଶ୍ୱର ଗୌରବ ପାୟା ଆନାନ୍, ଇନେସ୍‌କି ୱିଜୁ ଗୌରବ ଆରେ ଶାକ୍ତି ଈଶ୍ୱରତି ଇମ୍‌ଣାକା କି ୱିଜୁଦିନ୍ କାଜିଙ୍ଗ୍ ମାନ୍‌ଗାନାତ୍। ଆମେନ୍।

୧ ପିତର 5:10

ଈଶ୍ୱର ମାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ହେୱାନ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ତା ୱିଜୁଦିନ୍ ମାନି ଗୌରବ ମାଙ୍ଗେଙ୍ଗ୍ ହିଦ୍‌ନି କାଜିଙ୍ଗ୍ ବାଚି କିତ୍‌ତାନ୍‌ନା। ଏପେଙ୍ଗ୍ ଅଲପ୍‌ଦିନ୍ ଦୁଃକ୍ କଷ୍ଟ ପାୟାଆତି ପାଚେ ହେୱାନ୍ ମିଙ୍ଗେଙ୍ଗ୍ ଆଦିକ୍ ପାର୍ତି କିଦେଙ୍ଗ୍ ଶାକ୍ତି ହିଦ୍‌ନାନ୍, ଆରେ ହେୱାନ୍ ମିଙ୍ଗେଙ୍ଗ୍ ପୁନି ମାନାୟ୍ କିଦ୍‌ନାନ୍। ଆରେ ହେୱାନ୍ ମି ପାର୍ତିତିଙ୍ଗ୍ ର ଷ୍ଟ୍ରଙ୍ଗ୍ ପାଉଣ୍ଡେସେନ୍‌ଲେକେ କିଦ୍‌ନାନ୍।

୧ ଯୋହନ 2:14

ଏ କାଡ଼୍‌ଦେର୍, ଆନେଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା ଯେ, ଏପେଙ୍ଗ୍ ଆବା ଈଶ୍ୱରତିଙ୍ଗ୍ ପୁଚାଦେର୍‌ନା। ଏ ନା ଆବା କାଦେର୍, ଆନେଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା। ଏପେଙ୍ଗ୍ ପୁଚାଦେର୍‌ନା ଯେ, ହେୱାନ୍ ଆଗେତାଙ୍ଗ୍ ମାନାନ୍। ଏ ଦାଙ୍ଗ୍‌ଣା ହିମ୍‌ଣା କାଦେର୍, ଆନେଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା ଯେ, ଏପେଙ୍ଗ୍ ବାଡ଼୍‌କାସ୍, ଆରେ ଈଶ୍ୱର କାତା ମି ଗରବ୍‌ତାକେ ମାନାତ୍, ଆରେ ଈଶ୍ୱର ଶୟତାନ୍‌ତିଙ୍ଗ୍ ଆରାୟ୍ କିଦେଙ୍ଗ୍ ମିଙ୍ଗେଙ୍ଗ୍ ଶାକ୍ତି ହିତ୍‌ତାନ୍‌ନା।