ଏପିସିୟ 2:10 - New Testament in Pengo Parja Language

¹⁰ ଇନେସ୍‌କି ଆସେଙ୍ଗ୍ ନଙ୍ଗୟ୍ ଇନେସାତାସ୍‌ନା ଇଦାଙ୍ଗ୍ ଈଶ୍ୱର ରସ୍ତାତାନ୍‌ନା। ହାର୍ଦି କାମାୟ୍ କିନି କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ଯୀଶୁ ଖ୍ରୀଷ୍ଟତାକେ ପୁନି ମାନାୟ୍ ଲେକେ ରସ୍ତାତାନ୍‌ନା। ଆରେ ଇ ଲେକେ ଜିବୁନ୍ କାଟିକିନି କାଜିଙ୍ଗ୍ ଈଶ୍ୱର ଆଗେତାଙ୍ଗ୍ ନେ ମା କାଜିଙ୍ଗ୍ ଜଜ୍‌ନା କିଜି ମାଚାନ୍।

ସତ୍‌ ବଚନ୍‌ ପୁନି ନିୟମ୍‌

¹⁰ ଆପେଂ ଇନାକା ଆତାପ୍‌ନା, କେବଲ୍‌ ଇସ୍ୱର୍‌ ନେ ହେଦାଂ କିତାନ୍‌ନା; ଇମ୍‌ଣି ହାର୍‌ଦି କାମାୟ୍‌ ଆସେଙ୍ଗ୍‌ କିନାସ୍‌ ଇଞ୍ଜି ଇସ୍ୱର୍‌ ଆଗେତାଂ ବାଚିକିଜ଼ି ମାଚାନ୍‌, ଆସେଙ୍ଗ୍‌ କ୍ରିସ୍ଟ ଜିସୁ ଲାହାଂ ମେହାନି କାଜିଂ ମା ଜିବୁନ୍‌ତ ହେଦାଂ ଆଦେଂ ଆତାତ୍‌ନ୍ନା ।

ଏପିସିୟ 2:10 Iomraidhean Croise

ମାତିଉ 5:16

ହେଲେକେ ମି ବଇଟାନି ଅଜଡ଼୍ ମାନାୟ୍ ମୁମ୍‌ଦ ଚଞ୍ଜିଆ ଆୟେତ୍, ଇନେସ୍‌କି ହେୱାର୍ ମି ହାର୍ଦି କାମାୟ୍ ହୁଡ଼୍‌ଜି ସରଗ୍‌ନି ଆବାଙ୍ଗ୍‌ ଜୟ୍-ଜୟ୍ କିନାର୍।

ଜହନ୍‌ 3:21

ମାତର୍ ଇମ୍‌ଣାକାନ୍ ସତ୍ ହାଜ୍‌ଦିଙ୍ଗ୍ ହାନାନ୍, ହେୱାନ୍ ଅଜଡ଼୍‌ତାକେ ୱାଦେଙ୍ଗ୍ ମାନ୍ କିନାନ୍। ତାପାଚେ ଅଜଡ଼୍ ସତ୍ କାମାୟ୍ ୱିଜୁ ଚଚ୍‌ଚି ହିନାତ୍। ହେ ମାନାୟ୍ ଇମ୍‌ଣି କାମାୟ୍ କିତାନ୍‌ନା ହେଦାଙ୍ଗ୍ ହେୱାନ୍ ଈଶ୍ୱର ଆଦେସ୍ ମାନିକିଜି କିତାନ୍‌ନା।”

