ଏପିସିୟ 1:17 - New Testament in Pengo Parja Language

¹⁷ ଆନେଙ୍ଗ୍ ଇଦାଙ୍ଗ୍ ପା ପାର୍ତାନା କିନାଙ୍ଗ୍ ଯେ ଈଶ୍ୱର ମା ମାପୃ ଯୀଶୁ ଖ୍ରୀଷ୍ଟନି ଗୌରବମାନି ଆବା ମିଙ୍ଗେଙ୍ଗ୍ ଜ୍ଞାନ୍ ଆରେ ବୁଦି ହିଦେନ୍, ଲାଗିଙ୍ଗ୍ ଏପେଙ୍ଗ୍ ହେୱାନିଙ୍ଗ୍ ହାର୍‌ଦାଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍।

ସତ୍‌ ବଚନ୍‌ ପୁନି ନିୟମ୍‌

¹⁷ ଆରେ ଜାଜ୍‌ମାଲ୍‌ନି ଆବା, ମା ମାପ୍ରୁ ଜିସୁ କ୍ରିସ୍ଟତି ଇସ୍ୱର୍‌ତିଂ ପାର୍ତାନା କିନାନ୍‌ ଇନେସ୍‌ ହେୱାନ୍‌ ମିଙ୍ଗେଙ୍ଗ୍‌ ପୁଇପୁୟା ଜିବୁନ୍‌ ହିଦ୍‌ନାନ୍‌ । ହେ ଜିବୁନ୍‌ ମିଙ୍ଗ୍‌ ବୁଦିକାର୍‌ୟା କିଦ୍‌ନାନ୍‌ ଆରି ଇସ୍ୱର୍‌ତିଂ ମି ଲାଗାଂ ୱେଚ୍‌ଚାନାନ୍‌ । ତା ଆତିସ୍‌, ଏପେଙ୍ଗ୍‌ ତାଙ୍ଗେଙ୍ଗ୍‌ ପୁଞ୍ଜେଙ୍ଗ୍‌ ଆଡ୍‌ନାଦେର୍‌ ।

ଏପିସିୟ 1:17 Iomraidhean Croise

ମାତିଉ 11:25

ହେପାଦ୍ନା ଯୀଶୁ ପାର୍ତାନା କିଜି ୱେଚ୍‌ଚାନ୍, “ଏ ଆବା, ସରଗ୍ ଆରେ ପୁର୍ତିନି ମାପୃ, ଏପେଙ୍ଗ୍ ବୁଦିକାଟି ମାନାୟ୍‌ତିଙ୍ଗ୍ ୱେଚ୍‌ୱାଦାଙ୍ଗ୍ ଇ ବୁଦି ହିଲ୍‌ୱାକାରିଙ୍ଗ୍ ୱେଚ୍‌ଚିଲେ ଆନେଙ୍ଗ୍ ମିଙ୍ଗେଙ୍ଗ୍ ଦନ୍ଯବାଦ୍ କିଦ୍‌ନାଙ୍ଗା।

ମାତିଉ 11:27

ନା ଆବା ସରଗ୍ ଆରେ ପୁର୍ତିନି ଆଦିକାର୍ ୱିଜୁ ବିଷୟ ନାଙ୍ଗେଙ୍ଗ୍ ହିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ହିମ୍‌ଣା ବିଷୟରେ ଆବାଙ୍ଗ୍ ପିସ୍ତି ଇନେର୍ ପା ପୁନୁର୍। ଆରେ ଆବା ବିଷୟରେ ହିମ୍‌ଣାଙ୍ଗ୍ ପିସ୍ତି ଇନେର୍ ପୁଞ୍ଜେଙ୍ଗ୍ ଆଡୁର୍। ଆରେ ହିମ୍‌ଣା ଇନେରିଙ୍ଗ୍ ବାଚିକିଜି ୱେଚ୍‌ଚାଙ୍ଗ୍‌ନା ହେୱାର୍ ନେ ଆବାଙ୍ଗ୍ ପୁନାନ୍।

