ଏପିସିୟ 1:21 - New Testament in Pengo Parja Language

²¹ ଖ୍ରୀଷ୍ଟ ହେ ବାହାତାକେ ୱିଜୁ ଅଦିକାର୍‌ନି ଶାକ୍ତିତାଙ୍ଗ୍ ଗାଜା ଅଦିକାର୍। ଆରେ ଅପିସର୍‌ତାଙ୍ଗ୍ ବେସି ଗାଜା ଅପିସର୍। ହେୱାନ୍ ଇ ଯୁଗ୍‌ଦ ନେ ଆକାୟ୍ ୱାନି ଯୁଗ୍‌ଦ ପା ଗାଜା।

ସତ୍‌ ବଚନ୍‌ ପୁନି ନିୟମ୍‌

²¹ କ୍ରିସ୍ଟ ୱିଜ଼ୁ ସାର୍ଗେନି ସାସନ୍‌କାରିୟା, କେମ୍‌ତା ପୁରା ଆଦିକାର୍‌, ସାକ୍ତିତ ଆରି ଆଦିକାରିଂ ଜପି ସାସନ୍‌ କିନାର୍‌, ଇ ଜୁଗ୍‌ନି ମାନି କାଡ଼୍‌ କି ହାନି କାଡ଼୍‌ କେମ୍‌ତା ଚଚ୍‌ନି ପାଦ୍‌ ପିସ୍ତି ତା ପାଦ୍‌ ବାଡ଼୍‌କାସ୍‌ ।

ଏପିସିୟ 1:21 Iomraidhean Croise

ମାତିଉ 12:32

ଆରେ ଇନେର୍‌କି ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ବିରଦ୍‌ତାକେ ନିନ୍ଦା କିନାର୍, ହେୱାନିଙ୍ଗ୍ କେମା ହିଇଆନାତ୍, ମାତର୍ ଇନେର୍ ପବିତ୍ର ଆତ୍ମାତିଙ୍ଗ୍ ବିରଦ୍‌କିଜି ନିନ୍ଦା କିନାର୍ ହେୱାନିଙ୍ଗ୍ ଇ ଯୁଗ୍‌ଦ କି ପାଚେନି ଯୁଗ୍‌ଦ ପା କେମା ହିଇୟାଉତ୍।”

ପକ୍ୟାତାକା 4:12

ଯୀଶୁଙ୍ଗ୍ ପିସ୍ତି ଆରେ ଇନେର୍‌ତାକେ ପା ଉଦାର୍ ଗାଟାଆଦୁତ୍। ଇନେସ୍‌କି ବାଦାଡ଼୍ ତାରେନ୍ ମାନାୟାର୍ ବିତ୍ରେତାଙ୍ଗ୍ ହେଲେକେ ଇନେର୍ ତର୍‌ ହିଲୁତ୍, ତା ତର୍‍ଦାଙ୍ଗ୍ ରକ୍ଷା ପାୟାଆନାସ୍।”

ଏପିସିୟ 2:2

ଇନେସ୍‌କି ହେପାଦ୍ନା ଏପେଙ୍ଗ୍ ଇ ପୁର୍ତିନି ମାନାୟାର୍ ହାଜ୍‌ଦିଙ୍ଗ୍ ତାଙ୍ଗ୍‌ଜି ମାଚାଦେର୍, ଆରେ ବାଦାଡ଼୍‌ନି କରାପ୍ ଆତ୍ମା କି ବୁତ୍ ଆତ୍ମାନି ନେତାନି ଆଦିକାର୍ ଶୟତାନନି କାତା ମାନିକିଜି ମାଚାଦେର୍। ଇ ଶୟତାନ ନଙ୍ଗୟ୍ ଈଶ୍ୱରତିଙ୍ଗ୍ ମାନିକିୱି ମାନାୟାରିଙ୍ଗ୍ କଣ୍ଟ୍ରୁଲ୍ କିଦ୍‌ନାତା।

ଏପିସିୟ 3:10

ଇମ୍‌ଣି ୱିଜୁ ଦୁତ୍‌କୁ ଚଞ୍ଜିଆୱି ପୁର୍ତିତାକେ ଆଦିକାର୍ ହୁଦାଙ୍ଗ୍ ସାସନ୍ କିନିକ୍, ହେୱେକ୍ ଲାଗାୟ୍ ଈଶ୍ୱର ତା ୱିଜୁ ପର୍‌କାର୍ ବୁଦିତିଙ୍ଗ୍ ୱେଚ୍‌ଚେଙ୍ଗ୍ ମଣ୍ଡ୍‌ଲିତିଙ୍ଗ୍ ନଙ୍ଗୟ୍ ବ୍ଯବହାର୍ କିନି କାଜିଙ୍ଗ୍ ଜଜ୍‌ନା କିତାନ୍‌ନା।

