ଏପିସିୟ 4:5 - New Testament in Pengo Parja Language5 ମା ୱିଜାକାସ୍ କାଜିଙ୍ଗ୍ ରକାନ୍ ମାପୃ ମାନାନ୍ ଆରେ ଆସେଙ୍ଗ୍ ୱିଜାକାସ୍ ହେ ରକାନ୍ ମାପୃତାକେ ପାର୍ତି କିନାସା, ଆସେଙ୍ଗ୍ ୱିଜାକାସ୍ ରକାନ୍ ଖ୍ରୀଷ୍ଟ ତର୍ଦାଙ୍ଗ୍ ଡୁବନ୍ ଆତାସ୍ନା। Faic an caibideilସତ୍ ବଚନ୍ ପୁନି ନିୟମ୍5 ର ମାପ୍ରୁ, ର ପାର୍ତି, ର ବାପ୍ତିସିମ୍, Faic an caibideil |
ଏପିସିୟ 4:5
28 Iomraidhean Croise
ଆନେଙ୍ଗ୍ କରନ୍ତିୟ ସହର୍ନି ଈଶ୍ୱର ମଣ୍ଡ୍ଲିତାକେ ଇ ଚିଟି ଲେକିକିନାଙ୍ଗା, ଈଶ୍ୱର ମିଙ୍ଗେଙ୍ଗ୍ ତା ପବିତ୍ର ମାନାୟ୍ ଆନି କାଜିଙ୍ଗ୍ ବାଚିକିତ୍ତାନ୍। ଏଚେଜାଣ୍ ମାନାୟ୍ ଇମ୍ଣି ବାହାତାକେ ମାଚିସ୍ ପା ଯୀଶୁ ଖ୍ରୀଷ୍ଟ ମା ମାପୃ ଇଞ୍ଜି ପାର୍ତାନା କିନାରା, ହେୱାରିଙ୍ଗ୍ ପବିତ୍ର କିତିଲେକେ ହେୱାନ୍ ମିଙ୍ଗେଙ୍ଗ୍ ପା ପବିତ୍ର କିତ୍ତାନ୍ନା। ଇନେସ୍କି ଯୀଶୁ ଖ୍ରୀଷ୍ଟ ନେ ମା ୱିଜାକାର୍ ମାପୃ।
ଆପେଙ୍ଗ୍ ଯୀଶୁ ବିଷୟରେ ମିଙ୍ଗେଙ୍ଗ୍ ୱେଚ୍ଚି ମାନ୍ଞ୍ଚାପ୍, ଏପେଙ୍ଗ୍ ପବିତ୍ର ଆତ୍ମାତିଙ୍ଗ୍ ପାୟାଆଜି ମାଚାଦେର୍ ଆରେ ଆପେଙ୍ଗ୍ ୱେଚ୍ଚିତି ହାର୍ଦିକାବୁର୍ତିଙ୍ଗ୍ ଆସ୍ତି ମାଚାଦେର୍। ମାତର୍ ଏପେଙ୍ଗ୍ ନଙ୍ଗୟ୍ ଜେକନି ଯୀଶୁ ବିଷୟରେ ୱେଚ୍ନି ମାନାୟାରିଙ୍ଗ୍ ଆହ୍ନାଦେରା, ଏପେଙ୍ଗ୍ ଜେକନି ଆତ୍ମାତିଙ୍ଗ୍ ଆରେ ଜେକନି ହାର୍ଦିକାବୁର୍ତିଙ୍ଗ୍ ଆସ୍ତେଙ୍ଗ୍ ରେଡି ଆତାଦେର୍ନା। ଏପେଙ୍ଗ୍ ହେ ହିକ୍ଷାତିଙ୍ଗ୍ ଆସ୍ତି ବେସିବୁଲ୍ କିନାଦେରା।
