କଲସିୟ 4:6 - New Testament in Pengo Parja Language

⁶ ହେୱାର୍ ହୁଦାଙ୍ଗ୍ ହାର୍‌ଦାଙ୍ଗ୍ କାତାବାର୍ତା କିୟାଟ୍, ଆରେ ହେୱାରିଙ୍ଗ୍ ମାନ୍ତ ହାଚି ଲେକେ କାତା ଆଡ। ଲାଗିଙ୍ଗ୍ ଏପେଙ୍ଗ୍ ଇନାକା ପାର୍ତି କିତାଦେର୍‌ନା ହେ ବିଷୟରେ ଏଚେପାଦ୍ନା ମିଙ୍ଗେଙ୍ଗ୍ ପ୍ରଶ୍ନ ୱେନ୍‌ବା ଆଦ୍‌ନାର୍, ଏପେଙ୍ଗ୍ ହାର୍‌ଦାଙ୍ଗ୍ ଉତର୍ ହିଦେଙ୍ଗ୍ ଆଡ୍‌ନାଦେର୍।

ସତ୍‌ ବଚନ୍‌ ପୁନି ନିୟମ୍‌

⁶ ମି ବଚନ୍‌ ସବୁୱେଡ଼ାଙ୍ଗ୍‌ ହୱାଦ୍‌ ଆରେ, ହର୍‌ତ ଦୟାମେହା ଆଏତ୍‌, ଇନେସ୍‌ ଇନେରିଂ ଇନେସ୍‌ ଉତର୍‌ ହିୟାନାତ୍‌, ହେଦାଂ ପୁଞ୍ଜେଙ୍ଗ୍‌ ଆଡ୍‌ନାଦେର୍‌ ।

କଲସିୟ 4:6 Iomraidhean Croise

ମାତିଉ 5:13

ହର୍ ଇନେସ୍ କାଦିତିଙ୍ଗ୍ ହାର୍, ହେଲେକେନେ ମାନାୟାର୍ ହାର୍ଦି କାମାୟ୍ କିନି ଦର୍‌କାର୍। ଇନେସ୍‌କି ହର୍ ତା ହୱାଦ୍ ଆରାଇ କିନାତ୍, ଲାଗିଙ୍ଗ୍ ତା ହୱାଦ୍ ଇନେସ୍ କିଜି ତାସିୱାନାତ୍। ହେଦାଙ୍ଗ୍ ଆରେ ଇମ୍‌ଣି କାମାୟ୍‌ତାକେ ଆଉତ୍, ବାର୍ତ ତୁଇହିଜି ମାନାୟାର୍ ହେ ହର୍‌ଦିଙ୍ଗ୍ ତଗାୱିହା କିନାର୍। ହେଲେକେନେ ମାନାୟାର୍ ହାର୍ଦି କାମାୟ୍ କିୱିତିସ୍ ହେୱାନିଙ୍ଗ୍ କୁଟୁମ୍‌ତାଙ୍ଗ୍ ପାଗ୍ରି ପିହ୍‌ନାର୍।

ମାର୍କ 9:50

ଇନେସ୍‌କି ହର୍‌ତାକେ ହୱାଦ୍ ହିଲ୍‌ଗୁତ୍, ଲାଗିଙ୍ଗ୍ ତା ହୱାଦ୍ ଇନେସ୍ କିଜି ତାସିୱାନାତ୍। ଇନାୱେଡ଼ାଙ୍ଗ୍ ମିବେ ହର୍‌ନି ଗୁଣ୍ ମାନେତ୍, ଏପେଙ୍ଗ୍ ଜାର୍-ଜାର୍ ହୁଦାଙ୍ଗ୍ ଶାନ୍ତିତାଙ୍ଗ୍ ମାନାଟ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:22

ଏଚେଜାଣ୍ ତା ହିକ୍ଷାତିଙ୍ଗ୍ ୱେନ୍‌ଞ୍ଜି ୱିଜାକାର୍ ୱେଚ୍‌ଚେଙ୍ଗ୍ ଲାଗାତାର୍, “ଇୱାନ୍ ହିକ୍ଷା ବେସି ବଡ଼ିଆ।” ଆରେ ତା ହାର୍ଦି ବେଣ୍ ୱେନ୍‌ଞ୍ଜି ଚାନିଆଆତାର୍। ଆରେ ହେୱାର୍ ୱେଚ୍‌ପା ୱେଚ୍‌ପି ଆଜି ୱେଚ୍‌ଚାର୍, “ଇୱାନ୍‌ତ ଯୋଷେପ୍‌ ମେହି।”

ଏପିସିୟ 4:29

ମି ୱେଇଦାଙ୍ଗ୍ ଇମ୍‌ଣି ପର୍‌କାର୍ କରାପ୍ କାତା ୱେଚ୍‌ମାଟ୍। ମାତର୍ ମି ବେଣ୍ ୱେନି ମାନାୟାର୍ ଇନେସ୍ ସାହାସ୍ ପାୟାଆନାର୍‌, ଇଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଇନାକା ପା ୱେଚାଟ୍ ହାର୍ ଆରେ ସାଇଜନି କାତା ୱେଚାଟ୍।

କଲସିୟ 3:16

ଖ୍ରୀଷ୍ଟ ବିଷୟନି ହିକ୍ଷାତିଙ୍ଗ୍ ୱିଜୁଦିନ୍ ଚିନ୍ତା କିୟାଟ୍, ତା ପୁରା ଜ୍ଞାନ୍‌ତାଙ୍ଗ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ହିକାଇ କିବା ଆଡ ଆରେ ଜାଗ୍ରତ୍ କିବା ଆଡ। ଗିତସଙ୍ଗିତାନି କେର୍‌କଣ୍, ଈଶ୍ୱର ଭଜନ୍ କେର୍‌କଣ୍ କେର୍‌ଜି, ଖ୍ରୀଷ୍ଟାନ୍ କେର୍‌କଣ୍ କେର୍‌ଜି ଈଶ୍ୱରତିଙ୍ଗ୍ ଦନ୍ଯବାଦ୍ ହିୟାଟ୍।

୧ ପିତର 3:15

ଏପେଙ୍ଗ୍ ଖ୍ରୀଷ୍ଟଙ୍ଗ୍ ମାପୃ ଇଞ୍ଜି ହେବା କିନି ଦର୍‌କାର୍। ଆରେ ଇନେର୍ ଯଦି ମିଙ୍ଗେଙ୍ଗ୍ ୱେନ୍‌ବା ଆଦ୍‌ନାର୍ ଏପେଙ୍ଗ୍ ଇନାକିଦେଙ୍ଗ୍ ଖ୍ରୀଷ୍ଟଙ୍ଗ୍ ଆହା କିନାଦେରା, ଲାଗିଙ୍ଗ୍ ଏପେଙ୍ଗ୍ ହେୱାରିଙ୍ଗ୍ ବୁଜାୟ୍ କିନି କାଜିଙ୍ଗ୍ ୱିଜୁନାଞ୍ଜିଙ୍ଗ୍‌ ରେଡି ମାନି ଦର୍‌କାର୍।