ଏପିସିୟ 6:12

ଇନେସ୍‌କି ମା ଯୁଜ୍ ନେତେର୍ ଜେଇ ଇ ପୁର୍ତିନି ମାନାୟାର୍ କାଜିଙ୍ଗ୍ ଆକାୟ୍, ମାତର୍ ମାଜ୍‌ଗା ଜଗତ୍‌ନି ଶାକ୍ତି, ଆଦିକାର୍ ଆରେ ସାସନ୍ କିନାକାର୍ ବିରଦ୍‌ତାକେ ଆରେ ବାଦାଡ଼୍‌ନି କରାପ୍ ଆତ୍ମା ବିରଦ୍ କାଜିଙ୍ଗ୍।

କଲସିୟ 2:10

ହେୱାନ୍ ୱିଜୁ ଶାକ୍ତି ଆରେ ଆଦିକାରିର୍ ମାନାୟ୍‌ତାଙ୍ଗ୍ ବେସି ଗାଜାକାନ୍। ଲାଗିଙ୍ଗ୍ ଏପେଙ୍ଗ୍ ଖ୍ରୀଷ୍ଟ ହୁଦାଙ୍ଗ୍ ରବେ ଆତି କାଜିଙ୍ଗ୍ ମିଙ୍ଗେଙ୍ଗ୍ ଇନାକା ଅବାବ୍ ଆକାୟ୍।

କଲସିୟ 2:15

ଇ ଲେକେ ଶୟତାନନି ଶାକ୍ତି ଆରେ ଆଦିକାରିର୍ ୱିଜୁ ନାଲି କାଣ୍ଡାକାଙ୍ଗ୍ ଈଶ୍ୱର କିସ୍ତି ଅତାନ୍‌। ଖ୍ରୀଷ୍ଟ କୃଶକାଟ୍‌ତାକେ ହାଃତି କାଜିଙ୍ଗ୍, ର ବନ୍ଦି ମାନାୟ୍‌ତିଙ୍ଗ୍ ଇନେସ୍ ୱିଜାକାର୍ ମୁମ୍‌ଦ ଅନାର୍ ହେଲେକେ ଈଶ୍ୱର ହେୱାରିଙ୍ଗ୍ ଆରାୟ୍ କିଜି ୱିଜାକାର୍ ମୁମ୍‌ଦ ଚଚ୍‌ଚାନ୍‌ନା।

ଏବ୍ରି 1:4

ଲାଗିଙ୍ଗ୍ ଈଶ୍ୱର ଖ୍ରୀଷ୍ଟଙ୍ଗ୍ ଇମ୍‌ଣି ତର୍‌ନି ଅଦିକାର୍ ହିତାନ୍‌ନା, ହେଦାଙ୍ଗ୍ ଦୁତ୍‌କୁତାଙ୍ଗ୍ ବେସି ଗାଜା, ଲାଗିଙ୍ଗ୍ ଆସେଙ୍ଗ୍ ହୁଡ଼୍‌ନାସା ଯେ ହିମ୍‌ଣା ଦୁତ୍‌କୁତାଙ୍ଗ୍ ବେସି ଗାଜା ଆତାନ୍‌ନା।

ଏବ୍ରି 2:5

ଆସେଙ୍ଗ୍ ଇମ୍‌ଣି ବାବିକିନି ଜଗତ୍‌ ବିଷୟରେ ବେଣ୍ ୱେଚ୍‌ନାପା, ହେଦାଙ୍ଗ୍ ଈଶ୍ୱର ଦୁତ୍‌କୁକାଙ୍ଗ୍ କଣ୍ଟ୍ରୁଲ୍ କିଦେଙ୍ଗ୍ ହିୱାତାନ୍‌ନା, ମାତର୍ ହିମ୍‌ଣା ଯୀଶୁ ଖ୍ରୀଷ୍ଟଙ୍ଗ୍ ଅଦିକାର୍ ହିତାନ୍‌ନା।

ଏବ୍ରି 4:14

ଇମ୍‌ଣି ଯୀଶୁ ସରଗ୍‌ଜପି ହାଚାନ୍‌ନା, ହେୱାନ୍ ଈଶ୍ୱର ମେହି। ହେୱାନ୍ ମା ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି। ଲାଗିଙ୍ଗ୍ ଆସେଙ୍ଗ୍ ଇନାକା ପାର୍ତି କିତାସ୍‌ନା, ହେଦାଙ୍ଗ୍ ଷ୍ଟ୍ରଙ୍ଗ୍‌କିଜି ଆସ୍ତି ମାନାସ୍।

୧ ପିତର 3:22

ଆରେ ହେୱାନ୍ ସରଗ୍‌ଜପି ହାଚାନ୍‌ନା। ହେୱାନ୍ ନଙ୍ଗୟ୍ ସନ୍‌ମାନ୍ ପାୟାଆନି ବାହାତାକେ ଈଶ୍ୱର ତିନାବାଗାୟ୍ କୁଚ୍‌ଚାନ୍‌ନା, ଆରେ ହେୱାନ୍ ୱିଜୁ ଦୁତ୍‌କୁକାଙ୍ଗ୍, ଅଦିକାର୍ କି ଶାକ୍ତିମାନି ଆତ୍ମାକାଙ୍ଗ୍ ସାସନ୍ କିନାନା।