ଏପିସିୟ 1:11 - New Testament in Pengo Parja Language

¹¹ ତା ଆଗେ କିତି ଜଜ୍‌ନାତାଙ୍ଗ୍ ଖ୍ରୀଷ୍ଟତାକେ ରବେ କିଦେଙ୍ଗ୍ ଈଶ୍ୱର ମାଙ୍ଗେଙ୍ଗ୍ ତା ମାନାୟ୍ କିଜି ବାଚି କିତ୍‌ତାନ୍‌ନା। ହେୱାନ୍ ତା ଇଚା ଆରେ ଜଜ୍‌ନାତାଙ୍ଗ୍ ୱିଜୁ ବିଷୟ ଟିକ୍ ବାବ୍‌ରେ ପୁରା କିନାନ୍।

ସତ୍‌ ବଚନ୍‌ ପୁନି ନିୟମ୍‌

¹¹ ସବୁ ବିସ୍ରେ ଇସ୍ୱର୍‌ତି ଲାକେ ହାନ୍ଦାୟ୍‌ ଆରି କେମ୍‌ତା ଇସାପ୍ରେ ସମାନ୍‌ ଆତିସ୍‌; ଆଗେତାଂ ବାଚିକିୟାଜ଼ି ଜାର୍‌ ଉଦେସ୍‌ତ ପୁରା କାଜିଂ କ୍ରିସ୍ଟତି ହୁକେ ତା ନିଜେ ଲକୁ ଆନି କାଜିଂ ଇସ୍ୱର୍‌ ମାଙ୍ଗ୍‌ ବାଚିକିତ୍‌ତାନ୍ନା ।

ଏପିସିୟ 1:11 Iomraidhean Croise

ପକ୍ୟାତାକା 13:48

ବିନ୍‌ଜାତିନି ମାନାୟାର୍ ଇଦାଙ୍ଗ୍ ୱେନ୍‌ଞ୍ଜି ୱାରି ଆତାର୍। ଆରେ ଈଶ୍ୱର କାତାତିଙ୍ଗ୍ ଜୟ୍-ଜୟ୍ କିଦେଙ୍ଗ୍ ଲାଗାତାର୍। ଈଶ୍ୱର ଇମ୍‌ଣାକାରିଙ୍ଗ୍ ୱିଜ୍‌ୱି ଜିବୁନ୍ ପାୟାଆନି କାଜିଙ୍ଗ୍ ବାଚିକିଜି ମାଚାନ୍ ହେୱାର୍ ପାର୍ତି କିତାର୍।

ପକ୍ୟାତାକା 2:23

ଈଶ୍ୱର ହେୱାର୍ ଯଜନାତାଙ୍ଗ୍ ଯୀଶୁଙ୍ଗ୍ ମି କେଇଦ ଆହିକିଦେଙ୍ଗ୍ ଉପାୟ୍ କିଜି ମାଚାନ୍‌। ଆରେ ଏପେଙ୍ଗ୍ ହେୱାନିଙ୍ଗ୍ ବିନ୍‌ଜାତିର୍ ମାନାୟାର୍‌ତାଙ୍ଗ୍ କୃଶକାଟ୍‌ତାକେ ଦୁପ୍‌ଚି ମାର୍ନେ ଅସ୍ତି ମାଚାଦେର୍।

ପକ୍ୟାତାକା 20:27

ଈଶ୍ୱର ମି କାଜିଙ୍ଗ୍ ଇମ୍‌ଣି ବିଷୟ ବାବି କିତ୍‌ତାନ୍‌ନା, ହେ ୱିଜୁ ବିଷୟ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାତାଙ୍ଗ୍‌ନା।

