ଏପିସିୟ 3:9 - New Testament in Pengo Parja Language

⁹ ୱିଜୁ ବିଷୟତିଙ୍ଗ୍ ରସ୍ତାକାନ୍ ଈଶ୍ୱର ମାବେତାଙ୍ଗ୍ ଇନାକା ଡ଼ୁକ୍‌ଚି ଇଡ଼୍‌ଜି ମାଚାନ୍। ହେ ଡ଼ୁକ୍‌ତି ଜଜ୍‌ନାତିଙ୍ଗ୍ ଆନେଙ୍ଗ୍ ଇନେସ୍ ୱିଜାକାରିଙ୍ଗ୍ ବୁଜାଇକିଜି ୱେଚ୍‌ଚେଙ୍ଗ୍ ଆଡ୍‌ନାଙ୍ଗ୍, ଇଦାଙ୍ଗ୍ କାଜିଙ୍ଗ୍ ଈଶ୍ୱର ନାଙ୍ଗେଙ୍ଗ୍ ଦୟାକିଜି ଇ ସୁଯଗ୍ ହିତ୍‌ତାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

⁹ ଇସ୍ୱର୍‌ତି ହେ ପ୍ଡାନି ସମୁନି ଡ଼ୁକ୍‌ତି ଉପାୟ୍‌ ଇନେସ୍‌ କାମାୟ୍‌ ଆଦେଂ ଆଡ଼୍‌ନାତ୍‌, ହେଦାଂ ୱିଜ଼ାରିଂ ଜାଣାୟ୍‌ କିଦେଙ୍ଗ୍‌ ନି କାମାୟ୍‌ ଆନ୍‌ ଲାବ୍ କିତାଂନା । ସବୁ ବିସ୍ରେନି ରାକ୍ୟାକାରିୟା ଇସ୍ୱର୍‌ ଆଗେ ସବୁ ଜୁଗ୍‌ତ ତା ଡ଼ୁକ୍ତି କାତାତିଂ ଡ଼ୁକ୍‌ଚି ଇଡ଼୍‌ଜି ମାଚାର୍‌,

ଏପିସିୟ 3:9 Iomraidhean Croise

ମାତିଉ 10:27

ଆନେଙ୍ଗ୍ ମିଙ୍ଗେଙ୍ଗ୍ ଇମ୍‌ଣାକା ପା ଡ଼ୁକ୍‌ଚି ୱେଚ୍‌ଚାନାଙ୍ଗ୍, ହେ କାତାତିଙ୍ଗ୍ ମାନାୟ୍ ଗଉଲିତ ହାଲ୍‌ଜି ୱେଚାଟ୍। ଆରେ ଇମ୍‌ଣାକା ପା ଇଲ୍ ବିତ୍ରେ ୱେଚ୍‌ଚିତି କାତାତିଙ୍ଗ୍ ଏପେଙ୍ଗ୍ ଚାତ୍ ଜପି ହାଲ୍‌ଜି ମାନାୟାରିଙ୍ଗ୍ ୱେଚାଟ୍।

ମାତିଉ 13:35

ଇନେସ୍‌କି ଭବିଷ୍ଯତବକ୍ତା କାଜିଙ୍ଗ୍ ୱେଚ୍‌ଚି କାତା ପୁରାଆନାତ୍। ଆପେଙ୍ଗ୍ ଜାର୍ ୱେଇ ଜେସି ହାର୍‌ଦାଙ୍ଗ୍ କାତା ୱେଚ୍‌ନିଲେକେ କିଜି ବେଣ୍ କିନାସ୍। ଆରେ ପୁର୍ତି ଉବ୍‌ଜାଆତି ଦିନ୍‌ତାଙ୍ଗ୍ ପୁନ୍‌ୱିତି କାତା ପା ୱିଜୁ ୱେଚ୍‌ନାସ୍।

