କଲସିୟ 2:4 - New Testament in Pengo Parja Language

⁴ ମାନାୟାର୍ ମିଚ୍ ହିକ୍ଷାହିଜି ମିଙ୍ଗେଙ୍ଗ୍ ଇନେସ୍ ଟକାୟ୍ କିଦ୍‌ମେର୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଇଦାଙ୍ଗ୍ ୱେଚ୍‌ଚାନାଙ୍ଗା।

ସତ୍‌ ବଚନ୍‌ ପୁନି ନିୟମ୍‌

⁴ ଇନେର୍‌ ମିଂ ଇନେସ୍‌ ଇନି ଚାଲାକିତାଂ ବୁଲାୟ୍‌ କିଦ୍‌ମେର୍‌, ହେଦାଂ କାଜିଂ ଆନ୍‌ ଇଦାଂ ଇଞ୍ଜ୍‌ନାଙ୍ଗା ।

କଲସିୟ 2:4 Iomraidhean Croise

ମାତିଉ 24:24

ମିଚ୍‌ୱା ଖ୍ରୀଷ୍ଟ ଆରେ ମିଚ୍‌ୱା ଭବିଷ୍ଯତବକ୍ତାର୍ ଚଞ୍ଜିଆଆଦ୍‌ନାର୍। ଆରେ ହେୱାର୍ ଗାଜାଗାଜା କାମାୟ୍ କିନାର୍ ଆରେ ଚାନିଆ କାମାୟ୍ କିଜି ଈଶ୍ୱର ବାଚିକିତି ମାନାୟାରିଙ୍ଗ୍ ପା ବୁଲ୍‌କାଇ କିନାର୍।

ମାତିଉ 24:4

ହେବେ ଯୀଶୁ ୱେଚ୍‌ଚାନ୍, “ଜାଗ୍ରତ୍! ମିଙ୍ଗେଙ୍ଗ୍ ଇନେର୍ ପୁସ୍ରାଇ କିଜି ବିନ୍ ହାଜ୍‌ଦିଙ୍ଗ୍ ଅସାହାଞ୍ଜୁର୍।

ମାର୍କ 13:22

ମିଚ୍‌ୱା ଖ୍ରୀଷ୍ଟ ଆରେ ମିଚ୍‌ୱା ଭବିଷ୍ଯତବକ୍ତାର୍ ଚଞ୍ଜିଆଆଦ୍‌ନାର୍। ଆରେ ହେୱାର୍ ଗାଜାଗାଜା କାମାୟ୍ କିନାର୍ ଆରେ ଚାନିଆ କାମାୟ୍ କିଜି ଈଶ୍ୱର ବାଚିକିତି ମାନାୟାରିଙ୍ଗ୍ ବୁଲ୍‌କାଇ କିନାର୍।

ପକ୍ୟାତାକା 20:30

ମି ପାର୍ତିକିନି ଚେଲାହିର୍ ବିତ୍ରେତାଙ୍ଗ୍ କେତେକ୍ ମାନାୟ୍ ୱାଜି ପାର୍ତି କିନାକାରିଙ୍ଗ୍ ତାପାଚେ ଅସାହାଞ୍ଜେଙ୍ଗ୍ ବୁଲ୍ ହିକ୍ଷା ହିଦ୍‌ନାର୍।

୧ କରନ୍ତିୟ 2:4

ଆନେଙ୍ଗ୍ ମିଙ୍ଗେଙ୍ଗ୍ ଏଚେପାଦ୍ନା ଖ୍ରୀଷ୍ଟତି ହାର୍ଦିକାବୁର୍ ଶୁଣାୟ୍ କିଜି ମାନ୍‌ଞ୍ଚାଙ୍ଗ୍, ଆନେଙ୍ଗ୍ ଜେକନିକାର୍ ଲେକେ ମାନାୟାର୍ ବୁଦିନି ହିକ୍ଷା ଆରେ ଚାଲାକି ହୁଦାଙ୍ଗ୍ କାତା ୱେଚ୍‌ୱାଦାଙ୍ଗ୍ ମାଚାଙ୍ଗ୍। ମାତର୍ ପବିତ୍ର ଆତ୍ମା ମି ବିତ୍ରେ ମାନ୍‌ଞ୍ଜି ଶାକ୍ତିତାଙ୍ଗ୍ ପୁନି କିତ୍‌ତାତ୍ ଯେ, ଆନେଙ୍ଗ୍ ୱେଚ୍‌ଚି ହାର୍ଦିକାବୁର୍ ସତ୍।