ପକ୍ୟାତାକା 20:32

ଆନେଙ୍ଗ୍ ମିଙ୍ଗେଙ୍ଗ୍ ଈଶ୍ୱରତାକେ ଆରେ ତା ଦୟାକିନି କାତାତିଙ୍ଗ୍ ହାର୍‌ପି କିଜି ହିତ୍‌ତାଙ୍ଗ୍‌ନା। ଇନେସ୍‌କି ହେୱାନ୍ ମିଙ୍ଗେଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ସାଇଜ କିଦ୍‌ନାନ୍। ହେୱାନ୍ ଇମ୍‌ଣାକାରିଙ୍ଗ୍ ଦରମ୍ ମାନାୟ୍ ରସ୍ତି ଆଦିକାର୍ ହିଦ୍‌ଦେଙ୍ଗ୍ କାତା ହିତ୍‌ତାନ୍‌ନା, ହେ ଆଦିକାର୍ ମିଙ୍ଗେଙ୍ଗ୍ ପା ହିଦ୍‌ନାନ୍।

ପକ୍ୟାତାକା 26:18

ଲାଗିଙ୍ଗ୍ ହେୱାର୍ କରାପ୍ କାମାୟ୍ ପିସ୍ତି ହାର୍ଦି କାମାୟ୍ କିନାର୍, ଆରେ ଶୟତାନ୍ ଶାକ୍ତିତାଙ୍ଗ୍ ଈଶ୍ୱର ଲାଗାୟ୍ ୱାତିସ୍, ଈଶ୍ୱର ହେୱାର୍ ପାପ୍‌ତିଙ୍ଗ୍ କେମା କିନାନ୍। ଆରେ ନାବେ ପାର୍ତି କିଦେଙ୍ଗ୍ ଇନେରିଙ୍ଗ୍ ଦରମ୍ ମାନାୟ୍ କିତାନ୍‌ନା ହେୱାର୍ ହୁଦାଙ୍ଗ୍ ମାଞ୍ଜେଙ୍ଗ୍ ଈଶ୍ୱର ଆଦିକାର୍ ହିନାନ୍।

ପକ୍ୟାତାକା 4:28

ନି ଶାକ୍ତିତାଙ୍ଗ୍ ଆଗେ ଇନା-ଇନାକା କିଦେଙ୍ଗ୍ ଇଚାକିଜି ମାଚାଇ, ହେଦାଙ୍ଗ୍‌ନେ ହେୱାର୍ କିତାର୍‌ନା।

ରୋମିୟ 11:34

ଲାଗିଙ୍ଗ୍ ଇନେର୍ ପା ପୁନୁର୍ ଈଶ୍ୱର ଇନାକା ତା ମାନ୍ତ ବାବିକିନାନା। ଆରେ ଇନେରିଙ୍ଗ୍ ପା ବେସି ବୁଦି ହିଲେତ୍ ଯେ, ଈଶ୍ୱରତିଙ୍ଗ୍ ଉପାୟ୍ ହିଦେଙ୍ଗ୍ ଆଡ୍‌ନାନ୍।

ରୋମିୟ 8:17

ଆରେ ଯଦି ଆପେଙ୍ଗ୍ ଈଶ୍ୱର ମେହିକାପ୍ ଆତାପ୍‌ନା, ଲାଗିଙ୍ଗ୍ ତା ମେହି ଖ୍ରୀଷ୍ଟଙ୍ଗ୍ ହିନି ଦନ୍ ସମ୍ପତି ପା ମାଦାଙ୍ଗ୍ ଆନାତ୍। ମାତର୍ ଯଦି ଆସେଙ୍ଗ୍ ତା ଗୌରବ ପାୟାଆନାସ୍‌, ଲାଗିଙ୍ଗ୍ ହେୱାନ୍ ଦୁଃକ୍ କଷ୍ଟ ପାୟା ଆତିଲେକେ ଆସେଙ୍ଗ୍ ପା ପାୟା ଆଦେଙ୍ଗ୍ ଆନାତ୍।

