କଲସିୟ 2:8 - New Testament in Pengo Parja Language

⁸ ଏପେଙ୍ଗ୍ ଜାଗ୍ରତ୍ ଆଜି ମାନାଟ୍, ଇନେର୍ ପା ମିଙ୍ଗେଙ୍ଗ୍ ମୁଲ୍ୟ ହିଲ୍‌ୱି ଦର୍‍ମନି ହିକ୍ଷା ଆରେ ବେକାର୍ ଉପାୟ୍‌ନି ହିକ୍ଷାହିଜି ମିଙ୍ଗେଙ୍ଗ୍ ଜାଲ୍‌ଦ ରାତ୍‌ତେମେର୍। ଇନେସ୍‌କି ଇ ଲେକେ ହିକ୍ଷା ଖ୍ରୀଷ୍ଟତି ହିକ୍ଷା ଆକାୟ୍, ମାତର୍ ମାନାୟ୍‌ନି ଜ୍ଞାନ୍‌ନି ହିକ୍ଷା ଆରେ ପୁର୍ତିନି ମାନାୟାର୍ ହିକ୍ଷା।

ସତ୍‌ ବଚନ୍‌ ପୁନି ନିୟମ୍‌

⁸ ଜାଗ୍ରତ୍‌, ଇନେର୍‌ ଇନେସ୍‌ ମିଂ ମାନାୟାର୍‌ତି ଅରତ୍‌ ହିଲ୍‌ୱି ଆହାର୍‌ ଗିଆନ୍‌ ହୁକେ ତଲ୍ୟା କିଦୁତ୍‌ । ହେ ସବୁ ପଲ୍ୟା ଗିୟାନ୍‌ କ୍ରିସ୍ଟତି ହିକ୍ୟାତାଂ ୱାୱାଦାଂ ମାନ୍‌ଗାନାତ୍‌ । ହେଦାଂ ମାନାୟ୍‌ କୁଟୁମ୍‌ନି ଚାଲାଆଜ଼ି ୱାଜ଼ି ମାନି ହିକ୍ୟା ଆରି ପୁର୍ତି ଜପି କାମାୟ୍‌ କିଜ଼ି ମାନି ହାନ୍ଦାୟ୍‌କିନି ସାକ୍ତିନି ହିକ୍ୟାନି ପାଡ଼୍‌ ।

କଲସିୟ 2:8 Iomraidhean Croise

ମାତିଉ 10:17

ଇଦାଙ୍ଗ୍ କାଜିଙ୍ଗ୍ ମାନାୟ୍‌ତାଙ୍ଗ୍ ସାବ୍‌ଦାନ୍ ଆଜି ମାନାଟ୍। ଇନେସ୍‌କି ହେୱାର୍ ମିଙ୍ଗେଙ୍ଗ୍ ବିଚାର୍‌କିନି ବାହାତାକେ ଅଜି ନିଲି କିଦ୍‌ନାର୍ ଆରେ ହେୱାର୍ ଯିହୁଦିର୍ ପାର୍ତାନା ଇଞ୍ଜ କର୍‌ଡା ହୁଦାଙ୍ଗ୍ ଟ୍ରାକ୍‌ତାନାର୍।

ମାତିଉ 16:6

ପାଚେ ଯୀଶୁ ଚେଲାହିରିଙ୍ଗ୍ ୱେଚ୍‌ଚାନ୍, “ଜାଗ୍ରତ୍ ଆଜି ମାନାଟ୍ ପାରୁସିଦଳ୍‍ ଆରେ ଯିହୁଦି ଦର୍‍ମନି ସାଦୁକିଦଳ୍‌ନି ସଡ଼ାକାର୍ ତାକେଡାଙ୍ଗ୍ ସାବ୍‌ଦାନ୍ ଆଜି ମାନାଟ୍।”

