ଏପିସିୟ 3:20 - New Testament in Pengo Parja Language

²⁰ ଇମ୍‌ଣି ଈଶ୍ୱର ମା ଗରବ୍ ବିତ୍ରେ କାମାୟ୍ କିନି ଶାକ୍ତିତାଙ୍ଗ୍ ମା ଏନ୍‌ନାକା କି ବାବି କିନାକା ଆଦିକ୍‌ତାଙ୍ଗ୍ ଆଦିକ୍ ହିଦ୍‌ନାନ୍।

ସତ୍‌ ବଚନ୍‌ ପୁନି ନିୟମ୍‌

²⁰ ଇସ୍ୱର୍‌ ମା ୱାସ୍କିତ କାମାୟ୍‌ ପୁରା କିନି ଜାର୍‌ ସାକ୍ତି ଇସାବ୍‌ରେ ମା ଏନ୍‌ନାକା କି ବାବିକିନି ତାଂ ଆଦିକ୍‌ ହଟ୍‌ ପୁରା କିଦେଙ୍ଗ୍‌ ଆଡ୍‌ନାସ୍‌;

ଏପିସିୟ 3:20 Iomraidhean Croise

ମାତିଉ 3:9

ଈଶ୍ୱର ମାଙ୍ଗେଙ୍ଗ୍ ଦଣ୍ଡ୍ ହିଦୁନ୍ ଆପେଙ୍ଗ୍ ଅବ୍ରାହାମ୍‌ ମେହି ଇଞ୍ଜି, ଏଲେଙ୍ଗ୍ ଏପେଙ୍ଗ୍ ମାନ୍ତ ବାବିକିମାଟ୍। ଇନେସ୍‌କି ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଈଶ୍ୱର ଅବ୍ରାହାମ୍‌ କାଜିଙ୍ଗ୍ ଇ କାଲ୍‌କୁକାଙ୍ଗ୍ ପା ତା ହିମ୍‌ଣାୱାକ୍‌ଡ଼ା ଉବ୍‌ଜାଇ କିଦେଙ୍ଗ୍ ଆଡ୍‌ନାନ୍।

ଜହନ୍‌ 10:10

ଚର୍ ମାନାୟ୍ ଚର୍‌କିଦେଙ୍ଗ୍, ଅସ୍ତେଙ୍ଗ୍ ଆରେ ନଷ୍ଟ କିଦେଙ୍ଗ୍ ୱାନାନ୍। ମାତର୍ ଆନେଙ୍ଗ୍ ହେୱାରିଙ୍ଗ୍ ହାର୍ଦି ଜିବୁନ୍ ହିଦେଙ୍ଗ୍ ୱାତାଙ୍ଗ୍‌ନା।

ରୋମିୟ 16:25

ଆନେଙ୍ଗ୍ ମିଙ୍ଗେଙ୍ଗ୍ ଯୀଶୁ ଖ୍ରୀଷ୍ଟତି ହାର୍ଦିକାବୁର୍ ବିଷୟରେ ଶୁଣାୟ୍ କିଜି ମାନ୍‌ଞ୍ଚାଙ୍ଗ୍, ଆରେ ଈଶ୍ୱର ବିନ୍‌ଜାତିନି ମାନାୟାର୍ କାଜିଙ୍ଗ୍ ଇମ୍‌ଣି ଉପାୟ୍ ବେସି ଆଗେତାଙ୍ଗ୍ ଡ଼ୁକ୍‌ଚି ମାଚାନ୍ ହେ ବିଷୟରେ ୱେଚ୍‌ଚି ମାନ୍‌ଞ୍ଚାଙ୍ଗ୍। ଈଶ୍ୱର ମିଙ୍ଗେଙ୍ଗ୍ ଆଦିକ୍ ପାର୍ତି କିଦେଙ୍ଗ୍ ସାଇଜ କିଦେନ୍‌।

ରୋମିୟ 4:21

ଈଶ୍ୱର ତାଙ୍ଗେଙ୍ଗ୍ ଇମ୍‌ଣି ପାର୍ମାଣ୍ ହିଜିମାଚାତ୍‌, ହେ ପାର୍ମାଣ୍‌ତିଙ୍ଗ୍ ହେୱାନ୍ ପୁରାୟ୍ କିଦେଙ୍ଗ୍ ଆଡ୍‌ନାନ୍ ଇଞ୍ଜି ହାର୍ କିଜି ପୁନ୍‌ଞ୍ଜି ମାଚାନ୍। ଆରେ ହେୱାନ୍ ଆଦିକ୍ ପାର୍ତି କିଜି ମାଚାନ୍।

