ଏପିସିୟ 5:5 - New Testament in Pengo Parja Language

⁵ ଇନେସ୍‌କି ଏପେଙ୍ଗ୍ ହାର୍‌ଦାଙ୍ଗ୍ ପୁଚାଦେର୍‌ନା ଯେ, ଦାରି କାମାୟ୍ କିନି ମାନାୟ୍, କି କରାପ୍ ବ୍ଯବହାର୍ କିନି ମାନାୟ୍, କି ଦନ୍ ଲବ୍ରାର୍ କାଜିଙ୍ଗ୍, ଖ୍ରୀଷ୍ଟ ଆରେ ଈଶ୍ୱର ରାଜିତାକେ ଆଦିକାର୍ ଆକାୟ୍। ଦନ୍ ଲବ୍ରାର୍ ମୁର୍ତିତିଙ୍ଗ୍ ପୁଜା କିନାକାର୍ ଲେକେ।

ସତ୍‌ ବଚନ୍‌ ପୁନି ନିୟମ୍‌

⁵ ଇନେକିଦେଂକି ଏପେଙ୍ଗ୍‌ ହାତ୍‌ପା ଇଞ୍ଜି ପୁନ୍‌ଞ୍ଜି ମାନାଟ୍‌, ଇମ୍‌ଣି ଦାରୁଲା କି ରାଡ଼ା ମାନାୟ୍‌ ନଲେ ଲବ୍ରା ହେୱାନ୍‌ ତ ପୁତ୍‌ଡ଼ା ପୁଜାକିନାକାନ୍‌ ଇୱାର୍‌ତି, କ୍ରିସ୍ଟ ଆରି ଇସ୍ୱର୍‌ତି ରାଜିନି ଆଦିକାର୍‌ ଆଦେଂ ଆଡୁର୍‌ ।

ଏପିସିୟ 5:5 Iomraidhean Croise

ପକ୍ୟାତାକା 20:32

ଆନେଙ୍ଗ୍ ମିଙ୍ଗେଙ୍ଗ୍ ଈଶ୍ୱରତାକେ ଆରେ ତା ଦୟାକିନି କାତାତିଙ୍ଗ୍ ହାର୍‌ପି କିଜି ହିତ୍‌ତାଙ୍ଗ୍‌ନା। ଇନେସ୍‌କି ହେୱାନ୍ ମିଙ୍ଗେଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ସାଇଜ କିଦ୍‌ନାନ୍। ହେୱାନ୍ ଇମ୍‌ଣାକାରିଙ୍ଗ୍ ଦରମ୍ ମାନାୟ୍ ରସ୍ତି ଆଦିକାର୍ ହିଦ୍‌ଦେଙ୍ଗ୍ କାତା ହିତ୍‌ତାନ୍‌ନା, ହେ ଆଦିକାର୍ ମିଙ୍ଗେଙ୍ଗ୍ ପା ହିଦ୍‌ନାନ୍।

ପକ୍ୟାତାକା 8:21

ଇ ହେବା କାମାୟ୍ କିଦେଙ୍ଗ୍ ଈଶ୍ୱର ନିଙ୍ଗେଙ୍ଗ୍ ଆଦିକାର୍ ହିଦ୍‌ୱାତାନ୍‌ନା, ଇନେସ୍‌କି ଈଶ୍ୱର ନିଙ୍ଗେଙ୍ଗ୍ ପୁନ୍‌ଞ୍ଚାନ୍‌ନା ଏନେଙ୍ଗ୍ ହାର୍ଦି ଚିନ୍ତା କିୱାକାଇ।

ଗାଲାତିୟ 5:19

ଏପେଙ୍ଗ୍ ଗାଗାଡ଼୍‌ନି ଇଚାନି କାମାୟ୍ ୱିଜୁ କିଲେର୍ କିଜି ପୁଚାଦେର୍‌ନା କି ଦାରି କାମାୟ୍, କରାପ୍ ଚିନ୍ତା।

ଗାଲାତିୟ 5:21

ଆରେ ମଦୁଆ ଆନାକା, କରାପ୍ ମାନାୟ୍ ହୁଦାଙ୍ଗ୍ ମାହାଆଜି ୱାରି କିନାକା, ଇଲେକେ ଜେକନି ପାପ୍ କାମାୟ୍ କିନାର୍। ଆନେଙ୍ଗ୍ ଆଗେ ମିଙ୍ଗେଙ୍ଗ୍ ଇନେସ୍ ୱେଚ୍‌ଚି ମାନ୍‌ଞ୍ଚାଙ୍ଗ୍, ହେଲେକେ ଆରେରଗ ୱେଚ୍‌ଚାନାଙ୍ଗା ଯେ, ଇମ୍‌ଣାକାର୍ ଇ ୱିଜୁ ପର୍‌କାର୍ କାମାୟ୍ କିନାର୍, ହେୱାର୍ ଈଶ୍ୱର ସାସନ୍ କିନି ରାଜିନି ଅଦିକାର୍ ଆଦେଙ୍ଗ୍ ଆଡୁର୍।

ଏପିସିୟ 5:3

ଲାଗିଙ୍ଗ୍ ଦାରି, ୱିଜୁ ପର୍‌କାର୍ କରାପ୍ କାମାୟ୍ କି ଲବ୍ରା, ଇୱିଜୁ ମି ବିତ୍ରେ ବାହା ଆମେତ୍। ଇନେସ୍‌କି ହେଦାଙ୍ଗ୍ ସାଦୁ ମାନାୟାର୍ କାଜିଙ୍ଗ୍ ଟିକ୍ ଆକାୟ୍।