ମାତିଉ 16:17

ହେବେତାଙ୍ଗ୍ ଯୀଶୁ ଶିମୋନ ପିତରତିଙ୍ଗ୍ ୱେଚ୍‌ଚାନ୍, “ଏ ଯୁନସ୍‌ ମେହି ଶିମୋନ, ଏନେଙ୍ଗ୍ ଦନ୍ୟ, ଇନେସ୍‌କି ମାନାୟ୍‌ନି କଚଣ୍‌ତ ଇ କାତା ୱେଚ୍‌ୱାତାର୍‌ନା। ମାତର୍ ନା ସରଗ୍‌ନି ଆବା ଇ କାତା ୱେଚ୍‌ଚାତାନ୍‌ନା।

ମାତିଉ 20:33

ହେୱାର୍ ହେୱାନିଙ୍ଗ୍ ୱେଚ୍‌ଚାର୍, ଏ ମାପୃ ଇନେସ୍ କିଜି ପା ମା କାଣ୍‌କୁ ହୁଡ଼ିକିଦା।

ମାତିଉ 6:13

ଆରେ ମାଙ୍ଗେଙ୍ଗ୍ ଶୟତାନ ପରିକ୍ଷାତାକେ ତାତ୍‌ମା, ମାତର୍ ଶୟତାନନି ପାପ୍ କାମାୟ୍‌ତାଙ୍ଗ୍ ରକ୍ଷା କିଦା। (ହେଲେକେ ନି ରାଜି, ସାକ୍ତି ଆରେ ନି ଜୟ୍-ଜୟ୍ ଯୁଗ୍ ଯୁଗ୍‌ତ ଆୟେତ୍। ଆମେନ୍।)’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:12

ଇନେସ୍‌କି ଏପେଙ୍ଗ୍ ଇନାକା ୱେଚ୍‌ଚେଙ୍ଗ୍ ଆନାତ୍, ହେପାଦ୍ନା ମିଙ୍ଗେଙ୍ଗ୍ ପବିତ୍ର ଆତ୍ମା ହିକାଇକିଜି ହିଦ୍‌ନାତ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:14

“ସରଗ୍‌ତାକେ ମାନି ଈଶ୍ୱରତିଙ୍ଗ୍ ଜୟ୍-ଜୟ୍‌ ଆୟେତ୍, ଆରେ ଇ ପୁର୍ତିତାକେ ଇମ୍‌ଣି ମାନାୟାରିଙ୍ଗ୍ ଈଶ୍ୱର ଦୟା କିନାନ୍ ହେୱାରିଙ୍ଗ୍ ଶାନ୍ତି ଆୟେତ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:15

ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚେଙ୍ଗ୍ ବୁଦି ହିଦ୍‌ନାଙ୍ଗ୍। ଏପେଙ୍ଗ୍ ଇନାକା ଇନାଦେର୍, ମି ଶାତ୍ରୁ ତା ଉତର୍ ହିଦ୍‌ଦେଙ୍ଗ୍ ଆଡ଼୍‌ଦୁନ୍।

ଜହନ୍‌ 14:17

ହେ କାମାୟ୍ କିନାକାନ୍ ରକାନ୍ ପବିତ୍ର ଆତ୍ମା, ହେୱାନ୍ ୱିଜୁ ସତ୍ ହାଜି ଚଚ୍‌ଚାନାନ୍। ଇ ପୁର୍ତି ହେୱାନିଙ୍ଗ୍ ଆସ୍ତେଙ୍ଗ୍ ଆଡୁତ୍। ଇନେସ୍‌କି ପୁର୍ତି ହେୱାନିଙ୍ଗ୍ ପୁନ୍‌ୱାତାତ୍‌ନା। ମାତର୍ ଏପେଙ୍ଗ୍ ହେୱାନିଙ୍ଗ୍ ପୁଚାଦେର୍‌ନା। ହେୱାନ୍ ମିହୁଦାଙ୍ଗ୍ ମାନ୍‌ଗାନାନ୍, ଆରେ ମି ଗରବ୍‌ତାକେ ବାହା କିଦ୍‌ନାନ୍।