ଆରେ ଆନେଙ୍ଗ୍ ନା ମାପୃ ଯୀଶୁ ଖ୍ରୀଷ୍ଟ ବିଷୟରେ ପୁନାକା ନେ ବେସି ଗାଜା ବିଷୟ। ଆନେଙ୍ଗ୍ ଇନେସ୍ ହାର୍ଦାଙ୍ଗ୍ ଖ୍ରୀଷ୍ଟଙ୍ଗ୍ ପୁଞ୍ଜେଙ୍ଗ୍ ଆଡ୍ନାଙ୍ଗ୍ ଆରେ ଲାଗାୟ୍ ମାହାଆଜି ମାଞ୍ଜେଙ୍ଗ୍ ଆଡ୍ନାଙ୍ଗ୍, ହେଦାଙ୍ଗ୍ କାଜିଙ୍ଗ୍ ହେ ୱିଜୁ ବିଷୟତିଙ୍ଗ୍ ନଷ୍ଟନି ବିଷୟ ଇଞ୍ଜି ବାବିକିତାଙ୍ଗ୍। ଆରେ ହେ ୱିଜୁ ବିଷୟ ଆନେଙ୍ଗ୍ ପିସ୍ତାଙ୍ଗ୍, ଆରେ ଆନେଙ୍ଗ୍ ହେ ୱିଜୁ ବିଷୟତିଙ୍ଗ୍ କାଚ୍ରାକୱାର୍ଲେକେ ମାନିକିତାଙ୍ଗ୍।
ଆନେଙ୍ଗ୍ ପାଉଲ ଇ ଚିଟି ଲେକିକିନାଙ୍ଗା, ତିତସ ଏନେଙ୍ଗ୍ ନା କାଜିଙ୍ଗ୍ ରକାଇ ସତ୍ ହିମ୍ଣା ଲେକେ। ଇନେସ୍କି ମା ରିକାସ୍ ପାର୍ତି କିନାକା ରଞ୍ଜାଙ୍ଗ୍। ଆନେଙ୍ଗ୍ ରକାଙ୍ଗ୍ ଈଶ୍ୱର ଦାସ୍ ଆରେ ଯୀଶୁ ଖ୍ରୀଷ୍ଟନି ବାଚିକିତି ଚେଲା। ଈଶ୍ୱର ବାଚିକିଜି ମାଚି ମାନାୟାରିଙ୍ଗ୍ ପାର୍ତିତିଙ୍ଗ୍ ବାଡ଼୍କାସ୍ କିନି କାଜିଙ୍ଗ୍ ଆରେ ସତ୍ ହିକ୍ଷା ବିଷୟରେ ପୁଞ୍ଜେଙ୍ଗ୍ ସାଇଜ କିନି କାଜିଙ୍ଗ୍ ଆନେଙ୍ଗ୍ ଦାଇତ୍ପ ପାୟାଆତାଙ୍ଗ୍ନା। ଇନେସ୍ ହେୱାର୍ ଈଶ୍ୱରତିଙ୍ଗ୍ ସନ୍ମାନ୍ କିତିଲେକେ ଜିବୁନ୍ କାଟିକିନାର୍।
ମାତର୍ ରକାନ୍ ଯଦି ନାଙ୍ଗେଙ୍ଗ୍ ୱେଚ୍ନାନ୍, “ରକାଙ୍ଗ୍ ଯୀଶୁଙ୍ଗ୍ ପାର୍ତି କିନାଙ୍ଗା, ଆରେ ରକାଙ୍ଗ୍ ହାର୍ଦି କାମାୟ୍ କିନାଙ୍ଗା।” ଲାଗିଙ୍ଗ୍ ଆନେଙ୍ଗ୍ ହେୱାନିଙ୍ଗ୍ ୱେଚ୍ନାଙ୍ଗ୍, “ଏନେଙ୍ଗ୍ ହାର୍ଦି କାମାୟ୍ କିୱାଦାଙ୍ଗ୍ ଇନେସ୍ ଯୀଶୁତାକେ ପାର୍ତି କିନାୟା ହେଦାଙ୍ଗ୍ ନାଙ୍ଗେଙ୍ଗ୍ ଚଚ୍ଚା?, ଲାଗିଙ୍ଗ୍ ଆନେଙ୍ଗ୍ ହାର୍ଦି କାମାୟ୍ କିଜି ଯୀଶୁତାକେ ପାର୍ତି କିନାକା ଚଚ୍ଚେଦେଙ୍ଗ୍ ଆଡ୍ନାଙ୍ଗ୍।”