ରୋମିୟ 8:28

ଆସେଙ୍ଗ୍ ପୁଚାସ୍‌ନା ଯେ, ଈଶ୍ୱର ୱିଜୁ ଜିନିଷ୍‌ତିଙ୍ଗ୍ ହାର୍ କିଜି ସେସ୍ କିୟିକିନାତ୍, ଏଚେଜାଣ୍ ହେୱାନିଙ୍ଗ୍ ଲାଡ୍ କିନାରା ଆରେ ହେୱାନ୍ ତା କାମାୟ୍ କାଜିଙ୍ଗ୍ ହେୱାରିଙ୍ଗ୍ ବାଚି କିତାନ୍‌ନା।

ରୋମିୟ 8:29

ଇନେସ୍‌କି ଈଶ୍ୱର ତା ମାନାୟାରିଙ୍ଗ୍ ଆଗେନେ ପୁଚାନ୍‌ନା, ଆରେ ହେୱାନ୍ ତା ମେହି ଲେକେ ଆନି କାଜିଙ୍ଗ୍ ହେୱାରିଙ୍ଗ୍ ବାଚି କିତାନ୍‌ନା, ଲାଗିଙ୍ଗ୍ ତା ମେହି ୱିଜାର୍ ଟଣ୍ଡାହିର୍ ଆରେ ତଣ୍‌ଦିହିକ୍ ବିତ୍ରେତାଙ୍ଗ୍ ପାର୍ତୁମ୍ ଆନାନ୍।

ରୋମିୟ 8:30

ହେୱାନ୍ ହେୱାରିଙ୍ଗ୍ ଆଗେ ବାଚିକିଜି ମାଚିଲେ ତାବେ ହାଞ୍ଜେଙ୍ଗ୍ ହେୱାରିଙ୍ଗ୍ ହିର୍‌ବାତାନ୍‌ନା, ଏଚେଜାଣ୍‌ତିଙ୍ଗ୍ ହିର୍‌ବାଆତ୍‌ତାନ୍‌ନା ହେୱାରିଙ୍ଗ୍ ତା ଆଗେ ଦରମ୍ ମାନାୟ୍ କିତାନ୍, ଆରେ ହେୱାନ୍ ତା ଗୌରବ ପା ହିନି କାଜିଙ୍ଗ୍ ପାର୍ମାଣ୍ କିତାନ୍‌ନା।

ରୋମିୟ 9:11

ମାତର୍ ହେୱାର୍ ଜନମ୍ ଆୱି ଆଗେ, ହାର୍ କି କରାପ୍ ଗଟାଆୱି ଆଗେ ହେ କଗ୍‌ଲେ ଈଶ୍ୱରତାଙ୍ଗ୍ ର କାବୁର୍ ୱେନ୍‌ଞ୍ଜି ମାଚାତ୍ ହେ କାବୁର୍ ପୁନିକିନାତା ଯେ, ମାଦି ହାର୍ କି କରାପ୍ କାମାୟ୍ କାଜିଙ୍ଗ୍ ଆକାୟ୍, ମାତର୍ ଈଶ୍ୱର ଜାର୍ ଇଚା ଆନୁସାରେ ବାଚିକିନାନ୍।

ଗାଲାତିୟ 3:18

ମୋଶା ଲେକିକିତି ନିୟମ୍ ସାସ୍ତର୍ ମାନିକିତି କାଜିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଦୟା କିଦୁନ୍, ମାତର୍ ହେୱାନ୍ ପାର୍ମାଣ୍ କିଜି ମାନ୍‌ଞ୍ଚି କାଜିଙ୍ଗ୍ ମାଙ୍ଗେଙ୍ଗ୍ ଦୟା କିଦ୍‌ନାନ୍। ହେଲେକେ ଈଶ୍ୱର ଅବ୍ରାହାମ ହୁଦାଙ୍ଗ୍ ପାର୍ମାଣ୍‌କିତି କାଜିଙ୍ଗ୍ ହେୱାନିଙ୍ଗ୍ ଏଚେକ୍ ଇଚା ହେଏଚେକ୍ ଦାନ୍ ହିତାନ୍।

