ଏପିସିୟ 4:11 - New Testament in Pengo Parja Language

¹¹ ହେ ଖ୍ରୀଷ୍ଟ ନେ ମଣ୍ଡ୍‌ଲିତିଙ୍ଗ୍ ଇ ବର୍‌ଦାନ୍ ହିତାନ୍‌ନା, ହେୱାନ୍ ଇନେ-ଇନେରିଙ୍ଗ୍ ବାଚିକିତି ଚେଲା, ଆରେ ଇନେ-ଇନେରିଙ୍ଗ୍ ଭବିଷ୍ଯତବକ୍ତା ଇନାର୍। ଆରେ ଇନେ-ଇନେରିଙ୍ଗ୍ ହାର୍ଦିକାବୁର୍ ଶୁଣାୟ୍ କିନାକାନ୍, ଇନେ-ଇନେରିଙ୍ଗ୍ ପାଷ୍ଟେର୍ ଆରେ ମାଷ୍ଟେର୍ ଲେକେ ବାଚି କିତାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

¹¹ ହେୱାନ୍‌ ନେ ନାର୍‌ ଜାତିତିଂ ବେସି ବର୍‌ ଦାନ୍‌ ହିଜ଼ି ହାଚାନ୍‌ନା । ଇନେରିଂ ପକ୍ୟାତାକାନ୍‌ ଚେଲା, ଆରେ ଇନେରିଂ ବେଣ୍‌ବାକ୍‌ଣାୟ୍‌କିନାକାର୍‌, ଇନେ ଇନେରିଂ ନେକ୍ରିକାବୁର୍‌ ସୁଣାୟ୍‌କିନାକାର୍‌, ଆରେ ଇନେ ଇନେରିଂ ପାସ୍ଟେର୍‌ ଆରି ଗୁରୁ ଲାକେ ବାଚି କିତାନ୍‌ନ୍ନା;

ଏପିସିୟ 4:11 Iomraidhean Croise

ମାତିଉ 28:20

ଆନେଙ୍ଗ୍ ମିଙ୍ଗେଙ୍ଗ୍ ଇମ୍‌ଣି-ଇମ୍‌ଣି ବିଷୟ ୱିଜୁ ୱେଚ୍‌ଚାତାଙ୍ଗ୍‌ନା, ହେ ୱିଜୁବେଣ୍ ମାନି କିଦେଙ୍ଗ୍ ମାନାୟାରିଙ୍ଗ୍ ହିକ୍ଷା ହିୟାଟ୍। ଆନେଙ୍ଗ୍ ମିହୁଦାଙ୍ଗ୍ ୱିଜୁଦିନ୍ ମାନାଙ୍ଗ୍ ଇଞ୍ଜି ପୁରା ପାର୍ତିକିୟାଟ୍। ଜୁଗ୍ ସେସ୍‌ଆନି ପାତେକ୍ ପା ଆନେଙ୍ଗ୍ ମି ହାଙ୍ଗ୍-ହାଙ୍ଗ୍ ମାନ୍‌ଗାନାଙ୍ଗ୍।”

ପକ୍ୟାତାକା 13:1

ଆନ୍ତିୟକିଆ ସହର୍‌ନି ମଣ୍ଡ୍‌ଲିତାକେ ଭବିଷ୍ଯତବକ୍ତାର୍ ଆରେ ଗୁରୁର୍ ମାଚାର୍। ହେୱାର୍ ତର୍‌ ଇଲେକେ ବର୍ଣ୍ଣବା, ଶିମିୟନ ତର୍‌ ନିଗର ପା ଇନାର୍, କୁରିଣିୟ ସହର୍‌ନି ଲୁକିୟ, ହେରୋଦ ରାଜା ମାନିହିଙ୍ଗ୍ ମନହେମ, ଶାଉଲ ମାଚାର୍।

ପକ୍ୟାତାକା 20:28

ଏପେଙ୍ଗ୍ ଆରେ ପାର୍ତି କିନାକାଦେର୍ ଜାଗ୍ରତ୍ ଆଜି ମାନାଟ୍। ଇନେସ୍‌କି ପବିତ୍ର ଆତ୍ମା ଇ ମାନାୟାର୍ ବିତ୍ରେ ବିଶପ୍‌ କିଜି ଦାଇତ୍‌ପ ହିତ୍‌ତାନ୍‌ନା। ଆରେ ଈଶ୍ୱର ତା ମେହି ଯୀଶୁ ନେତେର୍‌ତାଙ୍ଗ୍ ଇମ୍‌ଣି ମଣ୍ଡ୍‌ଲିତିଙ୍ଗ୍ କଡ଼୍‌ତାନ୍‌ନା, ହେ ମଣ୍ଡ୍‌ଲିନି ଗଡ଼ିୟା ଆଜି ମାନାଟ୍।