ପକ୍ୟାତାକା 9:31

ଲାଗିଙ୍ଗ୍ ଯିହୁଦା ଜିଲ୍ଲା, ଗାଲିଲୀ ଜିଲ୍ଲା ଆରେ ଶମିରଣିୟ ଜିଲ୍ଲାତାକେ ମାନି ମଣ୍ଡ୍‌ଲିନି ମାନାୟାର୍ ଶାନ୍ତିଆଜି ବାହାକିତାର୍। ଇନେସ୍‌କି ହେୱାରିଙ୍ଗ୍ ଇନେର୍ ପା ଦୁକ୍‌କଷ୍ଟ ହିୱାଦାଙ୍ଗ୍ ମାଚାର୍। ଆରେ ପବିତ୍ର ଆତ୍ମା ହେୱାରିଙ୍ଗ୍ ସାଇଜ ଆରେ ଶାସ୍ ହିଜିମାଚାତ୍‌, ଆରେ ବେସି ମାନାୟାର୍ ଯୀଶୁତାକେ ପାର୍ତି କିଦେଙ୍ଗ୍ ଲାଗାତାର୍।

ପକ୍ୟାତାକା 9:36

ଯାପା ସହର୍‌ତାକେ ଟାବିଥା ତର୍‍ଦାକାନ୍ ରକାନ୍ ଚେଲାହି ମାଚାନ୍। ତା ତର୍‌ ଗ୍ରୀକ୍ ବାଷାତାଙ୍ଗ୍ ଦର୍କା ଇଞ୍ଜି ୱେଚ୍‌ଚି ମାଚାର୍, ଇଦାଙ୍ଗ୍‌ନି ଅର୍ତ ଚିତ୍ରାକଟ୍ରା। ହେୱାନ୍ ରକାନ୍ ହାର୍ଦି କାମାୟ୍ କିନାକାନ୍ ମାଚାନ୍, ଆରେ ମାନାୟାରିଙ୍ଗ୍ ଦାନ୍ ହିଜିମାଚାନ୍।

ରୋମିୟ 8:1

ଲାଗିଙ୍ଗ୍ ନଙ୍ଗୟ୍ ଏଚେଜାଣ୍ ଯୀଶୁ ଖ୍ରୀଷ୍ଟନି ଲକ୍ ଆତାର୍‌ନା, ହେୱାରିଙ୍ଗ୍ ଈଶ୍ୱର ଦସ୍ କିଉନ୍।

ରୋମିୟ 8:29

ଇନେସ୍‌କି ଈଶ୍ୱର ତା ମାନାୟାରିଙ୍ଗ୍ ଆଗେନେ ପୁଚାନ୍‌ନା, ଆରେ ହେୱାନ୍ ତା ମେହି ଲେକେ ଆନି କାଜିଙ୍ଗ୍ ହେୱାରିଙ୍ଗ୍ ବାଚି କିତାନ୍‌ନା, ଲାଗିଙ୍ଗ୍ ତା ମେହି ୱିଜାର୍ ଟଣ୍ଡାହିର୍ ଆରେ ତଣ୍‌ଦିହିକ୍ ବିତ୍ରେତାଙ୍ଗ୍ ପାର୍ତୁମ୍ ଆନାନ୍।

୧ କରନ୍ତିୟ 3:9

ଏପେଙ୍ଗ୍ ଈଶ୍ୱରତି ଜମି ଲେକେ, ଆରେ ଈଶ୍ୱରତି ରହ୍‌ନି ଇଲ୍ ଲେକେ, ମାତର୍ ଆପେଙ୍ଗ୍ ହେବେ ଈଶ୍ୱର କାଜିଙ୍ଗ୍ କାମାୟ୍ କିନାପା।

୨ କରନ୍ତିୟ 5:17

ଲାଗିଙ୍ଗ୍ ଇ ଅର୍ତ ଇନାକା? ଯଦି ରୱାନ୍ ଖ୍ରୀଷ୍ଟାନ୍ ଆନାନ୍ ଲାଗିଙ୍ଗ୍ ହେୱାନ୍ ପୁନାକାନ୍ ଆନାନ୍ କି? ଆଁ ହେୱାର୍ ଆରେ ଆଗେଲେକେ ହାମାନ୍ ମାନ୍‌ଗୁର୍‌, ଇନେସ୍‌କି ଆଗେଲେକେ ଜିବୁନ୍ କାଟି କିନାକା ନଷ୍ଟ ଆତାତ୍‌ନା, ମାତର୍ ନଙ୍ଗୟ୍ ପୁନି ଜିବୁନ୍ କାଟି କିନାକା ଆରମ୍ ଆତାତ୍‌ନା।

