କଲସିୟ 1:13 - New Testament in Pengo Parja Language

¹³ ଇନେସ୍‌କି ହେୱାନ୍ ମାଙ୍ଗେଙ୍ଗ୍ ମାଜ୍‌ଗାନି ରାଜିତାଙ୍ଗ୍ ଉଦାର୍ କିତ୍‌ତାନ୍‌ନା। ଆରେ ତା ଲାଡ୍‌ନି ମେହି ସାସନ୍ କିନି ରାଜିତାକେ ମାଙ୍ଗେଙ୍ଗ୍ ଅତ୍‌ତାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

¹³ ହେୱାନ୍‌ ମାଜ୍‌ଗାନି ଆଦିକାର୍‌‌ତାଂ ମାଙ୍ଗେଙ୍ଗ୍‌ ରାକ୍ୟା କିତାନ୍‌ନା ଆରି ଆପତ୍‌ ହିଲ୍‌ୱାକା ମାଙ୍ଗେଙ୍ଗ୍‌ ଜିଉନନି ମାଜ଼ିତି ରାଜିତ ତାଇୱାତାନ୍ନା ।

କଲସିୟ 1:13 Iomraidhean Croise

ମାତିଉ 17:5

ଯୀଶୁ ଇବେଣ୍ ୱେଚୁ-ୱେଚୁ, ଅଲପ୍ ବାଦାଡ଼୍ ୱାଜି ହେୱାରିଙ୍ଗ୍ ଡାବାଇ କିତାତ୍, ଆରେ ହେ ବାଦାଡ଼୍‌ତାଙ୍ଗ୍ ଈଶ୍ୱର ବେଣ୍‌କିତାନ୍, “ଏ ନା ଲାଡ୍ ମାଜି। ଇୱାନ୍‌ତାକେ ଆନେଙ୍ଗ୍ ବେସି ୱାରି, ଇୱାନ୍ ବେଣ୍‌ତିଙ୍ଗ୍ ମାନ୍‌ଦିୟାନ୍ କିଜି ୱେନାଟ୍!”

ମାତିଉ 25:34

ଆନେଙ୍ଗ୍ ରାଜା ତା ତିନାବାଗାୟ୍ ମାନି ମାନାୟାରିଙ୍ଗ୍ ୱେଚ୍‌ନାଙ୍ଗ୍, ୱାଡ ନା ସରଗ୍‌ନି ଆବା ମିଙ୍ଗେଙ୍ଗ୍ ଆଶ୍ରିବାଦ୍ କିତ୍‌ତାନ୍‌ନା। ଈଶ୍ୱର ମିଙ୍ଗେଙ୍ଗ୍ ଇମ୍‌ଣି ରାଜି ହିଦ୍‌ଦେଙ୍ଗ୍ ଇଚା କିତ୍‌ତାନ୍‌ନା। ହେଦାଙ୍ଗ୍ ଏପେଙ୍ଗ୍ ପାୟାଆଡୁ। ପୁର୍ତି ଉବ୍‌ଜା ଆନି ପାଦ୍ନା ମି କାଜିଙ୍ଗ୍ ହେ ରାଜି ରହିଆତାତ୍‌ନା।

ମାତିଉ 3:17

ହେପାଦ୍ନା ଈଶ୍ୱର ବାଦାଡ଼୍‌ତାଙ୍ଗ୍ ଯୀଶୁଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ନା ଲାଡ୍ ମାଜି, ଆନେଙ୍ଗ୍ ନିତାକେ ବେସି ୱାରି।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 13:24

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଚିପା ହାଜି ନିପଣ୍ ଆଜି ସରଗ୍ ରାଜିତାକେ ହାଞ୍ଜେଙ୍ଗ୍ ଉପାୟ୍ କିୟାଟ୍। କେତେକ୍ ହେନି ହେବେ ହାଞ୍ଜେଙ୍ଗ୍ ଉପାୟ୍ କିନାର୍। ମାତର୍ ହେୱାର୍ ହାଞ୍ଜେଙ୍ଗ୍ ଆଡୁର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:53

