ଏପିସିୟ 3:2 - New Testament in Pengo Parja Language

² ମିଙ୍ଗେଙ୍ଗ୍ ସାଇଜ କିଦେଙ୍ଗ୍ ଈଶ୍ୱର ତା ଦୟାତାଙ୍ଗ୍ ନାଙ୍ଗେଙ୍ଗ୍ ଦାୟିତ୍‌ପ ହିତ୍‌ତାନ୍‌ନା, ଇଦାଙ୍ଗ୍ ଏପେଙ୍ଗ୍ ତ ୱେନ୍‌ଞ୍ଜି ମାନ୍‌ଗାନାଦେର୍।

ସତ୍‌ ବଚନ୍‌ ପୁନି ନିୟମ୍‌

² ମି ହାର୍‌ କାଜିଂ ଇସ୍ୱର୍‌ ତା ଦୟାତ ନାଙ୍ଗ୍‌ ଇନେର୍‌ ଇ କାମାୟ୍‌ କିଦେଙ୍ଗ୍‌ ହିତ୍‌ତାର୍ଣ୍ଣା, ଇଦାଂ ହାତେନେ ୱେଚାଦେର୍ଣ୍ଣା ।

ଏପିସିୟ 3:2 Iomraidhean Croise

ପକ୍ୟାତାକା 13:2

ହେୱାର୍ ଉପାସ୍ କିଜି ମାପୃତିଙ୍ଗ୍ ପୁଜାକିଜି ମାଚାର୍। ହେପାଦ୍ନା ପବିତ୍ର ଆତ୍ମା ହେୱାରିଙ୍ଗ୍ ୱେଚ୍‌ଚାତ୍, “ଇମ୍‌ଣି କାମାୟ୍ କାଜିଙ୍ଗ୍ ଆପେଙ୍ଗ୍ ବର୍ଣ୍ଣବାଙ୍ଗ୍ ଆରେ ଶାଉଲତିଙ୍ଗ୍ କୁକ୍‌ତାପ୍‌ନା, ହେଦାଙ୍ଗ୍ କାଜିଙ୍ଗ୍ ହେୱାରିଙ୍ଗ୍ ଜେକ କିୟାଟ୍।”

ପକ୍ୟାତାକା 13:46

ପାଉଲ ଆରେ ବର୍ଣ୍ଣବା ହେୱାରିଙ୍ଗ୍ ସାହାସ୍‌ଆଜି ୱେଚ୍‌ଚାର୍, “ପାର୍ତୁମ୍ ମିଙ୍ଗେଙ୍ଗ୍ ଈଶ୍ୱର କାତା ୱେଚ୍‌ନାକା ମାଚାତ୍। ମାତର୍ ଏପେଙ୍ଗ୍ ହେଦାଙ୍ଗ୍‌ତିଙ୍ଗ୍ ମାନି କିଉଦେରା, ଆରେ ଏପେଙ୍ଗ୍ ୱିଜ୍‌ୱି ଜିବୁନ୍ ପାୟା ଆଦେଙ୍ଗ୍ ଇଚା କିଉଦେରା। ଲାଗିଙ୍ଗ୍ ଆପେଙ୍ଗ୍ ବିନ୍‌ଜାତିର୍‌ତାକେ ହାନାପା।

ପକ୍ୟାତାକା 22:21

ଲାଗିଙ୍ଗ୍ ମାପୃ ନାଙ୍ଗେଙ୍ଗ୍ ୱେଚ୍‌ଚାତାନ୍, ‘ହାଲା, ଇନେସ୍ ଆନେଙ୍ଗ୍ ନିଙ୍ଗେଙ୍ଗ୍ ନା ସାକି ଆନି କାଜିଙ୍ଗ୍ ବିନ୍‌ଜାତିର୍‌ତାକେ ଦେହା ପକ୍ତାନାଙ୍ଗା।’”

ପକ୍ୟାତାକା 9:15

ମାତର୍ ମାପୃ ୱେଚ୍‌ଚାନ୍, “ଏନେଙ୍ଗ୍ ହାଲା। ଇନେସ୍‌କି ଆନେଙ୍ଗ୍ ହେୱାନିଙ୍ଗ୍ ନା ହେବା କିଦେଙ୍ଗ୍ ବାଚି କିତ୍‌ତାଙ୍ଗ୍‌ନା। ହେୱାନ୍ ବିନ୍‌ଜାତିନି ମାନାୟାର୍ ମୁମ୍‌ଦ, ରାଜାର୍ ମୁମ୍‌ଦ, ଆରେ ଇସ୍ରାଏଲ ଜାତିର୍ ମୁମ୍‌ଦ, ନା ବିଷୟରେ ଶୁଣାୟ୍ କିନାନ୍।