୨ କରନ୍ତିୟ 5:5

ଈଶ୍ୱର ନିଜେ ମା କାଜିଙ୍ଗ୍ ଇଲେକେ କିତାନ୍‌ନା, ହେଦାଙ୍ଗ୍ କାଜିଙ୍ଗ୍ ହେୱାନ୍ ତା ପବିତ୍ର ଆତ୍ମାତିଙ୍ଗ୍ ଗେରେଣ୍ଟିଲେକେ ମାଙ୍ଗେଙ୍ଗ୍ ହିତ୍‌ତାନ୍‌ନା।

୨ କରନ୍ତିୟ 9:8

ଆରେ ଈଶ୍ୱର ମିଙ୍ଗେଙ୍ଗ୍ ଦର୍‌କାର୍ ଆଦ୍‌ନି ଜିନିଷ୍‌ତାଙ୍ଗ୍ ଆଦିକ୍ ଆଶ୍ରିବାଦ୍ କିଦେଙ୍ଗ୍ ଆଡ଼୍‌ଦାନାତ୍‌, ଆରେ ଜେକନିକାର୍ କାଜିଙ୍ଗ୍ ହାର୍ କାମାୟ୍ କିଦେଙ୍ଗ୍ ମିତାକେ ୱିଜୁଦିନ୍ ୱିଜୁ ଜିନିଷ୍ ଆଦିକ୍ ମାନ୍‌ଗାନାତ୍।

ଗାଲାତିୟ 6:15

ସୁନତ ବିଦି ମାନିକିତିସ୍ କି କିୱିତିସ୍ ଇନାକା ଆକାୟ୍, ମାତର୍ ମୁଡ଼୍ ବିଷୟ ଇଦାଙ୍ଗ୍ ଯେ ପବିତ୍ର ଆତ୍ମାତାଙ୍ଗ୍ ଈଶ୍ୱର ମିଙ୍ଗେଙ୍ଗ୍ ପୁନି ମାନାୟ୍ କିତ୍‌ତାନ୍‌ନା।

ଏପିସିୟ 1:1

ଆନେଙ୍ଗ୍ ପାଉଲ ଈଶ୍ୱର ଇଚାତାଙ୍ଗ୍ ଯୀଶୁ ଖ୍ରୀଷ୍ଟନି ରକାଙ୍ଗ୍ ବାଚିକିତି ଚେଲା। ଏପିସ ସହର୍‌ତାକେ ମାନି ସାଦୁ ଆରେ ଖ୍ରୀଷ୍ଟତାକେ ପାର୍ତିକିନି ମାନାୟାର୍ ଲାଗାୟ୍ ଆନେଙ୍ଗ୍ ଇ ଚିଟି ଲେକିକିନାଙ୍ଗା।

ଏପିସିୟ 1:4

ଇଦାଙ୍ଗ୍‌ନି ଅର୍ତ ଇନେସ୍ ଆସେଙ୍ଗ୍ ଈଶ୍ୱର ମୁମ୍‌ଦ ପବିତ୍ର ଆରେ ଦସି ଆଉସ୍। ଇଦାଙ୍ଗ୍ କାଜିଙ୍ଗ୍ ହେୱାନ୍ ପୁର୍ତିତିଙ୍ଗ୍ ଉବ୍‌ଜାଇ କିୱି ଆଗେ, ଖ୍ରୀଷ୍ଟ କାଜିଙ୍ଗ୍ ମାଙ୍ଗେଙ୍ଗ୍ ବାଚି କିତ୍‌ତାନ୍‌ନା।

ଏପିସିୟ 2:13

ଏପେଙ୍ଗ୍ ଆଗେ ଈଶ୍ୱରତାଙ୍ଗ୍ ଦେହା ମାଚାଦେର୍, ମାତର୍ ନଙ୍ଗୟ୍ ଏପେଙ୍ଗ୍ ଯୀଶୁ ଖ୍ରୀଷ୍ଟତାକେ ରବେ ଆତାଦେର୍‌ନା। ଯୀଶୁ ନେତେର୍‌ତାଙ୍ଗ୍ ଈଶ୍ୱର ମିଙ୍ଗେଙ୍ଗ୍ ତା ଲାଗାୟ୍ ଅତ୍‌ତାନ୍‌ନା।

