ଏପିସିୟ 4:18 - New Testament in Pengo Parja Language

¹⁸ ଇନେସ୍‌କି ହେୱାର୍ ସତ୍ ବିଷୟରେ ବୁଜା ଆଦେଙ୍ଗ୍ ଆଡୁର୍। ହେୱାର୍ ଈଶ୍ୱର ବିଷୟରେ କିଚି ପୁନ୍‌ୱାଦାଙ୍ଗ୍ ମାନ୍‌ଗାନାର୍ ଆରେ ତା ବେଣ୍ ୱେଞ୍ଜେଙ୍ଗ୍ ଇଚା କିଉର୍, ଲାଗିଙ୍ଗ୍ ହେୱାର୍ ଈଶ୍ୱର ହିଦ୍‌ନି ଜିବୁନ୍‌ତାଙ୍ଗ୍ ଦେହା ମାନାର୍।

ସତ୍‌ ବଚନ୍‌ ପୁନି ନିୟମ୍‌

¹⁸ ଆରି ହେୱାର୍‌ତି ମାନ୍‌ ମାଜ୍‌ଗା । ଇସ୍ୱର୍‌ ହିତ୍‌ତି ଜିବୁନ୍‌ତ ହେୱାର୍‌ତି ଇମ୍‌ଣାକାସ୍‌ ମେହାଣ୍‌ ଆକାୟ୍‌ । ଇନେକିଦେଂକି ହେୱାର୍‌ ପୁରା ଅଗିଆନ୍‌ ଆରି ଅମାନ୍ୟା ମାନାୟ୍‌ ।

ଏପିସିୟ 4:18 Iomraidhean Croise

ମାତିଉ 13:15

ଇନେସ୍‌କି ମାନାୟାର୍ ଗରବ୍‌ତିଙ୍ଗ୍ ଗାର୍‌ବିୟା କିତାର୍‌ନା। ହେଦାଙ୍ଗ୍ କାଜିଙ୍ଗ୍ ହେୱାରିଙ୍ଗ୍ କିତୁଲ୍ ମାଚିସ୍ ପା ଆନେଙ୍ଗ୍ ୱେଚ୍‌ଚି କାତାତିଙ୍ଗ୍ ୱେନୁର୍। ହେୱାର୍ ତା କାଣ୍‌କୁ ଜୁଚ୍‌ଚି ଲେକେ ହେୱାର୍ ସତ୍ ବିଷୟତିଙ୍ଗ୍ ପୁଞ୍ଜେଙ୍ଗ୍ ଇଚା କିଉରା। ହେୱାର୍ ଯଦି ସତ୍ ବିଷୟତିଙ୍ଗ୍ ୱେଞ୍ଜେଙ୍ଗ୍ ଆରେ ପୁଞ୍ଜେଙ୍ଗ୍ ଇଚା କିତିସ୍, ହେୱାର୍ ଆନେଙ୍ଗ୍ କିତି କାମାୟ୍‌ତିଙ୍ଗ୍ ବୁଜାଆତାର୍‍ମା। ଆରେ ହେୱାର୍ ପାପ୍ କାମାୟ୍ ପିସ୍ତି ମାପୃତାକେ ୱାତାର୍‌ମା। ଆରେ ଆନେଙ୍ଗ୍ ହେୱାରିଙ୍ଗ୍ ତା ପାପ୍ ୱିଜୁ କେମା କିତାଙ୍ଗ୍‌ମା।’ ”

ମାର୍କ 3:5

ହେବେତାଙ୍ଗ୍ ଯୀଶୁ ହେୱାର୍ ଗରବ୍‌ନି ଆଟ୍‌ୱା ବୁଦି ହୁଡ଼୍‌ଜି ଯୀଶୁ ବେସି ଦୁଃକ୍ ଆତାନ୍, ଆରେ ହେୱାନ୍ ଚାରିବେଣ୍‌ତାଙ୍ଗ୍ ହୁଡ଼୍‌ତାନ୍ ଆରେ ହେ କେଇଦ ହିର୍କଲ୍ ଆହିଆତି ମାନାୟ୍‌ତିଙ୍ଗ୍ ୱେଚ୍‌ଚାନ୍, “ହେ ହିର୍କଲ୍ ଆସ୍ତିକେଇ ଲାମାୟ୍ କିଦା।” ହେୱାନ୍ ତା ହିର୍କଲ୍ ଆସ୍ତିକେଇ ଲାମାୟ୍ କିତାନ୍, ଆରେ ହେ ହିର୍କଲ୍ ଆସ୍ତିକେଇ ହାର୍ ଆତାତ୍।

