କଲସିୟ 2:7 - New Testament in Pengo Parja Language

⁷ ଆରେ ମାର୍‌ତି ଚିରା ଇନେସ୍ ମେଦ୍‌ନିତାକେ ହାଲ୍‌ଜି ଆଟ୍‌ୱା ଆଜି ମାନାତ୍, ହେଲେକେ ଏପେଙ୍ଗ୍ ହେୱାନ୍‌ତାକେ ବେସି ଆଟ୍‌ୱା ଆଜି ମାନାଟ୍। ମି ଜିବୁନ୍ ହେୱାନ୍‌ତାକେ ବାଡା ଆୟେତ୍, ଲାଗିଙ୍ଗ୍ ଏପେଙ୍ଗ୍ ଇମ୍‌ଣି ହିକ୍ଷା ପାୟା ଆତାଦେର୍‌ନା ହେ ଅନୁସାରେ ମି ପାର୍ତି ସତ୍‌ତାକେ ଆଦିକ୍‌ତାଙ୍ଗ୍ ଆଦିକ୍ ଆଟ୍‌ୱା ଆନାତ୍‌। ଆରେ ଆଦିକ୍‌ତାଙ୍ଗ୍ ଆଦିକ୍ ଏପେଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଦେର୍।

ସତ୍‌ ବଚନ୍‌ ପୁନି ନିୟମ୍‌

⁷ ମିଦାଂ ମୁଡ଼୍‌କୁନାଦି ତା ଜପି ଆଟ୍‌ୱା ଲାକେ ରଚ୍‌ଚି ଜିବୁନ୍‌ ରଚାଟ୍‌ ଆରି ଏପେଙ୍ଗ୍‌ ଗାଟାତି ହିକ୍ୟା ଇସାବ୍ରେ ପାର୍ତିତ ଆଦିକ୍‌ ବାଡ଼୍‌କାସ୍‌ ଆଡ । ମି ଜିବୁନ୍‌ ପାର୍ତିତ ପୁରା ଆଏତ୍‌ ।

କଲସିୟ 2:7 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:48

ହେୱାନ୍ କାଲ୍‌କୁ ଜପି କୁନାଦି କିଜି ହାର୍‌ଦାଙ୍ଗ୍ ଇଲ୍ ଗାଚ୍‌ନି ମାନାୟ୍ ଲେକେ। ଇ ଇଲ୍ ହାର୍‌ଦାଙ୍ଗ୍ ଗାଚ୍‌ଚି ମାଚିଲେ, ଏଚେକାଡ଼୍‌ଦ ପା ବାତ୍ୟା ୱାଜି ଡୁକା ଆତିସ୍‌ପା ହେ ଇଲ୍ ବାଡ଼୍‌ହା ଆଉତ୍।

ରୋମିୟ 16:25

ଆନେଙ୍ଗ୍ ମିଙ୍ଗେଙ୍ଗ୍ ଯୀଶୁ ଖ୍ରୀଷ୍ଟତି ହାର୍ଦିକାବୁର୍ ବିଷୟରେ ଶୁଣାୟ୍ କିଜି ମାନ୍‌ଞ୍ଚାଙ୍ଗ୍, ଆରେ ଈଶ୍ୱର ବିନ୍‌ଜାତିନି ମାନାୟାର୍ କାଜିଙ୍ଗ୍ ଇମ୍‌ଣି ଉପାୟ୍ ବେସି ଆଗେତାଙ୍ଗ୍ ଡ଼ୁକ୍‌ଚି ମାଚାନ୍ ହେ ବିଷୟରେ ୱେଚ୍‌ଚି ମାନ୍‌ଞ୍ଚାଙ୍ଗ୍। ଈଶ୍ୱର ମିଙ୍ଗେଙ୍ଗ୍ ଆଦିକ୍ ପାର୍ତି କିଦେଙ୍ଗ୍ ସାଇଜ କିଦେନ୍‌।

୧ କରନ୍ତିୟ 1:8

ଈଶ୍ୱର ମିଙ୍ଗେଙ୍ଗ୍ ମା ମାପୃ ଯୀଶୁ ଖ୍ରୀଷ୍ଟ ପୁର୍ତିତାକେ ଆରେରଗ ୱାନିଦିନ୍ ପାତେକ୍ ପାର୍ତି କିଜି ମାନି କାଜିଙ୍ଗ୍ ସାଇଜ କିଦ୍‌ନାନ୍, ଆରେ ହେୱାନ୍ ମିଙ୍ଗେଙ୍ଗ୍ ଦସି ଆଦେଙ୍ଗ୍ ହିଦୁନ୍।