ମାତିଉ 7:15

ମିଚ୍‌ୱା ଭବିଷ୍ଯତବକ୍ତାତାଙ୍ଗ୍ ସାବ୍‌ଦାନ୍ ଆଜି ମାନାଟ୍, ଇନେର୍‌କି ଦରମ୍ ମେଣ୍ଢାଲେକେ ଦରମ୍‌ଆଜି ୱାନାର୍। ମାତର୍ ହେୱାର୍ ହାତ୍‌ପା ହୁଣ୍ଡେର୍ ଲେକେ ନଷ୍ଟ କିଦ୍‌ନାର୍।

ପକ୍ୟାତାକା 17:18

ପାଉଲ କେତେକ୍ ଏପିକୁରିୟ ଆରେ ସ୍ତଇକ ଦଳ୍‌ନି ଜ୍ଞାନି ମାଷ୍ଟେରାର୍ ହୁଦାଙ୍ଗ୍ ଆଲ୍‌ଚାନା କିଦେଙ୍ଗ୍ ଲାଗାତାନ୍, ହେୱାର୍ ବିତ୍ରେତାଙ୍ଗ୍ କେତ୍‌ଜାଣ୍ ୱେଚ୍‌ଚାର୍, “ଇୱାନ୍ ବୁଦି ହିଲ୍‌ୱାକାନ୍ ଇନାକା ୱେଚ୍‌ଚେଙ୍ଗ୍ ଇଚା କିନାନା?” ଆରେ କେତ୍‌ଜାଣ୍ ୱେଚ୍‌ଚାର୍, “ହେୱାନ୍ ରକାନ୍ ପୁନି ପେନ୍ ବିଷୟରେ ଶୁଣାୟ୍ କିନି ମାନାୟ୍ ଲେକେ ଲାଗ୍‌ଦାନାନା।” ଇନେସ୍‌କି ପାଉଲ ଯୀଶୁ ଆରେ ଆରେରଗ ଜିବୁନ୍‌ଆନି ବିଷୟରେ ହାର୍ଦିକାବୁର୍ ଶୁଣାୟ୍ କିଜି ମାଚାନ୍।

ପକ୍ୟାତାକା 17:32

ଆରୟପାଗ ବାହାତାକେ କୁଚ୍‌ଚି ମାଚି ମାନାୟାର୍ ହାଃତାକାର୍ ଆରେରଗ ଜିବୁନ୍‌ଆନି କାତା ୱେନ୍‌ଞ୍ଜି, ହେୱାର୍ ବିତ୍ରେତାଙ୍ଗ୍ କେତେକ୍ ମାନାୟାର୍ ଗାଇଜି ଇନସ୍ତା କିତାର୍। ମାତର୍ କେତ୍‌ଜାଣ୍ ୱେଚ୍‌ଚାର୍, “ଇ କାତା ନିବେତାଙ୍ଗ୍ ଆରେ ଆଦିକ୍ ୱେଞ୍ଜେଙ୍ଗ୍ ଆପେଙ୍ଗ୍ ଇଚା କିନାପା।”

ରୋମିୟ 16:17

ଏ ପାର୍ତି ଟଣ୍ଡାର୍‌କାଦେର୍, ଆନେଙ୍ଗ୍ ନଙ୍ଗୟ୍ ମିଙ୍ଗେଙ୍ଗ୍ ଆରେ ରଞ୍ଜି ଗୁୱାରି କିଦ୍‌ନାଙ୍ଗା ଯେ, ଏପେଙ୍ଗ୍ ଜାର୍-ଜାର୍‌ବିତ୍ରେ ଗଣ୍ଡ୍‍ଗଲ୍ କିଜି ବାଗ୍ କିନି ମାନାୟାର୍‌ତାଙ୍ଗ୍ ଆରେ ମାନାୟାର୍ ପାର୍ତିତିଙ୍ଗ୍ ଉଣା କିନି ମାନାୟାର୍‌ତାଙ୍ଗ୍ ଜାଗ୍ରତ୍ ଆଜି ମାନାଟ୍। ହେୱାର୍ ଆପେଙ୍ଗ୍ ହିଜିମାଚି ସତ୍ ହିକ୍ଷା ବିରୁଦ୍‌ତାକେ ଇଞ୍ଜ୍‌ନାର୍, ଲାଗିଙ୍ଗ୍ ଏପେଙ୍ଗ୍ ହେୱାର୍‌ତାଙ୍ଗ୍ ଦେହା ମାନାଟ୍।