ଜହନ୍‌ 12:40

“ଈଶ୍ୱର ମାନାୟାରିଙ୍ଗ୍ କାଣା କିତାନ୍‌ନା। ହେଦାଙ୍ଗ୍ କାଜିଙ୍ଗ୍ ହେୱାର୍ ଇନାକା ହୁଡ଼୍‌ଦେଙ୍ଗ୍ ଆଡୁର୍ କି ବୁଜା ଆଦେଙ୍ଗ୍ ଆଡୁର୍। ହେଦାଙ୍ଗ୍ କାଜିଙ୍ଗ୍ ଈଶ୍ୱର ଇଦାଙ୍ଗ୍ ୱେଚ୍‌ଚାନ୍‌ନା। ତାପାଚେ ଆନେଙ୍ଗ୍ ହେୱାରିଙ୍ଗ୍ ହାର୍ କିନାଙ୍ଗ୍।”

ପକ୍ୟାତାକା 17:30

ଆଗେନି ଇ ଅବୁଜାନି କାମାୟ୍‌ତିଙ୍ଗ୍ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିଦେଙ୍ଗ୍ ଦିୟାନ୍ କିୱାଦାଙ୍ଗ୍ ମାଚାନ୍। ମାତର୍ ନଙ୍ଗୟ୍ ହେୱାନ୍ ୱିଜୁ ମାନାୟାରିଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଦେଙ୍ଗ୍ ଆଦେସ୍ ହିତାନ୍‌ନା।

ପକ୍ୟାତାକା 3:17

ନଙ୍ଗୟ୍, ଏ ଟଣ୍ଡାର୍‌କାଦେର୍, ଆନେଙ୍ଗ୍ ପୁଚାଙ୍ଗ୍‌ନା ଯୀଶୁଙ୍ଗ୍ ରକ୍ଷାକିଦ୍ନାକାନ୍‌ ଇଞ୍ଜି ପୁନ୍‌ୱିତି କାଜିଙ୍ଗ୍, ଏପେଙ୍ଗ୍ ଆରେ ମି ନେତାର୍ ଯୀଶୁଙ୍ଗ୍ ମାର୍ନେ ଅସ୍ତାଦେର୍‌ନା।

ରୋମିୟ 1:28

ଈଶ୍ୱରତି ସତ୍ ଜ୍ଞାନ୍‌ତିଙ୍ଗ୍ ମାନାୟାର୍ ମୁକ୍ଯ ଇଞ୍ଜି ବାବିକିୱାତାର୍, ଲାଗିଙ୍ଗ୍ ଈଶ୍ୱର ହେୱାରିଙ୍ଗ୍ ହେଲେକେ ବେସି ପାପ୍ କାମାୟ୍ କିନି କାଜିଙ୍ଗ୍ ହେୱାର୍ କରାପ୍ ଇଚା ଅନୁସାରେ ମାନ୍ ହିତାନ୍। ଆରେ ହେୱାର୍ ୱିଜୁ କିୱି କାମାୟ୍ କିତାର୍।