ପକ୍ୟାତାକା 21:8

ଆର୍‌କାତ୍ ନାଞ୍ଜ୍ ହେ ବାହା ପିସ୍ତି ଆପେଙ୍ଗ୍ କାଇସରିଆ ସହର୍‌ତାକେ ହାଚାପ୍। ଆରେ ପିଲିପ ତର୍‍ଦି ଇଞ୍ଜ ମାଚାପ୍। ରାଣ୍ଡିକାଙ୍ଗ୍ ଦେକାଶୁଣା କିଦେଙ୍ଗ୍ ଯିରୁଶାଲାମ ସହର୍‌ତାକେ ମାନି ବାଚିକିତି ଚେଲାର୍, ଇମ୍‌ଣି ସାତ୍ ଜାଣ୍‌ତିଙ୍ଗ୍ ବାଚିକିଜି ମାଚାର୍ ହେ ବିତ୍ରେତାଙ୍ଗ୍ ଇ ପିଲିପ ରକାନ୍ ମାଚାନ୍।

ରୋମିୟ 12:7

ଯଦି ଈଶ୍ୱର ମାନାୟାରିଙ୍ଗ୍ ହେବା କିଦେଙ୍ଗ୍ ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ଆସେଙ୍ଗ୍ ହାର୍ କିଜି ତା ହେବା କିନି ଦର୍‌କାର୍, ଆରେ ଯଦି ଈଶ୍ୱର ଇମ୍‌ଣାକାରିଙ୍ଗ୍ ହିକାୟ୍ କିନି ଦାନ୍ ହିତାନ୍‌ନା, ଲାଗିଙ୍ଗ୍ ହେୱାନ୍ ହାର୍ କିଜି ହିକାୟ୍ କିନି ଦର୍‌କାର୍।

୧ କରନ୍ତିୟ 12:4

ୱିଜୁ ପର୍‌କାର୍ ଆତ୍ମାନି ଦାନ୍ ମାନାତ୍, ଆରେ ହେ ୱିଜୁ ଦାନ୍ ପବିତ୍ର ଆତ୍ମା ହିଦ୍‌ନାତ୍।

ଏପିସିୟ 2:20

ବାଚିକିତି ଚେଲା ଆରେ ଭବିଷ୍ଯତବକ୍ତା ପାଉଣ୍ଡେସେନ୍, ଆରେ ତା ଜପି ର ଇଲ୍ ରସ୍ତି ଲେକେ ଆସେଙ୍ଗ୍ ଆତାସ୍‌ନା। ଆରେ ଯୀଶୁ ଖ୍ରୀଷ୍ଟ ନିଜେ ହେ ଇଲ୍ କନାନି ମୁଡ଼୍ କାଲ୍।

ଏପିସିୟ 3:5

ଈଶ୍ୱର ଇ ଡ଼ୁକ୍‌ତି ଜଜ୍‌ନାତିଙ୍ଗ୍ ଆଗେ ପୁର୍‌ବେନି ମାନାୟାରିଙ୍ଗ୍ ୱେଚ୍‌ୱାଦାଙ୍ଗ୍ ମାଚାନ୍। ମାତର୍ ନଙ୍ଗୟ୍ ହେୱାନ୍ ପବିତ୍ର ଆତ୍ମାତାଙ୍ଗ୍ ତା ପବିତ୍ର ବାଚିକିତି ଚେଲା ଆରେ ଭବିଷ୍ଯତବକ୍ତାର୍ ଲାଗାୟ୍ ୱେଚ୍‌ଚାନ୍‌ନା।

ଏପିସିୟ 4:8

ଲାଗିଙ୍ଗ୍ ସାସ୍ତର୍‌ତାକେ ଲେକାଆତାତ୍‌ନା, “ହେୱାନ୍ ସରଗ୍ ବାହାତାକେ ହାଚାନ୍, ଆରେ ତା ହୁଦାଙ୍ଗ୍ ବନ୍ଦିକିଜି ତାହିୱାତି ଶତ୍ରୁରିଙ୍ଗ୍ ଅସାହାଚାନ୍, ଆରେ ମାନାୟାରିଙ୍ଗ୍ ବାରବିନି ବର୍‌ଦାନ୍ ହିତାନ୍।”