ରୋମିୟ 1:5

ଆନେଙ୍ଗ୍ ଖ୍ରୀଷ୍ଟ ଯୀଶୁଙ୍ଗ୍ ପାୟାଆତିଲେ ଈଶ୍ୱର ନାଙ୍ଗେଙ୍ଗ୍ ଦୟାକିତ୍‌ତାନ୍, ଆରେ ଈଶ୍ୱର ଇମ୍‌ଣାକା ୱିଜୁ ବିନ୍‌ଜାତିନି ମାନାୟାର୍ କାଜିଙ୍ଗ୍ କିତାନ୍‌ନା। ହେଦାଙ୍ଗ୍ ୱେଚ୍‌ନି କାଜିଙ୍ଗ୍ ଈଶ୍ୱର ନାଙ୍ଗେଙ୍ଗ୍ ଦୟାକିଜି ବାଚିକିତି ଚେଲାନି ଅଦିକାର୍ ହିତ୍‌ତାନ୍, ଲାଗିଙ୍ଗ୍ ହେୱାର୍ ପାର୍ତିକିନାର୍ ଆରେ ତା କାତା ୱିଜୁ ମାନିକିନାର୍, ଆରେ ପା ହେୱାନିଙ୍ଗ୍ ଗୌରବ କିନାର୍।

ରୋମିୟ 11:13

ଆନେଙ୍ଗ୍ ବିନ୍‌ଜାତିନି ମାନାୟାର୍ କାଜିଙ୍ଗ୍ ୱେଚ୍‌ଚାନାଙ୍ଗା ଯେ, ଈଶ୍ୱର ନାଙ୍ଗେଙ୍ଗ୍ ବିନ୍‌ଜାତିନି ମାନାୟାର୍ କାଜିଙ୍ଗ୍ ତା ବାଚିକିତି ଚେଲା କିଜି ପକ୍ତାତାନ୍‌ନା, ଲାଗିଙ୍ଗ୍ ଆନେଙ୍ଗ୍ ଇ କାମାୟ୍‌ତିଙ୍ଗ୍ ହାର୍ କିଜି କିନାଙ୍ଗା। ଇନେସ୍‌କି ଆନେଙ୍ଗ୍ ଇ କାମାୟ୍‌ତିଙ୍ଗ୍ ବେସି ଗାଜା କାମାୟ୍ ଇଞ୍ଜି ବାବିକିନାଙ୍ଗା।

ରୋମିୟ 12:3

ଈଶ୍ୱର ନାଙ୍ଗେଙ୍ଗ୍ ଦୟାକିଜି ରକାଙ୍ଗ୍ ତା ଡାଣ୍ଡାସି କିଜି ବାଚି କିତାନ୍‌ନା, ଲାଗିଙ୍ଗ୍ ଆନେଙ୍ଗ୍ ୱିଜାକାରିଙ୍ଗ୍ ଜାଗ୍ରତ୍ କିକିନାଙ୍ଗା ଯେ, ଏପେଙ୍ଗ୍ ଗାଜାକାପ୍ ଇଞ୍ଜି ଚଞ୍ଜିଆ ଆମାଟ୍। ମାତର୍ ଈଶ୍ୱର ମିଙ୍ଗେଙ୍ଗ୍ ଏଚେକ୍ ପାର୍ତି କିଦେଙ୍ଗ୍ ହିତ୍‌ତାନ୍‌ନା ଏପେଙ୍ଗ୍ ହେଏଚେକ୍ ତାଙ୍ଗେଙ୍ଗ୍ ପାର୍ତିକିୟାଟ୍। ଇ ବିଷୟତିଙ୍ଗ୍ ମାନ୍ତ ଇଡ଼୍‌ଜି ମାନାଟ୍।

୧ କରନ୍ତିୟ 4:1

ଲାଗିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ଆରେ ଆପୋଲତିଙ୍ଗ୍ ଖ୍ରୀଷ୍ଟନି ଦାସ୍ ଇଞ୍ଜି ବାବିକିନି ଦର୍‌କାର୍, ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ହାର୍ଦିକାବୁର୍ ଡ଼ୁକ୍‌ତି ସତ୍ ବିଷୟତିଙ୍ଗ୍ ବୁଜାୟ୍ କିନି କାମାୟ୍ ହିତ୍‌ତାନ୍‌ନା।