ଏପିସିୟ 2:15

ଇନେସ୍ ହେୱାନ୍ ଯିହୁଦି ଆରେ ବିନ୍‌ଜାତିନି ମାନାୟାର୍ ବିତ୍ରେ ଶାନ୍ତି ତାତେଙ୍ଗ୍ ଆଡ୍‌ନାର୍ ଆରେ ହେୱାନ୍‌ତାକେ ହେୱାରିଙ୍ଗ୍ ର ପୁନି ଜାତି କିଦେଙ୍ଗ୍ ଆଡ୍‌ନାନ୍। ଇଦାଙ୍ଗ୍ କାଜିଙ୍ଗ୍ ହେୱାନ୍ ତା ହାଃତି କାଜିଙ୍ଗ୍, ଯିହୁଦିର୍ ୱିଜୁ ନିତି ନିୟମ୍‌ତିଙ୍ଗ୍ ବନ୍ଦ୍ କିତାନ୍‌ନା।

ଏପିସିୟ 2:2

ଇନେସ୍‌କି ହେପାଦ୍ନା ଏପେଙ୍ଗ୍ ଇ ପୁର୍ତିନି ମାନାୟାର୍ ହାଜ୍‌ଦିଙ୍ଗ୍ ତାଙ୍ଗ୍‌ଜି ମାଚାଦେର୍, ଆରେ ବାଦାଡ଼୍‌ନି କରାପ୍ ଆତ୍ମା କି ବୁତ୍ ଆତ୍ମାନି ନେତାନି ଆଦିକାର୍ ଶୟତାନନି କାତା ମାନିକିଜି ମାଚାଦେର୍। ଇ ଶୟତାନ ନଙ୍ଗୟ୍ ଈଶ୍ୱରତିଙ୍ଗ୍ ମାନିକିୱି ମାନାୟାରିଙ୍ଗ୍ କଣ୍ଟ୍ରୁଲ୍ କିଦ୍‌ନାତା।

ଏପିସିୟ 2:6

ଆସେଙ୍ଗ୍ ଯୀଶୁ ଖ୍ରୀଷ୍ଟତାକେ ରବେ ଆତି କାଜିଙ୍ଗ୍, ଈଶ୍ୱର ମାଙ୍ଗେଙ୍ଗ୍ ଖ୍ରୀଷ୍ଟ ହୁଦାଙ୍ଗ୍ ହାଃତିତାଙ୍ଗ୍ ନିକ୍ତାତାନ୍‌ନା ଆରେ ମାଙ୍ଗେଙ୍ଗ୍ ତା ହୁଦାଙ୍ଗ୍ ସରଗ୍‌ଜପି କୁଚିକିତ୍‌ତାନ୍‌ନା।

ଏପିସିୟ 4:1

ଆନେଙ୍ଗ୍ ଯେ ମାପୃଙ୍ଗ୍ ହେବା କିନି କାଜିଙ୍ଗ୍ ବନ୍ଦି ଆତାଙ୍ଗ୍‌ନା, ମିଙ୍ଗେଙ୍ଗ୍ ଗୁୱାରି କିଦ୍‌ନାଙ୍ଗା, ଈଶ୍ୱର ମିଙ୍ଗେଙ୍ଗ୍ ଇନାକିଦେଙ୍ଗ୍ କୁକ୍ତାତାନ୍‌ନା ହେବେ ଆସ୍ତି ଲେକେ ହାର୍ ଆଜି ଜିବୁନ୍ କାଟିକିୟାଟ୍।