ରୋମିୟ 11:25

ଏ ଟଣ୍ଡାର୍‌କାଦେର୍ ମିଙ୍ଗେଙ୍ଗ୍ ଆନେଙ୍ଗ୍ ୱେଚ୍‌ଚାନାଙ୍ଗା, ଏପେଙ୍ଗ୍ ଜାର୍‌ତିଙ୍ଗ୍ ଚଞ୍ଜିଆ ଆମାଟ୍। ଇନେସ୍‌କି ଆନେଙ୍ଗ୍ ମିଙ୍ଗେଙ୍ଗ୍ ଇସ୍ରାଏଲ ଜାତିନି ମାନାୟାର୍ ବିଷୟରେ ର ଚାନିଆଆନି କାତା ୱେଚ୍‌ଚାନାଙ୍ଗା। କେତ୍‌ଜାଣ୍ ଇସ୍ରାଏଲ ଜାତିନି ମାନାୟାର୍ ଈଶ୍ୱରତିଙ୍ଗ୍ ପାର୍ତିକିନି କାଜିଙ୍ଗ୍ ଜାର୍ ମାନ୍ତ ଗାର୍‌ବି ଆତାର୍। ମାତର୍ ଈଶ୍ୱର ବାଚିକିତି ୱିଜାର୍ ବିନ୍‌ଜାତିନି ମାନାୟାର୍ ଖ୍ରୀଷ୍ଟଙ୍ଗ୍ ପାର୍ତି କିୱିପାତେକ୍, ହେୱାର୍ ଇଲେକେ ଈଶ୍ୱର କାତାତିଙ୍ଗ୍ ଗାର୍‌ବି ଆଜି ମାନାର୍।

ରୋମିୟ 11:7

ଲାଗିଙ୍ଗ୍ ଇଲେକେ ଆତାତ୍‌ନା। ଇସ୍ରାଏଲ ଜାତିନି ମାନାୟାର୍ ଈଶ୍ୱର ଆଗେ ଦରମ୍ ମାନାୟ୍ ଆଦେଙ୍ଗ୍ ଉପାୟ୍ କିତାର୍, ହେୱାର୍ ଆଦେଙ୍ଗ୍ ଆଡ୍‌ୱାତାର୍। ମାତର୍ ଈଶ୍ୱର ଇମ୍‌ଣି ମାନାୟାରିଙ୍ଗ୍ ଦରମ୍ ଆଦେଙ୍ଗ୍ ବାଚି କିତାନ୍‌ନା ହେୱାର୍ ତା ଆଗେ ଦରମ୍ ମାନାୟ୍ ଆତାର୍‌ନା, ଆରେ ବାକି ମାନାୟାର୍ ଦରମ୍ ଆଦେଙ୍ଗ୍ ଆଡ୍‌ୱାତାର୍। ଇନେସ୍‌କି ହେୱାର୍ ଈଶ୍ୱରତିଙ୍ଗ୍ ଗୌରବ କିୱାତାର୍, ଆରେ ଈଶ୍ୱର କାତାତିଙ୍ଗ୍ ୱେଞ୍ଜେଙ୍ଗ୍ ମୁନା କିତାର୍।

ରୋମିୟ 2:19

ଆରେ ଏପେଙ୍ଗ୍ କାଣାଲଗାଙ୍ଗ୍ ହାଜି ଚଚ୍‌ଚେଙ୍ଗ୍ ଆରେ ମାଜ୍‌ଗାତାକେ ମାନି ମାନାୟାରିଙ୍ଗ୍ ଅଜଡ଼୍ ଚଚ୍‌ଚେଙ୍ଗ୍ ଆଡ୍‌ନାପ୍ ଇଞ୍ଜି ଜାର୍‌ତିଙ୍ଗ୍ ୱେଚ୍‌ନାଦେରା।

୧ କରନ୍ତିୟ 1:21

ହେଦାଙ୍ଗ୍ କାଜିଙ୍ଗ୍ ଈଶ୍ୱର ତା ଜ୍ଞାନ୍‌ତାଙ୍ଗ୍ ପୁଞ୍ଜେଙ୍ଗ୍ ଆଡ଼୍‌ତାନ୍ ଯେ, ପୁର୍ତିନି ମାନାୟାର୍ ଜାର୍ ବୁଦିତାଙ୍ଗ୍ ଈଶ୍ୱରତିଙ୍ଗ୍ ଦାସ୍ତେଙ୍ଗ୍ ଆଡୁର୍। ଏଚେଜାଣ୍ ମା ହାର୍ଦିକାବୁର୍‌ତିଙ୍ଗ୍ ୱେନ୍‌ଞ୍ଜି ପାର୍ତି କିତାର୍, ଲାଗିଙ୍ଗ୍ ହେୱାର୍ ମା ବକୁୱା ଇଞ୍ଜି ବାବିକିଜି ଶୁଣାୟ୍ କିନି କାତା ୱେନ୍‌ଞ୍ଜି ପାର୍ତିକିନି ମାନାୟାରିଙ୍ଗ୍ ଉଦାର୍ କିତାନ୍।