ଜହନ୍‌ 14:26

ମାତର୍ ମିଙ୍ଗେଙ୍ଗ୍ ସାଇଜ କିଦ୍‌ନାକାର୍, ପବିତ୍ର ଆତ୍ମାତିଙ୍ଗ୍ ଆବା ଈଶ୍ୱର ନା ତର୍‍ଦାଙ୍ଗ୍ ପକ୍ତାନାନ୍, ହେୱାନ୍ ମିଙ୍ଗେଙ୍ଗ୍ ୱିଜୁ ହିକ୍ଷା ହିଦ୍‌ନାନ୍। ଆରେ ଆନେଙ୍ଗ୍ ଇମ୍‌ଣି-ଇମ୍‌ଣି କାତା ୱେଚ୍‌ଚାତାଙ୍ଗ୍‌ନା, ହେୱାନ୍ ହେ ୱିଜୁ କାତା ମିଙ୍ଗେଙ୍ଗ୍ ମାନ୍ତ ଏତୁ କି କିଦ୍‌ନାନ୍।

ଜହନ୍‌ 16:3

ହେୱାର୍ ହେଲେକେ କିନାର୍, ହେଦାଙ୍ଗ୍ କାଜିଙ୍ଗ୍ ନା ଆବା ଈଶ୍ୱରତିଙ୍ଗ୍ ପୁନୁରେ, ଆରେ ହେୱାର୍ ନାଙ୍ଗେଙ୍ଗ୍ ପା ପୁଞ୍ଜୁରେ।

ଜହନ୍‌ 17:3

ଏନେଙ୍ଗ୍ ରକାୟ୍ ସତ୍ ଈଶ୍ୱର, ନିଙ୍ଗେଙ୍ଗ୍ ଆରେ ଏନେଙ୍ଗ୍ ପକ୍ତିତି ଯୀଶୁ ଖ୍ରୀଷ୍ଟଙ୍ଗ୍ ପୁନାକା ନେ ୱିଜ୍‌ୱି ଜିବୁନ୍।

ଜହନ୍‌ 20:17

ଯୀଶୁ ହେଦେଲିଙ୍ଗ୍ ୱେଚ୍‌ଚାନ୍, “ନାଙ୍ଗେଙ୍ଗ୍ ଆସ୍ତେଦେଙ୍ଗ୍ ଉପାୟ୍ କିଦ୍‌ମା। ଆନେଙ୍ଗ୍ ନଙ୍ଗୟ୍ ପାତେକ୍ ଆବା ଈଶ୍ୱରତାକେ ହାଲ୍‌ୱାତାଙ୍ଗ୍‌ନା। ମାତର୍ ଏନେଙ୍ଗ୍ ହାଲ୍‌ଜି ନା ଟଣ୍ଡାରିଙ୍ଗ୍ ୱେଚା, ଆନେଙ୍ଗ୍ ମି ଆରେ ନା ଆବାତାକେ ହାନାଙ୍ଗା। ଆରେ ମି ଆରେ ନା ଈଶ୍ୱରତାକେ ହାନାଙ୍ଗା।”

ପକ୍ୟାତାକା 6:10

ମାତର୍ ସ୍ତିପାନ ବୁଦି ଆରେ ଈଶ୍ୱର ଆତ୍ମାନି ଶାକ୍ତିତାଙ୍ଗ୍ ୱେଚ୍‌ଚି ମାଚାନ୍, ହେଦାଙ୍ଗ୍ କାଜିଙ୍ଗ୍ ହେୱାର୍ ହେ ବେଣ୍‌ନି ଉତର୍ ହିଦେଙ୍ଗ୍ ଆଡ୍‌ୱାତାର୍।