ଏପିସିୟ 1:14

ଇ ପବିତ୍ର ଆତ୍ମା ରଞ୍ଜାଙ୍ଗ୍ ଡିପଜିଟ୍ ଲେକେ ଗେରେଣ୍ଟି ହିଦ୍‌ନାତ୍ ଯେ ଈଶ୍ୱର ମାଙ୍ଗେଙ୍ଗ୍ ତା ଜାର୍ ମାନାୟ୍ କିଦ୍‌ନି କାଜିଙ୍ଗ୍ ମୁକ୍ତି କିତ୍‌ତାନ୍‌ନା ଆରେ ହେୱାନ୍ କିଜିମାଚି ପାର୍ମାଣ୍‌ନି ଆଦିକାର୍ ମାଙ୍ଗେଙ୍ଗ୍ ହିଦ୍‌ନାନ୍। ଲାଗିଙ୍ଗ୍ ଆସେଙ୍ଗ୍ ଜୟ୍-ଜୟ୍ କିଜି ଈଶ୍ୱରତିଙ୍ଗ୍ ଗୌରବ କିନାସ୍।

ଏପିସିୟ 1:18

ଈଶ୍ୱର ମିଙ୍ଗେଙ୍ଗ୍ ଇମ୍‌ଣି ଆହା କାଜିଙ୍ଗ୍ କୁକ୍ତାତାନ୍‌ନା, ଆରେ ଈଶ୍ୱର ସାଦୁ ମାନାୟାର୍ କାଜିଙ୍ଗ୍ କେତେକ୍ ଗାଜା ଆରେ ଗୌରବନି ଆଶ୍ରିବାଦ୍ ପାର୍ମାଣ୍ କିତ୍‌ତାନ୍‌ନା। ଇବିଷୟ ଏପେଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍ ହେଦାଙ୍ଗ୍ କାଜିଙ୍ଗ୍ ଈଶ୍ୱର ମି ଗରବ୍‌ତିଙ୍ଗ୍ ଜେତେନ୍ ଇଞ୍ଜି ଆନେଙ୍ଗ୍ ପାର୍ତାନା କିନାଙ୍ଗ୍।

ଏପିସିୟ 1:5

ଈଶ୍ୱର ମାଙ୍ଗେଙ୍ଗ୍ ଲାଡ୍ କିତ୍‌ତାନ୍। ଲାଗିଙ୍ଗ୍ ହେୱାନ୍ ଯୀଶୁ ଖ୍ରୀଷ୍ଟତାଙ୍ଗ୍ ମାଙ୍ଗେଙ୍ଗ୍ ତା ଜାର୍ ମାଜି କିନି କାଜିଙ୍ଗ୍ ଆଗେତାଙ୍ଗ୍ ନେ ଜଜ୍‌ନା କିଜି ମାଚାନ୍। ଇଦାଙ୍ଗ୍ ଈଶ୍ୱର ତା ଇଚା ଆରେ ୱାରିତାଙ୍ଗ୍ କିତାନ୍‌ନା।

ଏପିସିୟ 1:8

ୱିଜୁ ପର୍‌କାର୍ ଜ୍ଞାନ୍ ଆରେ ବୁଦି ହିଜି ଈଶ୍ୱର ମାଙ୍ଗେଙ୍ଗ୍ ବେସି ଦୟା ଚଚ୍‌ଚାତାନ୍‌ନା।

ଏପିସିୟ 1:9

ଈଶ୍ୱର ତା ଇଚାତାଙ୍ଗ୍ ଆଗେତାଙ୍ଗ୍ କିଜିମାଚି ଡ଼ୁକ୍‌ତି ଜଜ୍‌ନା ମାବେ ଚଚ୍‌ଚାତାନ୍‌ନା। ଆରେ ହେ ଜଜ୍‌ନା ଖ୍ରୀଷ୍ଟତାଙ୍ଗ୍ କିନି କାଜିଙ୍ଗ୍ ହେୱାନ୍ ଇଚା କିଜି ମାଚାନ୍।