୧ କରନ୍ତିୟ 15:58

ଲାଗିଙ୍ଗ୍, ଏ ଟଣ୍ଡାର୍‌କାଦେର୍, ଏପେଙ୍ଗ୍ ଖ୍ରୀଷ୍ଟଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ପାର୍ତି କିଜି ମାନାଟ୍, ଆରେ ମିଚ୍ ହିକ୍ଷା ଶୁଣାୟ୍ କିନି ମାନାୟାର୍‌ତାଙ୍ଗ୍ ଦେହା ହାଲ୍‌ମାଟ୍। ଇନେସ୍‌କି ତା କାମାୟ୍ କିଦେଙ୍ଗ୍ କଷ୍ଟ କିନାକା ବେକାର୍ ଆଉତ୍, ଇନେସ୍‌କି ଏପେଙ୍ଗ୍ ହାର୍ କିଜି ପୁଚାଦେର୍‌ନା ଯେ, ତା କାଜିଙ୍ଗ୍ କିନି କାମାୟ୍ ମି କାଜିଙ୍ଗ୍ ଲାବ୍ ଆଦ୍‌ନାତ୍।

୨ କରନ୍ତିୟ 1:21

ଇଦାଙ୍ଗ୍ ଈଶ୍ୱର ନେ ମାଙ୍ଗେଙ୍ଗ୍ ଆରେ ମିଙ୍ଗେଙ୍ଗ୍ ଖ୍ରୀଷ୍ଟ ହୁଦାଙ୍ଗ୍ ତିର୍‌ଆଜି ମାଞ୍ଜେଙ୍ଗ୍ ଶାକ୍ତି ହିତ୍‌ତାନ୍‌ନା।

ଏପିସିୟ 3:17

ଆରେ ଏପେଙ୍ଗ୍ ହେୱାନ୍‌ତାକେ ପାର୍ତିକିନି କାଜିଙ୍ଗ୍ ଖ୍ରୀଷ୍ଟ ମି ଗରବ୍ ବିତ୍ରେ ବାହା କିଦେନ୍।

ଏପିସିୟ 4:21

ଲାଗିଙ୍ଗ୍ ଆନେଙ୍ଗ୍ ପାର୍ତି କିନାଙ୍ଗା ଯେ ଏପେଙ୍ଗ୍ ଯୀଶୁ ଖ୍ରୀଷ୍ଟ ବିଷୟରେ ହିକାଆନିହିଙ୍ଗ୍, ଏପେଙ୍ଗ୍ ହେୱାନ୍‌ତାଙ୍ଗ୍ ସତ୍ ହିକ୍ଷା ହିକା ଆତାଦେର୍‌ନା।

ଏପିସିୟ 5:20

ୱିଜୁଦିନ୍ ୱିଜୁ ବିଷୟରେ ମା ମାପୃ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ଆବା ଈଶ୍ୱରତିଙ୍ଗ୍ ଦନ୍ଯବାଦ୍ ହିୟାଟ୍।

କଲସିୟ 1:23

ହେୱାନ୍ ମିଙ୍ଗେଙ୍ଗ୍ ପବିତ୍ର କିତ୍‌ତାନ୍‌ନା, ମାତର୍ ଏପେଙ୍ଗ୍ ୱିଜୁଦିନ୍ ଖ୍ରୀଷ୍ଟତାକେ ପାର୍ତି କିଜି ମାନାଟ୍। ଇନେସ୍‌କି ର ବାଡ଼୍‌କାସ୍ ପାଉଣ୍ଡେସେନ୍ ତାକେ ଇଲ୍ ମାନ୍‌ଗାନାତ୍ ହେଲେକେ ପାର୍ତି ଖ୍ରୀଷ୍ଟତାକେ ବାଡ଼୍‌କାସ୍ ଆଜି ମାନେତ୍। ହାର୍ଦିକାବୁର୍ ୱେନ୍‌ଞ୍ଜି ଇମ୍‌ଣି ଆହା ପାୟା ଆତାଦେର୍‌ନା ହେ ଆହାତିଙ୍ଗ୍ ଏପେଙ୍ଗ୍ ପିହ୍‌ମାଟ୍। ଇ ହାର୍ଦିକାବୁର୍ ପୁର୍ତିନି ଚାରିବେଣ୍‌ତାଙ୍ଗ୍ ଶୁଣାୟ୍ କିନାରା। ଆରେ ଆନେଙ୍ଗ୍ ପାଉଲ ଈଶ୍ୱର ଦାସ୍ ଆଜି ଇ ହାର୍ଦିକାବୁର୍ ଶୁଣାୟ୍ କିନାଙ୍ଗା।