ମାତିଉ 25:34

ଆନେଙ୍ଗ୍ ରାଜା ତା ତିନାବାଗାୟ୍ ମାନି ମାନାୟାରିଙ୍ଗ୍ ୱେଚ୍‌ନାଙ୍ଗ୍, ୱାଡ ନା ସରଗ୍‌ନି ଆବା ମିଙ୍ଗେଙ୍ଗ୍ ଆଶ୍ରିବାଦ୍ କିତ୍‌ତାନ୍‌ନା। ଈଶ୍ୱର ମିଙ୍ଗେଙ୍ଗ୍ ଇମ୍‌ଣି ରାଜି ହିଦ୍‌ଦେଙ୍ଗ୍ ଇଚା କିତ୍‌ତାନ୍‌ନା। ହେଦାଙ୍ଗ୍ ଏପେଙ୍ଗ୍ ପାୟାଆଡୁ। ପୁର୍ତି ଉବ୍‌ଜା ଆନି ପାଦ୍ନା ମି କାଜିଙ୍ଗ୍ ହେ ରାଜି ରହିଆତାତ୍‌ନା।

ମାତିଉ 28:19

ଲାଗିଙ୍ଗ୍ ଏପେଙ୍ଗ୍ ହାଲାଟ୍ ଆରେ ୱିଜୁଜାତି ମାନାୟାରିଙ୍ଗ୍ ନା ଚେଲା ରହାଟ୍। ଆବା ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟ ଆରେ ପବିତ୍ର ଆତ୍ମା ତର୍‍ଦାଙ୍ଗ୍ ଏପେଙ୍ଗ୍ ହେୱାରିଙ୍ଗ୍ ଡୁବନ୍ ହିୟାଟ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:47

ଯିରୁଶାଲାମ ସହର୍‌ତାଙ୍ଗ୍ ଆରମ୍ କିଜି ୱିଜୁ ଜାତିର୍‌ତାକେ ପାପ୍ କାମାୟ୍ ପିସ୍ତି ମାପୃ ୱାତିସ୍ ଈଶ୍ୱର ପାପ୍ କେମା କିନି ବିଷୟରେ ମାନାୟାରିଙ୍ଗ୍ ଶୁଣାୟ୍ କିନାର୍।

ଜହନ୍‌ 10:30

ଆନେଙ୍ଗ୍ ଆରେ ନା ଆବା ଈଶ୍ୱର ରିୟାପ୍ ନେ ରକାପ୍‌।”

ଜହନ୍‌ 5:17

ମାତର୍ ଯୀଶୁ ଯିହୁଦି ନେତାରିଙ୍ଗ୍ ୱେଚ୍‌ଚାନ୍, “ନା ଆବା ନଙ୍ଗୟ୍ ପାତେକ୍ କାମାୟ୍ କିନାନା, ଆରେ ଆନେଙ୍ଗ୍ ପା କାମାୟ୍ କିନାଙ୍ଗା।”

ଜହନ୍‌ 5:19

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ମେହି ରକାନ୍ ଇନାକା କିଦେଙ୍ଗ୍ ଆଡୁନ୍। ଇନାକା ଲାତ୍ରାହି କିନାକା ମେହି ହୁଡ଼୍‌ତାନ୍, ହେୱାନ୍ ହେଦାଙ୍ଗ୍‌ନେ ଇନାନ୍। ଇନେସ୍‌କି ଆବା ଇନାକା କିନାନ୍ ମେହି ପା ହେ ୱିଜୁ କିନାନ୍।

ପକ୍ୟାତାକା 15:18

ଈଶ୍ୱର ପୁର୍ତି ଆରମ୍‌ତାଙ୍ଗ୍ ଇ କାତା ୱେଚ୍‌ଚାତାନ୍‌ନା।’

