ଏପିସିୟ 5:21 - New Testament in Pengo Parja Language

²¹ ଖ୍ରୀଷ୍ଟଙ୍ଗ୍ ସନ୍‌ମାନ୍ କିନି କାଜିଙ୍ଗ୍ ଜାର୍-ଜାର୍ ମାନା-ମାନି ଆଜି ମାନାଟ୍।

ସତ୍‌ ବଚନ୍‌ ପୁନି ନିୟମ୍‌

²¹ ଆରେ କ୍ରିସ୍ଟଙ୍ଗ୍‌ ପାଣ୍ଡ୍ରୁ ଆଜ଼ି ଏପେଙ୍ଗ୍‌ ହାରି ତାରେନ୍‌ ଆଡୁ ।

ଏପିସିୟ 5:21 Iomraidhean Croise

୧ କରନ୍ତିୟ 16:16

ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାଙ୍ଗା ଯେ, ହେୱାର୍ କିତିଲେକେ ଆରେ ହେୱାର୍ ହୁଦାଙ୍ଗ୍ ମାହାଆଜି ହେବା କିନି ମାନାୟାର୍ କିନିଲେକେ ଏପେଙ୍ଗ୍ କିୟାଟ୍।

୨ କରନ୍ତିୟ 5:11

ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାପା ଯେ, ଏପେଙ୍ଗ୍ ଆପେଙ୍ଗ୍ ୱେଚ୍‌ଚିତି ସତ୍‌ତିଙ୍ଗ୍ ପାର୍ତିକିୟାଟ୍। ଈଶ୍ୱର ମା ବିଷୟରେ ହାର୍ କିଜି ପୁଚାନ୍‌ନା ଆରେ ଆନେଙ୍ଗ୍ ଆହା କିନାଙ୍ଗା ଯେ, ଏପେଙ୍ଗ୍ ପା ଇ ବିଷୟରେ ପୁନ୍‌ଞ୍ଜି ମାନାଦେର୍।

୨ କରନ୍ତିୟ 7:1

ଏ ନା ଲାଡ୍‌ନି ପାର୍ତିକିନି ଟଣ୍ଡାର୍‌କାଦେର୍, ଈଶ୍ୱର ମାଙ୍ଗେଙ୍ଗ୍ ତା ହିମ୍‌ଣାୱାକ୍‌ଡ଼ା ଆଦେଙ୍ଗ୍ ପାର୍ମାଣ୍ କିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ କରାପ୍ କାମାୟ୍ ୱିଜୁ କିନାକା ବନ୍ଦ୍ କିନି ଦର୍‌କାର୍ ଇମ୍‌ଣାକା ମା ଗାଗାଡ଼୍‌ତିଙ୍ଗ୍ ଆରେ ଆତ୍ମାତିଙ୍ଗ୍ କରାପ୍ କିନାତା। ଆରେ ଆସେଙ୍ଗ୍ ଈଶ୍ୱରତିଙ୍ଗ୍ ସନ୍‌ମାନ୍ କିଜି ମାନି କାଜିଙ୍ଗ୍ ଆସେଙ୍ଗ୍ ଈଶ୍ୱର ଇଚା କିନିଲେକେ କାମାୟ୍ କିନି ଦର୍‌କାର୍।

ଗାଲାତିୟ 5:13

ଇନେସ୍‌କି ଏ ଟଣ୍ଡାର୍‌କାଦେର୍, ଈଶ୍ୱର ମିଙ୍ଗେଙ୍ଗ୍ ସ୍ୱାଦିନ୍ ଆଜି ମାନି କାଜିଙ୍ଗ୍ କୁକ୍ତାତାନ୍‌ନା। ଲାଗିଙ୍ଗ୍ ମି ଗାଗାଡ଼୍‌ନି ଇଚାତାଙ୍ଗ୍ ପୁରା କିଦେଙ୍ଗ୍ ମି ସ୍ୱାଦିନ୍‌ତିଙ୍ଗ୍ ବ୍ୟବହାର୍ କିମାଟ୍, ମାତର୍ ଲାଡ୍‌ତାଙ୍ଗ୍ ଜାର୍-ଜାର୍‌ତିଙ୍ଗ୍ ହେବା କିନି କାଜିଙ୍ଗ୍ ବ୍ଯବହାର୍ କିୟାଟ୍।

ଏପିସିୟ 5:22

ଏ କଗ୍‍ଲେକ୍ ଏପେଙ୍ଗ୍ ଇନେସ୍ ମାପୃଙ୍ଗ୍ ମାନିକିଜି ମାନାଦେରା, ହେଲେକେ ଜାର୍-ଜାର୍ ଆଣ୍ଡ୍ରା କାତାତିଙ୍ଗ୍ ମାନିକିଜି ମାନାଟ୍।

ଏପିସିୟ 5:24

ନଙ୍ଗୟ୍ ମଣ୍ଡ୍‌ଲି ଇନେସ୍ ଖ୍ରୀଷ୍ଟ ତାରେନ୍ ମାନାତ୍, ହେଲେକେ କଗ୍‍ଲେକ୍ ପା ୱିଜୁ ବିଷୟରେ ଜାର୍-ଜାର୍ ଆଣ୍ଡ୍ରାଙ୍ଗ୍ ତାରେନ୍ ମାନେକ୍।

