ଏପିସିୟ 5:32 - New Testament in Pengo Parja Language

³² ଇଦାଙ୍ଗ୍‌ ନେ ବେସି କଷ୍ଟନି ଅର୍ତ ମାନାତ୍, ମାତର୍ ଆନେଙ୍ଗ୍ ଖ୍ରୀଷ୍ଟ ଆରେ ମଣ୍ଡ୍‌ଲି ବିଷୟରେ ହାମାନ୍ କିଜି ୱେଚ୍‌ଚାନାଙ୍ଗା।

ସତ୍‌ ବଚନ୍‌ ପୁନି ନିୟମ୍‌

³² ସାସ୍ତର୍‌ନି ଇ ବାଗ୍‌ତ ର ଡ଼ୁକ୍ତି କାତା ହତାତ୍‌ନା; ଇଦାଂ କ୍ରିସ୍ଟ ଆରି ମଣ୍ଡ୍‌ଲି କାଜିଂ ଇଦାଂ ବେବାର୍‌ ଇଞ୍ଜି ବୁଜାନାଙ୍ଗା ।

ଏପିସିୟ 5:32 Iomraidhean Croise

ଜହନ୍‌ 3:29

ଇନେର୍ ଯଦି ଡକ୍ରିଙ୍ଗ୍ ଆହ୍‌ନାନ୍ ହେୱାନ୍ ବର। ମାତର୍ ବର ପାର୍ଟି ନିକାର୍ ନିଲ୍‌ଚି ତା କାତା ୱେନାର୍। ଆରେ ହେୱାର୍ ବର ବେଣ୍ ୱେନ୍‌ଞ୍ଜି ବେସି ୱାରିଆ ଆନାର୍। ହେଲେକେ ଆନେଙ୍ଗ୍ ପା ୱାରି ଆନାଙ୍ଗ୍।

୨ କରନ୍ତିୟ 11:2

ଈଶ୍ୱର ଚିନ୍ତା କିତିଲେକେ ଆନେଙ୍ଗ୍ ମି କାଜିଙ୍ଗ୍ ଚିନ୍ତା କିନାଙ୍ଗା। ଆନେଙ୍ଗ୍ ମିଙ୍ଗେଙ୍ଗ୍ ଖ୍ରୀଷ୍ଟଙ୍ଗ୍‌ନେ ହିଦ୍‌ଦେଙ୍ଗ୍ ପାର୍ମାଣ୍ କିତାଙ୍ଗ୍‌ନା ହେଦାଙ୍ଗ୍ ଇଲେକେ ଯେ, ର ଆବା ତା ବେଣ୍ଡିଆ ଗାଡ଼୍‌ଚେଙ୍ଗ୍ ବିବା ଆନିହିଙ୍ଗ୍ ତା ଡକ୍ରାହିଙ୍ଗ୍ ସର୍‌ପି କିନାନ୍।

ଏପିସିୟ 5:31

ଇଦାଙ୍ଗ୍ କାଜିଙ୍ଗ୍ ସାସ୍ତର୍‌ତାକେ ଲେକା ମାନାତ୍, “ଇଦାଙ୍ଗ୍ କାଜିଙ୍ଗ୍ ଆଣ୍ଡ୍ରା ଆୟାଆବାରିଙ୍ଗ୍ ପିସ୍ତି ଜାର୍ କଗ୍‌ଲେତାକେ ମାହାଆଜି ମାନ୍‌ଗାନାନ୍, ଆରେ ହେୱାନ୍ ରିୟାର୍ ର ଗାଗାଡ଼୍ ଆନାର୍।”

ଏପିସିୟ 5:33

ଇଦାଙ୍ଗ୍ ମି କାଜିଙ୍ଗ୍ ପା, ଲାଗିଙ୍ଗ୍ ଏପେଙ୍ଗ୍ ୱିଜାକାଦେର୍ ଜାର୍-ଜାର୍ କଗ୍‍ଲେକାଙ୍ଗ୍ ଜାର୍‌ତିଙ୍ଗ୍ ଲାଡ୍ କିତିଲେକେ ଲାଡ୍ କିୟାଟ୍। ଆରେ କଗ୍‍ଲେକ୍ ପା ଜାର୍ ଆଣ୍ଡ୍ରାକାଙ୍ଗ୍ ସନ୍‌ମାନ୍ କିୟେକ୍।