ରୋମିୟ 11:25

ଏ ଟଣ୍ଡାର୍‌କାଦେର୍ ମିଙ୍ଗେଙ୍ଗ୍ ଆନେଙ୍ଗ୍ ୱେଚ୍‌ଚାନାଙ୍ଗା, ଏପେଙ୍ଗ୍ ଜାର୍‌ତିଙ୍ଗ୍ ଚଞ୍ଜିଆ ଆମାଟ୍। ଇନେସ୍‌କି ଆନେଙ୍ଗ୍ ମିଙ୍ଗେଙ୍ଗ୍ ଇସ୍ରାଏଲ ଜାତିନି ମାନାୟାର୍ ବିଷୟରେ ର ଚାନିଆଆନି କାତା ୱେଚ୍‌ଚାନାଙ୍ଗା। କେତ୍‌ଜାଣ୍ ଇସ୍ରାଏଲ ଜାତିନି ମାନାୟାର୍ ଈଶ୍ୱରତିଙ୍ଗ୍ ପାର୍ତିକିନି କାଜିଙ୍ଗ୍ ଜାର୍ ମାନ୍ତ ଗାର୍‌ବି ଆତାର୍। ମାତର୍ ଈଶ୍ୱର ବାଚିକିତି ୱିଜାର୍ ବିନ୍‌ଜାତିନି ମାନାୟାର୍ ଖ୍ରୀଷ୍ଟଙ୍ଗ୍ ପାର୍ତି କିୱିପାତେକ୍, ହେୱାର୍ ଇଲେକେ ଈଶ୍ୱର କାତାତିଙ୍ଗ୍ ଗାର୍‌ବି ଆଜି ମାନାର୍।

୧ କରନ୍ତିୟ 2:7

ମାତର୍ ଆପେଙ୍ଗ୍ ଇମ୍‌ଣି ବୁଦିନି ବିଷୟରେ ୱେଚ୍‌ଚାନାପା ହେ ଈଶ୍ୱର ବୁଦିତିଙ୍ଗ୍ ଡ଼ୁକ୍‌ଚି ମାଚାନ୍। ଆରେ ଇନେର୍ ପା ପୁନ୍‌ୱାଦାଙ୍ଗ୍ ମାଚାର୍। ପୁର୍ତିତିଙ୍ଗ୍ ଉବ୍‌ଜାଇ କିୱି ଆଗେ ଈଶ୍ୱର ତା ବୁଦି ହୁଦାଙ୍ଗ୍ ମାଙ୍ଗେଙ୍ଗ୍ ଗୌରବ ହିଦ୍‌ନି କାଜିଙ୍ଗ୍ ଇଚା କିଜି ମାଚାନ୍।

ଏପିସିୟ 1:4

ଇଦାଙ୍ଗ୍‌ନି ଅର୍ତ ଇନେସ୍ ଆସେଙ୍ଗ୍ ଈଶ୍ୱର ମୁମ୍‌ଦ ପବିତ୍ର ଆରେ ଦସି ଆଉସ୍। ଇଦାଙ୍ଗ୍ କାଜିଙ୍ଗ୍ ହେୱାନ୍ ପୁର୍ତିତିଙ୍ଗ୍ ଉବ୍‌ଜାଇ କିୱି ଆଗେ, ଖ୍ରୀଷ୍ଟ କାଜିଙ୍ଗ୍ ମାଙ୍ଗେଙ୍ଗ୍ ବାଚି କିତ୍‌ତାନ୍‌ନା।

ଏପିସିୟ 3:2

ମିଙ୍ଗେଙ୍ଗ୍ ସାଇଜ କିଦେଙ୍ଗ୍ ଈଶ୍ୱର ତା ଦୟାତାଙ୍ଗ୍ ନାଙ୍ଗେଙ୍ଗ୍ ଦାୟିତ୍‌ପ ହିତ୍‌ତାନ୍‌ନା, ଇଦାଙ୍ଗ୍ ଏପେଙ୍ଗ୍ ତ ୱେନ୍‌ଞ୍ଜି ମାନ୍‌ଗାନାଦେର୍।