ପକ୍ୟାତାକା 7:2

ସ୍ତିପାନ ୱେଚ୍‌ଚାନ୍, “ଏ ଟଣ୍ଡାର୍‌କାଦେର୍ ଆରେ ଆଜ୍ଞା କାଦେର୍, ଆନେଙ୍ଗ୍ ୱେଚ୍‌ଚି କାତା ୱେନାଟ୍, ମା ଆକଦାଦି ଅବ୍ରାହାମ ହାରଣ ସହର୍‌ତାକେ ବାହା କିୱି ଆଗେ, ହେୱାନ୍ ମେସପଟାମିଆ ଦେସ୍‌ତାକେ ମାଚାନ୍। ହେପାଦ୍ନା ବେସି ଗୌରବମାନି ଈଶ୍ୱର ହେୱାନିଙ୍ଗ୍ ଚଞ୍ଜି ଆଜି ୱେଚ୍‌ଚାନ୍,

ରୋମିୟ 1:28

ଈଶ୍ୱରତି ସତ୍ ଜ୍ଞାନ୍‌ତିଙ୍ଗ୍ ମାନାୟାର୍ ମୁକ୍ଯ ଇଞ୍ଜି ବାବିକିୱାତାର୍, ଲାଗିଙ୍ଗ୍ ଈଶ୍ୱର ହେୱାରିଙ୍ଗ୍ ହେଲେକେ ବେସି ପାପ୍ କାମାୟ୍ କିନି କାଜିଙ୍ଗ୍ ହେୱାର୍ କରାପ୍ ଇଚା ଅନୁସାରେ ମାନ୍ ହିତାନ୍। ଆରେ ହେୱାର୍ ୱିଜୁ କିୱି କାମାୟ୍ କିତାର୍।

ରୋମିୟ 15:6

ଲାଗିଙ୍ଗ୍ ଏପେଙ୍ଗ୍ ୱିଜାଦେର୍ ର ମାନ୍‌ଆଜି ଈଶ୍ୱର ମା ମାପୃ ଯୀଶୁ ଖ୍ରୀଷ୍ଟ ଲାତ୍ରାହିଙ୍ଗ୍ ଦନ୍ଯବାଦ୍ ଆରେ ଗୌରବ ହିଦେଙ୍ଗ୍ ଆଡ୍‌ନାଦେର୍।

୧ କରନ୍ତିୟ 12:8

ଈଶ୍ୱର ରକାନିଙ୍ଗ୍ ତା ପବିତ୍ର ଆତ୍ମା ବୁଦିନି କାତା ୱେଚ୍‌ଚେଙ୍ଗ୍ ହିତାନ୍‌ନା, ଆରେ ହେ ଈଶ୍ୱର ରକାନିଙ୍ଗ୍ ତା ପବିତ୍ର ଆତ୍ମା ଜେକନିକାନିଙ୍ଗ୍ ଜ୍ଞାନ୍‌ନି କାତା ୱେଚ୍‌ନି କାଜିଙ୍ଗ୍ ଶାକ୍ତି ହିନାନ୍।

୧ କରନ୍ତିୟ 14:6

ଲାଗିଙ୍ଗ୍ ଏ ଟଣ୍ଡାର୍‌କାଦେର୍ ଆନେଙ୍ଗ୍ ମିତାକେ ୱାତିହିଙ୍ଗ୍, ବିନ୍-ବିନ୍ ବାଷାତାଙ୍ଗ୍ କାତା ୱେଚ୍‌ଚିତିସ୍, ମି ପାର୍ତି ବାଡା ଆଦେଙ୍ଗ୍ ସାଇଜ ଆଦୁତ୍। ମାତର୍ ଆନେଙ୍ଗ୍ ଈଶ୍ୱରତାଙ୍ଗ୍ ପାୟାଆତି କାତା, ଜ୍ଞାନ୍, ଈଶ୍ୱରତାଙ୍ଗ୍ ୱେଚି କାତା ହିକାଆନି ବିଷୟରେ ୱେଚ୍‌ୱିତିସ୍ ନେ ମି ପାର୍ତି ବାଡା ଆଦେଙ୍ଗ୍ ସାଇଜ ଆନାତ୍‌।