କଲସିୟ 1:13

ଇନେସ୍‌କି ହେୱାନ୍ ମାଙ୍ଗେଙ୍ଗ୍ ମାଜ୍‌ଗାନି ରାଜିତାଙ୍ଗ୍ ଉଦାର୍ କିତ୍‌ତାନ୍‌ନା। ଆରେ ତା ଲାଡ୍‌ନି ମେହି ସାସନ୍ କିନି ରାଜିତାକେ ମାଙ୍ଗେଙ୍ଗ୍ ଅତ୍‌ତାନ୍‌ନା।

କଲସିୟ 3:5

ଲାଗିଙ୍ଗ୍ ପୁର୍ତିନି ପାପ୍‌ନି ୱିଜୁ ଗୁଣ୍‌ତିଙ୍ଗ୍ ପିହାଟ୍, ଇଦାଙ୍ଗ୍‌ନି ଅର୍ତ ଇୱିଜୁ ଗୁଣ୍, ଦାରି କାମାୟ୍, କରାପ୍ କାମାୟ୍, ଅପ୍‌ମାନ୍‌ନି କାମାୟ୍, ମାନ୍ ବିତ୍ରେ ଦାରି ଚିନ୍ତା କିନାକା, କରାପ୍ ଚିନ୍ତା, ଲବ୍ରା ଆନାକା। ରଞ୍ଜାଙ୍ଗ୍ ମୁର୍ତିତିଙ୍ଗ୍ ପୁଜା କିତିଲେକେ।

୧ ତିମତି 6:10

ଦନ୍ ଲବ୍ ଆନାକା ଆନାତା ୱିଜୁ ପାପ୍ କାମାୟ୍‌ନି ମୁଡ଼୍। କେତେକ୍ ମାନାୟ୍ ଦନ୍ ଲବ୍ ଆନାକା ଇଚାକିଜି ଯୀଶୁ ଖ୍ରୀଷ୍ଟ ବିଷୟନି ହିକ୍ଷାତିଙ୍ଗ୍ ପାର୍ତି କିୱାଦାଙ୍ଗ୍ ହାଜି ବାଣା ଆତାର୍‌ନା। ହେୱାର୍ ନିଜେ ବେସି ଦୁକ୍‌ତିଙ୍ଗ୍ ତାସିୱାତାର୍‌ନା।

୧ ତିମତି 6:17

ଇମ୍‌ଣାକାର୍ ଇ ଯୁଗ୍‌ତ ହାଉକାର୍, ହେୱାର୍ ଇନେସ୍ ଲେକେ ଆକାର୍ ଆଉର୍ ଆରେ ଟେବାଆୱି ଦନ୍‌ତିଙ୍ଗ୍ ଆହା କିଉର୍, ବାଉରା ଆଦେଙ୍ଗ୍ ୱିଜୁ ବିଷୟ ବେସି ମାଙ୍ଗେଙ୍ଗ୍ ଦାନ୍ କିଦ୍‌ନି ଈଶ୍ୱର ଜପି ଆହା ଇଟ୍‌ନାର୍।

ଏବ୍ରି 13:4

ଏପେଙ୍ଗ୍ ବିବାଆନି ଜିବୁନ୍‌ତିଙ୍ଗ୍ ସନ୍‌ମାନ୍ କିୟାଟ୍, ଆରେ ଏପେଙ୍ଗ୍ ବିବାଆତି ଜିବୁନ୍‌ତାକେ ଜାର୍-ଜାର୍ ପବିତ୍ର ଆଜି ମାନାଟ୍। ଇମ୍‌ଣାକାର୍ ଦାରୁଲା ଆରେ ଜେକନି ମାନାୟାରିଙ୍ଗ୍ ଆଦିକ୍ ଇଚା ଆନାର୍, ହେୱାରିଙ୍ଗ୍ ଈଶ୍ୱର ବିଚାର୍ କିନାନ୍।

ହତ୍‌ତି 21:8

ମାତର୍ ଇମ୍‌ଣାକାର୍ ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିତାର୍‌ନା, ମାନାୟାରିଙ୍ଗ୍ ଟକାୟ୍ କିନାରା। ଈଶ୍ୱରତିଙ୍ଗ୍ ପୁନ୍‌ୱିତି ମାନାୟାର୍, କରାପ୍ କାମାୟ୍ କିନାର୍, ମାନାୟାରିଙ୍ଗ୍ ମାର୍ନେ ଅହ୍‌ନାର୍। ଦାରି କାମାୟ୍ କିନାର୍, ଯାଦୁ ମନ୍ତର୍ କିନାରା, ମୁର୍ତି ପୁଜା କିନାରା ଆରେ ମିଚ୍ ୱେଚ୍‌ନାରା। ହେୱାରିଙ୍ଗ୍ ଆନେଙ୍ଗ୍ ଗନ୍ଦକ ନାଣି ଆହ୍‌ନି କୁଣ୍ଡ୍‌ତାକେ ତୁସି ହିନାଙ୍ଗ୍ ଇଦାଙ୍ଗ୍ ନେ ଦୁଇ ନମ୍ବର୍ ମାରାଣ୍।”

ହତ୍‌ତି 22:15

ମାତର୍ ନିକୁଡ଼୍‌ଲେକେ ଇମ୍‌ଣି ମାନାୟାର୍ କରାପ୍ କାମାୟ୍ କିନାର୍, ଯାଦୁ ମନ୍ତର୍ କିନାର୍, ଦାରି କାମାୟ୍ କିନାର୍, ମାନାୟାରିଙ୍ଗ୍ ଅହ୍‌ନାର୍, ମୁର୍ତି ପୁଜାକିଜି ମାନାର୍ ଆରେ ମିଚ୍ ୱେଚ୍‌ନି ମାନାୟାର୍ ସହର୍ ବାର୍ତ ମାନାର୍।