ଏପିସିୟ 6:19

ଆନେଙ୍ଗ୍ ଇନେସ୍ ସାହାସ୍ ହୁଦାଙ୍ଗ୍ ହାର୍ଦିକାବୁର୍‌ନି ଡ଼ୁକ୍‌ତି ଜଜ୍‌ନାତିଙ୍ଗ୍ ୱେଚ୍‌ଚେଙ୍ଗ୍ ଆଡ୍‌ନାଙ୍ଗ୍, ଆରେ ଈଶ୍ୱର ଇନେସ୍ ନାଙ୍ଗେଙ୍ଗ୍ ଟିକ୍ କାତା ହିଦ୍‌ନାନ୍, ହେଦାଙ୍ଗ୍ ନା କାଜିଙ୍ଗ୍ ପା ପାର୍ତାନା କିୟାଟ୍।

କଲସିୟ 1:23

ହେୱାନ୍ ମିଙ୍ଗେଙ୍ଗ୍ ପବିତ୍ର କିତ୍‌ତାନ୍‌ନା, ମାତର୍ ଏପେଙ୍ଗ୍ ୱିଜୁଦିନ୍ ଖ୍ରୀଷ୍ଟତାକେ ପାର୍ତି କିଜି ମାନାଟ୍। ଇନେସ୍‌କି ର ବାଡ଼୍‌କାସ୍ ପାଉଣ୍ଡେସେନ୍ ତାକେ ଇଲ୍ ମାନ୍‌ଗାନାତ୍ ହେଲେକେ ପାର୍ତି ଖ୍ରୀଷ୍ଟତାକେ ବାଡ଼୍‌କାସ୍ ଆଜି ମାନେତ୍। ହାର୍ଦିକାବୁର୍ ୱେନ୍‌ଞ୍ଜି ଇମ୍‌ଣି ଆହା ପାୟା ଆତାଦେର୍‌ନା ହେ ଆହାତିଙ୍ଗ୍ ଏପେଙ୍ଗ୍ ପିହ୍‌ମାଟ୍। ଇ ହାର୍ଦିକାବୁର୍ ପୁର୍ତିନି ଚାରିବେଣ୍‌ତାଙ୍ଗ୍ ଶୁଣାୟ୍ କିନାରା। ଆରେ ଆନେଙ୍ଗ୍ ପାଉଲ ଈଶ୍ୱର ଦାସ୍ ଆଜି ଇ ହାର୍ଦିକାବୁର୍ ଶୁଣାୟ୍ କିନାଙ୍ଗା।

କଲସିୟ 1:26

ଇ କାତା ବାର୍ହୁ-ବାର୍ହୁ ଆସ୍ତି ଆଗେନି ମାନାୟାର୍‌ତାଙ୍ଗ୍ ଡ଼ୁଗ୍‌ଜି ମାଚାତ୍, ମାତର୍ ନଙ୍ଗୟ୍ ଈଶ୍ୱର ମାନାୟାର୍ ଲାଗାୟ୍ ଚଞ୍ଜିଆତାତ୍‌।

କଲସିୟ 3:3

ଇନେସ୍‌କି ମି ପାପ୍‌ନି ଗୁଣ୍ ହାଃତାତ୍‌ନା, ଆରେ ମି ଜିବୁନ୍ ଖ୍ରୀଷ୍ଟ ହୁଦାଙ୍ଗ୍ ଈଶ୍ୱରତାକେ ଡ଼ୁକ୍‌ତାତ୍‌ନା।

କଲସିୟ 4:3

ମା କାଜିଙ୍ଗ୍ ପା ପାର୍ତାନା କିୟାଟ୍, ଈଶ୍ୱର ଇନେସ୍ ମାଙ୍ଗେଙ୍ଗ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ସୁଯଗ୍ ହିଦ୍‌ନାନ୍, ଆରେ ଆପେଙ୍ଗ୍ ଖ୍ରୀଷ୍ଟନି ଡ଼ୁକ୍‌ତି ବିଷୟତିଙ୍ଗ୍ ଶୁଣାୟ୍ କିଦେଙ୍ଗ୍ ଆଡ୍‌ନାପ୍। ଆନେଙ୍ଗ୍ ଇ ହାର୍ଦିକାବୁର୍ ଶୁଣାୟ୍ କିନି କାଜିଙ୍ଗ୍ ବନ୍ଦି ଆତାଙ୍ଗ୍‌ନା।