ଏପିସିୟ 4:24

ଈଶ୍ୱର ମିଙ୍ଗେଙ୍ଗ୍ ତା ବ୍ଯବହାର୍ ଲେକେ ପୁନି ବ୍ଯବହାର୍ ହିତ୍‌ତାନ୍‌ନା। ଲାଗିଙ୍ଗ୍ ସତ୍‌ରେ ଦରମ୍ ଆରେ ପବିତ୍ର ଆଜି ପୁନି ବ୍ଯବହାର୍‌ତାଙ୍ଗ୍ ଜିବୁନ୍ କାଟିକିୟାଟ୍।

ପିଲିପିୟ 1:6

ଇନେସ୍‌କି ଆନେଙ୍ଗ୍ ଆହା କିନାଙ୍ଗା, ଈଶ୍ୱର ମି ବିତ୍ରେ ହାର୍ଦି ବିଷୟ ଆରମ୍ କିତ୍‌ତାନ୍‌ନା, ଆରେ ହେଦାଙ୍ଗ୍‌ତିଙ୍ଗ୍ ହେୱାନ୍ ଯୀଶୁ ଖ୍ରୀଷ୍ଟ ୱାନିଦିନ୍ ପାତେକ୍ ଟିକ୍‌କିଜି ପୁରା କିନାନ୍।

ପିଲିପିୟ 2:13

ଇନେସ୍‌କି ଈଶ୍ୱର ମିବେ ମାନ୍‌ଞ୍ଜି କାମାୟ୍ କିନାନା, ଲାଗିଙ୍ଗ୍ ହେୱାନ୍ ଇନାକା ଇଚା ହେଦାଙ୍ଗ୍ ପୁରା କିଦେଙ୍ଗ୍ ମିଙ୍ଗେଙ୍ଗ୍ ଇଚା କିୟି କିଦ୍‌ନାନା। ଆରେ ହେୱାନ୍ ମିଙ୍ଗେଙ୍ଗ୍ ସାଇଜ ପା କିଦ୍‌ନାନା।

କଲସିୟ 1:10

ଆରେ ଏପେଙ୍ଗ୍ ଇନେସ୍‌କି ମାପୃଙ୍ଗ୍ ୱିଜୁଦିନ୍ ସନ୍‌ମାନ୍ ଆରେ ୱାରି କିତିଲେକେ ଜିବୁନ୍ କାଟିକିନାଦେର୍। ଏପେଙ୍ଗ୍ ୱିଜୁଦିନ୍ ହାର୍ଦି କାମାୟ୍ କିନାଦେର୍, ଆରେ ଈଶ୍ୱରତିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ହାର୍‌ଦାଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍।

କଲସିୟ 3:10

ଆରେ ଏପେଙ୍ଗ୍ ପୁନି ଗୁଣ୍‌ତିଙ୍ଗ୍ ଆସ୍ତାଦେର୍‌ନା। ଉବ୍‌ଜାଣ୍ କିତି ଈଶ୍ୱର ବିଷୟରେ ଏପେଙ୍ଗ୍ ଇନେସ୍ ପୁରା ଜ୍ଞାନ୍ ପାୟାଆନାଦେର୍, ହେଦାଙ୍ଗ୍ କାଜିଙ୍ଗ୍ ହେୱାନ୍ ପୁନି ଗୁଣ୍‌ତିଙ୍ଗ୍ ତା ଲେକେନେ ଚଞ୍ଜ୍‌ଞ୍ଜେଙ୍ଗ୍‌ ରହ୍‌ନାନା।

୨ ଥେସଲନୀକିୟ 2:17

ଆନେଙ୍ଗ୍ ମି କାଜିଙ୍ଗ୍ ପାର୍ତାନା କିନାଙ୍ଗା ଈଶ୍ୱର ନିଜେ ମିଙ୍ଗେଙ୍ଗ୍ ସାସ୍ ହିଦେନ୍, ଆରେ ମିଙ୍ଗେଙ୍ଗ୍ ହାର୍ କାମାୟ୍ କିଦେଙ୍ଗ୍ ଆରେ ୱେଚ୍‌ଚେଙ୍ଗ୍ ଶାକ୍ତି ହିଦେନ୍।

