ଏପିସିୟ 1:7 - New Testament in Pengo Parja Language7 ଈଶ୍ୱର ବେସି ଦୟାତାଙ୍ଗ୍ ଆସେଙ୍ଗ୍ ହେ ଯୀଶୁ ଖ୍ରୀଷ୍ଟନି ନେତେର୍ କାଜିଙ୍ଗ୍ ମୁକ୍ତି ପାୟାଆତାସ୍, ଇଦାଙ୍ଗ୍ନି ଅର୍ତ ଈଶ୍ୱର ମା ପାପ୍ ୱିଜୁତିଙ୍ଗ୍ କେମା କିତ୍ତାନ୍ନା। Faic an caibideilସତ୍ ବଚନ୍ ପୁନି ନିୟମ୍7 କ୍ରିସ୍ଟତି ହାକି କାଜିଂ ଆପେଂ ମୁକ୍ଡ଼ାନାକା, ଇଚିସ୍ ମା ସବୁ ନେତେର୍ତାଂ ପାପ୍ କେମା ଆତାତ୍ନ୍ନା । ଇସ୍ୱର୍ତି ଉପ୍କାର୍ ଏଚେକ୍ ଗାଜା ! Faic an caibideil |
ଏପିସିୟ 1:7
67 Iomraidhean Croise
ଈଶ୍ୱର ମା ପାପ୍ନି ଦଣ୍ଡ୍ତିଙ୍ଗ୍ ପିଣ୍ଜି ଅଦେଙ୍ଗ୍ ଆରେ ତା ରିସାତିଙ୍ଗ୍ ତିର୍ କିଦେଙ୍ଗ୍ ଯୀଶୁ ମାପୃଙ୍ଗ୍ ପକ୍ତାତାନ୍ନା। ଏଚେକାଡ଼୍ଦ ଯୀଶୁ ମାପୃ ମା କାଜିଙ୍ଗ୍ କୃଶକାଟ୍ତାକେ ହାଃତାନ୍ ଆରେ ତା ନେତେର୍ ବଡ଼ାୟ୍ କିତାନ୍ନା। ହେପାଦ୍ନା ଆସେଙ୍ଗ୍ ଈଶ୍ୱର ଆଗେ ଟିକ୍ ମାନାୟ୍ ଆତାସ୍ନା। ଆଗେ ପାପ୍ କିତାକାରିଙ୍ଗ୍ ଈଶ୍ୱର କେମାକିଜି ମାଚାନ୍, ଇନେସ୍କି ଈଶ୍ୱର ନ୍ୟାୟ୍ ବିଚାର୍ କିନାକାନ୍।
ଆନେଙ୍ଗ୍ ଇଲେକେ ୱେଚ୍ଚାନାଙ୍ଗା, ଇନେସ୍କି ଖ୍ରୀଷ୍ଟ ପା ମା ୱିଜାକାର୍ ପାପ୍ କାଜିଙ୍ଗ୍ ଦୁଃକ୍ କଷ୍ଟ ପାୟାଆଜି ରଗ ହାଃଜି ମାଚାନ୍। ହେୱାନ୍ ରକାନ୍ ଦରମ୍ ମାନାୟ୍ ମାଚାନ୍, ମାଙ୍ଗେଙ୍ଗ୍ ଈଶ୍ୱର ଲକ୍ କିଦ୍ଦେଙ୍ଗ୍ ହେୱାନ୍ ମା ପାପ୍ କାଜିଙ୍ଗ୍ ହାଃଜି ମାଚାନ୍, ଲାଗିଙ୍ଗ୍ ଆସେଙ୍ଗ୍ ତା ହୁଦାଙ୍ଗ୍ ଜାର୍ ଲକ୍ ଆୟା ଆନାତ୍। ହେୱାର୍ ତାଙ୍ଗେଙ୍ଗ୍ ମାର୍ନେ ଅସ୍ତାର୍, ମାତର୍ ପବିତ୍ର ଆତ୍ମାନି ଶାକ୍ତିତାଙ୍ଗ୍ ଆରେରଗ ଜିବୁନ୍ ଆତାନ୍।
ଇନେସ୍କି ହେୱାର୍ ଇନାୱେଡ଼ାଙ୍ଗ୍ ପା ଦାରି କାମାୟ୍ କିୱି ଆଣ୍ଡ୍ରେନ୍ଲେକେ ପବିତ୍ର ଜିବୁନ୍ କାଟିକିଜି ମାଚାର୍। ହେୱାର୍ ମେଣ୍ଢା ଇନେର୍କି ଯୀଶୁଙ୍ଗ୍ ପିସ୍ତି ଇନେରିଙ୍ଗ୍ ପା ପୁଜା କିୱାତାର୍ନା। ହେୱାର୍ ମେଣ୍ଢା ଇନେର୍କି ଯୀଶୁ ଇମେ ହାଚିସ୍ ହେଇନି ହାଲ୍ଜି ମାଚାର୍। ହେୱାର୍ ନେ ହେ ମାନାୟାର୍ ଇନେରିଙ୍ଗ୍ ଈଶ୍ୱର ପୁର୍ତି ୱିଜୁ ପର୍କାର୍ ମାନାୟାର୍ତାଙ୍ଗ୍ ଉଦାର୍ କିତାନ୍ନା। ମାନାୟାର୍ ଇନେସ୍ ତା ବଗିଚାତାଙ୍ଗ୍ ପାର୍ତୁମ୍ ପାଡ଼୍ ଈଶ୍ୱରତିଙ୍ଗ୍ ହିନାର୍, ହେଲେକେ ହେୱାର୍ ପା ଈଶ୍ୱର ଆରେ ମେଣ୍ଢା ଇନେର୍କି ଯୀଶୁ କାଜିଙ୍ଗ୍ ବଗିଚାନି ପାର୍ତୁମ୍ ପାଡ଼୍ଲେକେ ଆତାର୍ନା।
ଆରେ ହେୱାର୍ ଇଲେକେ କିଜି ର ପୁନି କେର୍କଣ୍ କେର୍ତାର, “ନିଦି ନେ ଇ ସାସ୍ତର୍ ଆସ୍ତେଙ୍ଗ୍ ଯଗ୍ୟ ମାନାତ୍ ଆରେ ତା ସିଲ୍ ଡ୍ରିକ୍ଚି ରିକ୍ତେଙ୍ଗ୍ ଆଡ୍ନାନ୍। ଇନେସ୍କି ଏନେଙ୍ଗ୍ ମାନାୟାର୍ କାଜିଙ୍ଗ୍ ହାଃଜି ମାଚାୟ୍, ଆରେ ମାନାୟାରିଙ୍ଗ୍ ଉଦାର୍ କିଦେଙ୍ଗ୍ କୃଶକାଟ୍ତାକେ ନି ନେତେର୍ ବଡ଼ାୟ୍ କିଜି ମାଚାୟ୍। ଲାଗିଙ୍ଗ୍ ହେୱାର୍ ଈଶ୍ୱର ଲକ୍ ଆତାର୍ନା, ଇ ମାନାୟାର୍ ୱିଜୁ ଜାତିର୍ତାଙ୍ଗ୍, ୱିଜୁ ବାଷାତାଙ୍ଗ୍, ୱିଜୁ ବାହାତାଙ୍ଗ୍ ଆରେ ୱିଜୁ ଦେସ୍ତାଙ୍ଗ୍ ୱାତାର୍ନା।
Sanasan