୨ ଥେସଲନୀକିୟ 2:13

ଏ ପାର୍ତିକିନି ଟଣ୍ଡାର୍‌କାଦେର୍, ଆସେଙ୍ଗ୍ ୱିଜୁଦିନ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନି ଦର୍‌କାର୍, ଇନେସ୍‌କି ମାପୃ ମାଙ୍ଗେଙ୍ଗ୍ ଲାଡ୍ କିଦ୍‌ନାନା। ଈଶ୍ୱର ପୁର୍ତି ଉବ୍‌ଜାୟ୍ କିତି ଆଗେ ମାଙ୍ଗେଙ୍ଗ୍ ଉଦାର୍ କିଦ୍‌ଦେଙ୍ଗ୍ ବାଚି କିତ୍‌ତାନ୍‌ନା, ଈଶ୍ୱର ଆତ୍ମା ସାଇଜତାଙ୍ଗ୍ ଆସେଙ୍ଗ୍ ପବିତ୍ର ଆୟା ଆନାତ୍, ଇନେସ୍‌କି ଆସେଙ୍ଗ୍ ମାପୃ ଯୀଶୁ ସତ୍ ବିଷୟତିଙ୍ଗ୍ ପାର୍ତି କିନାସା।

୧ ତିମତି 3:16

ଈଶ୍ୱର ମାଙ୍ଗେଙ୍ଗ୍ ଇନାକା ୱେଚ୍‌ଚାତାନ୍‌ନା ହେଦାଙ୍ଗ୍ ପୁରାପୁରି ସତ୍, ଇଦାଙ୍ଗ୍ ଇନେର୍ ପା ବୁଲ୍ ଇଞ୍ଜି ୱେଚ୍‌ଚେଙ୍ଗ୍ ଆଡୁର୍। ଖ୍ରୀଷ୍ଟ ମାନାୟ୍ ରୁପ୍ ଆଜି ୱାତାନ୍, ହେୱାନ୍ ଈଶ୍ୱର ମେହି ଇଞ୍ଜି ଈଶ୍ୱର ଆତ୍ମା ପୁନି କିତାତ୍। ଦୁତ୍‌କୁ ହେୱାନିଙ୍ଗ୍ ହୁଡ଼୍‌ତିକ୍, ଈଶ୍ୱର ହେୱାନିଙ୍ଗ୍ ସରଗ୍‌ଜପି ଅତାନ୍, ଚେଲାହିର୍ ତା ବିଷୟରେ ୱିଜୁଜାତି ନିପଣ୍ ଶୁଣାୟ୍ କିତାର୍। ଆରେ ପୁର୍ତିନି ମାନାୟାର୍ ପାର୍ତି କିତାର୍।

୨ ତିମଥି 1:9

ହେୱାନ୍ ମାଙ୍ଗେଙ୍ଗ୍ ଉଦାର୍ କିତ୍‌ତାନ୍‌ନା ଆରେ ପବିତ୍ର ଜିବୁନ୍ କାଟିକିନି କାଜିଙ୍ଗ୍ ମାଙ୍ଗେଙ୍ଗ୍ କୁକ୍ତାତାନ୍‌ନା। ଆସେଙ୍ଗ୍ ହାର୍ଦି କାମାୟ୍ କିନି କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ବାଚି କିଦ୍‌ୱାତାନ୍‌ନା, ମାତର୍ ତା ଜାର୍ ଜଜ୍‌ନା ଆରେ ଦୟା କାଜିଙ୍ଗ୍ କିତ୍‌ତାନ୍‌ନା। ଈଶ୍ୱର ଇ ପୁର୍ତିତିଙ୍ଗ୍ ରହ୍‌ନି ଆଗେ ନେ, ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ଇ ପୁର୍ତିତାକେ ହାଃନି କାଜିଙ୍ଗ୍ ହେୱାନ୍ ଜଜ୍‌ନା କିଜି ଦୟା ଚଚ୍‌ଚାତାନ୍‌ନା।