ଗାଲାତିୟ 1:13

ଆନେଙ୍ଗ୍ ଯିହୁଦି ଦରମ୍‌ତାକେ ଆଗେ ମାନିହିଙ୍ଗ୍ ନା ଚାଲିଚଲନ୍ ବିଷୟରେ ଏପେଙ୍ଗ୍ ତ ୱେଚାଦେର୍‌ନା: ଆନେଙ୍ଗ୍ ଈଶ୍ୱର ମଣ୍ଡ୍‌ଲିତିଙ୍ଗ୍ ବେସି ଦୁକ୍‌କଷ୍ଟ ହିଜି ମାଚାଙ୍ଗ୍ ଆରେ ହେଦାଙ୍ଗ୍ ନଷ୍ଟ କିଦେଙ୍ଗ୍ ଇଚା କିଜି ମାଚାଙ୍ଗ୍।

ଏପିସିୟ 1:10

ଈଶ୍ୱର ଜଜ୍‌ନା କିତି ଟିକ୍ ସମୟ୍ ୱାତିସ୍, ସରଗ୍‌ତାକେ ଆରେ ପୁର୍ତିତାକେ ମାନି ୱିଜୁ ବିଷୟ ଖ୍ରୀଷ୍ଟ ତାରେନ୍ ଇଟ୍‌ନି କାଜିଙ୍ଗ୍ ଈଶ୍ୱର ଇଚା କିଜି ମାଚାନ୍।

ଏପିସିୟ 3:7

ଈଶ୍ୱର ଗାଜା ଶାକ୍ତି ଆରେ ଦୟାନି ଦାନ୍ କାଜିଙ୍ଗ୍, ହାର୍ଦିକାବୁର୍ ଶୁଣାୟ୍ କିଜି ହେୱାନିଙ୍ଗ୍ ହେବା କିଦେଙ୍ଗ୍ ଆନେଙ୍ଗ୍ ସୁଯଗ୍ ପାୟାଆତାଙ୍ଗ୍।

ଏପିସିୟ 3:8

ଈଶ୍ୱର ୱିଜୁ ମାନାୟାର୍ ବିତ୍ରେ ଆନେଙ୍ଗ୍ ରକାଙ୍ଗ୍ ହିରୁକାଙ୍ଗ୍। ମାତର୍ ବିନ୍‌ଜାତିନି ମାନାୟାରିଙ୍ଗ୍ ଖ୍ରୀଷ୍ଟତାକେ ମାନି ୱିଜ୍‌ୱି ହେବାକିନି ବାବ୍‌ନାତାଙ୍ଗ୍ ଆଦିକ୍ ଆଶ୍ରିବାଦ୍‌ନି ହାର୍ଦିକାବୁର୍ ଆନେଙ୍ଗ୍ ୱେଚ୍‌ଚେଙ୍ଗ୍ ଆଡ୍‌ନାଙ୍ଗ୍।

ଏପିସିୟ 3:9

ୱିଜୁ ବିଷୟତିଙ୍ଗ୍ ରସ୍ତାକାନ୍ ଈଶ୍ୱର ମାବେତାଙ୍ଗ୍ ଇନାକା ଡ଼ୁକ୍‌ଚି ଇଡ଼୍‌ଜି ମାଚାନ୍। ହେ ଡ଼ୁକ୍‌ତି ଜଜ୍‌ନାତିଙ୍ଗ୍ ଆନେଙ୍ଗ୍ ଇନେସ୍ ୱିଜାକାରିଙ୍ଗ୍ ବୁଜାଇକିଜି ୱେଚ୍‌ଚେଙ୍ଗ୍ ଆଡ୍‌ନାଙ୍ଗ୍, ଇଦାଙ୍ଗ୍ କାଜିଙ୍ଗ୍ ଈଶ୍ୱର ନାଙ୍ଗେଙ୍ଗ୍ ଦୟାକିଜି ଇ ସୁଯଗ୍ ହିତ୍‌ତାନ୍‌ନା।

ଏପିସିୟ 4:21

ଲାଗିଙ୍ଗ୍ ଆନେଙ୍ଗ୍ ପାର୍ତି କିନାଙ୍ଗା ଯେ ଏପେଙ୍ଗ୍ ଯୀଶୁ ଖ୍ରୀଷ୍ଟ ବିଷୟରେ ହିକାଆନିହିଙ୍ଗ୍, ଏପେଙ୍ଗ୍ ହେୱାନ୍‌ତାଙ୍ଗ୍ ସତ୍ ହିକ୍ଷା ହିକା ଆତାଦେର୍‌ନା।

ଏପିସିୟ 4:7

ମାତର୍ ଖ୍ରୀଷ୍ଟ ତା କାମାୟ୍ କିଦେଙ୍ଗ୍ ମା ୱିଜାକାରିଙ୍ଗ୍ ଦୟା ହୁଦାଙ୍ଗ୍ ବିନ୍-ବିନ୍ ବର୍‌ଦାନ୍ ହିତ୍‌ତାନ୍‌ନା।