୨ କରନ୍ତିୟ 11:3

ମାତର୍ ପାର୍ତୁମ୍ କଗ୍‌ଲେଙ୍ଗ୍ ହବାଙ୍ଗ୍ ଶୟ୍‌ତାନ୍ ରାଚ୍ ହେଲେକେ ଆଜି ଟକାୟ୍ କିତାତ୍। ହେଲେକେ ଶୟ୍‌ତାନ୍ ମିଚ୍ ହିକ୍ଷାହିନି ମାନାୟାର୍‌ଲେକେ ଆଜି ମିଙ୍ଗେଙ୍ଗ୍ ପା ଚାଲାକି କିଜି ଟକାୟ୍ କିଦ୍‌ନାତ୍ ଆରେ ଏପେଙ୍ଗ୍ ଖ୍ରୀଷ୍ଟଙ୍ଗ୍ ହେବା କିନାକା ବନ୍ଦ୍ କିନାଦେର୍ ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ପାଣ୍ଡ୍ରାଆନାଙ୍ଗା।

ଗାଲାତିୟ 2:4

ମାତର୍ ଇଦାଙ୍ଗ୍ ଜାମ୍‌ଲା ଆତାତ୍, ଏଚେପାଦ୍ନା କେତେକ୍ ନକ୍‌ଲି ପାର୍ତିକିନି ଟଣ୍ଡାର୍ ମା ବିତ୍ରେ ଇନେର୍ ପୁନ୍‌ୱାଦାଙ୍ଗ୍ ୱାତାର୍। ହେୱାର୍ ଡ଼ୁଗ୍‌ଜି-ଡ଼ୁଗ୍‌ଜି ମାଙ୍ଗେଙ୍ଗ୍ ହୁଡ଼୍‌ଜି ମାନ୍‌ଞ୍ଚାର୍। ଆରେ ହେୱାର୍ ମା ଇମ୍‌ଣି ସ୍ୱାଦିନ୍ ଯୀଶୁ ଖ୍ରୀଷ୍ଟତାକେ ମାନାତ୍, ହେବେତାଙ୍ଗ୍ ମାଙ୍ଗେଙ୍ଗ୍ ହପ୍‌ଚି ଯିହୁଦିର୍ ନିୟମ୍‌ନି ଦାସ୍ କିଦ୍‌ଦେଙ୍ଗ୍ ଉପାୟ୍ କିଜି ମାନ୍‌ଞ୍ଚାର୍।

ଏପିସିୟ 4:14

ଲାଗିଙ୍ଗ୍ ଆସେଙ୍ଗ୍ ହିରୁ ହିମ୍‌ଣା ଲେକେ ଆଜି ମାନୁସ୍, ଆରେ ହିରୁ ଡଙ୍ଗା ଲଉଡ଼ି ଆରେ ଡ଼ୁଇତାକେ ଇନି ଆନି ଆତି ଲେକେ ଆସେଙ୍ଗ୍ ଆଉସ୍। ଇନେସ୍‌କି ଟକୁୱା ମାନାୟାର୍ ମାଙ୍ଗେଙ୍ଗ୍ ଆରେ ଟକାଇ କିଦ୍‌ଦେଙ୍ଗ୍ ଆଡ଼୍‌ଦୁର୍, କି ଚାତୁର୍ ମାନାୟାର୍ ବୁଲ୍ ହିକ୍ଷାତାଙ୍ଗ୍ ମାଙ୍ଗେଙ୍ଗ୍ ବୁଲ୍‌କାଇ କିଦ୍‌ଦେଙ୍ଗ୍ ଆଡ଼୍‌ଦୁର୍।

ଏପିସିୟ 4:17

ଲାଗିଙ୍ଗ୍ ଆନେଙ୍ଗ୍ ମାପୃ ଆଦିକାର୍‌ତାକେ ବିଷେସ୍‌କିଜି ଗୁୱାରି କିନାଙ୍ଗା, ପାର୍ତିକିୱାକାର୍ ଇନେସ୍ ଜାର୍-ଜାର୍ ଚିନ୍ତାତାକେ ଲାବ୍ ଆୱି ଜିବୁନ୍‌ତିଙ୍ଗ୍ କାଟିକିନାର୍, ଏପେଙ୍ଗ୍ ହେଲେକେ ଜିବୁନ୍ କାଟି କିମାଟ୍।