୧ କରନ୍ତିୟ 2:8

ମାତର୍ ଇ ପୁର୍ତିତିଙ୍ଗ୍ ସାସନ୍ କିନି ମାନାୟାର୍ ହେ ବୁଦିନି ଉପାୟ୍‌ତିଙ୍ଗ୍ ପୁଞ୍ଜେଙ୍ଗ୍ ଆଡ୍‌ୱାତାର୍, ଯଦି ହେୱାର୍ ପୁଚାର୍‌ମା ଲାଗିଙ୍ଗ୍ ମା ଗୌରବନି ମାପୃଙ୍ଗ୍ କୃଶକାଟ୍‌ତାକେ ଅହ୍‌ୱାତାର୍‌ମା।

୨ କରନ୍ତିୟ 3:14

ଇନେସ୍‌କି ଆସେଙ୍ଗ୍ ଖ୍ରୀଷ୍ଟଙ୍ଗ୍ ପାର୍ତିକିତି କାଜିଙ୍ଗ୍ ନେ ହେ ପାର୍‌ଦା ପେଜିୟା ଆନାତ୍‌। ମାତର୍ ମାନାୟାର୍ ନଙ୍ଗୟ୍ ପାତେକ୍ ହେ ପାନି ପାର୍ମାଣ୍‌ତିଙ୍ଗ୍ ପଡ଼ିକିତିସ୍ ପା ବୁଜା ଆଦେଙ୍ଗ୍ ଆଡୁରା। ଇନେସ୍‌କି ହେୱାର୍ ମାନ୍‌ତିଙ୍ଗ୍ ପାର୍‌ଦା ଡାବାଇ କିତାତ୍‌ନା ଆରେ ହେୱାର୍ ମାନ୍ ଗାର୍‌ବିୟା ମାଚି କାଜିଙ୍ଗ୍ ସତ୍ ବୁଜା ଆଦେଙ୍ଗ୍ ଇଚା କିଉର୍।

୨ କରନ୍ତିୟ 4:4

ଆସେଙ୍ଗ୍ ଶୁଣାୟ୍ କିନି ହାର୍ଦିକାବୁର୍‌ତିଙ୍ଗ୍ ପାର୍ତିକିୱି ମାନାୟାରିଙ୍ଗ୍ ଇ ପୁର୍ତିତିଙ୍ଗ୍ ସାସନ୍ କିନି ଶୟତାନ୍, ତା ମାନ୍‌ତିଙ୍ଗ୍ କଣ୍ଟ୍ରୁଲ୍ କିନାତା ଆରେ ବୁଜା ଆଦେଙ୍ଗ୍ ହିଉତା। ଲାଗିଙ୍ଗ୍ ଈଶ୍ୱରଲେକେ ଚଞ୍ଜ୍‌ନି ଖ୍ରୀଷ୍ଟ ଯୀଶୁ ବିଷୟନି ହାର୍ଦିକାବୁର୍ ଆରେ ତା ଗୌରବତିଙ୍ଗ୍ ବୁଜା ଆଦେଙ୍ଗ୍ ଆଡୁରା।

ଗାଲାତିୟ 4:8

ଏପେଙ୍ଗ୍ ଈଶ୍ୱରତିଙ୍ଗ୍ ପୁନ୍‌ୱାଦାଙ୍ଗ୍, ଇମ୍‌ଣାକାର୍ ସତ୍‌ରେ ଈଶ୍ୱର ହିଲାତାର୍‌, ହେୱାର୍ ଦାସ୍ ଏପେଙ୍ଗ୍ ଆଜି ମାଚାଦେର୍।