୧ କରନ୍ତିୟ 2:10

ମାତର୍ ଆପେଙ୍ଗ୍ ଇ ୱିଜୁ ବିଷୟ ପୁଞ୍ଜେଙ୍ଗ୍ ଆଡ୍‌ନାପା, ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ତା ଆତ୍ମା ସାଇଜତାଙ୍ଗ୍ ପୁନି କିଦ୍‌ନାନା। ପବିତ୍ର ଆତ୍ମା ୱିଜୁ ଜିନିଷ୍‌ତିଙ୍ଗ୍ ଦାହ୍‌ନାତା ଆରେ ଈଶ୍ୱରତି ଡ଼ୁକ୍‌ତି ବିଷୟତିଙ୍ଗ୍ ପା ମାଙ୍ଗେଙ୍ଗ୍ ଚଚ୍‌ଚାନାତା।

୧ କରନ୍ତିୟ 2:8

ମାତର୍ ଇ ପୁର୍ତିତିଙ୍ଗ୍ ସାସନ୍ କିନି ମାନାୟାର୍ ହେ ବୁଦିନି ଉପାୟ୍‌ତିଙ୍ଗ୍ ପୁଞ୍ଜେଙ୍ଗ୍ ଆଡ୍‌ୱାତାର୍, ଯଦି ହେୱାର୍ ପୁଚାର୍‌ମା ଲାଗିଙ୍ଗ୍ ମା ଗୌରବନି ମାପୃଙ୍ଗ୍ କୃଶକାଟ୍‌ତାକେ ଅହ୍‌ୱାତାର୍‌ମା।

୨ କରନ୍ତିୟ 12:1

ଆନେଙ୍ଗ୍ ଜାର୍ କାଜିଙ୍ଗ୍ ବାଟ୍‌ପାଣ୍ ଆନାକା ହାର୍ ଆକାୟ୍, ଇନେସ୍‌କି ନାଙ୍ଗେଙ୍ଗ୍ ମାପୃ ଚଞ୍ଜିଆଆଜି ମାନ୍‌ଞ୍ଚାତ୍‌ ଆରେ ନା ବିଷୟରେ ୱେଚ୍‌ଚି ମାନ୍‌ଞ୍ଚାନ୍।

ଏପିସିୟ 1:3

ମା ମାପୃ ଯୀଶୁ ଖ୍ରୀଷ୍ଟନି ଈଶ୍ୱର ଆରେ ଆବାତିଙ୍ଗ୍ ଜୟ୍-ଜୟ୍ କିୟାଟ୍। ଖ୍ରୀଷ୍ଟତାକେ ଆସେଙ୍ଗ୍ ରବେଆଜି ମାଚିଲେ, ଈଶ୍ୱର ମାଙ୍ଗେଙ୍ଗ୍ ସରଗ୍‌ନି ୱିଜୁ ଆଶ୍ରିବାଦ୍‌ତାକେ ଆଶ୍ରିବାଦ୍ କିତ୍‌ତାନ୍‌ନା।

ଏପିସିୟ 3:5

ଈଶ୍ୱର ଇ ଡ଼ୁକ୍‌ତି ଜଜ୍‌ନାତିଙ୍ଗ୍ ଆଗେ ପୁର୍‌ବେନି ମାନାୟାରିଙ୍ଗ୍ ୱେଚ୍‌ୱାଦାଙ୍ଗ୍ ମାଚାନ୍। ମାତର୍ ନଙ୍ଗୟ୍ ହେୱାନ୍ ପବିତ୍ର ଆତ୍ମାତାଙ୍ଗ୍ ତା ପବିତ୍ର ବାଚିକିତି ଚେଲା ଆରେ ଭବିଷ୍ଯତବକ୍ତାର୍ ଲାଗାୟ୍ ୱେଚ୍‌ଚାନ୍‌ନା।

