ଏପିସିୟ 2:8 - New Testament in Pengo Parja Language

⁸ ଲାଗିଙ୍ଗ୍ ପାର୍ତିକିନି କାଜିଙ୍ଗ୍ ଈଶ୍ୱର ତା ଦୟାତାଙ୍ଗ୍ ମିଙ୍ଗେଙ୍ଗ୍ ଉଦାର୍ କିତ୍‌ତାନ୍‌ନା। ଏପେଙ୍ଗ୍ ନିଜେ ଜାର୍‌ତିଙ୍ଗ୍ ରକ୍ଷା କିମାଟ୍, ମାତର୍ ଇଦାଙ୍ଗ୍ ଈଶ୍ୱର ଦାନ୍ କିତ୍‌ତାକା।

ସତ୍‌ ବଚନ୍‌ ପୁନି ନିୟମ୍‌

⁸ ଇନାକିଦେଂକି ଉପ୍‌କାର୍‌ତ ପାର୍ତି ହୁକେ ଏପେଙ୍ଗ୍‌ ମୁକ୍ତି ଆତାଦେର୍ଣ୍ଣା; ହେଦାଂ ମିତାଂ ଆୱାତାତ୍‌ନା, ହେଦାଂ ଇସ୍ୱର୍ତି ଦାନ୍‌ ଆନାତ୍‌,

ଏପିସିୟ 2:8 Iomraidhean Croise

ମାତିଉ 16:17

ହେବେତାଙ୍ଗ୍ ଯୀଶୁ ଶିମୋନ ପିତରତିଙ୍ଗ୍ ୱେଚ୍‌ଚାନ୍, “ଏ ଯୁନସ୍‌ ମେହି ଶିମୋନ, ଏନେଙ୍ଗ୍ ଦନ୍ୟ, ଇନେସ୍‌କି ମାନାୟ୍‌ନି କଚଣ୍‌ତ ଇ କାତା ୱେଚ୍‌ୱାତାର୍‌ନା। ମାତର୍ ନା ସରଗ୍‌ନି ଆବା ଇ କାତା ୱେଚ୍‌ଚାତାନ୍‌ନା।

ମାତିଉ 20:9

ଆରେ ଇମ୍‌ଣାକାର୍ ୱିଜାରିଙ୍ଗ୍ ଆଗେ କାମାୟ୍ କିତାର୍‌ନା ହେୱାର୍ ହାଜ୍ରି ହାରିହାରା ପାଚେ ହିୟାଟ୍। ମିକାହାରେସ୍ ପାଞ୍ଚ୍‌ଟାୱେଡ଼ାଙ୍ଗ୍ ଇମ୍‌ଣାକାର୍ କାମାୟ୍ କିଜି ମାଚାର୍ ହେ ୱିଜାର୍‌ ରଞ୍ଜି ଲାକା ରୁପାଡାବୁ ପାୟାଆତାର୍।

ମାର୍କ 16:16

ଇନେର୍ ନା ହାର୍ଦିକାବୁର୍‌ତିଙ୍ଗ୍ ପାର୍ତିକିନାର୍ ଆରେ ଡୁବନ୍ ଆନାର୍। ହେୱାନ୍ ରକ୍ଷା ପାୟା ଆନାନ୍, ମାତର୍ ଇନେର୍ ପାର୍ତି କିଉନ୍, ହେୱାନିଙ୍ଗ୍ ଈଶ୍ୱର ଦଣ୍ଡ୍ ହିନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:50

ଯୀଶୁ ହେ କଗ୍‌ଲେଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ପାର୍ତି କିତିଲେଙ୍ଗ୍ ନି ପାପ୍‌ତାଙ୍ଗ୍ ଉଦାର୍ ପାୟାଆତାୟ୍‌ନା। ଶାନ୍ତିତାଙ୍ଗ୍ ହାଲା।”