୧ କରନ୍ତିୟ 10:12

ଲାଗିଙ୍ଗ୍ ଇମ୍‌ଣି ପାର୍ତିକିନି ଟଣ୍ଡେନ୍ ଈଶ୍ୱରତିଙ୍ଗ୍ ବେସି ପାର୍ତି ଆରେ ଇଲେକେ ପାପ୍ କାମାୟ୍ କିଉଙ୍ଗା ଇଞ୍ଜି ବାବିକିନାନା, ଲାଗିଙ୍ଗ୍ ହେୱାନ୍ ଜାଗ୍ରତ୍ ଆଜି ମାନି ଦର୍‌କାର୍।

୧ କରନ୍ତିୟ 8:9

ମାତର୍ ଏପେଙ୍ଗ୍ ସାବ୍‌ଦାନ୍ ଆଜି ମାନାଟ୍ ଯେ, ଇମ୍‌ଣାକାର୍ ଅଲପ୍ ପାର୍ତିକିନାରା ହେୱାର୍ ଆଗେ ମୁର୍ତିକାଙ୍ଗ୍ ହିତି କାଦିତିଙ୍ଗ୍ ତିନ୍‌ମାଟ୍‌ ନଇଲେ ହେୱାର୍ ମାପୃଙ୍ଗ୍ ପାର୍ତି କିନାକା ବନ୍ଦ୍ କିନାର୍।

୨ କରନ୍ତିୟ 10:5

ଆସେଙ୍ଗ୍ ହେ ଅସ୍ତର୍ ଶସ୍ତର୍‌ତିଙ୍ଗ୍ ବ୍ୟବହାର୍ କିଜି ଈଶ୍ୱରତିଙ୍ଗ୍ ପୁନ୍‌ୱି ବାଟ୍‌ପାଣିୟାର୍‌ ଜିକାଟାଣା ଆନି ବିଷୟତିଙ୍ଗ୍ ଆପେଙ୍ଗ୍ ନଷ୍ଟ କିନାପା। ଆପେଙ୍ଗ୍ ହେ ଅସ୍ତର୍ ଶସ୍ତର୍‌ତିଙ୍ଗ୍ ବ୍ୟବହାର୍ କିଜି ହେୱାର୍ ମାନ୍‌ତିଙ୍ଗ୍ କଣ୍ଟ୍ରୁଲ୍ କିନାପା, ଆରେ ଆପେଙ୍ଗ୍ ଖ୍ରୀଷ୍ଟଙ୍ଗ୍ ମାନି କିଦେଙ୍ଗ୍ ହିକ୍ଷା ହିନାପା।

ଗାଲାତିୟ 1:14

ଆରେ ନା ଆକଦାଦିନି ନିତି ନିୟମ୍‌ତିଙ୍ଗ୍ ବେସି ମାନିକିଜି ମାଚାଙ୍ଗ୍। ନା ଜାତିତାକେ ମାନି ନା ବୟସ୍‌ନି ମାନାୟାର୍‌ତାଙ୍ଗ୍ ଆନେଙ୍ଗ୍ ବେସି ମାନିକିଜି ମାଚାଙ୍ଗ୍।

ଗାଲାତିୟ 4:3

ହେଲେକେ ଖ୍ରୀଷ୍ଟ ୱାଜି ମାଙ୍ଗେଙ୍ଗ୍ ଉଦାର୍ କିଦ୍‌ନି ପାତେକ୍, ଆସେଙ୍ଗ୍ ହିରୁ ହିମ୍‌ଣା ମାଚାସ୍। ଆରେ ଆସେଙ୍ଗ୍ ଇ ଜଗତ୍‌ନି ନିତି ନିୟମ୍‌ନି ଦାସ୍ ଆଜି ମାଚାସ୍।

