ଏପିସିୟ 2:18 - New Testament in Pengo Parja Language

¹⁸ ଲାଗିଙ୍ଗ୍ ଖ୍ରୀଷ୍ଟ କାଜିଙ୍ଗ୍, ଆସେଙ୍ଗ୍ ତା ପବିତ୍ର ଆତ୍ମାତାଙ୍ଗ୍ ଆବା ଈଶ୍ୱର ଲାଗାୟ୍ ହାନି କାଜିଙ୍ଗ୍ ହାଜି ଗାଟା ଆତାପ୍‌ନା।

ସତ୍‌ ବଚନ୍‌ ପୁନି ନିୟମ୍‌

¹⁸ କ୍ରିସ୍ଟତି ହୁକେ ନେ ଜିହୁଦି ଆରି ପାର୍ତିକିୱି ଜିହୁଦି ୱିଜ଼ାର୍‌ ର ଜିବୁନ୍ତାଂ ଆବା ମୁମ୍‌ଦ ୱାନି କାଜିଂ ଇଡ୍‌ତାପ୍‌ନା ।

ଏପିସିୟ 2:18 Iomraidhean Croise

ମାତିଉ 28:19

ଲାଗିଙ୍ଗ୍ ଏପେଙ୍ଗ୍ ହାଲାଟ୍ ଆରେ ୱିଜୁଜାତି ମାନାୟାରିଙ୍ଗ୍ ନା ଚେଲା ରହାଟ୍। ଆବା ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟ ଆରେ ପବିତ୍ର ଆତ୍ମା ତର୍‍ଦାଙ୍ଗ୍ ଏପେଙ୍ଗ୍ ହେୱାରିଙ୍ଗ୍ ଡୁବନ୍ ହିୟାଟ୍।

ଜହନ୍‌ 10:7

ଲାଗିଙ୍ଗ୍ ଯୀଶୁ ଆରେରଗ ୱେଚ୍‌ଚାନ୍, ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଆନେଙ୍ଗ୍ ଆନାଙ୍ଗା ମେଣ୍ଢାକାଙ୍ଗ୍ ଦୁୱେର୍।

ଜହନ୍‌ 10:9

ଆନେଙ୍ଗ୍ ଆନାଙ୍ଗା ଦୁୱେର୍, ଇମ୍‌ଣାକାନ୍ ନା ଦୁୱେର୍ ନିପଣ୍ ଆଜି ହଣାନ୍, ହେୱାନ୍ ରକ୍ଷା ପାୟା ଆନାନ୍। ହେୱାନ୍ ବିତ୍ରେ ୱାଦେଙ୍ଗ୍ ଆଡ୍‌ନାନ୍ ଆରେ ବାର୍ତ ହାଞ୍ଜେଙ୍ଗ୍ ପା ଆଡ୍‌ନାନ୍। ହେୱାନିଙ୍ଗ୍ ଇନାକା ଦର୍‌କାର୍ ହେ ୱିଜୁ ପାୟା ଆନାନ୍।

ଜହନ୍‌ 14:6

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ହାଜି। ଆନେଙ୍ଗ୍ ସତ୍। ଆରେ ଆନେଙ୍ଗ୍ ଜିବୁନ୍। ଆବା ଈଶ୍ୱରତାକେ ହାଞ୍ଜେଙ୍ଗ୍ ଆନେଙ୍ଗ୍ ନେ ରୱାଙ୍ଗ୍ ହାଜି।

ରୋମିୟ 5:2

ଆପେଙ୍ଗ୍ ଖ୍ରୀଷ୍ଟଙ୍ଗ୍ ପାର୍ତିକିତି କାଜିଙ୍ଗ୍, ଈଶ୍ୱର ମାଙ୍ଗେଙ୍ଗ୍ ଦୟା ପାୟା ଆଦେଙ୍ଗ୍ ଅଦିକାର୍ ହିତ୍‌ତାନ୍‌ନା। ଆରେ ପୁରା ପାର୍ତି ହୁଦାଙ୍ଗ୍ ଆରେ ୱାରିୟା ଆଜି ତା ଗୌରବ ପାୟା ଆଦେଙ୍ଗ୍ ଆହାକିଜି କାନାପା।

