କଲସିୟ 3:13 - New Testament in Pengo Parja Language

¹³ ଯଦି ମି ବିତ୍ରେ ଇନେର୍ ବୁଲ୍ କିତିସ୍ ସମ୍ୱାଲି କିୟାଟ୍, ମି ବିରଦ୍‌ତାକେ ଅପ୍‌ମାନ୍ କିଦ୍‍ନାକାରିଙ୍ଗ୍ କେମା କିୟାଟ୍। ଇନେସ୍‌କି ମାପୃ ମିଙ୍ଗେଙ୍ଗ୍ କେମା କିତ୍‌ତାନ୍‌ନା, ଲାଗିଙ୍ଗ୍ ଏପେଙ୍ଗ୍ ପା ମାନାୟାରିଙ୍ଗ୍ କେମା କିୟାଟ୍।

ସତ୍‌ ବଚନ୍‌ ପୁନି ନିୟମ୍‌

¹³ ହାରି କାଜିଂ ହୁଞ୍ଜ୍‌ନାକାଦେର୍‌ ଆଡ, ଆରେ ଜଦି ଇନେର୍‌ ଇନେର୍‌ ବିରୁଦ୍‌ତ ଇମ୍‌ଣି କାତା ମାଚିସ୍‌, ତେବେ ରୱାନ୍‌ ଆରେରୱାନିଙ୍ଗ୍ କେମା କିୟାଟ୍‌; ମାପ୍ରୁ ଇନେସ୍‌ ମିଙ୍ଗେଙ୍ଗ୍‌ କେମା କିତ୍‌ତାନ୍‌ନା, ଏପେଙ୍ଗ୍‌ ପା ହେ ଲାକେ କିୟାଟ୍‌ ।

କଲସିୟ 3:13 Iomraidhean Croise

ମାତିଉ 5:44

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଏପେଙ୍ଗ୍ ମି ଶାତ୍ରୁରିଙ୍ଗ୍ ଲାଡ୍ କିୟାଟ୍। ଆରେ ଇମ୍‌ଣାକାର୍ ମିଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନାର୍ ହେୱାର୍ କାଜିଙ୍ଗ୍ ଏପେଙ୍ଗ୍ ପାର୍ତାନା କିୟାଟ୍।

ମାତିଉ 6:12

ଆରେ ଆପେଙ୍ଗ୍ ଇନେସ୍ କିଜି ଜାର୍-ଜାର୍ ବିରୁଦ୍ ନିକାରିଙ୍ଗ୍ ପାପ୍ କେମା କିତାପ୍‌ନା, ହେଲେକେନେ ମା ପାପ୍ ୱିଜୁ କେମା କିଦା।

ମାର୍କ 11:25

ଆରେ, ଏପେଙ୍ଗ୍ ଏଚେକାଡ଼୍‌ଦ ପା ପାର୍ତାନା କିଦେଙ୍ଗ୍ ନିଲ୍‌ନାଦେର୍, ଯଦି ଏପେଙ୍ଗ୍ ଇନେର୍‌ତାକେ ବିରଦ୍ ମାନାଦେର୍, ହେୱାନିଙ୍ଗ୍ ଏପେଙ୍ଗ୍ କେମା କିୟାଟ୍। ଇନେସ୍‌କି ସରଗ୍‌ନି ଆବା ମିଙ୍ଗେଙ୍ଗ୍ ପାପ୍ କେମା କିତ୍‌ତାନ୍‌ନା ହେଲେକେ ମି ବିରଦ୍ ଲଗାଙ୍ଗ୍ କେମା କିୟାଟ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:4

ମା ପାପ୍ ୱିଜୁ କେମା କିଦା, ଲାଗିଙ୍ଗ୍ ଇମ୍‌ଣାକାର୍ ମା କାଜିଙ୍ଗ୍ ଅନ୍ୟାୟ୍ କିତ୍‌ତାର୍‌ନା, ଆପେଙ୍ଗ୍ ୱିଜାକାରିଙ୍ଗ୍ ପା କେମା କିତାପ୍। ମାଙ୍ଗେଙ୍ଗ୍ ଶୟତାନନି ପାପ୍ କାମାୟ୍‌ତାଙ୍ଗ୍ ରକ୍ଷା କିଦା।’ ”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:34