୨ ତିମଥି 4:17

ମାତର୍ ମାପୃ ନା ନିପଣ୍ ଆଜି ନାଙ୍ଗେଙ୍ଗ୍ ଶାକ୍ତି କିତ୍‌ତାନ୍, ଆରେ ଆନେଙ୍ଗ୍ ଇନେସ୍ ହାର୍ଦିକାବୁର୍ ପୁରାପୁରି କିଲେର୍ କିଜି ଶୁଣାୟ୍ କିଦେଙ୍ଗ୍ ଆଡ୍‌ନାଙ୍ଗ୍। ଆରେ ବିନ୍‌ଜାତିର୍ ୱିଜୁ ମାନାୟାର୍ ହେଦାଙ୍ଗ୍ ୱେଞ୍ଜେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ହାଃନିତାଙ୍ଗ୍ ରକ୍ଷା କିତ୍‌ତାନ୍।

ତୀତସ 1:2

ଇ ଲେକେ ଆତିସ୍ ହେୱାର୍ ଈଶ୍ୱର ହୁଦାଙ୍ଗ୍ ୱିଜ୍‌ୱି ଜିବୁନ୍ ମାଞ୍ଜେଙ୍ଗ୍ ଆହା କିତାର୍‌ନା। ଇନେସ୍‌କି ଈଶ୍ୱର ଇନାୱେଡ଼ାଙ୍ଗ୍ ପା ମିଚ୍ ୱେଚୁନ୍, ହେୱାନ୍ ପୁର୍ତିତିଙ୍ଗ୍ ରହ୍‌ନି ଆଗେ ଇଦାଙ୍ଗ୍ ପାର୍ମାଣ୍ କିତାନ୍‌ନା ଯେ ତା ମାନାୟାର୍ ୱିଜ୍‌ୱି ଜିବୁନ୍ ପାତେକ୍ ମାନ୍‌ଗାନାର୍।

୧ ପିତର 1:20

ପୁର୍ତି ଉବ୍‌ଜା ଆୱି ଆଗେ ଈଶ୍ୱର ଯୀଶୁ ଖ୍ରୀଷ୍ଟଙ୍ଗ୍ ମାନାୟାରିଙ୍ଗ୍ ଉଦାର୍ କିନି କାଜିଙ୍ଗ୍ ବାଚିକିଜି ମାଚାନ୍। ମାତର୍ ଇ ପୁର୍ତି ସେସ୍‌ଆନି ନାଞ୍ଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ସାଇଜ କିଦ୍‌ଦେଙ୍ଗ୍ ୱାତାନ୍।

ହତ୍‌ତି 13:8

ଆରେ ପୁର୍ତିନି ୱିଜାର୍ ମାନାୟାର୍ ହେ ପଶୁତିଙ୍ଗ୍ ପୁଜା କିତାର୍, ମାତର୍ ମେଣ୍ଢା ଇନେର୍‌କି ଯୀଶୁ ଜିବୁନ୍ ପାୟାଆନି ମାନାୟାର୍ ତର୍‌ ଲେକାଆତି ବହିତାକେ ଇମ୍‌ଣାକାର୍ ତର୍‌ ଲେକାଆଜି ମାଚାତ୍ ହେୱାର୍ ନେ ହେ ପଶୁତିଙ୍ଗ୍ ପୁଜା କିୱାତାର୍‌ନା। ହେ ମେଣ୍ଢା ଇନେର୍‌କି ଯୀଶୁ ନେ ପୁର୍ତି ଉବ୍‌ଜା ଆନିତାଙ୍ଗ୍ ହେୱାର୍ କାଜିଙ୍ଗ୍ ହାଃଜି ମାଚାନ୍।