୧ କରନ୍ତିୟ 2:9

ଇନେସ୍‌କି ଦରମ୍ ସାସ୍ତର୍‌ତାକେ ଲେକା ମାନାତ୍, “ଇନେର୍ ପା ହୁଡ଼୍‌ୱାତାର୍‌ନା, ଇନେର୍ ପା ପୁନ୍‌ୱାତାର୍‌ନା ଆରେ ଇନେର୍ ପୁନ୍‌ୱାତାର୍‌ନା। ହେଦାଙ୍ଗ୍ ଈଶ୍ୱର ତାଙ୍ଗେଙ୍ଗ୍ ଲାଡ୍‌କିନି ମାନାୟାର୍ କାଜିଙ୍ଗ୍ ରସ୍ତି ମାଚାନ୍‌।”

୨ କରନ୍ତିୟ 9:8

ଆରେ ଈଶ୍ୱର ମିଙ୍ଗେଙ୍ଗ୍ ଦର୍‌କାର୍ ଆଦ୍‌ନି ଜିନିଷ୍‌ତାଙ୍ଗ୍ ଆଦିକ୍ ଆଶ୍ରିବାଦ୍ କିଦେଙ୍ଗ୍ ଆଡ଼୍‌ଦାନାତ୍‌, ଆରେ ଜେକନିକାର୍ କାଜିଙ୍ଗ୍ ହାର୍ କାମାୟ୍ କିଦେଙ୍ଗ୍ ମିତାକେ ୱିଜୁଦିନ୍ ୱିଜୁ ଜିନିଷ୍ ଆଦିକ୍ ମାନ୍‌ଗାନାତ୍।

ଏପିସିୟ 1:19

ଆସେଙ୍ଗ୍ ଖ୍ରୀଷ୍ଟତାକେ ପାର୍ତିକିନି ମାନାୟାର୍ କାଜିଙ୍ଗ୍ ଈଶ୍ୱର ଇଡ଼୍‌ତି ଗାଜା ଆରେ ବେସି ଶାକ୍ତି ବିଷୟରେ ଏପେଙ୍ଗ୍ ପୁନାଟ୍ ଇଞ୍ଜି ଆନେଙ୍ଗ୍ ପାର୍ତାନା କିନାଙ୍ଗା।

ଏପିସିୟ 3:7

ଈଶ୍ୱର ଗାଜା ଶାକ୍ତି ଆରେ ଦୟାନି ଦାନ୍ କାଜିଙ୍ଗ୍, ହାର୍ଦିକାବୁର୍ ଶୁଣାୟ୍ କିଜି ହେୱାନିଙ୍ଗ୍ ହେବା କିଦେଙ୍ଗ୍ ଆନେଙ୍ଗ୍ ସୁଯଗ୍ ପାୟାଆତାଙ୍ଗ୍।

କଲସିୟ 1:29

ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ବେସି କଷ୍ଟ କିନାଙ୍ଗା। ଲାଗିଙ୍ଗ୍ ଖ୍ରୀଷ୍ଟ ନାଙ୍ଗେଙ୍ଗ୍ କାମାୟ୍ କିଦେଙ୍ଗ୍ ଶାକ୍ତି ହିତ୍‌ତାନ୍‌ନା, ଆରେ ହେ ବେସି ଶାକ୍ତି ସାଇଜତାଙ୍ଗ୍ ଆନେଙ୍ଗ୍ ହାର୍ଦିକାବୁର୍ ଶୁଣାୟ୍ କିନାଙ୍ଗା।

୧ ତିମତି 1:14

ମା ମାପୃ ନାଙ୍ଗେଙ୍ଗ୍ ବେସି ଦୟା କିତ୍‌ତାନ୍‌ନା, ଆନେଙ୍ଗ୍ ଯୀଶୁ ଖ୍ରୀଷ୍ଟତାକେ ମାହାଆଜି ମାନି କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ବିସ୍‌ବାସ୍ ଆରେ ଲାଡ୍ ହିତ୍‌ତାନ୍‌ନା।

