ଏପିସିୟ 1:3 - New Testament in Pengo Parja Language

³ ମା ମାପୃ ଯୀଶୁ ଖ୍ରୀଷ୍ଟନି ଈଶ୍ୱର ଆରେ ଆବାତିଙ୍ଗ୍ ଜୟ୍-ଜୟ୍ କିୟାଟ୍। ଖ୍ରୀଷ୍ଟତାକେ ଆସେଙ୍ଗ୍ ରବେଆଜି ମାଚିଲେ, ଈଶ୍ୱର ମାଙ୍ଗେଙ୍ଗ୍ ସରଗ୍‌ନି ୱିଜୁ ଆଶ୍ରିବାଦ୍‌ତାକେ ଆଶ୍ରିବାଦ୍ କିତ୍‌ତାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

³ ଦନ୍ୟ ମା ମାପ୍ରୁ ଜିସୁ କ୍ରିସ୍ଟତି ଆବା ଇସ୍ୱର୍‌ । ଇନେକିଦେଂକି ହେୱାନ୍‌ ମାଙ୍ଗେଙ୍ଗ୍‌ କ୍ରିସ୍ଟତି ଲାହାଂ ମେହାୟ୍‌କିଜ଼ି ସାର୍ଗେ ଲକୁନି ୱିଜ଼ାରିଂ ସାର୍ଗେନି ଆତ୍ମିକ୍‌ ଆସିର୍ବାଦ୍‌ କିତ୍‌ତାନ୍‌ନା,

ଏପିସିୟ 1:3 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:28

ଶିମିୟନ୍ ହିମ୍‌ଣା ଯୀଶୁଙ୍ଗ୍ ହୁଡ଼୍‌ଜି ଡ୍ରକ୍‍ଚି ଆସ୍ତି ଈଶ୍ୱରତିଙ୍ଗ୍ ଜୟ୍-ଜୟ୍ କିଜି ୱେଚ୍‌ଚାନ୍,

ଜହନ୍‌ 14:20

ଏପେଙ୍ଗ୍ ହେ ଦିନ୍ ପୁନାଦେର୍ ଯେ, ଆନେଙ୍ଗ୍ ଆବା ଈଶ୍ୱରତାକେ ମାନାଙ୍ଗା। ଆରେ ଏପେଙ୍ଗ୍ ନାବେ ଆରେ ଆନେଙ୍ଗ୍ ମିବେ ମାନାଙ୍ଗ୍।

ଜହନ୍‌ 17:21

ଏ ଆବା ଈଶ୍ୱର, ଆନେଙ୍ଗ୍ ନିବେ ପାର୍ତାନା କିଦ୍‌ନାଙ୍ଗା, ଇନେସ୍ ପାର୍ତି କିନାକାର୍ ରବେ ଆଦେଙ୍ଗ୍ ଆଡ୍‌ନାର୍। ଇନେସ୍‌କି ଏନେଙ୍ଗ୍ ନାବେ ମାନାଇ ଆରେ ଆନେଙ୍ଗ୍ ନିବେ ମାନାଙ୍ଗ୍। ହେଲେକେ ଇୱାର୍ ପା ମାବେ ମାନ୍‌ଗାନାର୍। ଲାଗିଙ୍ଗ୍ ଏନେଙ୍ଗ୍ ନାଙ୍ଗେଙ୍ଗ୍ ପକ୍ତାତାଇନା ଇଞ୍ଜି ପୁର୍ତିନି ୱିଜୁ ମାନାୟାର୍ ପାର୍ତିକିନାର୍।