ଏପିସିୟ 5:6

ଲାଗିଙ୍ଗ୍ ମିଙ୍ଗେଙ୍ଗ୍ ଇନେର୍‌ପା ଟକାଇ କିଦ୍‌ମେର୍ ଯେ ଇ ୱିଜୁ ବିଷୟ କିତିସ୍ ଦଣ୍ଡ୍ ଗାଟାଆଦୁତ୍। ଇନେସ୍‌କି ଇମ୍‌ଣାକାର୍ ତା ଆଦେସ୍‌ତିଙ୍ଗ୍ ମାନିକିଉର୍ ହେୱାରିଙ୍ଗ୍ ଈଶ୍ୱର ଦଣ୍ଡ୍ ହିନାନ୍।

କଲସିୟ 2:18

ଖ୍ରୀଷ୍ଟ ତା ଗାଗାଡ଼୍ ଲେକ ମଣ୍ଡ୍‌ଲିନି ମୁକ୍ୟା। ହେୱାନ୍ ତା ଗାଗାଡ଼୍‌ନି ୱିଜୁ ଜିନିଷ୍‌ତିଙ୍ଗ୍ ଜାତୁନ୍ କିନାନ୍ ଆରେ ୱିଜୁତିଙ୍ଗ୍ ମାହାଇ କିଜି ଇଡ଼୍‌ତାନ୍‌ନା। ଲାଗିଙ୍ଗ୍ ଈଶ୍ୱର ଇଚାତାଙ୍ଗ୍ ଇଦାଙ୍ଗ୍ ବାଡା ଆନାତ୍। ବାଟ୍‌ପାଣ୍ ଆଜି ଜାର୍‌ତିଙ୍ଗ୍ ହିରୁ କିନାକା ଆରେ ଦୁତ୍‌କୁକାଙ୍ଗ୍ ପୁଜା କିୟାଟ୍ ଇଞ୍ଜି ୱେଚ୍‌ଚି ଇନେର୍ ମିଙ୍ଗେଙ୍ଗ୍ ଟକାୟ୍ କିଦୁର୍। ଇ ବିଷୟରେ ହେୱାର୍ କେଚ୍‍କଣ୍‌ତ ହୁଡ଼୍‌ତାପ୍‌ନା ଇଞ୍ଜି ୱେଚ୍‌ନାର୍। ମାତର୍ ହେୱାର୍ ତା ମୁର୍କ କାଜିଙ୍ଗ୍ ବାଟ୍‌ପାଣିଆ ଆତାର୍‌ନା।

କଲସିୟ 2:8

ଏପେଙ୍ଗ୍ ଜାଗ୍ରତ୍ ଆଜି ମାନାଟ୍, ଇନେର୍ ପା ମିଙ୍ଗେଙ୍ଗ୍ ମୁଲ୍ୟ ହିଲ୍‌ୱି ଦର୍‍ମନି ହିକ୍ଷା ଆରେ ବେକାର୍ ଉପାୟ୍‌ନି ହିକ୍ଷାହିଜି ମିଙ୍ଗେଙ୍ଗ୍ ଜାଲ୍‌ଦ ରାତ୍‌ତେମେର୍। ଇନେସ୍‌କି ଇ ଲେକେ ହିକ୍ଷା ଖ୍ରୀଷ୍ଟତି ହିକ୍ଷା ଆକାୟ୍, ମାତର୍ ମାନାୟ୍‌ନି ଜ୍ଞାନ୍‌ନି ହିକ୍ଷା ଆରେ ପୁର୍ତିନି ମାନାୟାର୍ ହିକ୍ଷା।

୨ ତିମଥି 2:16

ମାତର୍ ଈଶ୍ୱରତିଙ୍ଗ୍ ସନ୍‌ମାନ୍ ଆୱିତି ଲେକେ ବେଣ୍‌ବାଟ୍‌ତାଙ୍ଗ୍ ଦେହା ମାନାଟ୍। ଇନେସ୍‌କି ଇମ୍‌ଣାକାର୍ ହେବେ ମାହାଆନାର୍, ହେୱାର୍ ଈଶ୍ୱରତିଙ୍ଗ୍ ବେସି ଅପ୍‌ମାନ୍ କିନାର୍।