ହେପାଦ୍ନା ଯୀଶୁ ୱେଚ୍‌ଚାନ୍, “ଆବା, ଇୱାରିଙ୍ଗ୍ କେମା କିୟା, ଇନେସ୍‌କି ଇୱାର୍ ଇନାକା କିନାର୍ ହେଦାଙ୍ଗ୍ ପୁନୁରା। ଆରେ ହେୱାର୍ ଯୀଶୁ ଉସ୍‌ପିତି ହେନ୍ଦ୍ରାତିଙ୍ଗ୍ ହେୱାର୍ ବାଗ୍‌କିଦେଙ୍ଗ୍ ଅତାର୍।”

ରୋମିୟ 15:7

ଆରେ ଇନେସ୍ କିଜି ମିଙ୍ଗେଙ୍ଗ୍ ଖ୍ରୀଷ୍ଟ ଆସ୍ତାତାନ୍‌ନା, ଇଲେକେ ଏପେଙ୍ଗ୍ ପା ଜାର୍-ଜାର୍‌ତିଙ୍ଗ୍ ଆହାଟ୍ ଲାଗିଙ୍ଗ୍ ଈଶ୍ୱର ଗୌରବ ପାୟା ଆନାନ୍।

୨ କରନ୍ତିୟ 2:10

ଏଚେପାଦ୍ନା ଏପେଙ୍ଗ୍ ହେୱାନ୍ କିଜିମାଚି ପାପ୍‌ତିଙ୍ଗ୍ କେମା କିନାଦେର୍, ଲାଗିଙ୍ଗ୍ ଆନେଙ୍ଗ୍ ପା ତାଙ୍ଗେଙ୍ଗ୍ କେମା କିନାଙ୍ଗ୍। ଆରେ ଆନେଙ୍ଗ୍ ଏଚେପାଦ୍ନା ତାଙ୍ଗେଙ୍ଗ୍ କେମା କିନାଙ୍ଗ୍ ମି ହାର୍ କାଜିଙ୍ଗ୍ ଖ୍ରୀଷ୍ଟ ଅଦିକାର୍‌ତାଙ୍ଗ୍ କିନାଙ୍ଗ୍, ଇନେସ୍‌କି ଆନେଙ୍ଗ୍ କେମା ପାୟାଆନି ବିଷୟତିଙ୍ଗ୍ ନେ କେମା କିନାଙ୍ଗ୍।

୨ କରନ୍ତିୟ 6:6

ଆପେଙ୍ଗ୍ ଜାର୍‌ତିଙ୍ଗ୍ ପବିତ୍ର କିତାପ୍, ଆପେଙ୍ଗ୍ ୱିଜୁ ବିଷୟରେ ବୁଜାଆତାପ୍, ଆପେଙ୍ଗ୍ ସାସ୍ ଆତାପ୍, ଆପେଙ୍ଗ୍ ମାନାୟାରିଙ୍ଗ୍ ଦୟା କିତାପ୍। ଆରେ ଆପେଙ୍ଗ୍ ମାନାୟାରିଙ୍ଗ୍ ହାତ୍‌ପା ଲାଡ୍ କିତାପ୍ ଆରେ ଆପେଙ୍ଗ୍ ପବିତ୍ର ଆତ୍ମାତିଙ୍ଗ୍ ସାଇଜ କିଦେତ୍ ଇଞ୍ଜି ଆହା କିତାପ୍।

ଗାଲାତିୟ 6:2

ଏଚେପାଦ୍ନା ଦୁକ୍‌କଷ୍ଟ ୱାନାତ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ସାଇଜ କିବା ଆଡ। ଇଲେକେ ଏପେଙ୍ଗ୍ ଖ୍ରୀଷ୍ଟ ନିୟମ୍‌ତିଙ୍ଗ୍ ମାନି କିୟାଟ୍।

ଏପିସିୟ 4:2

ଇଦାଙ୍ଗ୍‌ନି ଅର୍‌ତ ଯେ ଏପେଙ୍ଗ୍ ଇନାକାପା ଜାର୍‌ତିଙ୍ଗ୍ ହିରୁ ଆଜି କିୟାଟ୍, ମି ଆଦିକାର୍ ଚଚ୍‌ମାଟ୍, ସାସ୍ ଆସ୍ତି ମାନାଟ୍, ଆରେ ଜେକନିକାରିଙ୍ଗ୍ ବ୍ଯବହାର୍‌ତାଙ୍ଗ୍ ରିସା ଆୱାଦାଙ୍ଗ୍ ଜାର୍-ଜାର୍‌ତିଙ୍ଗ୍ ଲାଡ୍ କିୟାଟ୍।