ଗାଲାତିୟ 4:9

ମାତର୍ ନଙ୍ଗୟ୍ ଏପେଙ୍ଗ୍ ଈଶ୍ୱରତିଙ୍ଗ୍ ପୁଚାଦେର୍‌ନା, ନଇଲେ ଇଦାଙ୍ଗ୍ ପା ଆନେଙ୍ଗ୍ ୱେଚ୍‌ଚାନାଙ୍ଗ୍ ଯେ ଈଶ୍ୱର ନଙ୍ଗୟ୍ ମିଙ୍ଗେଙ୍ଗ୍ ପୁନ୍‌ଞ୍ଚାନ୍‌ନା। ଲାଗିଙ୍ଗ୍ ଇ ଜଗତ୍‌ନି ଦୁର୍‌ବଲ୍ ଆରେ ମୁଲ୍ୟ ହିଲ୍‌ୱି ହିକ୍ଷାନି ଦାସ୍ ଆଦେଙ୍ଗ୍, ଇନେସ୍ ଆରେରଗ ଲେଉଟା ଆଜି ହାଞ୍ଜେଙ୍ଗ୍ ଇଚା କିନାଦେରା?

ଗାଲାତିୟ 5:15

ମାତର୍ ଏପେଙ୍ଗ୍ ଲାଡ୍ କିବାଆୱାଦାଙ୍ଗ୍, ଏପେଙ୍ଗ୍ ଯଦି ପଶୁ ଲେକେ ଚାବାକାତ୍ରା ଆଜି ଗାଉଦାଉ ଆନାଦେର୍, ଲାଗିଙ୍ଗ୍ ଜାଗ୍ରତ୍ ଆଡ ଯେ ଏପେଙ୍ଗ୍ ଜାର୍-ଜାର୍‌ତିଙ୍ଗ୍ ନଷ୍ଟ କିମାଟ୍।

ଏପିସିୟ 2:2

ଇନେସ୍‌କି ହେପାଦ୍ନା ଏପେଙ୍ଗ୍ ଇ ପୁର୍ତିନି ମାନାୟାର୍ ହାଜ୍‌ଦିଙ୍ଗ୍ ତାଙ୍ଗ୍‌ଜି ମାଚାଦେର୍, ଆରେ ବାଦାଡ଼୍‌ନି କରାପ୍ ଆତ୍ମା କି ବୁତ୍ ଆତ୍ମାନି ନେତାନି ଆଦିକାର୍ ଶୟତାନନି କାତା ମାନିକିଜି ମାଚାଦେର୍। ଇ ଶୟତାନ ନଙ୍ଗୟ୍ ଈଶ୍ୱରତିଙ୍ଗ୍ ମାନିକିୱି ମାନାୟାରିଙ୍ଗ୍ କଣ୍ଟ୍ରୁଲ୍ କିଦ୍‌ନାତା।

ଏପିସିୟ 4:20

ମାତର୍ ଏପେଙ୍ଗ୍ ଖ୍ରୀଷ୍ଟ ବିଷୟରେ ହିକାଆନିହିଙ୍ଗ୍ ହେଲେକେ ଜିବୁନ୍ କାଟିକିନି କାଜିଙ୍ଗ୍ ହିକା ଆୱାତାଦେର୍‌ନା।

ଏପିସିୟ 5:6

ଲାଗିଙ୍ଗ୍ ମିଙ୍ଗେଙ୍ଗ୍ ଇନେର୍‌ପା ଟକାଇ କିଦ୍‌ମେର୍ ଯେ ଇ ୱିଜୁ ବିଷୟ କିତିସ୍ ଦଣ୍ଡ୍ ଗାଟାଆଦୁତ୍। ଇନେସ୍‌କି ଇମ୍‌ଣାକାର୍ ତା ଆଦେସ୍‌ତିଙ୍ଗ୍ ମାନିକିଉର୍ ହେୱାରିଙ୍ଗ୍ ଈଶ୍ୱର ଦଣ୍ଡ୍ ହିନାନ୍।