ରୋମିୟ 8:15

ଲାଗିଙ୍ଗ୍ ଏପେଙ୍ଗ୍ ଚାକର୍ ଆଜି ଈଶ୍ୱରତିଙ୍ଗ୍ ପାଣ୍ଡ୍ରାଆନି ଆତ୍ମା ପାୟା ଆୱାତାଦେର୍‌ନା, ମାତର୍ ପବିତ୍ର ଆତ୍ମା ମାଙ୍ଗେଙ୍ଗ୍ ଈଶ୍ୱର ମେହିର୍ କିଜି ତା କୁଟୁମ୍‌ତାକେ ମାହାୟ୍ କିତ୍‌ତାତ୍‌ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ଈଶ୍ୱରତିଙ୍ଗ୍, “ଆବା-ଆବା ଇଞ୍ଜି ହିର୍‌ବାନାସା।”

୧ କରନ୍ତିୟ 12:13

ଲାଗିଙ୍ଗ୍ ଆସେଙ୍ଗ୍ ଯିହୁଦି ଆଜି ମାଚିସ୍ କି, ବିନ୍‌ଜାତି ଆଜି ମାଚିସ୍ କି, ଚାକର୍ ଆଜି ମାଚିସ୍ କି, ଆରେ ଚାକର୍ ଆୱାଦାଙ୍ଗ୍ ମାଚିସ୍ ପା ଆସେଙ୍ଗ୍ ୱିଜାକାସ୍ ର ଆତ୍ମା କାଜିଙ୍ଗ୍ ଡୁବନ୍ ଅଜି ଈଶ୍ୱର ଗାଗାଡ଼୍‌ତାକେ ଏକ୍ ଆତାପ୍‌ନା, ଆରେ ଆପେଙ୍ଗ୍ ହେ ଆତ୍ମାତିଙ୍ଗ୍ ନେ ପାୟାଆତାପ୍‌ନା।

୧ କରନ୍ତିୟ 8:6

ମାତର୍ ଆପେଙ୍ଗ୍ ପୁଚାପ୍‌ନା ରକାନ୍‌ ନେ ଈଶ୍ୱର ମାନାନ୍‌, ହେୱାନ୍ ଆନାନା ଆବା ଈଶ୍ୱର, ଇନେର୍ ୱିଜୁ ଜିନିଷ୍ ଉବ୍‌ଜାଇ କିତାନ୍‌ନା। ଆରେ ଆସେଙ୍ଗ୍ ତା କାଜିଙ୍ଗ୍ ଜିବୁନ୍ ଆତାସ୍‌ନା। ଆରେ ରକାନ୍‌ ନେ ମାପୃ ମାନାନ୍‌, ହେୱାନ୍ ଯୀଶୁ ଖ୍ରୀଷ୍ଟ ତା କାଜିଙ୍ଗ୍ ଈଶ୍ୱର ୱିଜୁ ଜିନିଷ୍ ରସ୍ତାନ୍‌ନା ଆରେ ତା କାଜିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଜିବୁନ୍ ହିତ୍‌ତାନ୍‌ନା।

ଗାଲାତିୟ 4:6

ଆରେ ଆସେଙ୍ଗ୍ ତା ହିମ୍‌ଣା ଆତି କାଜିଙ୍ଗ୍, ଈଶ୍ୱର ତା ହିମ୍‌ଣାନି ଆତ୍ମାତିଙ୍ଗ୍ ମା ଗରବ୍ ବିତ୍ରେ ପକ୍ତାତାନ୍‌ନା। ହେ ଆତ୍ମା ଆବା ପିତା ଇଞ୍ଜି କୁକ୍‍ତେଙ୍ଗ୍ ମାଙ୍ଗେଙ୍ଗ୍ ସାହାସ୍ ହିଦ୍‌ନାତା।

ଏପିସିୟ 3:12

ଖ୍ରୀଷ୍ଟ କାଜିଙ୍ଗ୍ ଆରେ ଆସେଙ୍ଗ୍ ହେୱାନ୍‌ତାକେ ପାର୍ତିକିନି କାଜିଙ୍ଗ୍, ନଙ୍ଗୟ୍ ଆସେଙ୍ଗ୍ ପାଣ୍ଡ୍ରା ଆୱାଦାଙ୍ଗ୍ ସାହାସ୍ ହୁଦାଙ୍ଗ୍ ଈଶ୍ୱର ଲାଗାୟ୍ ହାଞ୍ଜେଙ୍ଗ୍ ଆଡ୍‌ନାସ୍।