ଜହନ୍‌ 20:17

ଯୀଶୁ ହେଦେଲିଙ୍ଗ୍ ୱେଚ୍‌ଚାନ୍, “ନାଙ୍ଗେଙ୍ଗ୍ ଆସ୍ତେଦେଙ୍ଗ୍ ଉପାୟ୍ କିଦ୍‌ମା। ଆନେଙ୍ଗ୍ ନଙ୍ଗୟ୍ ପାତେକ୍ ଆବା ଈଶ୍ୱରତାକେ ହାଲ୍‌ୱାତାଙ୍ଗ୍‌ନା। ମାତର୍ ଏନେଙ୍ଗ୍ ହାଲ୍‌ଜି ନା ଟଣ୍ଡାରିଙ୍ଗ୍ ୱେଚା, ଆନେଙ୍ଗ୍ ମି ଆରେ ନା ଆବାତାକେ ହାନାଙ୍ଗା। ଆରେ ମି ଆରେ ନା ଈଶ୍ୱରତାକେ ହାନାଙ୍ଗା।”

ରୋମିୟ 12:5

ହେଦାଙ୍ଗ୍ ପା ଇଲେକେ, ଆସେଙ୍ଗ୍ ୱିଜାକାସ୍ ଖ୍ରୀଷ୍ଟଙ୍ଗ୍ ପାର୍ତି କିନାସା, ଆସେଙ୍ଗ୍ ୱିଜାକାସ୍ ଖ୍ରୀଷ୍ଟ ଗାଗାଡ଼୍‌ନି ରଞ୍ଜି-ରଞ୍ଜି ଜିନିଷ୍, ଆରେ ଆସେଙ୍ଗ୍ ଜାର୍-ଜାର୍‌ବିତ୍ରେ ଜଡ଼ା ଆତାସ୍‌ନା। ଆରେ ଈଶ୍ୱର ମାଙ୍ଗେଙ୍ଗ୍ ଅଲଗା ଅଲ୍‌ଗା କାମାୟ୍ କିଦେଙ୍ଗ୍ ହିତ୍‌ତାନ୍‌ନା।

ରୋମିୟ 15:6

ଲାଗିଙ୍ଗ୍ ଏପେଙ୍ଗ୍ ୱିଜାଦେର୍ ର ମାନ୍‌ଆଜି ଈଶ୍ୱର ମା ମାପୃ ଯୀଶୁ ଖ୍ରୀଷ୍ଟ ଲାତ୍ରାହିଙ୍ଗ୍ ଦନ୍ଯବାଦ୍ ଆରେ ଗୌରବ ହିଦେଙ୍ଗ୍ ଆଡ୍‌ନାଦେର୍।

୧ କରନ୍ତିୟ 1:30

ମାତର୍ ଈଶ୍ୱର ମିଙ୍ଗେଙ୍ଗ୍ ଖ୍ରୀଷ୍ଟ ଯୀଶୁ ହୁଦାଙ୍ଗ୍ ଏକ୍ କିତ୍‌ତାନ୍‌ନା, ଆରେ ଖ୍ରୀଷ୍ଟ କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ବୁଦି ହିଦ୍‌ନାନ୍। ଈଶ୍ୱର ମା ୱିଜୁ ପାପ୍‌ତାଙ୍ଗ୍ ମୁକ୍ତି କିତ୍‌ତାନ୍ ଆରେ ହେୱାନ୍ ମାଙ୍ଗେଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ପବିତ୍ର ଆରେ ତା ମୁମ୍‌ଦ ଦରମ୍ ମାନାୟ୍ କିଦ୍‌ନାନ୍।

୧ କରନ୍ତିୟ 12:12

ମାନାୟ୍‌ତିଙ୍ଗ୍ ର ଗାଗାଡ଼୍ ଆରେ ବେସି ଜିନିଷ୍ ମାନାତ୍, ମାତର୍ ଗାଗାଡ଼୍‌ନି ୱିଜୁ ଜିନିଷ୍ କାଜିଙ୍ଗ୍ ନେ ର ଗାଗାଡ଼୍ ଆନାତ୍‌। ଲାଗିଙ୍ଗ୍ ଇଦାଙ୍ଗ୍ ନେ ହେଲେକେ ଖ୍ରୀଷ୍ଟ ଆରେ ତାଙ୍ଗେଙ୍ଗ୍ ପାର୍ତିକିନି ମାନାୟାର୍ ହୁଦାଙ୍ଗ୍ ହାମାନ୍ ଆନାତ୍‌।