ପିଲିପିୟ 3:2

କରାପ୍ ନିକୁଡ଼୍‌ଲେକେ ବୁଲ୍ ହିକ୍ଷା ହିଦ୍‌ନି ମାଷ୍ଟେରାର୍‌ତାଙ୍ଗ୍ ସାବ୍‌ଦାନ୍ ଆଜି ମାନାଟ୍, ଇନେସ୍‌କି ହେୱାର୍ କରାପ୍ କାମାୟ୍ କିନାର୍। ହେୱାର୍ ସୁନତ ବିଦି ମାନି କିୟାଟ୍ ଇଞ୍ଜି ୱେଚ୍‌ଚାନାର୍।

କଲସିୟ 2:18

ଖ୍ରୀଷ୍ଟ ତା ଗାଗାଡ଼୍ ଲେକ ମଣ୍ଡ୍‌ଲିନି ମୁକ୍ୟା। ହେୱାନ୍ ତା ଗାଗାଡ଼୍‌ନି ୱିଜୁ ଜିନିଷ୍‌ତିଙ୍ଗ୍ ଜାତୁନ୍ କିନାନ୍ ଆରେ ୱିଜୁତିଙ୍ଗ୍ ମାହାଇ କିଜି ଇଡ଼୍‌ତାନ୍‌ନା। ଲାଗିଙ୍ଗ୍ ଈଶ୍ୱର ଇଚାତାଙ୍ଗ୍ ଇଦାଙ୍ଗ୍ ବାଡା ଆନାତ୍। ବାଟ୍‌ପାଣ୍ ଆଜି ଜାର୍‌ତିଙ୍ଗ୍ ହିରୁ କିନାକା ଆରେ ଦୁତ୍‌କୁକାଙ୍ଗ୍ ପୁଜା କିୟାଟ୍ ଇଞ୍ଜି ୱେଚ୍‌ଚି ଇନେର୍ ମିଙ୍ଗେଙ୍ଗ୍ ଟକାୟ୍ କିଦୁର୍। ଇ ବିଷୟରେ ହେୱାର୍ କେଚ୍‍କଣ୍‌ତ ହୁଡ଼୍‌ତାପ୍‌ନା ଇଞ୍ଜି ୱେଚ୍‌ନାର୍। ମାତର୍ ହେୱାର୍ ତା ମୁର୍କ କାଜିଙ୍ଗ୍ ବାଟ୍‌ପାଣିଆ ଆତାର୍‌ନା।

କଲସିୟ 2:20

ଏପେଙ୍ଗ୍ ଖ୍ରୀଷ୍ଟ ହୁଦାଙ୍ଗ୍ ହାଃତାଦେର୍‌ନା, ଲାଗିଙ୍ଗ୍ ହେୱାନ୍ ମିଙ୍ଗେଙ୍ଗ୍ ପୁର୍ତିନି ୱିଜୁ ଶୟତାନନି ଶାକ୍ତିତାଙ୍ଗ୍ ମୁକ୍ତି କିତାନ୍‌ନା। ଲାଗିଙ୍ଗ୍ ଏପେଙ୍ଗ୍ ଇନେକିଦେଙ୍ଗ୍ ଇ ପୁର୍ତିନି ନିତି ନିୟମ୍‌ତିଙ୍ଗ୍ ମାନି କିନାଦେରା।

କଲସିୟ 2:22

ଇ ୱିଜୁ ନିତି ନିୟମ୍ ମାନାୟ୍ ରସ୍ତି ହିକ୍ଷା, ଆରେ ହେ ୱିଜୁତିଙ୍ଗ୍ ଆସେଙ୍ଗ୍ ବାଉରା ଆତିସ୍ ନଷ୍ଟ ଆନାତ୍।