ଜହନ୍‌ 3:36

ଇନେର୍ ମେହିଙ୍ଗ୍ ପାର୍ତିକିନି ମାନାୟ୍ ୱିଜ୍‌ୱି ଜିବୁନ୍ ପାୟା ଆନାନ୍। ମାତର୍ ମେହିଙ୍ଗ୍ ପାର୍ତି କିୱିତି ମାନାୟ୍ ଇନାୱେଡ଼ାଙ୍ଗ୍ ପା ୱିଜ୍‌ୱି ଜିବୁନ୍ ପାୟା ଆଦେଙ୍ଗ୍ ଆଡୁନ୍। ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।”

ଜହନ୍‌ 4:10

ଯୀଶୁ ହେଦେଲିଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ଈଶ୍ୱର ହିତି ଜିନିଷ୍ ବିଷୟରେ ପୁନ୍‌ୱାତାଇନା। ନିଙ୍ଗେଙ୍ଗ୍ ଏଜୁଙ୍ଗ୍ ଏନ୍ତିନି ମାନାୟ୍‌ତିଙ୍ଗ୍ ଏନେଙ୍ଗ୍ ପୁନୁୟେ। ଏନେଙ୍ଗ୍ ଯଦି ଇ ୱିଜୁବେଣ୍ ପୁଚାଇମା, ଲାଗିଙ୍ଗ୍ ଏନେଙ୍ଗ୍ ନାଙ୍ଗେଙ୍ଗ୍ ଏନ୍ତାତାଇମା। ଆରେ ଆନେଙ୍ଗ୍ ନିଙ୍ଗେଙ୍ଗ୍ ଜିବୁନ୍ ଏଜୁଙ୍ଗ୍ ହିତ୍‌ତାଙ୍ଗ୍‌ମା।”

ଜହନ୍‌ 5:24

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ଇମ୍‌ଣାକାନ୍ ନା ୱେଚ୍‌ଚି ବେଣ୍‌ତିଙ୍ଗ୍ ୱେନାନ୍, ଆରେ ନାଙ୍ଗେଙ୍ଗ୍ ପକ୍ତାତାକାନିଙ୍ଗ୍ ପାର୍ତିକିନାର୍, ଲାଗିଙ୍ଗ୍ ହେୱାନ୍ ୱିଜ୍‌ୱି ଜିବୁନ୍ ପାୟା ଆନାନ୍। ଆରେ ହେୱାନ୍ ଦସି ଇଞ୍ଜି ବିଚାର୍ କିୟା ଆୱାଦାଙ୍ଗ୍ ହାଃନିତାଙ୍ଗ୍ ଜିତାଆଜି ଜିବୁନ୍‌ ମାନ୍‌ଗାନାନ୍।

ଜହନ୍‌ 6:35

ତାପାଚେ ଯୀଶୁ ୱେଚ୍‌ଚାନ୍, ଆନେଙ୍ଗ୍ ନିଜେ ଜିବୁନ୍‌ହିନି କାଦି। ନା ଲାଗାୟ୍ ଇନେର୍ ୱାନାର୍, ହେୱାନ୍ ଇନାୱେଡ଼ାଙ୍ଗ୍ ପା ନାସ୍‌କି ଆଉନ୍। ଆରେ ନାଙ୍ଗେଙ୍ଗ୍ ଇନେର୍ ପାର୍ତି କିଦ୍‌ନାର୍, ହେୱାନ୍ ଇନାୱେଡ଼ାଙ୍ଗ୍ ପା ଏସ୍‌କି ଆଉନ୍।

ଜହନ୍‌ 6:37

ନା ଆବା ଈଶ୍ୱର ନାଙ୍ଗେଙ୍ଗ୍ ଇମ୍‌ଣାକା ହିତ୍‌ତାନ୍‌ନା, ହେୱାର୍ ନା ଲାଗାୟ୍ ୱାନାର୍। ଆରେ ଆନେଙ୍ଗ୍ ହେୱାରିଙ୍ଗ୍ ଇନାୱେଡ଼ାଙ୍ଗ୍ ପା ହପୁଙ୍ଗ୍‌।