ପିଲିପିୟ 2:3

ଜାର୍ ବିଷୟରେ ନେ ବାବିକିମାଟ୍। ଆରେ ବାଟ୍‌ପାଣିଆ ଆଜି ନିଜେ ଗାଜା ଇଞ୍ଜି ଚଚିୟା ଆମାଟ୍, ମାତର୍ ଜେକନି ମାନାୟାରିଙ୍ଗ୍ ସନ୍‌ମାନ୍ କିଜି ନିଜେ ହିରୁ ଆଜି ମାନାଟ୍।

୧ ତିମତି 2:11

ଆଣ୍ଡ୍ରା ହିମ୍‌ଣାଙ୍ଗ୍ ହିକ୍ଷା ହିନିହିଙ୍ଗ୍ କଗ୍‍ଲେକ୍ ଆଣ୍ଡ୍ରା ହିମ୍‌ଣାକାଙ୍ଗ୍ ଆଦିକାର୍ ମାନାତ୍ ଇଞ୍ଜି ଚିମ୍ରା ଆଜି ୱେନେକ୍।

୧ ତିମତି 3:4

ହେୱାନ୍ ତା ପରିବାର୍‌ତିଙ୍ଗ୍ ଟିକ୍ ବାବ୍‌ରେ ଚାଲାଇ କିନାକା ମାନାତ୍, ଆରେ ତା ହିମ୍‌ଣା ୱାକ୍‌ଡ଼ାକାଙ୍ଗ୍ ତା କାତା ମାନିକିଜି ମାନି ଲେକେ ହିକାଇକିଜି ମାନାକା ମାନାତ୍।

ଏବ୍ରି 13:17

ମି ଆତ୍ମିକ୍ ନେତାରିଙ୍ଗ୍ ମାନି କିୟାଟ୍ ଆରେ ହେୱାର୍ ଇନାକା ୱେଚ୍‌ଚାନାର୍ ହେଦାଙ୍ଗ୍ କିୟାଟ୍। ହେୱାର୍ କାମାୟ୍ ଆନାତା ମିଙ୍ଗେଙ୍ଗ୍ ଜାତୁନ୍ ଆନି କାଜିଙ୍ଗ୍ ଆରେ ହେୱାର୍ ଈଶ୍ୱର ଲାଗାୟ୍ ଇଲେକେ ହିଦେଙ୍ଗ୍ ଆନାତ୍ ଇଞ୍ଜି ହେୱାର୍ ପୁନାର୍। ହେୱାରିଙ୍ଗ୍ ଇଦାଙ୍ଗ୍ ୱାରିତାଙ୍ଗ୍ କିଦେଙ୍ଗ୍ ହିୟାଟ୍। ଇନେସ୍‌କି ହେୱାର୍ ଦୁକ୍‌ତାଙ୍ଗ୍ କିତାର୍, ମିଦାଙ୍ଗ୍ ଇନା ଲାବ୍ ଆଉତ୍।

୧ ପିତର 2:13

ହେଦାଙ୍ଗ୍ କାଜିଙ୍ଗ୍ ୱିଜୁ ସାସନ୍ କିନି ମାନାୟାର୍ କାତା ମାନିକିନି ଦର୍‌କାର୍, ଇନେସ୍‌କି ହେଦାଙ୍ଗ୍ ମାପୃ ଇଚା। ଏପେଙ୍ଗ୍ ୱିଜାକାରିଙ୍ଗ୍ ସାସନ୍ କିଦ୍‌ନି ରାଜାର୍ କାତା ମାନିକିନି ଦର୍‌କାର୍।

୧ ପିତର 2:17

ଏପେଙ୍ଗ୍ ୱିଜାରିଙ୍ଗ୍ ସନ୍‌ମାନ୍ ହିୟାଟ୍, ଏପେଙ୍ଗ୍ ଖ୍ରୀଷ୍ଟାନ୍ ଟଣ୍ଡେନ୍, ତଣ୍‌ଦେଲିକାଙ୍ଗ୍ ଲାଡ୍ କିୟାଟ୍, ଏପେଙ୍ଗ୍ ଈଶ୍ୱରତିଙ୍ଗ୍ ପାଣ୍ଡ୍ରାଆଡ, ଏପେଙ୍ଗ୍ ସାସନ୍ କିନି ମାନାୟାର୍ କାତା ମାନି କିୟାଟ୍।

୧ ପିତର 5:5

ହେଲେକେ ଏ ଦାଙ୍ଗ୍‌ଣା ହିମ୍‌ଣା କାଦେର୍, ଏପେଙ୍ଗ୍ ମଣ୍ଡ୍‌ଲିନି ପ୍ରାଚିନାର୍ କାତା ମାନିକିଜି ମାନାଟ୍। ଏପେଙ୍ଗ୍ ଦରମ୍‌ଆଜି ଜାର୍-ଜାର୍‌ତିଙ୍ଗ୍ ହେବା କିବା ଆଡ, ଇନେସ୍‌କି ସାସ୍ତର୍‌ତାକେ ଲେକାଆତାତ୍‌ନା, “ଈଶ୍ୱର ବାଟ୍‌ପାଣ୍ ଆନି ମାନାୟାରିଙ୍ଗ୍ ବିରଦ୍ କିନାନ୍, ମାତର୍ ଦରମ୍ ମାନାୟାରିଙ୍ଗ୍ ଈଶ୍ୱର ଦୟା କିନାନ୍।”