କଲସିୟ 2:23

ଇ ୱିଜୁ ପୁର୍ତିନି ନିତି ନିୟମ୍ ବେସି ବୁଦି ହିତ୍‌ତି ଲେକେ ଚଞ୍ଜ୍‌ଜାନାତା, ଇଦାଙ୍ଗ୍ ହେୱାର୍ ଜବର୍ ଦସ୍ତ୍ ଦରମ୍ ଇଞ୍ଜି ଚଚିୟାଆଜି ଈଶ୍ୱରତିଙ୍ଗ୍ ପୁଜା କିଦେଙ୍ଗ୍ ରସ୍ତାର୍‌ନା। ଆରେ ହେୱାର୍ ଜାର୍‌ତିଙ୍ଗ୍ ଦୁକ୍‌କଷ୍ଟ ହିନାରା ଆରେ ବାଟ୍‌ପାଣ୍ ଆଜି ଜାର୍‌ତିଙ୍ଗ୍ ହିରୁ କିନାରା। ମାତର୍ ଇ ୱିଜୁ ନିତି ନିୟମ୍‌ତିଙ୍ଗ୍ ମାନିକିତିସ୍ ପା ହେୱାର୍ ପାପ୍ କାମାୟ୍ କିନାରା।

୧ ତିମତି 6:20

ଏ ଟଣ୍ଡେନ୍ ତିମତି ନିଙ୍ଗେଙ୍ଗ୍ ଇନାକା ହିତ୍‌ତାର୍‌ନା, ହେଦାଙ୍ଗ୍‌ତିଙ୍ଗ୍ ରକ୍ଷା କିୟା। ଈଶ୍ୱରତିଙ୍ଗ୍ ପୁନ୍‌ୱି ଲକାର୍‌ତାଙ୍ଗ୍ ଆରେ ବେକାର୍ କାତା ୱେଚ୍‌ନାକାର୍‌ତାଙ୍ଗ୍ ଦେହା ଆଜି ମାନା।

୨ ତିମଥି 3:13

ମାତର୍ କରାପ୍ ମାନାୟାର୍ ଆରେ ଟକ୍‌ୱା ମାନାୟାର୍ ଆଦିକ୍‌ତାଙ୍ଗ୍ ଆଦିକ୍ କରାପ୍ କାମାୟ୍ କିନାର୍। ହେୱାର୍ ମାନାୟାରିଙ୍ଗ୍ ଟକାଇ କିନାର୍ ଆରେ ନିଜେ ପା ଜେକନିକାର୍‌ତାଙ୍ଗ୍ ଟକାଇ କିୟିଆନାର୍।

ଏବ୍ରି 13:9

ଲାଗିଙ୍ଗ୍ ଏପେଙ୍ଗ୍ ପୁନ୍‌ୱିତି ପୁନି ହିକ୍ଷାତିଙ୍ଗ୍ ୱେଞ୍ଜେଙ୍ଗ୍ ଇଚା କିମାଟ୍। ଇନେସ୍‌କି ମି ଆତ୍ମିକ୍ ଜିବୁନ୍ ଈଶ୍ୱର ଦୟାତାଙ୍ଗ୍ ଶାକ୍ତି ଆନାତା, ତିନାକା ଉଣାକା ନିତି ନିୟମ୍ ମାନିକିତି କାଜିଙ୍ଗ୍ ଆକାୟ୍। ଇମ୍‌ଣାକାର୍ ହେ ନିୟମ୍ ମାନି କିନାରା, ହେଦାଙ୍ଗ୍ ଇନା ଲାବ୍ ଆଉତ୍।

ଏବ୍ରି 3:12

ଲାଗିଙ୍ଗ୍ ଏ ପାର୍ତିକିନି ଟଣ୍ଡାର୍‌କାଦେର୍, ଜାଗ୍ରତ୍ ଆଜି ମାନାଟ୍, ମି ଗରବ୍ ଜିବୁନ୍ ମାନି ଈଶ୍ୱରତିଙ୍ଗ୍ ଆହ୍‌ୱାଦାଙ୍ଗ୍, କରାପ୍ ଆରେ ପାର୍ତିକିୱି ମାନାୟ୍ ଲେକେ ଆମେତ୍।