୨ କରନ୍ତିୟ 1:3

ଆପେଙ୍ଗ୍ ୱିଜାକାପ୍ ମା ମାପୃ ଯୀଶୁ ଖ୍ରୀଷ୍ଟନି ଆବା ଆରେ ଈଶ୍ୱରତିଙ୍ଗ୍ ଦନ୍ଯବାଦ୍ ହିନି ଦର୍‌କାର୍। ହେୱାନ୍ ୱିଜୁଦିନ୍ ମାଙ୍ଗେଙ୍ଗ୍ ଦୟା ଆରେ ସାଇଜ କିଦ୍‌ନାନା। ଆରେ ଈଶ୍ୱର ନେ ମାଙ୍ଗେଙ୍ଗ୍ ସାହାସ୍ ହିଦ୍‌ନାନା।

୨ କରନ୍ତିୟ 11:31

ମା ମାପୃ ଯୀଶୁ ଖ୍ରୀଷ୍ଟ ଲାତ୍ରାହି, ଈଶ୍ୱର ୱିଜୁଦିନ୍ ଜୟ୍-ଜୟ୍ ପାୟା ଆନାନ୍ ହେୱାନ୍ ପୁଚାନ୍‌ନା ଯେ ଆନେଙ୍ଗ୍ ମିଚ୍ ୱେଚୁଙ୍ଗା।

୨ କରନ୍ତିୟ 5:17

ଲାଗିଙ୍ଗ୍ ଇ ଅର୍ତ ଇନାକା? ଯଦି ରୱାନ୍ ଖ୍ରୀଷ୍ଟାନ୍ ଆନାନ୍ ଲାଗିଙ୍ଗ୍ ହେୱାନ୍ ପୁନାକାନ୍ ଆନାନ୍ କି? ଆଁ ହେୱାର୍ ଆରେ ଆଗେଲେକେ ହାମାନ୍ ମାନ୍‌ଗୁର୍‌, ଇନେସ୍‌କି ଆଗେଲେକେ ଜିବୁନ୍ କାଟି କିନାକା ନଷ୍ଟ ଆତାତ୍‌ନା, ମାତର୍ ନଙ୍ଗୟ୍ ପୁନି ଜିବୁନ୍ କାଟି କିନାକା ଆରମ୍ ଆତାତ୍‌ନା।

୨ କରନ୍ତିୟ 5:21

ଇନେସ୍‌କି ଈଶ୍ୱର ଇନାୱେଡ଼ାଙ୍ଗ୍ ପାପ୍ କିୱିତି ଖ୍ରୀଷ୍ଟଙ୍ଗ୍ ମା ପାପ୍ କାଜିଙ୍ଗ୍ ହାଃଦେଙ୍ଗ୍ ହିତ୍‌ତାନ୍, ହେଦାଙ୍ଗ୍ କାଜିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଖ୍ରୀଷ୍ଟ କାଜିଙ୍ଗ୍ ତା ମୁମ୍‌ଦ ଦରମ୍ ମାନାୟ୍ କିଦ୍‌ଦେଙ୍ଗ୍ ଆଡ୍‌ନାନ୍।

ଗାଲାତିୟ 3:9

ହେଦାଙ୍ଗ୍ କାଜିଙ୍ଗ୍ ଅବ୍ରାହାମ ଇନେସ୍ ପାର୍ତି କିଜି ଆଶ୍ରିବାଦ୍ ପାୟାଆତାନ୍‌, ହେଲେକେ ଇମ୍‌ଣାକାର୍ ଖ୍ରୀଷ୍ଟତାକେ ପାର୍ତିକିନାର୍ ହେୱାର୍ ହାମାନ୍ ଆଶ୍ରିବାଦ୍ ପାୟାଆନାର୍‌।

ଏପିସିୟ 1:10

ଈଶ୍ୱର ଜଜ୍‌ନା କିତି ଟିକ୍ ସମୟ୍ ୱାତିସ୍, ସରଗ୍‌ତାକେ ଆରେ ପୁର୍ତିତାକେ ମାନି ୱିଜୁ ବିଷୟ ଖ୍ରୀଷ୍ଟ ତାରେନ୍ ଇଟ୍‌ନି କାଜିଙ୍ଗ୍ ଈଶ୍ୱର ଇଚା କିଜି ମାଚାନ୍।