ଜହନ୍‌ 6:40

ୱିଜାକାର୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତିଙ୍ଗ୍ ହୁଡ଼୍‌ନାର୍, ଆରେ ହେୱାନ୍‌ତାକେ ପାର୍ତିକିନାର୍। ଆରେ ହେୱାର୍ ଇନେସ୍‌କି ୱିଜ୍‌ୱି ଜିବୁନ୍ ପାୟାଆନାର୍‌। ଆନେଙ୍ଗ୍ ହେୱାନିଙ୍ଗ୍ ସେସ୍‌ଦିନ୍‌ତ ଆରେରଗ ଜିବୁନ୍ କିନାଙ୍ଗ୍। ଇଦାଙ୍ଗ୍ ନେ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱରତି ଇଚା।”

ଜହନ୍‌ 6:44

ନା ଆବା ଈଶ୍ୱର ଇନେରିଙ୍ଗ୍ ନା ଲାଗାୟ୍ ପକ୍ତାନାନ୍। ହେୱାନ୍‌ନେ ନା ଲାଗାୟ୍ ୱାନାନ୍। ଆରେ ଆନେଙ୍ଗ୍ ହେୱାରିଙ୍ଗ୍ ସେସ୍‌ଦିନ୍‌ତ ଆରେରଗ ଜିବୁନ୍ କିନାଙ୍ଗ୍।

ଜହନ୍‌ 6:65

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଆଗେ ମିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାଙ୍ଗ୍, ‘ନା ଆବା ଈଶ୍ୱର ଯଦି ଇନେରିଙ୍ଗ୍ ନା ଲାଗାୟ୍ ୱାଦେଙ୍ଗ୍ ସାଇଜ କିୱିତିସ୍, ହେୱାନ୍ ନା ଲାଗାୟ୍ ୱାଦେଙ୍ଗ୍ ଆଡୁନ୍।’ ”

ପକ୍ୟାତାକା 13:39

ଆରେ ମୋଶା ଲେକିକିତି ନିୟମ୍‌ ସାସ୍ତର୍‌ତିଙ୍ଗ୍ ମାନିକିଜି ଏପେଙ୍ଗ୍ ଦରମ୍ ମାନାୟ୍ ଆଦେଙ୍ଗ୍ ଆଡ୍‌ୱାତାଦେର୍। ମାତର୍ ଯୀଶୁତାକେ ପାର୍ତି କିତିସ୍ ମିଙ୍ଗେଙ୍ଗ୍ ଈଶ୍ୱର ଦରମ୍ ମାନାୟ୍ ଇଞ୍ଜି ଗାଣା କିଦ୍‌ନାନା।

ପକ୍ୟାତାକା 14:27

ହେୱାର୍ ହେ ସହର୍‌ତାକେ ଇକାତାର୍, ଆରେ ମଣ୍ଡ୍‌ଲିନି ମାନାୟାରିଙ୍ଗ୍ ରବେ କୁକ୍‌ତାର୍‌। ହେୱାର୍ ଈଶ୍ୱର ସାଇଜତାଙ୍ଗ୍ ଇନା-ଇନା କାମାୟ୍ କିତାର୍, ଆରେ ଈଶ୍ୱର ବିନ୍‌ଜାତିନି ମାନାୟାରିଙ୍ଗ୍ ଯୀଶୁତାକେ ପାର୍ତି କିଦେଙ୍ଗ୍ ସୁଯଗ୍ ହିତି ୱିଜୁ ବିଷୟ ହେୱାରିଙ୍ଗ୍ ୱେଚ୍‌ଚାର୍।

ପକ୍ୟାତାକା 15:11

ଲାଗିଙ୍ଗ୍ ଆସେଙ୍ଗ୍ ଏଲେଙ୍ଗ୍ କିନାକା ହାର୍ ଆକାୟ୍। ହେୱାର୍ ଇନେସ୍ ମାପୃ ଯୀଶୁ ଦୟାତାଙ୍ଗ୍ ରକ୍ଷା ପାୟାଆନାପ୍ ଇଞ୍ଜି ପାର୍ତି କିତାର୍, ଆପେଙ୍ଗ୍ ପା ହେଲେକେ ପାୟାଆତାପ୍‌ନା, ମଶା ଲେକିକିତି ସାସ୍ତର୍ ନିୟମ୍‌ତିଙ୍ଗ୍ ମାନିକିତିସ୍ ଆସେଙ୍ଗ୍ ରକ୍ଷା ପାୟାଆଉସ୍‌।”

ପକ୍ୟାତାକା 16:14

ଲୁଦିଆ ତର୍‌ଦି ବିନ୍‌ଜାତିନି କଗ୍‌ଲେ ମା କାତା ୱେନ୍‌ଞ୍ଜି ମାଚାତ୍। ହେଦେଲ୍ ଥୁୟତିରା ସହର୍ ନିକାଦେଲ୍ ମାଚାତ୍। ହେଦେଲ୍ ବେସି ଦାମ୍‌ନି ୱାଙ୍ଗା କଲର୍‌ନି ହେନ୍ଦ୍ରାଙ୍ଗ୍ ପନାକାଦେଲ୍ ମାଚାତ୍। ହେଦେଲ୍ ଈଶ୍ୱରତିଙ୍ଗ୍ ପୁଜାକିଜି ମାଚାତ୍, ହେଦେଲ୍ ଇନେସ୍ ପାଉଲ ୱେଚ୍‌ନି କାତାତିଙ୍ଗ୍ ବୁଜା ଆଦେଙ୍ଗ୍ ଆଡ୍‌ନାତ୍, ହେଦାଙ୍ଗ୍ କାଜିଙ୍ଗ୍ ମାପୃ ହେଦେଲିଙ୍ଗ୍ ବୁଜା ଆଦେଙ୍ଗ୍ ସାଇଜ କିତାନ୍।

ପକ୍ୟାତାକା 16:31

ହେୱାର୍ ୱେଚ୍‌ଚାର୍, “ମାପୃ ଯୀଶୁତାକେ ପାର୍ତି କିୟା। ଲାଗିଙ୍ଗ୍ ଏନେଙ୍ଗ୍ ଆରେ ୱିଜୁ ପରିବାର୍ ରକ୍ଷା ପାୟାଆନାଦେର୍।”

ରୋମିୟ 10:14

ଯଦି ହେୱାର୍ ଈଶ୍ୱରତିଙ୍ଗ୍ ପାର୍ତି କିଉର୍? ଲାଗିଙ୍ଗ୍ ତାଙ୍ଗେଙ୍ଗ୍ ପାର୍ତାନା କିଜି ଏନ୍‌ତେଙ୍ଗ୍‌ ଆଡୁର୍। ଇନେସ୍‌କି ହେୱାର୍ ତା ବିଷୟରେ ଇନାୱେଡ଼ାଙ୍ଗ୍ ପା ପୁନ୍‌ୱାତାର୍‌ନା। ଲାଗିଙ୍ଗ୍ ହେୱାର୍ ପାର୍ତି ପା କିଦେଙ୍ଗ୍ ଆଡୁର୍, ଆରେ ହେୱାରିଙ୍ଗ୍ ଇନେର୍ ଯଦି ତା ବିଷୟରେ ୱେଚୁର୍, ଲାଗିଙ୍ଗ୍ ହେୱାର୍ ଇନେସ୍‌କିଜି ୱେନାର୍?