ଏପିସିୟ 3:11

ପୁର୍ତିତିଙ୍ଗ୍ ରହ୍‌ୱି ଆଗେ ଈଶ୍ୱର ଇ ଜଜ୍‌ନା କିଜି ମାଚାନ୍, ଆରେ ମା ମାପୃ ଯୀଶୁ ଖ୍ରୀଷ୍ଟତାଙ୍ଗ୍ ଇଦାଙ୍ଗ୍ ହେୱାନ୍ ରସ୍ତାନ୍‌ନା।

କଲସିୟ 1:12

ଇନେସ୍‌କି ଏପେଙ୍ଗ୍ ଆବା ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଦେର୍। ଆରେ ହେ ଈଶ୍ୱର ମିଙ୍ଗେଙ୍ଗ୍ ଅଜଡ଼୍ ରାଜିତାକେ ମାନି ତା ମାନାୟାର୍ ହୁଦାଙ୍ଗ୍ ମାହାଆଜି ଆଦିକାର୍ କିନି କାଜିଙ୍ଗ୍ ଯଗ୍ୟ କିତ୍‌ତାନ୍‌ନା।

କଲସିୟ 3:24

ଏପେଙ୍ଗ୍ ମାନେ କିୟାଟ୍ ଯେ, ଏପେଙ୍ଗ୍ ଇମ୍‌ଣି ମାଲିକ୍‌ତିଙ୍ଗ୍ ହେବା କିନାଦେର୍ ହେୱାନ୍ ଖ୍ରୀଷ୍ଟ, ଲାଗିଙ୍ଗ୍ ମାପୃ ମିଙ୍ଗେଙ୍ଗ୍ ପୁରଷ୍କାର୍ ଲେକେ ଆଦିକାର୍ ହିଦ୍‌ନାନ୍।

ତୀତସ 2:14

ଆସେଙ୍ଗ୍ ଇନେସ୍ ତା ମାନାୟ୍ ଆଜି ୱିଜୁ ହାର୍ଦି କାମାୟ୍ କିନି କାଜିଙ୍ଗ୍ ଆରେ ଅଦରମ୍‌ ଜିବୁନ୍‌ତାଙ୍ଗ୍ ମୁକ୍ତି କିଦ୍‌ଦେଙ୍ଗ୍ ଆରେ ୱିଜୁ କରାପ୍ ବ୍ୟବହାର୍‌ତାଙ୍ଗ୍ ହପ୍ତେଦେଙ୍ଗ୍ ଯୀଶୁ ଖ୍ରୀଷ୍ଟ ଜାର୍ ଜିବୁନ୍‌ତିଙ୍ଗ୍ ହିତାନ୍‌ନା।

ତୀତସ 3:7

ଈଶ୍ୱର ଇଦାଙ୍ଗ୍ ୱେଚ୍‌ଚାତାନ୍‌ନା, ଇନେସ୍ ଆସେଙ୍ଗ୍ ତା ଦୟାତାଙ୍ଗ୍ ଦରମ୍ ମାନାୟ୍ ଇଞ୍ଜି ଗାଣାକିୟା ଆନାପ୍‌, ଆରେ ପୁରା ଆହାତାଙ୍ଗ୍ ୱିଜ୍‌ୱି ଜିବୁନ୍‌ନି ଆଦିକାର୍ ଆଦେଙ୍ଗ୍ ଆଡ୍‌ନାପ୍।

ଏବ୍ରି 6:17

ହେଦାଙ୍ଗ୍ କାଜିଙ୍ଗ୍ ଈଶ୍ୱର ଶପତ୍ କିଜି ପାର୍ମାଣ୍ କିତାନ୍। ଇମ୍‌ଣାକାର୍ ପାର୍ମାଣ୍ ପାୟାଆତାର୍‌ନା ଇଦାଙ୍ଗ୍ କାଜିଙ୍ଗ୍ ହେୱାନ୍ କିଲେର୍ କିଜି ଚଚ୍‌ନି କାଜିଙ୍ଗ୍ ଇଚାକିନାନ୍ ଯେ ହେୱାନ୍ ଇନା ପାର୍ମାଣ୍ କିତାନ୍‌ନା, ହେଦାଙ୍ଗ୍ ହାତ୍‌ପା କିନାନ୍।