ଏପିସିୟ 4:32

ଆରେ ଏପେଙ୍ଗ୍ ଜାର୍-ଜାର୍‌ତିଙ୍ଗ୍ ସାଇଜ କିୟାଟ୍ ଆରେ ଦୟା ଚଚାଟ୍। ଆରେ ଖ୍ରୀଷ୍ଟତାକେ ରବେ ଆତି କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ଇନେସ୍ କେମା କିତ୍‌ତାନ୍‌ନା, ହେଲେକେ ଜାର୍-ଜାର୍‌ତିଙ୍ଗ୍ କେମା କିୟାଟ୍।

ଏପିସିୟ 5:2

ଖ୍ରୀଷ୍ଟ ଇନେସ୍ ମିଙ୍ଗେଙ୍ଗ୍ ଲାଡ୍ କିତ୍‌ତାନ୍, ହେଲେକେ ଏପେଙ୍ଗ୍ ଜେକନିକାରିଙ୍ଗ୍ ଲାଡ୍ କିୟାଟ୍। ହେୱାନ୍ ମିଙ୍ଗେଙ୍ଗ୍ ଲାଡ୍ କିତିଲେ, ମି ପାପ୍‌ତିଙ୍ଗ୍ ଦେହା କିଦେଙ୍ଗ୍ ହେୱାନ୍ ନିଜେ ଜାର୍ ଜିବୁନ୍‌ତିଙ୍ଗ୍ ପୁଜା କିତିଲେକେ ବଲିଦାନ୍ କିୟିଆତାନ୍। ଈଶ୍ୱର ତା ବଲିଦାନ୍‌ତାଙ୍ଗ୍ ୱାରି ଆତାନ୍, ଇନେସ୍‌କି ହେୱାନ୍ ବଲିଦାନ୍ ବାସ୍ନା ଚିକାଣ୍ ଲେକେ ମାଚାତ୍।

କଲସିୟ 3:12

ଈଶ୍ୱର ମିଙ୍ଗେଙ୍ଗ୍ ପବିତ୍ର ମାନାୟ୍ କିଜି ବାଚି କିତ୍‌ତାନ୍‌ନା ଆରେ ଲାଡ୍ କିତ୍‌ତାନ୍‌ନା। ଲାଗିଙ୍ଗ୍ ଏପେଙ୍ଗ୍ ଜେକନିକାରିଙ୍ଗ୍ ସାଇଜ କିୟାଟ୍, ଦୟା କିୟାଟ୍ ଜାର୍‌ତିଙ୍ଗ୍ ହିରୁ କିୟାଟ୍, ମି ଆଦିକାର୍ ଚଚ୍‌ମାଟ୍ ଆରେ ସାହାସ୍ ଆସ୍ତି ମାନାଟ୍।

ଜାକ୍‌ବ 2:13

ଇମ୍‌ଣାକାନ୍ ଦୟା କିଉନ୍, ଈଶ୍ୱର ହେୱାନିଙ୍ଗ୍ ପା ଦୟା କିୱାଦାଙ୍ଗ୍ ବିଚାର୍ କିନାନ୍। ମାତର୍ ଇମ୍‌ଣାକାନ୍ ଦୟା କିନାନ୍ ହେୱାନିଙ୍ଗ୍ ଈଶ୍ୱର ବିଚାର୍ କିନିହିଙ୍ଗ୍ ଦୟା କିନାନ୍।

୧ ପିତର 2:21

ଈଶ୍ୱର ମିଙ୍ଗେଙ୍ଗ୍ ଦୁଃକ୍ କଷ୍ଟ ପାୟାଆତିସ୍ ପା ହାର୍ କାମାୟ୍ କିଦେଙ୍ଗ୍ ତା କାଜିଙ୍ଗ୍ ବାଚି କିତ୍‌ତାନ୍‌ନା। ଇନେସ୍ ଖ୍ରୀଷ୍ଟ ମି କାଜିଙ୍ଗ୍ ଦୁଃକ୍ କଷ୍ଟ ପାୟାଆଜି ମାଚାନ୍, ଏପେଙ୍ଗ୍ ତାଙ୍ଗେଙ୍ଗ୍ ହୁଡ଼୍‌ଜି ହିକାଆଡ, ଲାଗିଙ୍ଗ୍ ଏପେଙ୍ଗ୍ ଖ୍ରୀଷ୍ଟ କିତିଲେକେ କିଦେଙ୍ଗ୍ ଆଡ୍‌ନାଦେର୍।