ଏପିସିୟ 3:14

ଇଦାଙ୍ଗ୍ କାଜିଙ୍ଗ୍ ସରଗ୍ ଆରେ ପୁର୍ତିତାକେ ମାନି ୱିଜୁ ପାର୍ତିକିନି ପରିବାର୍‌ନି ଆବା, ଈଶ୍ୱର ଲାଗାୟ୍ ଆନେଙ୍ଗ୍ ମେଣ୍ଡାକୁନ୍ଦିକିଜି ପାର୍ତାନା କିନାଙ୍ଗା।

ଏପିସିୟ 4:4

ମା ୱିଜୁ ପାର୍ତି କିନାକାଦେର୍ ର ଗାଗାଡ଼୍‌ନି ଜିନିଷ୍ ଲେକେ, ଆସେଙ୍ଗ୍ ୱିଜାକାସ୍ ହାମାନ୍ ଆତ୍ମା ପାୟାଆତାସ୍‌ନା, ହେଲେକେ ଈଶ୍ୱର ତା ମାନାୟ୍ ଲେକେ କୁକ୍ତିନିହିଙ୍ଗ୍ ଏପେଙ୍ଗ୍ ହାମାନ୍ ଆହା ପାୟା ଆତାଦେର୍‌ନା।

ଏପିସିୟ 6:18

ୱିଜୁଦିନ୍ ପବିତ୍ର ଆତ୍ମା ସାଇଜତାଙ୍ଗ୍ ଈଶ୍ୱରତାକେ ପାର୍ତାନା ଆରେ ଗୁୱାରି କିୟାଟ୍। ଆରେ ୱିଜୁ ସାଦୁ ମାନାୟାର୍ କାଜିଙ୍ଗ୍ କାସି ମାନ୍‌ଞ୍ଜି ପାର୍ତାନା କିୟାଟ୍।

କଲସିୟ 1:12

ଇନେସ୍‌କି ଏପେଙ୍ଗ୍ ଆବା ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଦେର୍। ଆରେ ହେ ଈଶ୍ୱର ମିଙ୍ଗେଙ୍ଗ୍ ଅଜଡ଼୍ ରାଜିତାକେ ମାନି ତା ମାନାୟାର୍ ହୁଦାଙ୍ଗ୍ ମାହାଆଜି ଆଦିକାର୍ କିନି କାଜିଙ୍ଗ୍ ଯଗ୍ୟ କିତ୍‌ତାନ୍‌ନା।

ଏବ୍ରି 7:19

ଇନେସ୍‌କି ମୋଶା ଲେକିକିତି ନିୟମ୍ ସାସ୍ତର୍ ଇମ୍‌ଣି ବିଷୟ ପା ପୁରାପୁରି ଟିକ୍‌କିଜି ଆଡ୍‌ୱାଦାଙ୍ଗ୍ ମାଚାତ୍। ମାତର୍ ନଙ୍ଗୟ୍ ଆପେଙ୍ଗ୍ ଯୀଶୁ ଖ୍ରୀଷ୍ଟତାକେ ହାର୍ ଆହା ଇଡ଼୍‌ତାପ୍‌ନା, ଆରେ ହେୱାନ୍ କାଜିଙ୍ଗ୍ ଆପେଙ୍ଗ୍ ଈଶ୍ୱର ଲାଗାୟ୍ ଆଦେଙ୍ଗ୍ ଆଡ୍‌ନାପା।

ଜାକ୍‌ବ 3:9

ଇ ୱେନ୍ଦୁଲ୍‌ତାଙ୍ଗ୍ ନେ ଆସେଙ୍ଗ୍ ମାପୃ ଆରେ ଆବା ଈଶ୍ୱରତିଙ୍ଗ୍ ଦନ୍ଯବାଦ୍ କିନାସା, ଆରେ ଈଶ୍ୱର ତା ଲେକେ ରସ୍ତି ମାନାୟ୍‌ତିଙ୍ଗ୍ ଇ ୱେନ୍ଦୁଲ୍‌ତାଙ୍ଗ୍ ନେ ଅବିଶାପ୍ ହିନାସା।