ଆନେଙ୍ଗ୍ ୱିଜୁଦିନ୍ ମିହୁଦାଙ୍ଗ୍ ମାନ୍‌ଞ୍ଜି ଈଶ୍ୱର ମାନି ମନ୍ଦିର୍‌ ପିଣ୍ଡାତ ହିକ୍ଷାହିଜି ମାନ୍‍ଚାଙ୍ଗ୍, ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ଆସ୍ତି ଗାଚ୍‍ଚେଦେଙ୍ଗ୍ ୱାତାଦେର୍, ମାତର୍ ଇଦାଙ୍ଗ୍ ମି ସମୟ୍ ଆରେ ମି ଜିବୁନ୍ ମାଜ୍‌ଗା ଆତ୍‌ତାତ୍‌।”

ଜହନ୍‌ 17:24

ଏ ଆବା ଈଶ୍ୱର, ଏନେଙ୍ଗ୍ ନାଙ୍ଗେଙ୍ଗ୍ ଇମ୍‌ଣି ମାନାୟାରିଙ୍ଗ୍ ହିତ୍‌ତାଇନା, ଆନେଙ୍ଗ୍ ଇଚା କିନାଙ୍ଗ୍, ଆନେଙ୍ଗ୍ ମାନି ୱିଜୁ ବାହାତାକେ ହେୱାର୍ ନା ହୁଦାଙ୍ଗ୍ ମାନେର୍। ଆନେଙ୍ଗ୍ ଇଚା କିନାଙ୍ଗ୍, ହେୱାର୍ ନା ଅଜଡ଼୍ ହୁଡ଼େର୍। ଇ ଅଜଡ଼୍ ଏନେଙ୍ଗ୍ ନାଙ୍ଗେଙ୍ଗ୍ ହିତ୍‌ତାଇନା, ଇନେସ୍‌କି ଏନେଙ୍ଗ୍ ପୁର୍ତି ରହ୍‌ୱିତି ଆଗେ ନାଙ୍ଗେଙ୍ଗ୍ ଲାଡ୍ କିତ୍‌ତାୟ୍।

ଜହନ୍‌ 3:35

ଆବା ଈଶ୍ୱର ତା ମେହିଙ୍ଗ୍ ଲାଡ୍ କିନାନ୍। ହେୱାନିଙ୍ଗ୍ ୱିଜୁ ବିଷୟତିଙ୍ଗ୍ ଆଦିକାର୍ ହିତାନ୍‌ନା।

ଜହନ୍‌ 5:24

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ଇମ୍‌ଣାକାନ୍ ନା ୱେଚ୍‌ଚି ବେଣ୍‌ତିଙ୍ଗ୍ ୱେନାନ୍, ଆରେ ନାଙ୍ଗେଙ୍ଗ୍ ପକ୍ତାତାକାନିଙ୍ଗ୍ ପାର୍ତିକିନାର୍, ଲାଗିଙ୍ଗ୍ ହେୱାନ୍ ୱିଜ୍‌ୱି ଜିବୁନ୍ ପାୟା ଆନାନ୍। ଆରେ ହେୱାନ୍ ଦସି ଇଞ୍ଜି ବିଚାର୍ କିୟା ଆୱାଦାଙ୍ଗ୍ ହାଃନିତାଙ୍ଗ୍ ଜିତାଆଜି ଜିବୁନ୍‌ ମାନ୍‌ଗାନାନ୍।

ପକ୍ୟାତାକା 26:18

ଲାଗିଙ୍ଗ୍ ହେୱାର୍ କରାପ୍ କାମାୟ୍ ପିସ୍ତି ହାର୍ଦି କାମାୟ୍ କିନାର୍, ଆରେ ଶୟତାନ୍ ଶାକ୍ତିତାଙ୍ଗ୍ ଈଶ୍ୱର ଲାଗାୟ୍ ୱାତିସ୍, ଈଶ୍ୱର ହେୱାର୍ ପାପ୍‌ତିଙ୍ଗ୍ କେମା କିନାନ୍। ଆରେ ନାବେ ପାର୍ତି କିଦେଙ୍ଗ୍ ଇନେରିