ଏପିସିୟ 2:4 - New Testament in Pengo Parja Language

⁴ ମାତର୍ ଈଶ୍ୱର ମାଙ୍ଗେଙ୍ଗ୍ ବେସି ଲାଡ୍ କିଦ୍‌ନି କାଜିଙ୍ଗ୍ ଆରେ ହେୱାନ୍ ବେସି ଦୟା ଆତି କାଜିଙ୍ଗ୍,

ସତ୍‌ ବଚନ୍‌ ପୁନି ନିୟମ୍‌

⁴ ମାତର୍‌ ଇସ୍ୱର୍‌ତି ଦୟା ଏଚେକ୍‌ ବେସି ଆରି ମା କାଜିଂ ତା ଜିଉନନାକା ଏଚେକ୍‌ ଗାଜା ଜେ, ମା ଉତ୍‌ପାତ୍ୟା କାଜିଂ ଆସେଙ୍ଗ୍‌ ଆତ୍ମିକ୍‌ ବାବ୍ରେ ହାଜ଼ି ମାନି ସମୁତ ହେୱାନ୍‌ କ୍ରିସ୍ଟତି ଲାହାଂ ମାଙ୍ଗେଙ୍ଗ୍‌ ଜିବୁନ୍‌ କିତ୍‌ତାନ୍‌ନା । ଇସ୍ୱର୍‌ତି ଦୟା ହୁକେ ନେ ଏପେଙ୍ଗ୍‌ ମୁକ୍‌ଡ଼ାତାର୍ଣ୍ଣା ।

ଏପିସିୟ 2:4 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:78

ଈଶ୍ୱର ମାଙ୍ଗେଙ୍ଗ୍ ଇଲେକେ ସାଇଜ କିଦ୍‌ନାନ୍, ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ଦୟା କିତ୍‌ତାନ୍‌ନା। ଇଦାଙ୍ଗ୍ କାଜିଙ୍ଗ୍ ୱେଡ଼ା ଇନେସ୍ କିଜି ନିଙ୍ଗ୍‌ନାତ୍ ହେଲେକେ ସରଗ୍‌ତାଙ୍ଗ୍ ରକ୍ଷାକିଦ୍ନାକାନ୍‌ ୱାନାନ୍।

ରୋମିୟ 10:12

ଯିହୁଦି ଜାତିନି ମାନାୟାର୍ ଆୟେର୍ କି ବିନ୍‌ଜାତିନି ମାନାୟାର୍ ଆଏର୍ ହାମାନ୍ ସନ୍‌ମାନ୍ ପାୟାଆନାର୍‌। ହେୱାର୍ ୱିଜାର୍ ର ଈଶ୍ୱରତିଙ୍ଗ୍ ନେ ପାର୍ତିକିନାରା, ଏଚେପାଦ୍ନା ହେୱାର୍ ଈଶ୍ୱରତିଙ୍ଗ୍ ପାର୍ତାନା କିଜି ଇନାକା ଏନ୍‌ନାର୍। ଲାଗିଙ୍ଗ୍ ହେୱାନ୍ ହେୱାରିଙ୍ଗ୍ ଦୟା କିନାନ୍‌।

ରୋମିୟ 2:4

ଈଶ୍ୱର ମିଙ୍ଗେଙ୍ଗ୍ ଦୟା କିଦ୍‌ନି କାଜିଙ୍ଗ୍, ମିଙ୍ଗେଙ୍ଗ୍ ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାୟ୍ କିଦେଙ୍ଗ୍ ସୁଯଗ୍ ହିଦ୍‌ନାନା। ଏପେଙ୍ଗ୍ ତା ଦୟା, ସାସ୍ ଆରେ ୱିଜୁଦିନ୍ ଲାଡ୍‌କିନି ବିଷୟତିଙ୍ଗ୍ ପୁଞ୍ଜେଙ୍ଗ୍ ଆଡୁଦେରା।

ରୋମିୟ 5:8

ମାତର୍ ଈଶ୍ୱର ମାଙ୍ଗେଙ୍ଗ୍ ଇଲେକେ ଲାଡ୍ କିତ୍‌ତାନ୍ ଯେ, ଆସେଙ୍ଗ୍ ପାପିଆଜି ମାନିହିଙ୍ଗ୍ ତା ମେହି ଯୀଶୁ ଖ୍ରୀଷ୍ଟଙ୍ଗ୍ ମା କାଜିଙ୍ଗ୍ ହାଃଦେଙ୍ଗ୍ ପକ୍ତାତାନ୍।

ରୋମିୟ 9:23

ଈଶ୍ୱର ଇମ୍‌ଣାକାରିଙ୍ଗ୍ ଆଗେ ଦୟାକିଜି ତା ଗୌରବ ହିନି କାଜିଙ୍ଗ୍ ବାଚିକିଜି ମାଚାନ୍, ହେୱାର୍ ପା ତା ଗୌରବ ପାୟାଆନି ଅଦିକାର୍ ମାନାତ୍।

ଏପିସିୟ 1:7

ଈଶ୍ୱର ବେସି ଦୟାତାଙ୍ଗ୍ ଆସେଙ୍ଗ୍ ହେ ଯୀଶୁ ଖ୍ରୀଷ୍ଟନି ନେତେର୍ କାଜିଙ୍ଗ୍ ମୁକ୍ତି ପାୟାଆତାସ୍, ଇଦାଙ୍ଗ୍‌ନି ଅର୍‌ତ ଈଶ୍ୱର ମା ପାପ୍ ୱିଜୁତିଙ୍ଗ୍ କେମା କିତ୍‌ତାନ୍‌ନା।

ଏପିସିୟ 2:7

ତା ଦୟା ଯେ କେତେକ୍‌ ଗାଜା, ହେଦାଙ୍ଗ୍ ଜେକନିକାର୍‌ତାକେ ଆଗେ ୱାନି ଦିନ୍‌ତ ପୁନିକିଦେଙ୍ଗ୍ ଈଶ୍ୱର ଇଦାଙ୍ଗ୍ କିତାନ୍‌ନା। ଆରେ ଯୀଶୁ ଖ୍ରୀଷ୍ଟ ଇନାକା ମା କାଜିଙ୍ଗ୍ କିତାନ୍‌ନା, ହେଦାଙ୍ଗ୍ କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ଦୟା କିତ୍‌ତାନ୍‌ନା।

ଏପିସିୟ 3:8

ଈଶ୍ୱର ୱିଜୁ ମାନାୟାର୍ ବିତ୍ରେ ଆନେଙ୍ଗ୍ ରକାଙ୍ଗ୍ ହିରୁକାଙ୍ଗ୍। ମାତର୍ ବିନ୍‌ଜାତିନି ମାନାୟାରିଙ୍ଗ୍ ଖ୍ରୀଷ୍ଟତାକେ ମାନି ୱିଜ୍‌ୱି ହେବାକିନି ବାବ୍‌ନାତାଙ୍ଗ୍ ଆଦିକ୍ ଆଶ୍ରିବାଦ୍‌ନି ହାର୍ଦିକାବୁର୍ ଆନେଙ୍ଗ୍ ୱେଚ୍‌ଚେଙ୍ଗ୍ ଆଡ୍‌ନାଙ୍ଗ୍।

୨ ଥେସଲନୀକିୟ 2:13

ଏ ପାର୍ତିକିନି ଟଣ୍ଡାର୍‌କାଦେର୍, ଆସେଙ୍ଗ୍ ୱିଜୁଦିନ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନି ଦର୍‌କାର୍, ଇନେସ୍‌କି ମାପୃ ମାଙ୍ଗେଙ୍ଗ୍ ଲାଡ୍ କିଦ୍‌ନାନା। ଈଶ୍ୱର ପୁର୍ତି ଉବ୍‌ଜାୟ୍ କିତି ଆଗେ ମାଙ୍ଗେଙ୍ଗ୍ ଉଦାର୍ କିଦ୍‌ଦେଙ୍ଗ୍ ବାଚି କିତ୍‌ତାନ୍‌ନା, ଈଶ୍ୱର ଆତ୍ମା ସାଇଜତାଙ୍ଗ୍ ଆସେଙ୍ଗ୍ ପବିତ୍ର ଆୟା ଆନାତ୍, ଇନେସ୍‌କି ଆସେଙ୍ଗ୍ ମାପୃ ଯୀଶୁ ସତ୍ ବିଷୟତିଙ୍ଗ୍ ପାର୍ତି କିନାସା।

୧ ତିମତି 1:14

ମା ମାପୃ ନାଙ୍ଗେଙ୍ଗ୍ ବେସି ଦୟା କିତ୍‌ତାନ୍‌ନା, ଆନେଙ୍ଗ୍ ଯୀଶୁ ଖ୍ରୀଷ୍ଟତାକେ ମାହାଆଜି ମାନି କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ବିସ୍‌ବାସ୍ ଆରେ ଲାଡ୍ ହିତ୍‌ତାନ୍‌ନା।

୨ ତିମଥି 1:9

ହେୱାନ୍ ମାଙ୍ଗେଙ୍ଗ୍ ଉଦାର୍ କିତ୍‌ତାନ୍‌ନା ଆରେ ପବିତ୍ର ଜିବୁନ୍ କାଟିକିନି କାଜିଙ୍ଗ୍ ମାଙ୍ଗେଙ୍ଗ୍ କୁକ୍ତାତାନ୍‌ନା। ଆସେଙ୍ଗ୍ ହାର୍ଦି କାମାୟ୍ କିନି କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ବାଚି କିଦ୍‌ୱାତାନ୍‌ନା, ମାତର୍ ତା ଜାର୍ ଜଜ୍‌ନା ଆରେ ଦୟା କାଜିଙ୍ଗ୍ କିତ୍‌ତାନ୍‌ନା। ଈଶ୍ୱର ଇ ପୁର୍ତିତିଙ୍ଗ୍ ରହ୍‌ନି ଆଗେ ନେ, ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ଇ ପୁର୍ତିତାକେ ହାଃନି କାଜିଙ୍ଗ୍ ହେୱାନ୍ ଜଜ୍‌ନା କିଜି ଦୟା ଚଚ୍‌ଚାତାନ୍‌ନା।

୧ ପିତର 1:3

ମା ମାପୃ ଯୀଶୁ ଖ୍ରୀଷ୍ଟ ଆବା ଈଶ୍ୱରତିଙ୍ଗ୍ ଜୟ୍-ଜୟ୍ ଆୟେତ୍, ଈଶ୍ୱର ମାଙ୍ଗେଙ୍ଗ୍ ବେସି ଦୟାକିଜି ମାନ୍‌ଞ୍ଚି କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ପୁନି ଜିବୁନ୍ ହିତ୍‌ତାନ୍। ଇନେସ୍‌କି ଈଶ୍ୱର ଯୀଶୁ ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିଜି ନିକ୍‌ଚି ମାଚାନ୍, ଆରେ ହେୱାନ୍ ମାଙ୍ଗେଙ୍ଗ୍ ସାହାସ୍ ହୁଦାଙ୍ଗ୍ ଜିନି କାଜିଙ୍ଗ୍ ସାଇଜ କିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ହେୱାନ୍ କିଜିମାଚି ପାର୍ମାଣ୍‌ତିଙ୍ଗ୍ ପାୟାଆନି କାଜିଙ୍ଗ୍ ଆପେଙ୍ଗ୍ ଆହା କିନାପା।