୧ ପିତର 1:17

ଈଶ୍ୱର ୱିଜାକାର୍ କିତି କାମାୟ୍‌ତିଙ୍ଗ୍ ପୁନାନା, ଆରେ ହେୱାନ୍ ୱିଜାରିଙ୍ଗ୍ ହାମାନ୍ ବିଚାର୍ କିନାନ୍। ଏପେଙ୍ଗ୍ ଏଚେପାଦ୍ନା ଈଶ୍ୱରତିଙ୍ଗ୍ ଆବା ଇଞ୍ଜି ପାର୍ତାନା କିନାଦେରା, ହେପାଦ୍ନା ଏପେଙ୍ଗ୍ ଇ ପୁର୍ତିତାକେ ବିନ୍ ଦେସ୍‌ତାକେ ମାନିଲେକେ ଈଶ୍ୱରତିଙ୍ଗ୍ ପାଣ୍ଡ୍ରାଆଜି ଜିବୁନ୍ କାଟିକିନି ଦର୍‌କାର୍।

୧ ପିତର 1:21

ଖ୍ରୀଷ୍ଟ ମିଙ୍ଗେଙ୍ଗ୍ ଇନାକା କିତି କାଜିଙ୍ଗ୍ ଏପେଙ୍ଗ୍ ନଙ୍ଗୟ୍ ଈଶ୍ୱରତିଙ୍ଗ୍ ପାର୍ତିକିନାରା, ଆରେ ଈଶ୍ୱର ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ନିକ୍‌ତି କାଜିଙ୍ଗ୍ ଆପେଙ୍ଗ୍ ତାଙ୍ଗେଙ୍ଗ୍ ପାର୍ତି ଆରେ ଆହା କିଜି ତାଙ୍ଗେଙ୍ଗ୍ ଗୌରବ କିନାପା।

୧ ପିତର 3:18

ଆନେଙ୍ଗ୍ ଇଲେକେ ୱେଚ୍‌ଚାନାଙ୍ଗା, ଇନେସ୍‌କି ଖ୍ରୀଷ୍ଟ ପା ମା ୱିଜାକାର୍ ପାପ୍ କାଜିଙ୍ଗ୍ ଦୁଃକ୍ କଷ୍ଟ ପାୟାଆଜି ରଗ ହାଃଜି ମାଚାନ୍। ହେୱାନ୍ ରକାନ୍ ଦରମ୍ ମାନାୟ୍ ମାଚାନ୍, ମାଙ୍ଗେଙ୍ଗ୍ ଈଶ୍ୱର ଲକ୍ କିଦ୍‌ଦେଙ୍ଗ୍ ହେୱାନ୍ ମା ପାପ୍ କାଜିଙ୍ଗ୍ ହାଃଜି ମାଚାନ୍, ଲାଗିଙ୍ଗ୍ ଆସେଙ୍ଗ୍ ତା ହୁଦାଙ୍ଗ୍ ଜାର୍ ଲକ୍ ଆୟା ଆନାତ୍‌। ହେୱାର୍ ତାଙ୍ଗେଙ୍ଗ୍ ମାର୍ନେ ଅସ୍ତାର୍, ମାତର୍ ପବିତ୍ର ଆତ୍ମାନି ଶାକ୍ତିତାଙ୍ଗ୍ ଆରେରଗ ଜିବୁନ୍ ଆତାନ୍।

ଜିହୁଦା 1:20

ମାତର୍ ଏ ନା ଲାଡ୍‌ନି ସାଙ୍ଗ କାଦେର୍, ମି ପବିତ୍ର ପାର୍ତିନି ପାଣ୍ଡୁସେନ୍ ଜପି ମି ଜିବୁନ୍‌ତିଙ୍ଗ୍ ରସ୍ତି ମାନାଟ୍। ଆରେ ଏପେଙ୍ଗ୍ ପବିତ୍ର ଆତ୍ମା ସାଇଜତାଙ୍ଗ୍ ପାର୍ତାନା କିୟାଟ୍।