ଏପିସିୟ 1:17

ଆନେଙ୍ଗ୍ ଇଦାଙ୍ଗ୍ ପା ପାର୍ତାନା କିନାଙ୍ଗ୍ ଯେ ଈଶ୍ୱର ମା ମାପୃ ଯୀଶୁ ଖ୍ରୀଷ୍ଟନି ଗୌରବମାନି ଆବା ମିଙ୍ଗେଙ୍ଗ୍ ଜ୍ଞାନ୍ ଆରେ ବୁଦି ହିଦେନ୍, ଲାଗିଙ୍ଗ୍ ଏପେଙ୍ଗ୍ ହେୱାନିଙ୍ଗ୍ ହାର୍‌ଦାଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍।

ଏପିସିୟ 1:20

ଇଦାଙ୍ଗ୍ ନେ ହେ ଗାଜା ଶାକ୍ତିତାଙ୍ଗ୍ ଈଶ୍ୱର ଖ୍ରୀଷ୍ଟଙ୍ଗ୍ ହାଃତି ମାନାୟାର୍ ବିତ୍ରେତାଙ୍ଗ୍ ନିକ୍ତାନ୍‌ନା ଆରେ ସରଗ୍‌ଜପି ଈଶ୍ୱର ତିନାକେଇ ନିପ୍‌ଣି ସନ୍‌ମାନ୍ ପାୟାଆନି ବାହାତାକେ କୁଚିକିତାନ୍‌ନା।

ଏପିସିୟ 2:6

ଆସେଙ୍ଗ୍ ଯୀଶୁ ଖ୍ରୀଷ୍ଟତାକେ ରବେ ଆତି କାଜିଙ୍ଗ୍, ଈଶ୍ୱର ମାଙ୍ଗେଙ୍ଗ୍ ଖ୍ରୀଷ୍ଟ ହୁଦାଙ୍ଗ୍ ହାଃତିତାଙ୍ଗ୍ ନିକ୍ତାତାନ୍‌ନା ଆରେ ମାଙ୍ଗେଙ୍ଗ୍ ତା ହୁଦାଙ୍ଗ୍ ସରଗ୍‌ଜପି କୁଚିକିତ୍‌ତାନ୍‌ନା।

ଏପିସିୟ 3:10

ଇମ୍‌ଣି ୱିଜୁ ଦୁତ୍‌କୁ ଚଞ୍ଜିଆୱି ପୁର୍ତିତାକେ ଆଦିକାର୍ ହୁଦାଙ୍ଗ୍ ସାସନ୍ କିନିକ୍, ହେୱେକ୍ ଲାଗାୟ୍ ଈଶ୍ୱର ତା ୱିଜୁ ପର୍‌କାର୍ ବୁଦିତିଙ୍ଗ୍ ୱେଚ୍‌ଚେଙ୍ଗ୍ ମଣ୍ଡ୍‌ଲିତିଙ୍ଗ୍ ନଙ୍ଗୟ୍ ବ୍ଯବହାର୍ କିନି କାଜିଙ୍ଗ୍ ଜଜ୍‌ନା କିତାନ୍‌ନା।

ଏପିସିୟ 6:12

ଇନେସ୍‌କି ମା ଯୁଜ୍ ନେତେର୍ ଜେଇ ଇ ପୁର୍ତିନି ମାନାୟାର୍ କାଜିଙ୍ଗ୍ ଆକାୟ୍, ମାତର୍ ମାଜ୍‌ଗା ଜଗତ୍‌ନି ଶାକ୍ତି, ଆଦିକାର୍ ଆରେ ସାସନ୍ କିନାକାର୍ ବିରଦ୍‌ତାକେ ଆରେ ବାଦାଡ଼୍‌ନି କରାପ୍ ଆତ୍ମା ବିରଦ୍ କାଜିଙ୍ଗ୍।