୧ ତିମତି 2:10

ଆରେ ଈଶ୍ୱରତିଙ୍ଗ୍ ହେବା କିନି କଗ୍‍ଲେକ୍ ଇଲେକେ ଆଜି ଜେକନିକାରିଙ୍ଗ୍ ହାର୍ଦି କାମାୟ୍ କିଜି ଜାର୍‌ତିଙ୍ଗ୍ ସୁନ୍ଦ୍ରି ଇଞ୍ଜି ଚଞ୍ଜିୟା ଆୟେକ୍।

୧ ତିମତି 5:10

ଆରେ ର ଆଣ୍ଡ୍ରା ନେ ଇଡ଼୍‌ଜି ମାନ୍‌ଗାନାତ୍, ଆରେ ହେଦେଲ୍ ହାର୍ଦି କାମାୟ୍ କାଜିଙ୍ଗ୍ ଜଣାସୁଣା କଗ୍‌ଲେ ଆନାତ୍‌। ଇନେସ୍‌କି ହେଦେଲ୍ ତା ହିମ୍‌ଣା ୱାକ୍‌ଡ଼ାକାଙ୍ଗ୍ ହାର୍ କିଜି ପହା କିନାତ୍, ଗତାକାଙ୍ଗ୍ ହାର୍ କିଜି ମାନିକିନାତ୍। ସାଦୁ ମାନାୟାରିଙ୍ଗ୍ କାଲ୍‌ପାନା ନୁଜ୍‌ଦି ହିନାତ୍, ଆରେ ଦୁକ୍‌ତାକେ ମାନାକାରିଙ୍ଗ୍ ସାଇଜ କିନାତ୍, ଆରେ ୱିଜୁ ହାର୍ଦି କାମାୟ୍ କିଦେଙ୍ଗ୍ ତିର୍‌କାଡ଼୍ ଆନାତ୍, ଇଲେକେ ରାଣ୍ଡି କଗ୍‌ଲେଙ୍ଗ୍ ରାଣ୍ଡିକ୍ ଲିଷ୍ଟ୍‌ତାକେ ଲେକା ଆୟେତ୍।

୧ ତିମତି 5:25

ଇଲେକେ କେତେକ୍ ମାନାୟାର୍ ହାର୍ଦି କାମାୟ୍ ଜେକକିନାର୍ ପୁନାର୍, ଆରେ କେତ୍‌ଜାଣ୍‌ତି ହାର୍ଦି କାମାୟ୍‌ତିଙ୍ଗ୍ ହେଦାପ୍ରେ ପୁନୁର୍ ମାତର୍ ହେ କାମାୟ୍‌ତିଙ୍ଗ୍ ଦିରେ-ଦିରେ ପୁନାର୍।

୧ ତିମତି 6:18

ଆରେ ଜେକନିକାରିଙ୍ଗ୍ ଉପ୍‌କାର୍ କିଜି ୱିଜୁ ସତ୍ କାମାୟ୍‌ତାଙ୍ଗ୍ ହାଉକାର୍ ଆନାର୍ ଆରେ ମେଲାଆତିୟା ଆଜି ଆରେ ଦୟାନି ମାନ୍‌ତାଙ୍ଗ୍ ଦାନ୍ ହିଦେଙ୍ଗ୍ ହେୱାରିଙ୍ଗ୍ ଆଦେସ୍ ହିୟାଟ୍।

୨ ତିମଥି 2:21

ଲାଗିଙ୍ଗ୍ ଇମ୍‌ଣି ପାର୍ତିକିନି ମାନାୟାର୍ ଜାର୍‌ତିଙ୍ଗ୍ ୱିଜୁ କରାପ୍ ବିଷୟତାଙ୍ଗ୍ ଦେହା ମାନ୍‌ଗାନାନ୍, ହେୱାନ୍ ରକାନ୍ ହାର୍ଦି ସମୟ୍‌ତ ବ୍ଯବହାର୍ କିତିଲେକେ ସନ୍‌ମାନ୍ ପାୟା ଆନାନ୍। ହେୱାନ୍ ଦରମ୍ ମାନାୟ୍ ଆନାନ୍ ଆରେ ମାଲିକ୍‌ନି ବ୍ଯବହାର୍ କାଜିଙ୍ଗ୍ ହେୱାନ୍ ଟିକ୍ ଆନାନ୍।