ଜାକ୍‌ବ 2:5

ଏ ନା ପାର୍ତିକିନି ଟଣ୍ଡାର୍‌କାଦେର୍ ୱେନାଟ୍, ଈଶ୍ୱର ଗରିବ୍ ମାନାୟାରିଙ୍ଗ୍ ପାର୍ତିତାଙ୍ଗ୍ ହାଉକାର୍ ଆଦେଙ୍ଗ୍ ଇ ପୁର୍ତିତାଙ୍ଗ୍ ବାଚି କିତାନ୍‌ନା। ଆରେ ଈଶ୍ୱରତିଙ୍ଗ୍ ଲାଡ୍‌କିନି ମାନାୟାରିଙ୍ଗ୍ ଇମ୍‌ଣି ରାଜି ବିଷୟରେ ପାର୍ମାଣ୍ କିତାନ୍‌ନା, ଇ ମାନାୟାର୍ ହେ ରାଜିନି ଆଦିକାର୍ ଆନାର୍।

୧ ପିତର 1:4

ଈଶ୍ୱର ମା କାଜିଙ୍ଗ୍ ଇଡ଼୍‌ଜି ମାଚି ହାର୍ଦି ଜିନିଷ୍‌ତିଙ୍ଗ୍ ପାୟାଆନି କାଜିଙ୍ଗ୍ ଆପେଙ୍ଗ୍ କାନାପା, ଆରେ ଇନେର୍ ପା ଇନାୱେଡ଼ାଙ୍ଗ୍ ପା ହେ ଜିନିଷ୍‌ତିଙ୍ଗ୍ ନଷ୍ଟ କିଦେଙ୍ଗ୍ ଆଡୁର୍। ହେୱିଜୁ ଜିନିଷ୍ ପାନାକା ଆଉତ୍ କି ପ୍ରାଲ୍ ତିନୁତ୍, ଆରେ ହେଦାଙ୍ଗ୍‌ତିଙ୍ଗ୍ ଇନାକା ପା କରାପ୍ କିଉତ୍। ଇମ୍‌ଣାକା ଈଶ୍ୱର ମାଙ୍ଗେଙ୍ଗ୍ ହିଦ୍‌ନି କାଜିଙ୍ଗ୍ ସରଗ୍‌ତାକେ ଇଡ଼୍‌ତାନ୍‌ନା।

୧ ପିତର 3:9

ଯଦି ମି ବିରୁଦ୍‌ତାକେ ଇନେର୍ ମି ଜିନିଷ୍‌ତିଙ୍ଗ୍ ନଷ୍ଟ କିନାନ୍, ଲାଗିଙ୍ଗ୍ ଏପେଙ୍ଗ୍ ତା ଜିନିଷ୍‌ତିଙ୍ଗ୍ ଉଲ୍‌ଟା ନଷ୍ଟ କିମାଟ୍, ଆରେ ଇନେର୍ ଯଦି ମିଙ୍ଗେଙ୍ଗ୍ ଇନସ୍ତା କିଦ୍‌ନାନ୍ ଆରେ ଏପେଙ୍ଗ୍ ତାଙ୍ଗେଙ୍ଗ୍ ଉଲ୍‌ଟା ଇନସ୍ତା କିମାଟ୍। ମାତର୍ ଏପେଙ୍ଗ୍ ହେୱାରିଙ୍ଗ୍ ଆଶ୍ରିବାଦ୍ କିୟାଟ୍, ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ବାଚି କିତ୍‌ତାନ୍‌ନା, ଯଦି ଏପେଙ୍ଗ୍ ହେଲେକେ କିନାଦେର୍ ଈଶ୍ୱର ମିଙ୍ଗେଙ୍ଗ୍ ଆଶ୍ରିବାଦ୍ କିଦ୍‌ନାନ୍।