ଏପିସିୟ 2:1

ଏପେଙ୍ଗ୍ ଖ୍ରୀଷ୍ଟତାକେ ପାର୍ତିକିୱି ଆଗେ, ଏପେଙ୍ଗ୍ ଈଶ୍ୱର ଆଦେସ୍‌ତିଙ୍ଗ୍ ମାନିକିୱାଦାଙ୍ଗ୍ ଆରେ ପାପ୍ କାମାୟ୍ କିଜି ହାଃତି ମାନାୟ୍ ଲେକେ ଆଜି ମାଚାଦେର୍।

ଏପିସିୟ 2:12

ହେପାଦ୍ନା ଏପେଙ୍ଗ୍ ଖ୍ରୀଷ୍ଟତାଙ୍ଗ୍ ଜେକ ମାଚାଦେର୍। ଈଶ୍ୱର ବାଚିକିଜି ମାଚି ଇସ୍ରାଏଲନି ମାନାୟାର୍ ବିତ୍ରେ ଏପେଙ୍ଗ୍ ହିଲ୍‌ୱାତାଦେର୍ ଆରେ ଈଶ୍ୱର ହେୱାରିଙ୍ଗ୍ ପାର୍ମାଣ୍ କିଜିମାଚି ନିୟମ୍‌ନି ବାଗ୍ ଆୱାଦାଙ୍ଗ୍ ମାଚାଦେର୍। ଏପେଙ୍ଗ୍ ଈଶ୍ୱରତିଙ୍ଗ୍ ପୁନ୍‌ୱାଦାଙ୍ଗ୍ ମାଚାଦେର୍ ଆରେ ୱିଜ୍‌ୱି ଜିବୁନ୍‌ନି ଆହା ଇଟ୍‌ୱାଦାଙ୍ଗ୍ ଇ ପୁର୍ତିତାକେ ଜିବୁନ୍ କାଟିକିଜି ମାଚାଦେର୍।

କଲସିୟ 1:21

ଆରେ ଆଗେ ଏପେଙ୍ଗ୍ ପାପ୍ କାମାୟ୍ କିଜି ଈଶ୍ୱରତାଙ୍ଗ୍ ଦେହା ମାଚାଦେର୍। ଆରେ ମି ମାନ୍ ବିତ୍ରେ କରାପ୍ ଚିନ୍ତା ଆରେ କରାପ୍ କାମାୟ୍ କିଜି ଏପେଙ୍ଗ୍ ହେୱାନିଙ୍ଗ୍ ଶତ୍ରୁ ଆଜି ମାଚାଦେର୍।

୧ ଥେସଲନୀକିୟ 4:5

ୱିଜାକାଦେର୍ ନିଜେ-ନିଜେତିଙ୍ଗ୍ ପବିତ୍ର କିୟାଟ୍। ଲାଗିଙ୍ଗ୍ ମାନାୟାର୍ ମିଙ୍ଗେଙ୍ଗ୍ ସନ୍‌ମାନ୍ ହିଦ୍‌ନାର୍, ଇଲେକେ ହାର୍ କାମାୟ୍ କିଜି ମାନାଟ୍।

ଏବ୍ରି 5:2

ହେ ପ୍ରଦାନ୍ ମୁଡ଼୍‌ଦି ପୁଜାରି ପା ରକାନ୍ ମାନାୟ୍ ଆତି କାଜିଙ୍ଗ୍, ହେୱାନିଙ୍ଗ୍ ପା ବୁଲ୍‌ବାଲ୍ ମାନ୍‌ଗାନାତ୍। ଇଦାଙ୍ଗ୍ କାଜିଙ୍ଗ୍ ବୁଦିହିଲ୍‌ୱି ଆରେ ବୁଲ୍ କିନି ମାନାୟାରିଙ୍ଗ୍ ହେୱାନ୍ ହାର୍‌ଦାଙ୍ଗ୍ ପୁନାନ୍।