୨ ତିମଥି 3:13

ମାତର୍ କରାପ୍ ମାନାୟାର୍ ଆରେ ଟକ୍‌ୱା ମାନାୟାର୍ ଆଦିକ୍‌ତାଙ୍ଗ୍ ଆଦିକ୍ କରାପ୍ କାମାୟ୍ କିନାର୍। ହେୱାର୍ ମାନାୟାରିଙ୍ଗ୍ ଟକାଇ କିନାର୍ ଆରେ ନିଜେ ପା ଜେକନିକାର୍‌ତାଙ୍ଗ୍ ଟକାଇ କିୟିଆନାର୍।

୧ ଯୋହନ 2:18

ଏ କାଡ଼୍‌ଦେର୍, ପୁର୍ତିନି ସେସ୍ ଜୁଗ୍ ଲାଗେ ୱାତାତେ। ଆପେଙ୍ଗ୍ ମିଙ୍ଗେଙ୍ଗ୍ ଆଗେ ୱେଚ୍‌ଚି ମାଞ୍ଚାପ୍, ପୁର୍ତି ସେସ୍ ଆନିହିଙ୍ଗ୍ ଖ୍ରୀଷ୍ଟଙ୍ଗ୍ ବିରଦ୍ କିନି ମାନାୟାର୍ ୱାନାରା, ଆରେ ନଙ୍ଗୟ୍ ଖ୍ରୀଷ୍ଟଙ୍ଗ୍ ବିରଦ୍ କିଦେଙ୍ଗ୍ ବେସିହେନି ମାନାୟାର୍ ହତ୍‌ତାରେ। ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ପୁଚାପେ ଯେ, ପୁର୍ତି ସେସ୍‌ ଆନିଦିନ୍ ୱାତାତେ।

୧ ଯୋହନ 2:26

ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ମିଚ୍ ହିକ୍ଷାହିଜି ଟକାୟ୍ କିଦ୍‌ଦେଙ୍ଗ୍ ଉପାୟ୍ କିନି ମାନାୟାର୍‌ତାଙ୍ଗ୍ ଏପେଙ୍ଗ୍ ଜାଗ୍ରତ୍ ଆଜି ମାନାଟ୍।

୧ ଯୋହନ 4:1

ଏ ନା ଲାଡ୍‌ନି ସାଙ୍ଗକାଦେର୍‌, ୱିଜାର୍ ମାନାୟ୍ ଆନେଙ୍ଗ୍ ପବିତ୍ର ଆତ୍ମାତାଙ୍ଗ୍‌ ପାୟାଆତାଙ୍ଗ୍‌ନା ଇଞ୍ଜି ୱେଚ୍‌ଚିନି ମାନାୟାର୍ କାତାତିଙ୍ଗ୍ ପାର୍ତି କିମାଟ୍। ମାତର୍ ହେୱାର୍ ଈଶ୍ୱରତାଙ୍ଗ୍ ପବିତ୍ର ଆତ୍ମା ପାୟାଆତାର୍ କି ଆକାୟ୍ ଏପେଙ୍ଗ୍ ପରିକ୍ଷା କିଜି ହୁଡ଼ାଟ୍। ଇନେସ୍‌କି ଇ ପୁର୍ତିତାକେ ମିଚ୍‌ୱା ଭବିଷ୍ଯତବକ୍ତାର୍‌ ମାନାର୍।

୨ ଯୋହନ 1:7

ଇନେସ୍‌କି କେତେକ୍ ମିଚ୍ ହିକ୍ଷା ହିକାୟ୍ କିଜି ଟକାୟ୍ କିନାକାର୍ ପୁର୍ତିତାକେ ହତ୍‌ତାର୍‌ନା, ହେୱାର୍ ୱେଚ୍‌ନାର୍ ଯୀଶୁ ଖ୍ରୀଷ୍ଟ ମାନାୟ୍ ରୁପ୍ ଆଜି ପୁର୍ତିତାକେ ୱାୱାତାନ୍‌ନା। ଇ ଲେଗ୍‌ଦି ମାନାୟ୍ ଖ୍ରୀଷ୍ଟଙ୍ଗ୍ ବିରଦ୍ କିଜି ମାନାୟାରିଙ୍ଗ୍ ଟକାୟ୍ କିନାକାର୍।