ରୋମିୟ 10:17

ଇନେସ୍‌କି ହାର୍ଦିକାବୁର୍‌ତିଙ୍ଗ୍ ୱେଚିସ୍ ନେ ପାର୍ତି କିୟାଆନାତ୍, ଆରେ ଖ୍ରୀଷ୍ଟ ନେ ହେ ହାର୍ଦିକାବୁର୍।

ରୋମିୟ 4:16

ଲାଗିଙ୍ଗ୍ ମାନାୟାର୍ ପାର୍ତି କାଜିଙ୍ଗ୍ ଈଶ୍ୱର ପାର୍ମାଣ୍ କିତାନ୍। ଇ ପାର୍ମାଣ୍ ଈଶ୍ୱର ଦୟା କିତି କାଜିଙ୍ଗ୍ ଗାଟାଆତ୍‌ତାନା। ଇ ପାର୍ମାଣ୍ ଈଶ୍ୱର ନିୟମ୍‌ତିଙ୍ଗ୍ ପାୟାଆତି ଅବ୍ରାହାମ କୁଟୁମ୍‌ନି ମାନାୟାର୍ କାଜିଙ୍ଗ୍ ନେ ଆକାୟ୍। ମାତର୍ ଏଚେଜାଣ୍ ପାର୍ତିକିନାରା, ହେ ୱିଜୁ ଅବ୍ରାହାମନି କୁଟୁମ୍‌ନି ମାନାୟାର୍ ଆନାର୍, ଇନେସ୍‌କି ହେୱାର୍ ଈଶ୍ୱରତିଙ୍ଗ୍ ପାର୍ତିକିନାରା, ଇନେସ୍ ଅବ୍ରାହାମ ପାର୍ତି କିଜି ମାଚାନ୍, ଆରେ ଅବ୍ରାହାମ ମା ଆକଦାଦି ଆତାନ୍।

ରୋମିୟ 4:5

ମାତର୍ ମାନାୟାର୍ ତା କାମାୟ୍ କାଜିଙ୍ଗ୍ ଦରମ୍ ମାନାୟ୍ ଆୱାତାର୍‌ମା, ମାତର୍ ତା ପାର୍ତି କାଜିଙ୍ଗ୍ ଦରମ୍ ମାନାୟ୍ ଆତାର୍‌ନା।

ରୋମିୟ 9:16

ଲାଗିଙ୍ଗ୍, ଈଶ୍ୱର ଇନେରିଙ୍ଗ୍ ବାଚିକିନାନ୍ ତାଙ୍ଗେଙ୍ଗ୍ ହେୱାନ୍ ଦୟା କିନାନ୍, ଲାଗିଙ୍ଗ୍ ଆସେଙ୍ଗ୍ ଜାର୍ ଇଚାତାଙ୍ଗ୍ କି କଷ୍ଟ କାମାୟ୍ କିଜି ହେଦାଙ୍ଗ୍ ପାୟା ଆଉତ୍, ଇନେସ୍‌କି ଈଶ୍ୱର ଇନେରିଙ୍ଗ୍ ବାଚିକିନାନ୍ ତାଙ୍ଗେଙ୍ଗ୍ ନେ ହେୱାନ୍ ଦୟା କିନାନ୍।

ଗାଲାତିୟ 3:14

ଖ୍ରୀଷ୍ଟତି ଇ କାମାୟ୍ କାଜିଙ୍ଗ୍, ଈଶ୍ୱର ଅବ୍ରାହାମତିଙ୍ଗ୍ କିଜିମାଚି ମାର୍ମାଣ୍‌ନି ହାମାନ୍ ଆଶ୍ରିବାଦ୍ ବିନ୍‌ଜାତିନି ମାନାୟାରିଙ୍ଗ୍ ହିତାନ୍। ଖ୍ରୀଷ୍ଟତାକେ ପାର୍ତିକିନି କାଜିଙ୍ଗ୍ ଈଶ୍ୱର ପାର୍ମାଣ୍‌କିତି ପବିତ୍ର ଆତ୍ମାତିଙ୍ଗ୍ ମାଙ୍ଗେଙ୍ଗ୍ ହିତ୍‌ତାନ୍‌ନା।