କଲସିୟ 3:17

ଏପେଙ୍ଗ୍ ଇନାକା କିନାଦେର୍ କି ୱେଚ୍‌ନାଦେର୍, ହେ ୱିଜୁ ମାପୃ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ଆବା ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଦେର୍।

୧ ଥେସଲନୀକିୟ 5:18

ଏପେଙ୍ଗ୍ ଦୁଃକ୍ ୱାତିସ୍ କି ସୁକ୍ ୱାତିସ୍ ପା ୱିଜୁଦିନ୍ ଈଶ୍ୱରତିଙ୍ଗ୍ ଦନ୍ଯବାଦ୍‍କିଜି ମାନାଟ୍। ଈଶ୍ୱର ହେଦାଙ୍ଗ୍ ମିବେତାଙ୍ଗ୍ ଇଚା କିତାନ୍‌ନା, ଇନେସ୍‌କି ଏପେଙ୍ଗ୍ ଯୀଶୁ ଖ୍ରୀଷ୍ଟନି ମାନାୟ୍ କାଦେର୍।

୨ ଥେସଲନୀକିୟ 2:17

ଆନେଙ୍ଗ୍ ମି କାଜିଙ୍ଗ୍ ପାର୍ତାନା କିନାଙ୍ଗା ଈଶ୍ୱର ନିଜେ ମିଙ୍ଗେଙ୍ଗ୍ ସାସ୍ ହିଦେନ୍, ଆରେ ମିଙ୍ଗେଙ୍ଗ୍ ହାର୍ କାମାୟ୍ କିଦେଙ୍ଗ୍ ଆରେ ୱେଚ୍‌ଚେଙ୍ଗ୍ ଶାକ୍ତି ହିଦେନ୍।

ଏବ୍ରି 13:15

ଲାଗିଙ୍ଗ୍ ଯୀଶୁ ସାଇଜତାଙ୍ଗ୍, ଈଶ୍ୱର ତର୍‌ଦିଙ୍ଗ୍ ଗୌରବ କିଜି ମା ଜୟ୍-ଜୟ୍‌ନି ବଲିପୁଜା ହେୱାନିଙ୍ଗ୍ ୱିଜୁଦିନ୍ ହିନି ଦର୍‌କାର୍।

ଏବ୍ରି 13:9

ଲାଗିଙ୍ଗ୍ ଏପେଙ୍ଗ୍ ପୁନ୍‌ୱିତି ପୁନି ହିକ୍ଷାତିଙ୍ଗ୍ ୱେଞ୍ଜେଙ୍ଗ୍ ଇଚା କିମାଟ୍। ଇନେସ୍‌କି ମି ଆତ୍ମିକ୍ ଜିବୁନ୍ ଈଶ୍ୱର ଦୟାତାଙ୍ଗ୍ ଶାକ୍ତି ଆନାତା, ତିନାକା ଉଣାକା ନିତି ନିୟମ୍ ମାନିକିତି କାଜିଙ୍ଗ୍ ଆକାୟ୍। ଇମ୍‌ଣାକାର୍ ହେ ନିୟମ୍ ମାନି କିନାରା, ହେଦାଙ୍ଗ୍ ଇନା ଲାବ୍ ଆଉତ୍।

୧ ପିତର 5:10

ଈଶ୍ୱର ମାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ହେୱାନ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ତା ୱିଜୁଦିନ୍ ମାନି ଗୌରବ ମାଙ୍ଗେଙ୍ଗ୍ ହିଦ୍‌ନି କାଜିଙ୍ଗ୍ ବାଚି କିତ୍‌ତାନ୍‌ନା। ଏପେଙ୍ଗ୍ ଅଲପ୍‌ଦିନ୍ ଦୁଃକ୍ କଷ୍ଟ ପାୟାଆତି ପାଚେ ହେୱାନ୍ ମିଙ୍ଗେଙ୍ଗ୍ ଆଦିକ୍ ପାର୍ତି କିଦେଙ୍ଗ୍ ଶାକ୍ତି ହିଦ୍‌ନାନ୍, ଆରେ ହେୱାନ୍ ମିଙ୍ଗେଙ୍ଗ୍ ପୁନି ମାନାୟ୍ କିଦ୍‌ନାନ୍। ଆରେ ହେୱାନ୍ ମି ପାର୍ତିତିଙ୍ଗ୍ ର ଷ୍ଟ୍ରଙ୍ଗ୍ ପାଉଣ୍ଡେସେନ୍‌ଲେକେ କିଦ୍‌ନାନ୍।