ଏବ୍ରି 11:19

ଇନେସ୍‌କି ଅବ୍ରାହାମତିଙ୍ଗ୍ ପାର୍ତି ମାଚାତ୍ ଯେ ଇସାକ ହାଃତିସ୍ ପା ଈଶ୍ୱର ହେୱାନିଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିଜି ନିକ୍‌ନି ଶାକ୍ତି ମାନାତ୍। ହେଲେକେ ଅବ୍ରାହାମ ତା ମାଜିଙ୍ଗ୍ ହାଃନିତାଙ୍ଗ୍ ଜିବୁନ୍‌ ପାୟାଆତାନ୍‌।

ଏବ୍ରି 7:25

ଲାଗିଙ୍ଗ୍ ଯୀଶୁତାଙ୍ଗ୍ ଇମ୍‌ଣାକାର୍ ଈଶ୍ୱର ଲାଗାୟ୍ ୱାନାର୍, ହେୱାନ୍ ହେୱାରିଙ୍ଗ୍ ୱିଜୁଦିନ୍ କାଜିଙ୍ଗ୍ ଉଦାର୍ କିଦେଙ୍ଗ୍ ଆଡ୍‌ନାନ୍। ଇନେସ୍‌କି ଈଶ୍ୱର ଲାଗାୟ୍ ହେୱାର୍ ନିପଣ୍ ଆଜି ଗୁୱାରି କିନି କାଜିଙ୍ଗ୍ ହେୱାନ୍ ୱିଜୁଦିନ୍ କାଜିଙ୍ଗ୍ ଜିବୁନ୍ ମାନାନ୍।

ଜାକ୍‌ବ 4:12

ଈଶ୍ୱର ନେ ରକାନ୍ ନିୟମ୍ ହିଦ୍ନାକାନ୍ ଆରେ ବିଚାର୍ କିନାକାନ୍। ହେୱାନ୍ ନେ ରକ୍ଷା କିଦେଙ୍ଗ୍ ଆରେ ବୁଡାଇ କିଦେଙ୍ଗ୍ ଆଡ୍‌ନାନ୍। ଲାଗିଙ୍ଗ୍ ଏନେଙ୍ଗ୍ ଇନେର୍ ଯେ ନି ଟଣ୍ଡେନିଙ୍ଗ୍ ବିଚାର୍ କିନାୟା?

୨ ପିତର 1:11

ଆରେ ମା ମାପୃ ଆରେ ଉଦାର୍ କିଦ୍‌ନାକାନ୍ ଯୀଶୁ ଖ୍ରୀଷ୍ଟ ଇମ୍‌ଣି ରାଜିତାକେ ୱିଜ୍‌ୱିଦିନ୍ ପାତେକ୍ ରାଜା ଲେକେ ସାସନ୍ କିନାନ୍, ହେ ରାଜିତିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ହାର୍‌ଦାଙ୍ଗ୍ ଆସ୍ତାନାନ୍।

ଜିହୁଦା 1:24

ଈଶ୍ୱର ନେ ମିଙ୍ଗେଙ୍ଗ୍ ଉଜ୍‌ଦି ଗୁର୍‌ନିତାଙ୍ଗ୍‌ ଉଦାର୍ କିଦ୍‌ଦେଙ୍ଗ୍ ଆଡ୍‌ନାନ୍। ଆରେ ତା ଗୌରବନି ମୁମ୍‌ଦ ନିଲି କିଦ୍‌ଦେଙ୍ଗ୍ ଏଚେପାଦ୍ନା ହେୱାନ୍ ମିଙ୍ଗେଙ୍ଗ୍ ତାସିୱାଦ୍‌ନାନ୍, ହେପାଦ୍ନା ହେୱାନ୍ ମିଙ୍ଗେଙ୍ଗ୍ ପାପ୍‌ନି ଦସ୍ ହିଲ୍‌ୱି ମାନାୟ୍ ଲେକେ ଆରେ ୱାରି ହିଦ୍‌ଦେଙ୍ଗ୍ ଆଡ଼୍‌ଦାନାନ୍। ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ଉଦାର୍ କିତ୍‌ତାନ୍‌ନା। ଉବ୍‌ଜାଣ୍ ଆତି ଆରମ୍‌ତାଙ୍ଗ୍ ଗୌରବ, ଜୟ୍-ଜୟ୍ କିନାକା, ଶାକ୍ତି ଆରେ ଆଦିକାର୍ ହେୱାନ୍‌ତି, ଆରେ ନଙ୍ଗୟ୍ ପା ହେୱାନ୍‌ତି, ଆରେ ୱିଜ୍‌ୱିଦିନ୍ କାଜିଙ୍ଗ୍ ହେୱାନ୍‌ତି ମାନ୍‌ଗାନାତ୍। ଆମେନ୍।