ଗାଲାତିୟ 3:22

ମାତର୍ ଦରମ୍ ସାସ୍ତର୍ ୱେଚ୍‌ଚାନାତା ଯେ, ଆସେଙ୍ଗ୍ ୱିଜାକାସ୍ ପାପ୍ ଶାକ୍ତିତାଙ୍ଗ୍ ବନ୍ଦି ଆତାସ୍‌ନା। ଲାଗିଙ୍ଗ୍ ଆସେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ପାର୍ତିକିନି କାଜିଙ୍ଗ୍ ଈଶ୍ୱର କିଜିମାଚି ସ୍ୱାଦିନ୍‌ନି ପାର୍ମାଣ୍‌ତିଙ୍ଗ୍ ପାୟାଆତାସ୍।

ଏପିସିୟ 1:19

ଆସେଙ୍ଗ୍ ଖ୍ରୀଷ୍ଟତାକେ ପାର୍ତିକିନି ମାନାୟାର୍ କାଜିଙ୍ଗ୍ ଈଶ୍ୱର ଇଡ଼୍‌ତି ଗାଜା ଆରେ ବେସି ଶାକ୍ତି ବିଷୟରେ ଏପେଙ୍ଗ୍ ପୁନାଟ୍ ଇଞ୍ଜି ଆନେଙ୍ଗ୍ ପାର୍ତାନା କିନାଙ୍ଗା।

ଏପିସିୟ 2:10

ଇନେସ୍‌କି ଆସେଙ୍ଗ୍ ନଙ୍ଗୟ୍ ଇନେସାତାସ୍‌ନା ଇଦାଙ୍ଗ୍ ଈଶ୍ୱର ରସ୍ତାତାନ୍‌ନା। ହାର୍ଦି କାମାୟ୍ କିନି କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ଯୀଶୁ ଖ୍ରୀଷ୍ଟତାକେ ପୁନି ମାନାୟ୍ ଲେକେ ରସ୍ତାତାନ୍‌ନା। ଆରେ ଇ ଲେକେ ଜିବୁନ୍ କାଟିକିନି କାଜିଙ୍ଗ୍ ଈଶ୍ୱର ଆଗେତାଙ୍ଗ୍ ନେ ମା କାଜିଙ୍ଗ୍ ଜଜ୍‌ନା କିଜି ମାଚାନ୍।

ଏପିସିୟ 2:5

ଆସେଙ୍ଗ୍ ପାପ୍ କାମାୟ୍ କିଜି ହାଃତି ମାନାୟ୍ ଲେକେ ଆତିସ୍‌ପା। ଈଶ୍ୱର ଖ୍ରୀଷ୍ଟତିଙ୍ଗ୍ ହାଃତିତାଙ୍ଗ୍ ଜିବୁନ୍ କିଜି ନିକ୍‌ତି କାଜିଙ୍ଗ୍ ମାଙ୍ଗେଙ୍ଗ୍ ହେୱାନ୍ ଜିବୁନ୍ ହିତ୍‌ତାନ୍‌ନା। ଲାଗିଙ୍ଗ୍ ଈଶ୍ୱର ଦୟାତାଙ୍ଗ୍ ଏପେଙ୍ଗ୍ ରକ୍ଷା ପାୟା ଆତାଦେର୍‌ନା।

ପିଲିପିୟ 1:29

ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ଖ୍ରୀଷ୍ଟତାକେ ନେ ପାର୍ତି କିଦେଙ୍ଗ୍ ଦୟା ହିଦ୍‌ୱାତାନ୍‌ନା, ମାତର୍ ହେୱାନ୍ କାଜିଙ୍ଗ୍ ଦୁକ୍‌କଷ୍ଟ ସାମ୍ୱାଲି କିନି କାଜିଙ୍ଗ୍ ପା ମିଙ୍ଗେଙ୍ଗ୍ ଦୟା ହିତ୍‌ତାନ୍‌ନା।