୧ ପିତର 1:18

ଏପେଙ୍ଗ୍ ପୁଚାଦେର୍‌ନା ଯେ, ଆଗେ ଏପେଙ୍ଗ୍ ବେକାର୍ ଜିବୁନ୍ କାଟିକିଜି ମାଚାଦେର୍, ହେଦାଙ୍ଗ୍ ମି ଆକଦାଦିର୍‌ତାଙ୍ଗ୍ ହିକା ଆଜି ମାଚାଦେର୍। ମାତର୍ ଈଶ୍ୱର ମିଙ୍ଗେଙ୍ଗ୍ ବେକାର୍ ଜିବୁନ୍‌ତାଙ୍ଗ୍ ମୁକ୍ତି କିଜି ମାନ୍‌ଞ୍ଚାନ୍। ହେୱାନ୍ ମିଙ୍ଗେଙ୍ଗ୍ ଉଦାର୍ କିଦ୍‌ନି କାଜିଙ୍ଗ୍ ନଷ୍ଟ ଆନି ହନା କି, ରୁପା ବ୍ୟବହାର୍ କିୱାଦାଙ୍ଗ୍ ମାଚାନ୍।

୨ ପିତର 3:17

ଲାଗିଙ୍ଗ୍ ଏ ନା ଲାଡ୍‌ନି ସାଙ୍ଗ କାଦେର୍, ଇୱିଜୁ ଗଟାଆନାତ୍ ଇଞ୍ଜି ଏପେଙ୍ଗ୍ ଆଗେତାଙ୍ଗ୍ ପୁଚାଦେର୍‌ନା। ଲାଗିଙ୍ଗ୍ ଇ କରାପ୍ ମାନାୟାର୍ ଇନେସ୍ ମିଙ୍ଗେଙ୍ଗ୍ ମିଚ୍ କାତା ୱେଚ୍‌ଚି ମିଙ୍ଗେଙ୍ଗ୍ ଟକାୟ୍ କିଦୁର୍, ଇଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜାଗ୍ରତ୍ ଆଜି ମାନାଟ୍। ଯଦି ଏପେଙ୍ଗ୍ ହେୱାର୍ କାତା ୱେନାଦେର୍, ଲାଗିଙ୍ଗ୍ ଏପେଙ୍ଗ୍ ଇମ୍‌ଣି ବିଷୟରେ ପାର୍ତି କିନାକା ଷ୍ଟ୍ରଙ୍ଗ୍‌କିଜି ଇଡ଼୍‌ତାଦେର୍‌ନା ହେ ବିଷୟରେ ଡାଉଟ୍ କିଦେଙ୍ଗ୍ ଆରମ୍ କିନାଦେର୍।

୨ ଯୋହନ 1:8

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜାଗ୍ରତ୍ ଆଜି ମାନାଟ୍, ଇ ଲେଗ୍‌ଦି ମାନାୟ୍ ମିଙ୍ଗେଙ୍ଗ୍ ଟକାୟ୍ କିଦ୍‌ମେର୍, ଇନେସ୍ ଏପେଙ୍ଗ୍ ଇମ୍‌ଣି ପୁରଷ୍କାର୍ ପାୟା ଆଦେଙ୍ଗ୍ କଷ୍ଟ କିନାଦେରା ହେଦାଙ୍ଗ୍ ପାଙ୍ଗ୍‌ୱା ଆଉତ୍। ମାତର୍ ଏପେଙ୍ଗ୍ ହେ କାମାୟ୍ କାଜିଙ୍ଗ୍ ଆଶ୍ରିବାଦ୍ ପାୟାଆଡ, ଇମ୍‌ଣାକା ଈଶ୍ୱର ହିଦ୍‌ନାଙ୍ଗ୍ ଇଞ୍ଜି ପାର୍ମାଣ୍ କିତାନ୍‌ନା।