ଏପିସିୟ 4:13

ଆସେଙ୍ଗ୍ ଈଶ୍ୱର ମେହି ବିଷୟରେ ପୁନ୍‌ଞ୍ଜି ପାର୍ତିତାକେ ରବେ ଆନି ପାତେକ୍, ଆରେ ଆସେଙ୍ଗ୍ ପୁରାପୁରି ଖ୍ରୀଷ୍ଟ ଲେକେ ଆଜି ପାର୍ତିତାକେ ଗାଜା ମାନାୟ୍ ଲେକେ ଟିକ୍‌ଆଜି ମାନି ପାତେକ୍।

ପିଲିପିୟ 3:15

ଲାଗିଙ୍ଗ୍ ଆସେଙ୍ଗ୍ ଏଚେଜାଣ୍ ବେସି ପାର୍ତି କିନାସା ଇ ଲେକେ ବାବିକିନି ଦର୍‌କାର୍। ଯଦି ମି ବିତ୍ରେତାଙ୍ଗ୍ ଇମ୍‌ଣାକାନ୍ ଜେକନିକା ବାବିକିନାନ୍, ହେୱାନିଙ୍ଗ୍ ଈଶ୍ୱର ସତ୍ ବିଷୟ ପୁଞ୍ଜେଙ୍ଗ୍ ସାଇଜ କିନାନ୍।

୨ ତିମଥି 2:25

ହେୱାନିଙ୍ଗ୍ ବିରଦ୍ କିନି ମାନାୟାରିଙ୍ଗ୍ ଶାନ୍ତିତାଙ୍ଗ୍ ସତ୍ ବିଷୟରେ ବୁଜାଇକିନି ଦର୍‌କାର୍। ଇନେସ୍‌କି ଶୟତାନ ତା ଇଚାତାଙ୍ଗ୍ ଚାଲାଇ କିଦେଙ୍ଗ୍ ଇ ମାନାୟାରିଙ୍ଗ୍ ଜାଲ୍‌ଦ ରାତ୍‌ତାତାତ୍‌ନା। ମାତାର୍ ଇନେସ୍ ହେୱାର୍ ଇଦାଙ୍ଗ୍ ପୁନ୍‌ଞ୍ଜି ହେ ଜାଲ୍‌ଦାଙ୍ଗ୍ ମୁକ୍ତି ଆଦେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ କେଜାଣେ ଈଶ୍ୱର ହେୱାରିଙ୍ଗ୍ ସତ୍ ବିଷୟରେ ପୁଞ୍ଜେଙ୍ଗ୍ ଆରେ ପାପ୍ କାମାୟ୍ ପିସ୍ତି ମାପୃତାକେ ୱାଦେଙ୍ଗ୍ ସାଇଜ କିଦ୍‌ନାନ୍।

ତୀତସ 1:1

ଆନେଙ୍ଗ୍ ପାଉଲ ଇ ଚିଟି ଲେକିକିନାଙ୍ଗା, ତିତସ ଏନେଙ୍ଗ୍ ନା କାଜିଙ୍ଗ୍ ରକାଇ ସତ୍ ହିମ୍‌ଣା ଲେକେ। ଇନେସ୍‌କି ମା ରିକାସ୍ ପାର୍ତି କିନାକା ରଞ୍ଜାଙ୍ଗ୍। ଆନେଙ୍ଗ୍ ରକାଙ୍ଗ୍ ଈଶ୍ୱର ଦାସ୍ ଆରେ ଯୀଶୁ ଖ୍ରୀଷ୍ଟନି ବାଚିକିତି ଚେଲା। ଈଶ୍ୱର ବାଚିକିଜି ମାଚି ମାନାୟାରିଙ୍ଗ୍ ପାର୍ତିତିଙ୍ଗ୍ ବାଡ଼୍‌କାସ୍ କିନି କାଜିଙ୍ଗ୍ ଆରେ ସତ୍ ହିକ୍ଷା ବିଷୟରେ ପୁଞ୍ଜେଙ୍ଗ୍ ସାଇଜ କିନି କାଜିଙ୍ଗ୍ ଆନେଙ୍ଗ୍ ଦାଇତ୍‌ପ ପାୟାଆତାଙ୍ଗ୍‌ନା। ଇନେସ୍ ହେୱାର୍ ଈଶ୍ୱରତିଙ୍ଗ୍ ସନ୍‌ମାନ୍ କିତିଲେକେ ଜିବୁନ୍ କାଟିକିନାର୍।