ହେୱାର୍ ଆଗେ ଉଦାର୍ ପାୟାଆତାକା, ହେଦାଙ୍ଗ୍ ନଙ୍ଗୟ୍ ଇଲେକେ ଅର୍ତ ହିନାତା ଏଚେପାଦ୍ନା ଆସେଙ୍ଗ୍ ଡୁବନ୍ ଅନାସ୍ ଆସେଙ୍ଗ୍ ଉଦାର୍ ପାୟାଆନାସ୍। ଆସେଙ୍ଗ୍ ଇମ୍ଣି ଏଜୁକାଙ୍ଗ୍ ଡୁବନ୍ ଆନାସ୍ ହେଦାଙ୍ଗ୍ ଗାଗାଡ଼୍ନି ପାପ୍ତିଙ୍ଗ୍ ନୁଜୁତ୍, ମାତର୍ ଆସେଙ୍ଗ୍ ଈଶ୍ୱରତିଙ୍ଗ୍ କେମା ଏନ୍ତାପ୍ନା ଇଞ୍ଜି ହେଦାଙ୍ଗ୍ ର ଚିନ୍। ଲାଗିଙ୍ଗ୍ ମା ମାନ୍ କିଲେର୍ ଆନାତ୍ ଯେ ଆସେଙ୍ଗ୍ ଈଶ୍ୱର ହୁଦାଙ୍ଗ୍ ମାହାଆତାସ୍ନା, ଈଶ୍ୱର ମାଙ୍ଗେଙ୍ଗ୍ କେମା କିଦ୍ନାନ୍ ଇନେସ୍କି ଯୀଶୁ ଖ୍ରୀଷ୍ଟ ହାଃତିତାଙ୍ଗ୍ ଆରେରଗ ଜିବୁନ୍ ଆତାନ୍ନା,
ଆନେଙ୍ଗ୍ ଶିମନ ପିତର ଯୀଶୁ ଖ୍ରୀଷ୍ଟନି ରକାଙ୍ଗ୍ ଦାସ୍ ଆରେ ବାଚିକିତି ଚେଲା ଇ ଚିଟି ଲେକିକିନାଙ୍ଗା। ଯୀଶୁ ଖ୍ରୀଷ୍ଟତି ମା ଈଶ୍ୱର ଆରେ ଉଦାର୍ କିଦ୍ନାକାନ୍, ହେୱାନ୍ ଈଶ୍ୱର ଲାଗାୟ୍ ମାଙ୍ଗେଙ୍ଗ୍ ଦରମ୍ ମାନାୟ୍ କିତ୍ତାନ୍ନା। ଆରେ ହେୱାନ୍ ମାଙ୍ଗେଙ୍ଗ୍ ବେସି ମୁଲ୍ୟକାଟି ପାର୍ତି ହିତ୍ତାନ୍ନା, ଆରେ ଇମ୍ଣାକାର୍ ମା ଲେକେ ହାମାନ୍ ପାର୍ତି ପାୟାଆତାର୍ନା, ହେୱାର୍ ଲାଗାୟ୍ ଆନେଙ୍ଗ୍ ଇ ଚିଟି ଲେକିକିନାଙ୍ଗା।
ନା ଲାଡ୍ନି ସାଙ୍ଗ କାଦେର୍, ଈଶ୍ୱର କିତ୍ତି ଉଦାର୍ ଆସେଙ୍ଗ୍ ଇମ୍ଣାକା ପାୟାଆତାସ୍ନା, ହେ ବିଷୟରେ ଆନେଙ୍ଗ୍ ମି ଲାଗାୟ୍ ଲେକିକିଦେଙ୍ଗ୍ ବେସି ଇଚା କିତାଙ୍ଗ୍। ଆରେ ଆସେଙ୍ଗ୍ ପାର୍ତିକିନି ସତ୍ ହିକ୍ଷା ନିପଣ୍, ଇନେସ୍ ଏପେଙ୍ଗ୍ ଜୁଜ୍ କିଦେଙ୍ଗ୍ ଆଡ୍ନାଦେର୍, ଇଦାଙ୍ଗ୍ କାଜିଙ୍ଗ୍ ମିଙ୍ଗେଙ୍ଗ୍ ସାସ୍ କିଦ୍ନି କାଜିଙ୍ଗ୍ ଇଦାଙ୍ଗ୍ ଆନେଙ୍ଗ୍ ଲେକିକିଦେଙ୍ଗ୍ ବାଦ୍ୟ ଆତାଙ୍ଗ୍। ଈଶ୍ୱର ତା ପବିତ୍ର ମାନାୟାରିଙ୍ଗ୍ ଇ ସତ୍ ୱିଜୁଦିନ୍ କାଜିଙ୍ଗ୍ ରଗ ହିତାନ୍ନା ଆରେ ଇଦାଙ୍ଗ୍ ବାଦ୍ଲା ଆଉତ୍।
Sanasan