ଏବ୍ରି 9:7

ମାତର୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ନେ ବାହ୍‌ରେକ୍‌ତିଙ୍ଗ୍ ରଗ ବେସି ପବିତ୍ର ବାହାତାକେ ହାଲ୍‌ଜି ମାଚାନ୍। ହେୱାନ୍ ବିତ୍ରେ ହାନିହିଙ୍ଗ୍, ୱିଜୁଦିନ୍ ପଶୁନି ନେତେର୍ ଅଜି ହାଲ୍‌ଜି ମାଚାନ୍। ହେୱାନ୍ ଜାର୍ ପାପ୍ କାଜିଙ୍ଗ୍ ଆରେ ପୁନ୍‌ୱାଦାଙ୍ଗ୍ କିଜିମାଚି ମାନାୟାର୍ ପାପ୍‌ତାଙ୍ଗ୍ କେମା ପାୟାଆନି କାଜିଙ୍ଗ୍, ହେୱାନ୍ ଈଶ୍ୱର ଲାଗାୟ୍ ହେ ନେତେର୍‌ତିଙ୍ଗ୍ ପୁଜାକିଜି ମାଚାନ୍।

ଜାକ୍‌ବ 4:4

ଏପେଙ୍ଗ୍ ଈଶ୍ୱରତାକେ ବିସ୍‌ବାସ୍ ହିଲ୍‌ୱିତି ମାନାୟ୍ କାଦେର୍, ଇନେସ୍‌କି ପୁର୍ତିନି ବିଷୟତିଙ୍ଗ୍ ସାଙ୍ଗ ଆତିସ୍ ଈଶ୍ୱରତିଙ୍ଗ୍ ଶତ୍ରୁ ଆନାଦେର୍, ଇଦାଙ୍ଗ୍ ମିଙ୍ଗେଙ୍ଗ୍ ଇନାକା ଜାଣା ଆକାୟ୍ କି? ଲାଗିଙ୍ଗ୍ ଇମ୍‌ଣାକାନ୍ ପୁର୍ତିନି ବିଷୟତିଙ୍ଗ୍ ସାଙ୍ଗ ଆଦେଙ୍ଗ୍ ଇଚାକିନାନ୍, ହେୱାନ୍ ନିଜେ ଈଶ୍ୱରତିଙ୍ଗ୍ ଶତ୍ରୁ ଆନାନ୍।

୧ ପିତର 1:14

ହାର୍ଦି ହିମ୍‌ଣାଙ୍ଗ୍ ଜାର୍ ଆବା କାତା ମାନି କିତିଲେକେ ଏପେଙ୍ଗ୍ ଈଶ୍ୱର କାତାତିଙ୍ଗ୍ ମାନି କିୟାଟ୍, ଇନେସ୍‌କି ଏପେଙ୍ଗ୍ ଈଶ୍ୱର ହିମ୍‌ଣା କାଦେର୍। ଏପେଙ୍ଗ୍ ଈଶ୍ୱର ସତ୍‌ତିଙ୍ଗ୍ ପୁନ୍‌ୱି ଆଗେ ଇମ୍‌ଣି କରାପ୍ କାମାୟ୍ କିଦେଙ୍ଗ୍ ଇଚା କିଜି ମାଚାଦେର୍ ହେଦାଙ୍ଗ୍ ଆରେରଗ କିମାଟ୍।

୧ ଯୋହନ 2:11

ମାତର୍ ଇମ୍‌ଣି ମାନାୟ୍ ଜାର୍ ଟଣ୍ଡେନିଙ୍ଗ୍ ଗିଣ୍ କିନାନ୍। ହେୱାନ୍ ମାଜ୍‌ଗାତାକେ ମାନିଲେକେ ପାପ୍ କାମାୟ୍ କିନାନା, ଆରେ ପାପ୍ କାମାୟ୍‌ନି ମାଜ୍‌ଗାତାକେ ମାନ୍‌ଞ୍ଜି ଜାଙ୍ଗ୍‌ତାନ୍‌ନା, ମାଜ୍‌ଗା ମାଚିଲେଙ୍ଗ୍ ହେୱାନ୍ ଇନାକାପା ହୁଡ଼୍‌ଦେଙ୍ଗ୍ ଆଡୁନା।