ଏପିସିୟ 6:19

ଆନେଙ୍ଗ୍ ଇନେସ୍ ସାହାସ୍ ହୁଦାଙ୍ଗ୍ ହାର୍ଦିକାବୁର୍‌ନି ଡ଼ୁକ୍‌ତି ଜଜ୍‌ନାତିଙ୍ଗ୍ ୱେଚ୍‌ଚେଙ୍ଗ୍ ଆଡ୍‌ନାଙ୍ଗ୍, ଆରେ ଈଶ୍ୱର ଇନେସ୍ ନାଙ୍ଗେଙ୍ଗ୍ ଟିକ୍ କାତା ହିଦ୍‌ନାନ୍, ହେଦାଙ୍ଗ୍ ନା କାଜିଙ୍ଗ୍ ପା ପାର୍ତାନା କିୟାଟ୍।

କଲସିୟ 2:2

ହେୱାର୍ ପାର୍ତିତାଙ୍ଗ୍ ସାସ୍ କିଦେଙ୍ଗ୍ ଆରେ ଲାଡ୍‌ତାଙ୍ଗ୍ ଜାର୍-ଜାର୍‌ବିତ୍ରେ ମିତ୍ରଆଜି ମାଞ୍ଜେଙ୍ଗ୍ ଆନେଙ୍ଗ୍ ଇଚା କିନାଙ୍ଗା। ଈଶ୍ୱରତି ଡ଼ୁକ୍‌ତି ବିଷୟ ଯୀଶୁ ଖ୍ରୀଷ୍ଟଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାର୍ ଆରେ ପୁରାପୁରି ଆହା ଇଡ଼୍‌ଦେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଇଦାଙ୍ଗ୍ ୱେଚ୍‌ନାଙ୍ଗା।

୧ ତିମତି 3:16

ଈଶ୍ୱର ମାଙ୍ଗେଙ୍ଗ୍ ଇନାକା ୱେଚ୍‌ଚାତାନ୍‌ନା ହେଦାଙ୍ଗ୍ ପୁରାପୁରି ସତ୍, ଇଦାଙ୍ଗ୍ ଇନେର୍ ପା ବୁଲ୍ ଇଞ୍ଜି ୱେଚ୍‌ଚେଙ୍ଗ୍ ଆଡୁର୍। ଖ୍ରୀଷ୍ଟ ମାନାୟ୍ ରୁପ୍ ଆଜି ୱାତାନ୍, ହେୱାନ୍ ଈଶ୍ୱର ମେହି ଇଞ୍ଜି ଈଶ୍ୱର ଆତ୍ମା ପୁନି କିତାତ୍। ଦୁତ୍‌କୁ ହେୱାନିଙ୍ଗ୍ ହୁଡ଼୍‌ତିକ୍, ଈଶ୍ୱର ହେୱାନିଙ୍ଗ୍ ସରଗ୍‌ଜପି ଅତାନ୍, ଚେଲାହିର୍ ତା ବିଷୟରେ ୱିଜୁଜାତି ନିପଣ୍ ଶୁଣାୟ୍ କିତାର୍। ଆରେ ପୁର୍ତିନି ମାନାୟାର୍ ପାର୍ତି କିତାର୍।

୧ ତିମତି 3:8

ବିଶପ୍‌ନି ଜଗ୍ଯ ଇଲେକେ ମଣ୍ଡ୍‌ଲିତାକେ ହେବାକିନାକାନ୍ ପା ମାନାୟାର୍‌ତାଙ୍ଗ୍ ସନ୍‌ମାନ୍ ପାୟାଆନାକାନ୍‌ ଆନାକା ମାନାତ୍। ଦରମ୍ ମାନାୟ୍ ଆନାକା ମାନାତ୍ ର କାତା ୱେଚ୍‌ଚି ଜେକନି କାମାୟ୍ କିୱାକାନ୍ ଆନାକା ମାନାତ୍, ମଦୁୱା ଆୱାକା ମାନାତ୍ ଆରେ ଦନ୍ ପାୟା ଆଦେଙ୍ଗ୍ ଇନା କାମାୟ୍ ପା କିୱାକାନ୍ ଆନାକା ମାନାତ୍।

ହତ୍‌ତି 21:2

ଆରେ, ର ବିବାଆନି ହଲ୍‌ନି କଗ୍‌ଲେ ତା ଡକ୍ରାହିଙ୍ଗ୍ ଗିଟାଆଦେଙ୍ଗ୍ ରେଡି ଆଜିମାନାତ୍, ହେଲେକେ ଈଶ୍ୱର ମାନି ସରଗ୍‌ତାଙ୍ଗ୍ ପବିତ୍ର ସହର୍ ଇମ୍‌ଣାକା କି ପୁନି ଯିରୁଶାଲାମ ଜୁଜି ୱାନାକା ଆନେଙ୍ଗ୍ ହୁଡ଼୍‌ତାଙ୍ଗ୍।