ଜିହୁଦା 1:12

ମାପୃ ଲାଡ୍‌ତିଙ୍ଗ୍ ମାନ୍ତ ଏତୁକିନି ଲାଡ୍‌ନି ବଜିତାକେ ଏଚେପାଦ୍ନା ହେୱାର୍ ମିହୁଦାଙ୍ଗ୍ ତିନାର୍, ହେପାଦ୍ନା ଡଙ୍ଗାତିଙ୍ଗ୍ ମୁଚ୍‌ନି କାଜିଙ୍ଗ୍ ହାମ୍‌ଦୁର୍ ତାରେନ୍ ଡ଼ୁଗ୍‌ଜିମାଚି କାଲ୍‌ଲେକେ ହେୱାର୍ ବୟଙ୍କାର୍ ମାନାୟ୍। ହେୱାର୍ ଲାଜ୍ ହିଲ୍‌ୱି ମାନାୟ୍ ଲେକେ ଜାର୍-ଜାର୍ କାଜିଙ୍ଗ୍ ନେ ଚିନ୍ତା କିନାର୍। ହେୱାର୍ ମେଦ୍‌ନିତାକେ ବାହ୍‌ରା ୱାୱି ବାଦାଡ଼୍ ଲେକେ। କାଟା ବେଟାକିନି ସମୟ୍‌ନି ମାର୍‌କୁ ଲେକେ ହେୱାର୍ ପୁରାପୁରି ହାଃତାର୍‌ନା, ଇନେସ୍‌କି ହେୱାର୍ ପାଡ଼୍‌ ଆହୁର୍ ଆରେ ଦଲ୍‌ଦାଙ୍ଗ୍ ଜେଲି ଆତାର୍‌ନା।

ଜିହୁଦା 1:20

ମାତର୍ ଏ ନା ଲାଡ୍‌ନି ସାଙ୍ଗ କାଦେର୍, ମି ପବିତ୍ର ପାର୍ତିନି ପାଣ୍ଡୁସେନ୍ ଜପି ମି ଜିବୁନ୍‌ତିଙ୍ଗ୍ ରସ୍ତି ମାନାଟ୍। ଆରେ ଏପେଙ୍ଗ୍ ପବିତ୍ର ଆତ୍ମା ସାଇଜତାଙ୍ଗ୍ ପାର୍ତାନା କିୟାଟ୍।

ଜିହୁଦା 1:24

ଈଶ୍ୱର ନେ ମିଙ୍ଗେଙ୍ଗ୍ ଉଜ୍‌ଦି ଗୁର୍‌ନିତାଙ୍ଗ୍‌ ଉଦାର୍ କିଦ୍‌ଦେଙ୍ଗ୍ ଆଡ୍‌ନାନ୍। ଆରେ ତା ଗୌରବନି ମୁମ୍‌ଦ ନିଲି କିଦ୍‌ଦେଙ୍ଗ୍ ଏଚେପାଦ୍ନା ହେୱାନ୍ ମିଙ୍ଗେଙ୍ଗ୍ ତାସିୱାଦ୍‌ନାନ୍, ହେପାଦ୍ନା ହେୱାନ୍ ମିଙ୍ଗେଙ୍ଗ୍ ପାପ୍‌ନି ଦସ୍ ହିଲ୍‌ୱି ମାନାୟ୍ ଲେକେ ଆରେ ୱାରି ହିଦ୍‌ଦେଙ୍ଗ୍ ଆଡ଼୍‌ଦାନାନ୍। ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ଉଦାର୍ କିତ୍‌ତାନ୍‌ନା। ଉବ୍‌ଜାଣ୍ ଆତି ଆରମ୍‌ତାଙ୍ଗ୍ ଗୌରବ, ଜୟ୍-ଜୟ୍ କିନାକା, ଶାକ୍ତି ଆରେ ଆଦିକାର୍ ହେୱାନ୍‌ତି, ଆରେ ନଙ୍ଗୟ୍ ପା ହେୱାନ୍‌ତି, ଆରେ ୱିଜ୍‌ୱିଦିନ୍ କାଜିଙ୍ଗ୍ ହେୱାନ୍‌ତି ମାନ୍‌ଗାନାତ୍। ଆମେନ୍।