ଜାକ୍‌ବ 2:1

ଏ ନା ପାର୍ତିକିନି ଟଣ୍ଡାର୍‌କାଦେର୍, ଆସେଙ୍ଗ୍ ଗୌରବମାନି ମାପୃ ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିନାପା ଇଞ୍ଜି ଏପେଙ୍ଗ୍ ମାନାୟ୍ ହୁଡ଼୍‌ଜି ବ୍ଯବହାର୍ କିମାଟ୍।

୨ ପିତର 1:3

ଆସେଙ୍ଗ୍ ଈଶ୍ୱରତିଙ୍ଗ୍ ୱାରି କିତିଲେକେ ଜିବୁନ୍ କାଟିକିନି କାଜିଙ୍ଗ୍, ଈଶ୍ୱର ନିଜେ ତା ଶାକ୍ତି ମାଙ୍ଗେଙ୍ଗ୍ ଦାନ୍ କିତ୍‌ତାନ୍‌ନା। ଇଦାଙ୍ଗ୍ ପୁରା ଆଦେଙ୍ଗ୍ ଆଡ଼୍‍ତାତ୍, ଇନେସ୍‌କି ଆପେଙ୍ଗ୍ ଈଶ୍ୱରତିଙ୍ଗ୍ ପୁଚାପ୍‌ନା ଆରେ ତା ଗୌରବ ଆରେ ହାର୍ଦି ଗୁଣ୍ କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ତା ମାନାୟ୍ କିଦ୍‌ଦେଙ୍ଗ୍ କୁକ୍ତାତାନ୍‌ନା।

୨ ପିତର 3:18

ମାତର୍ ଏପେଙ୍ଗ୍ ମା ମାପୃ ଆରେ ଉଦାର୍ କିଦ୍‌ନି ଯୀଶୁ ଖ୍ରୀଷ୍ଟନି ଦୟାତିଙ୍ଗ୍ ଆରେ ବୁଦିତିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ବୁଜାଆଡ। ଆରେ ହେୱାନିଙ୍ଗ୍ ଏପେଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ନଙ୍ଗୟ୍ ଆରେ ୱିଜ୍‌ୱିଦିନ୍ ପାତେକ୍ ଗୌରବ କିୟାଟ୍। ଆମେନ୍।

ହତ୍‌ତି 7:12

ହେୱାର୍ ୱେଚ୍‌ଚି ମାଚାର୍, “ଏ ମା ଈଶ୍ୱର ଏନେଙ୍ଗ୍ ୱିଜୁଦିନ୍ ପୁଜା, ଦନ୍ଯବାଦ୍, ସନ୍‌ମାନ୍ ପାୟାଆନି ଯଗ୍ୟ ମାନାତ୍। ଆପେଙ୍ଗ୍ ହାର୍ କିଜି ପୁଚାପ୍‌ନା। ନିଙ୍ଗେଙ୍ଗ୍ ନେ ଜ୍ଞାନ୍ ମାନାତ୍, ଏନେଙ୍ଗ୍‍ନେ ୱିଜୁତାଙ୍ଗ୍ ଶାକ୍ତିମାନି ଲକ୍ ଆରେ ଏନେଙ୍ଗ୍‍ନେ ୱିଜୁଦିନ୍ ୱିଜୁ ଜିନିଷ୍ କିଦେଙ୍ଗ୍ ଆଡ୍‌ନାୟ୍! ଆମେନ୍।”