୨ ତିମଥି 4:5

ମାତର୍ ଏପେଙ୍ଗ୍ ୱିଜୁ ବିଷୟତାଙ୍ଗ୍ ଜାଗ୍ରତ୍ ଆଜି ମାନାଟ୍, କଷ୍ଟତିଙ୍ଗ୍ ମାନି କିୟାଟ୍ ହାର୍ଦିକାବୁର୍‌ତିଙ୍ଗ୍ ଶୁଣାୟ୍ କିୟାଟ୍ ଆରେ ମି ହେବା କାମାୟ୍‌ନି କାମାୟ୍‌ତିଙ୍ଗ୍ ପୁରା କିୟାଟ୍।

ଏବ୍ରି 5:12

ଏପେଙ୍ଗ୍ ବେସି ଦିନ୍‌ନି ଖ୍ରୀଷ୍ଟାନ୍ ମାନାୟ୍ କାଦେର୍, ଆରେ ଏପେଙ୍ଗ୍ ଜେକନିକାରିଙ୍ଗ୍ ହିକ୍ଷାହିନି ଦର୍‌କାର୍ ମାଚାତ୍। ମାତର୍ ମିଙ୍ଗେଙ୍ଗ୍ ଈଶ୍ୱର କାତାନି ମୁଡ଼୍ ବିଷୟ ଆରେରଗ ହିକାଇ କିଦ୍‌ଦେଙ୍ଗ୍ ଆରେ ରକାନ୍ ମାଷ୍ଟେର୍ ଦର୍‌କାର୍ ଆଦ୍‌ନାତା। ହିରୁ ହିମ୍‌ଣା ଇନେସ୍ କାଦି ଚିଞ୍ଜେଙ୍ଗ୍ ଆଡ୍‌ୱାଦାଙ୍ଗ୍ ମାଁୟ୍ ଉଣ୍‌ଜି ମାନାନ୍, ହେଲେକେ ଏପେଙ୍ଗ୍ ହିରୁ ହିମ୍‌ଣା ଆତାଦେର୍‌ନା।

ଜିହୁଦା 1:17

ମାତର୍ ଏ ନା ଲାଡ୍‌ନି ସାଙ୍ଗ କାଦେର୍, ମା ମାପୃ ଯୀଶୁ ଖ୍ରୀଷ୍ଟତି ବାଚିକିତି ଚେଲା କାଦେର୍ ଆଗେ ଇମ୍‌ଣି ୱିଜୁବେଣ୍ ୱେଚ୍‌ଚି ମାଚାର୍, ହେ ୱିଜୁବେଣ୍ ମାନ୍ତ ଏତୁକିୟାଟ୍।

ହତ୍‌ତି 18:20

ଏ ସରଗ୍‌ତାକେ ମାନି ମାନାୟାର୍ ହେ ସହର୍ ବିନାସ୍‌ଆତି କାଜିଙ୍ଗ୍ ୱାରିୟା ଆଡ। ହେ ସାଦୁ ମାନାୟ୍ କାଦେର୍, ଏ ବାଚିକିତି ଚେଲା କାଦେର୍, ଇ ଭବିଷ୍ଯତବକ୍ତା ୱାରି କିୟାଟ୍, ଇନେସ୍‌କି ବାବିଲନ୍‌ ସହର୍‌ନି ମାନାୟାର୍ ମି ବିରଦ୍‌ତାଙ୍ଗ୍ କିଜିମାଚି ପାପ୍ କାଜିଙ୍ଗ୍ ଈଶ୍ୱର ହେ ସହର୍‌ତିଙ୍ଗ୍ ବିନାସ୍ କିତାନ୍।

ହତ୍‌ତି 21:14

ହେ ସହର୍‌ନି ବାଉଣ୍ଡ୍ରି ବାରଗଟା କାଲ୍‌କୁକାଙ୍ଗ୍ ପାଉଣ୍ଡେସେନ୍ ଆଜି ମାଚାତ୍, ଆରେ ପାଉଣ୍ଡେସେନ୍ ଜପି ମେଣ୍ଢା ଇନେର୍‌କି ଯୀଶୁ ବାଚିକିତି ଚେଲା ବାରଜାଣ୍ ତର୍‌ ଲେକାଆଜି ମାଚାତ୍।