୨ ତିମଥି 3:17

ଇନେସ୍ ଈଶ୍ୱରନି ମାନାୟ୍ ପୁରାପୁରି ଟିକ୍ ଆନାର୍ ଆରେ ୱିଜୁ ହାର୍ଦି କାମାୟ୍ କିଦେଙ୍ଗ୍ ରେଡି ଆଜି ମାନ୍‌ଗାନାର୍।

ତୀତସ 2:14

ଆସେଙ୍ଗ୍ ଇନେସ୍ ତା ମାନାୟ୍ ଆଜି ୱିଜୁ ହାର୍ଦି କାମାୟ୍ କିନି କାଜିଙ୍ଗ୍ ଆରେ ଅଦରମ୍‌ ଜିବୁନ୍‌ତାଙ୍ଗ୍ ମୁକ୍ତି କିଦ୍‌ଦେଙ୍ଗ୍ ଆରେ ୱିଜୁ କରାପ୍ ବ୍ୟବହାର୍‌ତାଙ୍ଗ୍ ହପ୍ତେଦେଙ୍ଗ୍ ଯୀଶୁ ଖ୍ରୀଷ୍ଟ ଜାର୍ ଜିବୁନ୍‌ତିଙ୍ଗ୍ ହିତାନ୍‌ନା।

ତୀତସ 2:7

ଏପେଙ୍ଗ୍ ର ମାନାୟ୍ ମାନି କିତିଲେକେ ୱିଜୁ ବିଷୟରେ ହାର୍ଦି କାମାୟ୍ କିୟାଟ୍। ଏପେଙ୍ଗ୍ ଈଶ୍ୱର ବିଷୟରେ ହିକ୍ଷା ହିନିହିଙ୍ଗ୍ ହାର୍ଦି ମାନ୍‌ତାଙ୍ଗ୍ ଆରେ ମାନାୟାର୍ ସନ୍‌ମାନ୍ କିତିଲେକେ ହିକ୍ଷା ହିୟାଟ୍।

ତୀତସ 3:1

ସାସନ୍ କିନାକାର୍ ଆରେ ତା ଆଦିକାର୍ ପାୟାଆତି ମାନାୟାର୍ ତାରେନ୍ କିନାକା ଆରେ କାତା ମାନି କିଦେଙ୍ଗ୍, ଆରେ ୱିଜୁ ପର୍‌କାର୍ ହାର୍ଦି କାମାୟ୍ କିନି କାଜିଙ୍ଗ୍ ରେଡି ଆଜି ମାନାଟ୍।

ତୀତସ 3:14

ହେଲେକେ ଏପେଙ୍ଗ୍ ପାର୍ତି କିନାକାରିଙ୍ଗ୍ ହିକ୍ଷା ହିୟାଟ୍ ଯେ ମାନାୟାର୍ ଇନେସ୍ ହେୱାରିଙ୍ଗ୍ ଦର୍‌କାର୍‌ଆନି ଜିନିଷ୍ ପାୟାଆନାର୍‌, ଇଦାଙ୍ଗ୍ କାଜିଙ୍ଗ୍ ପାର୍ତି କିନାକାର୍ ହାର୍ଦି କାମାୟ୍ କିନି କାଜିଙ୍ଗ୍ ନେ ମାନ୍ କିଜି ମାନେର୍। ଲାଗିଙ୍ଗ୍ ହେୱାର୍ ତା ଜିବୁନ୍‌ତ ଇନାୱେଡ଼ାଙ୍ଗ୍ ପା ପାଡ଼୍‌ ହିଲ୍‌ୱି ଲେକେ ଆଉର୍।