ହତ୍‌ତି 14:6

ତାପାଚେ ଆରେ ରଞ୍ଜି ଦୁତ୍ ବାଦାଡ଼୍‌ତାକେ ଉମ୍‌ଜି ବୁଲା ଆନାକା ଆନେଙ୍ଗ୍ ହୁଡ଼୍‌ତାଙ୍ଗ୍। ହେୱାନ୍ ପୁର୍ତିନି ୱିଜୁ ଦେସ୍ତି ମାନାୟାର୍, ୱିଜୁ ଜାତିନି ମାନାୟାରିଙ୍ଗ୍ ଆରେ ୱିଜୁ ବାଷାନି ମାନାୟାରିଙ୍ଗ୍ ଶୁଣାୟ୍ କିନି କାଜିଙ୍ଗ୍ ୱିଜୁଦିନ୍ ମାନି ହାର୍ଦିକାବୁର୍‌ତିଙ୍ଗ୍ ଆସ୍ତି ମାଚାନ୍।

ହତ୍‌ତି 17:8

ନଙ୍ଗୟ୍ ଏନେଙ୍ଗ୍ ଇମ୍‌ଣି ପଶୁତିଙ୍ଗ୍ ହୁଡ଼୍‌ତାୟ୍‌ନା, ହେଦାଙ୍ଗ୍ ଆଗେ ଜିବୁନ୍ ମାଚାତ୍, ଆରେ ନଙ୍ଗୟ୍ ହେ ପଶୁ ହାଃତାତ୍‌ନା। ମାତର୍ ହେ ପଶୁ ପାତାଳ୍‌ ବିତ୍ରେତାଙ୍ଗ୍ ବେଗି ୱାନାତ୍ ଆରେ ଈଶ୍ୱର ତାଙ୍ଗେଙ୍ଗ୍ ପୁରାପୁରି ବାବ୍‌ରେ ବିନାସ୍ କିନାନ୍। ଇମ୍‌ଣି ମାନାୟାର୍ ଇ ପୁର୍ତିତାକେ ମାନାରା, ଇନେର୍ ତର୍‌ ପୁର୍ତି ଉବ୍‌ଜା ଆୱି ଆଗେ ଜିବୁନ୍ ମାନି ବହିତାକେ ଲେକାଆୱାତାତ୍‌ନା, ହେୱାର୍ ହେ ପଶୁତିଙ୍ଗ୍ ହୁଡ଼୍‌ଜି ଚାନିଆ ଆନାର୍। ଇନେସ୍‌କି ହେ ପଶୁ ହାଃତିତାଙ୍ଗ୍ ଆରେରଗ ଜିବୁନ୍‌ଆଜି ମାନ୍‌ଗାନାତ୍।

ହତ୍‌ତି 4:11

“ମା ମାପୃ, ଈଶ୍ୱର, ଏନେଙ୍ଗ୍ ଜୟ୍-ଜୟ୍ ପାୟାଆନି ଦର୍‌କାର୍। ଏନେଙ୍ଗ୍ ସନ୍‌ମାନ୍ ପାୟାଆନି ଦର୍‌କାର୍ ଆରେ ନିଙ୍ଗେଙ୍ଗ୍ ଶାକ୍ତି ମାଚି କାଜିଙ୍ଗ୍ ୱିଜୁ ଜିନିଷ୍ ଉବ୍‌ଜାଇ କିତାୟ୍‍ନା। ଏନେଙ୍ଗ୍ ଇଚାକିତି କାଜିଙ୍ଗ୍ ହେ ୱିଜୁ ଜିନିଷ୍‌ତିଙ୍ଗ୍ ଉବ୍‌ଜା ଆତାତ୍‌ନା ଆରେ ମାନାତା।”