କଲସିୟ 1:4

ଆପେଙ୍ଗ୍ ୱେଚାପ୍ ଯେ, ଏପେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ଆହା କିନାଦେରା ଆରେ ଈଶ୍ୱର ମାନାୟାରିଙ୍ଗ୍ ଲାଡ୍ କିନାଦେରା।

କଲସିୟ 1:6

ଇ ହାର୍ଦିକାବୁର୍ ପୁର୍ତିନି ଚାରିବେଣ୍‌ତି ମାନାୟାର୍ ୱେଚାର୍ ଆରେ ବେସିହେନି ପାର୍ତିକିନାରା। ଏପେଙ୍ଗ୍ ଇନେସ୍ ପାର୍ତୁମ୍ ହାର୍ଦିକାବୁର୍ ୱେନ୍‌ଞ୍ଜି ଆରେ ଈଶ୍ୱରତି ମହାନ୍ ଦୟା ବିଷୟନି ସତ୍ ବିଷୟତିଙ୍ଗ୍ ପୁନ୍‌ଞ୍ଜି ଇନେସ୍ ମି ଜିବୁନ୍ ବାଦ୍‌ଲା ଆତାତ୍‌ନା, ହେଲେକେ ୱିଜୁ ବାହାନି ମାନାୟାରିଙ୍ଗ୍ ଜିବୁନ୍ ବାଦ୍‌ଲାୟ୍ କିନାତା।

୧ ତିମତି 1:11

ଇ ହିକ୍ଷା ଆଶ୍ରିବାଦ୍ ହିଦ୍‌ନି ଈଶ୍ୱରତାଙ୍ଗ୍ ଆରେ ଗୌରବନି ହାର୍ଦିକାବୁର୍‌ତାଙ୍ଗ୍‌ ଆନାତ୍। ହେ ହାର୍ଦିକାବୁର୍ ଜେକନିକାରିଙ୍ଗ୍ ୱେଚ୍‌ଚେଙ୍ଗ୍ ଈଶ୍ୱର ନାଙ୍ଗେଙ୍ଗ୍ ହିତ୍‌ତାନ୍‌ନା।

୧ ତିମତି 1:4

କାତା ଆରେ ଇନାୱେଡ଼ାଙ୍ଗ୍ ୱିଜ୍‌ୱି ଆକଦାଦିନି ଗଷ୍ଟିନି କାତାତାକେ ଦିୟାନ୍ ହିୱେଦେଙ୍ଗ୍ ହେୱାରିଙ୍ଗ୍ ଆଦେସ୍ ହିୟା। ଇନେସ୍‌କି ଇ ଲେକେ କାତାତିଙ୍ଗ୍ ମାନାୟାର୍ ଜୁକ୍ତି କିବା ଆନାର୍, ଆରେ ଈଶ୍ୱର ଇଚାକିତି କାମାୟ୍‌ତିଙ୍ଗ୍ ହେୱାର୍ କିଦେଙ୍ଗ୍ ଆଡୁର୍। ମାତର୍ ପାର୍ତିକିନି ମାନାୟାର୍ ଇ କାମାୟ୍ କିଦେଙ୍ଗ୍ ଆଡ୍‌ନାର୍।

୧ ତିମତି 2:7

ଇଦାଙ୍ଗ୍‌ କାଜିଙ୍ଗ୍ ଈଶ୍ୱର ନାଙ୍ଗେଙ୍ଗ୍ ରକାନ୍ ଶୁଣାୟ୍ କିନାକାନ୍, ରକାନ୍ ବାଚିକିତି ଚେଲା, ସତ୍ ଆରେ ପାର୍ତିକିନି ବିଷୟରେ ବିନ୍‌ଜାତିନି ମାନାୟାରିଙ୍ଗ୍ ହିକାଇ କିନି କାଜିଙ୍ଗ୍ ର ମାଷ୍ଟେର୍ ଲେକେ ନାଙ୍ଗେଙ୍ଗ୍ ବାଚି କିତ୍‌ତାନ୍‌ନା। ଆନେଙ୍ଗ୍ ଇଦାଙ୍ଗ୍ ମିଚ୍ ଆକାୟ୍ ସତ୍ ୱେଚ୍‌ଚାନାଙ୍ଗା।

୨ ତିମଥି 1:11

ହେ ହାର୍ଦିକାବୁର୍ କାଜିଙ୍ଗ୍, ଈଶ୍ୱର ନାଙ୍ଗେଙ୍ଗ୍ ରକାନ୍ ଶୁଣାୟ୍ କିନାକାନ୍, ବାଚିକିତି ଚେଲା ଆରେ ମାଷ୍ଟେର୍ ଲେକେ ବାଚି କିତ୍‌ତାନ୍‌ନା।