ତୀତସ 3:8

ଆନେଙ୍ଗ୍ ୱେଚ୍‌ଚି ମାନ୍‌ଞ୍ଚି ଇ ବେଣ୍‌ତିଙ୍ଗ୍ ପାର୍ତିକିନି ଦର୍‌କାର୍। ଲାଗିଙ୍ଗ୍ ଆନେଙ୍ଗ୍ ଇଚା କିନାଙ୍ଗା ଯେ ଈଶ୍ୱରତାକେ ପାର୍ତିକିନି ମାନାୟାର୍ ଇନେସ୍ ହାର୍ଦି କାମାୟ୍ କିନି କାଜିଙ୍ଗ୍ ମାନ୍‌ଦିୟାନ୍ ହିଦେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ ହେୱାରିଙ୍ଗ୍ ଇ ୱିଜୁ ବିଷୟ ବେସି ବାଡ଼୍‌କାସ୍ କିଜି ହିକ୍ଷା ହିୟାଟ୍। ଇ ୱିଜୁ ବିଷୟ ହାର୍ ଆରେ ୱିଜୁ ମାନାୟ୍ କାଜିଙ୍ଗ୍ ସାଇଜ କିନାନ୍।

ଏବ୍ରି 10:24

ଆରେ ଜାର୍-ଜାର୍‌ତିଙ୍ଗ୍ ଲାଡ୍ ଆରେ ହାର୍ଦି କାମାୟ୍ କିନି କାଜିଙ୍ଗ୍ ଜାର୍-ଜାର୍‌ତିଙ୍ଗ୍ ସାହାସ୍ କିଦେଙ୍ଗ୍ ଦିୟାନ୍ ହିନାସ୍।

୧ ପିତର 2:12

ଈଶ୍ୱରତିଙ୍ଗ୍ ପୁନ୍‌ୱିତି ମାନାୟାର୍ ମି ଚାରିବେଣ୍‌ତାଙ୍ଗ୍ ମାନାର୍, ଆରେ ହେୱାର୍ ମିଙ୍ଗେଙ୍ଗ୍ ବୁଲ୍ କାମାୟ୍ କିନାରା ଇଞ୍ଜି ବିରଦ୍ କିଦେଙ୍ଗ୍ ଆଡ୍‌ନାର୍। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ହାର୍ ଜିବୁନ୍ କାଟିକିନି ଦର୍‌କାର୍, ଲାଗିଙ୍ଗ୍ ହେୱାର୍ ମି ହାର୍ କାମାୟ୍ ହୁଡ଼୍‌ଜି ଈଶ୍ୱରତିଙ୍ଗ୍ ଗୌରବ ହିନାର୍, ଏଚେପାଦ୍ନା ଯୀଶୁ ଖ୍ରୀଷ୍ଟ ପୁର୍ତିତାକେ ଆରେରଗ ବିଚାର୍ କିଦେଙ୍ଗ୍ ୱାନାନ୍।

୧ ଯୋହନ 1:7

ମାତର୍ ଈଶ୍ୱର ଇନେସ୍ ଅଜଡ଼୍‌ତାକେ ମାନାନା, ହେଲେକେ ଯଦି ଆପେଙ୍ଗ୍ ଅଜଡ଼୍‌ତାକେ ମାନାପ୍। ଲାଗିଙ୍ଗ୍ ଆପେଙ୍ଗ୍ ମାହାଆଜି ମାନାପ୍, ଆରେ ତା ମେହି ଯୀଶୁ ଖ୍ରୀଷ୍ଟ ତା ନେତେର୍‌ତାଙ୍ଗ୍ ମା ୱିଜୁ ପାପ୍‌ତିଙ୍ଗ୍ ନୁସ୍ତାନ୍‌ନା।

୧ ଯୋହନ 2:6

ଇମ୍‌ଣି ମାନାୟ୍ ଈଶ୍ୱର ହୁଦାଙ୍ଗ୍ ମାନାଙ୍ଗ୍ ଇଞ୍ଜି ୱେଚ୍‌ନାନା, ହେୱାନ୍ ଯୀଶୁ ଖ୍ରୀଷ୍ଟ ଲେକେ ଯିବୁନ୍ କାଟିକିନି ଦର୍‌କାର୍।