ହତ୍‌ତି 12:9

ଲାଗିଙ୍ଗ୍ ହେ ରାଚ୍ ଆରେ ତା ଦୁତ୍‌କୁକାଙ୍ଗ୍ ପୁର୍ତିତାକେ ତୁସିହିତାର୍, ହେ ରାଚ୍‌ତିଙ୍ଗ୍ ଆଗେ ପୁର୍‌ବେନି ଶୟତାନ୍ ଇନେର୍ ପୁର୍ତିନି ୱିଜୁ ମାନାୟାରିଙ୍ଗ୍ ଟକାୟ୍ କିନାତା। ହେୱାନ୍ ନେ ଗାଜା ରାଚ୍ ଲେକେ ଚଞ୍ଜ୍‌ନାତା।

ହତ୍‌ତି 13:8

ଆରେ ପୁର୍ତିନି ୱିଜାର୍ ମାନାୟାର୍ ହେ ପଶୁତିଙ୍ଗ୍ ପୁଜା କିତାର୍, ମାତର୍ ମେଣ୍ଢା ଇନେର୍‌କି ଯୀଶୁ ଜିବୁନ୍ ପାୟାଆନି ମାନାୟାର୍ ତର୍‌ ଲେକାଆତି ବହିତାକେ ଇମ୍‌ଣାକାର୍ ତର୍‌ ଲେକାଆଜି ମାଚାତ୍ ହେୱାର୍ ନେ ହେ ପଶୁତିଙ୍ଗ୍ ପୁଜା କିୱାତାର୍‌ନା। ହେ ମେଣ୍ଢା ଇନେର୍‌କି ଯୀଶୁ ନେ ପୁର୍ତି ଉବ୍‌ଜା ଆନିତାଙ୍ଗ୍ ହେୱାର୍ କାଜିଙ୍ଗ୍ ହାଃଜି ମାଚାନ୍।

ହତ୍‌ତି 20:3

ଆରେ, ତାଙ୍ଗେଙ୍ଗ୍ ପାତାଳ୍‌ କୁଣ୍ଡ୍‌ତାକେ ତୁସିହିତି ପାଚେ ହେ ପାତାଳ୍‌ କୁଣ୍ଡ୍‌ନି କାପାଟ୍‌ତିଙ୍ଗ୍ ବନ୍ଦ୍ କିତାନ୍। ଆରେ କାପାଟ୍ ଜପି ଈଶ୍ୱରତି ସିଲ୍ ଇଡ଼୍‌ତାତ୍‌। ଲାଗିଙ୍ଗ୍ ହେ ଶୟତାନ ହାଜାର୍ ବାର୍‌ହୁ ସାସନ୍ କିନାକା ସେସ୍ ଆୱି ପାତେକ୍ ପୁର୍ତିନି ୱିଜୁ ଜାତିନି ମାନାୟାରିଙ୍ଗ୍ ହେୱାନ୍ ଟକାୟ୍ କିଦେଙ୍ଗ୍ ଆଡୁତ୍। ମାତର୍ ଅଲପ୍‌ଦିନ୍ କାଜିଙ୍ଗ୍ ହେ ଶୟତାନତିଙ୍ଗ୍ ପାତାଳ୍‌ କୁଣ୍ଡ୍‌ତାଙ୍ଗ୍ ହପ୍‌ତାନାତ୍।

ହତ୍‌ତି 20:8

ଲାଗିଙ୍ଗ୍ ହେ ଶୟତାନ ପୁର୍ତିତାକେ ମାନି ୱିଜୁ ଜାତିନି ମାନାୟାରିଙ୍ଗ୍, ତା ଅର୍ତ, ହାମ୍‌ଦୁର୍‌ନି ବାଲିଆ ଗୋଗ୍ ଆରେ ମାଗୋଗ୍‌ଲେକେ ମାନାୟାରିଙ୍ଗ୍ ଟକାୟ୍ କିନାତ୍ ଆରେ ୱିଜୁ ମାନାୟାରିଙ୍ଗ୍ ଯୁଜ୍ କିଦେଙ୍ଗ୍ ରବେ ରୁଣ୍ଡାୟ୍ କିନାତ୍।