ପିଲିପିୟ 2:11

ଆରେ ୱିଜାକାର୍ ଯୀଶୁ ଖ୍ରୀଷ୍ଟ ମାପୃ ଇଞ୍ଜି ୱେଚ୍‌ନାର୍, ଆରେ ଆବା ଈଶ୍ୱରତିଙ୍ଗ୍ ଗୌରବ କିନାର୍।

ଏବ୍ରି 8:5

ଇ ପୁଜାରିର୍ ଇମ୍‌ଣି ମୁକ୍ଯ ପବିତ୍ର ମନ୍ଦିର୍‌ତାକେ ହେବା କିନାର୍, ହେଦାଙ୍ଗ୍ ସରଗ୍‌ତାକେ ମାନି ବିଷୟତିଙ୍ଗ୍ ର ନକ୍‌ଲି ଆରେ ଡ଼ିଗା ଲେକେ ଚନ୍‌ଞ୍ଚି ବିଷୟ। ହେଦାଙ୍ଗ୍ କାଜିଙ୍ଗ୍ ମୋଶା ଏଚେପାଦ୍ନା ପୁଟ୍ କୁଡ଼ିଆ ରସ୍ତେଙ୍ଗ୍ ରେଡି ଆଜି ମାଚାନ୍, ଈଶ୍ୱର ଜାଗ୍ରତ୍ କିୟିକିଜି ୱେଚ୍‌ଚାନ୍, “ସାବ୍‌ଦାନ୍, ଆନେଙ୍ଗ୍ ଇ ମାଡ଼ିତାକେ ନିଙ୍ଗେଙ୍ଗ୍ ଇମ୍‌ଣି ଡିଜେନ୍ ଚଚ୍‌ଚାତାଙ୍ଗ୍‌ନା, ହେଲେକେ ୱିଜୁ ରହା।”

ଏବ୍ରି 9:23

ଲାଗିଙ୍ଗ୍ ପଶୁନି ନେତେର୍‌ତାଙ୍ଗ୍ ଇ ପୁର୍ତିନି କୁଡ଼ିଆ ଆରେ ହେବେ ମାନି ୱିଜୁ ବିଷୟ ଶୁଚି ଆନି ଦର୍‌କାର୍ ମାଚାତ୍। ଆରେ ଇ ୱିଜୁ ବିଷୟ ସରଗ୍‌ତାକେ ମାନି ବିଷୟନି ନକ୍‌ଲି। ମାତର୍ ସରଗ୍‌ତାକେ ମାନି ବିଷୟ ଇ ପଶୁନି ନେତେର୍‌ତାଙ୍ଗ୍ ବେସି ଗାଜା ବଲିପୁଜାତାଙ୍ଗ୍ ଶୁଚି ଆନି ଦର୍‌କାର୍ ମାଚାତ୍।

୧ ପିତର 1:3

ମା ମାପୃ ଯୀଶୁ ଖ୍ରୀଷ୍ଟ ଆବା ଈଶ୍ୱରତିଙ୍ଗ୍ ଜୟ୍-ଜୟ୍ ଆୟେତ୍, ଈଶ୍ୱର ମାଙ୍ଗେଙ୍ଗ୍ ବେସି ଦୟାକିଜି ମାନ୍‌ଞ୍ଚି କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ପୁନି ଜିବୁନ୍ ହିତ୍‌ତାନ୍। ଇନେସ୍‌କି ଈଶ୍ୱର ଯୀଶୁ ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିଜି ନିକ୍‌ଚି ମାଚାନ୍, ଆରେ ହେୱାନ୍ ମାଙ୍ଗେଙ୍ଗ୍ ସାହାସ୍ ହୁଦାଙ୍ଗ୍ ଜିନି କାଜିଙ୍ଗ୍ ସାଇଜ କିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ହେୱାନ୍ କିଜିମାଚି ପାର୍ମାଣ୍‌ତିଙ୍ଗ୍ ପାୟାଆନି କାଜିଙ୍ଗ୍ ଆପେଙ୍ଗ୍ ଆହା କିନାପା।