କଲସିୟ 2:12

ଖ୍ରୀଷ୍ଟଙ୍ଗ୍ ଇନେସ୍ ମୁଚ୍‍ଚାର୍ ହେଲେକେ ନେ ମି ପାପ୍‌ନି ଗୁଣ୍ ପା ମୁନ୍‌ଞ୍ଚାତ୍, ଏଚେପାଦ୍ନା ଏପେଙ୍ଗ୍ ଡୁବନ୍ ଅତାଦେର୍। ଖ୍ରୀଷ୍ଟ ଇନେସ୍ ପୁନି ଜିବୁନ୍ ପାୟାଆଜି ନିଙ୍ଗ୍‌ତାନ୍ ହେଲେକେ ଏପେଙ୍ଗ୍ ପା ପୁନି ଗୁଣ୍ ପାୟାଆଜି ନିଙ୍ଗ୍‌ତାଦେର୍‌ନା। ଇନେସ୍‌କି ଏପେଙ୍ଗ୍ ପାର୍ତି କିନାଦେରା ଯେ, ଈଶ୍ୱର ତା ଶାକ୍ତିତାଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିତାନ୍‌ନା।

୨ ଥେସଲନୀକିୟ 1:9

ହେୱାର୍ ମାପୃ ଯୀଶୁତାଙ୍ଗ୍, ଆରେ ତା ଗୌରବ ଶାକ୍ତିତାଙ୍ଗ୍ ୱିଜୁଦିନ୍ କାଜିଙ୍ଗ୍ ଅଲ୍‌ଗା ଆନାର୍, ଈଶ୍ୱର ହେୱାରିଙ୍ଗ୍ ୱିଜୁଦିନ୍ କାଜିଙ୍ଗ୍ ଦୁଃକ୍ କଷ୍ଟ ପାୟା ଆଦେଙ୍ଗ୍ ୱିଜ୍‌ୱି ଦଣ୍ଡ୍ ହିନାନ୍।

ଏବ୍ରି 6:4

ଇମ୍‌ଣାକାର୍ ହେୱାର୍ ପାର୍ତିତିଙ୍ଗ୍ ପିସ୍ତାର୍‌ନା, ହେୱାରିଙ୍ଗ୍ ଆରେରଗ ପାପ୍ କାମାୟ୍‌ତାଙ୍ଗ୍ ଲେଉଟାଇ କିଜି ତାସିୱାନାକା ବେସି କଷ୍ଟ। ଇନେସ୍‌କି ହେୱାର୍ ରଗ ଈଶ୍ୱର ସତ୍ ବିଷୟତିଙ୍ଗ୍ ଚିନ୍ କିତାର୍‌ନା ଆରେ ସରଗ୍‌ତାଙ୍ଗ୍ ଦାନ୍ ପାୟାଆତାର୍‌ନା, ଆରେ ହେୱାର୍ ଜେକନିକାର୍ ଲେକେ ପବିତ୍ର ଆତ୍ମା ପାୟାଆତାର୍‌ନା।

୧ ପିତର 1:5

ଏପେଙ୍ଗ୍ ଯୀଶୁଙ୍ଗ୍ ପାର୍ତି କିଜିମାଚି କାଜିଙ୍ଗ୍ ଈଶ୍ୱର ତା ଶାକ୍ତିତାଙ୍ଗ୍ ମିଙ୍ଗେଙ୍ଗ୍ ରକ୍ଷା କିଦ୍‌ନାନା। ଯୀଶୁ ଖ୍ରୀଷ୍ଟ ଆରେରଗ ୱାନି ସେସ୍‌ଦିନ୍ ପାତେକ୍ ହେୱାନ୍ ମିଙ୍ଗେଙ୍ଗ୍ ଉଦାର୍ କିଜି ମାଞ୍ଜ୍‌ନାନ୍। ଲାଗିଙ୍ଗ୍ ଏପେଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍ ଯେ ଈଶ୍ୱର ମିଙ୍ଗେଙ୍ଗ୍ ପାପ୍ ଆରେ ହାଃନିତାଙ୍ଗ୍ ପୁରାପୁରି ଉଦାର୍ କିତ୍‌ତାନ୍‌ନା।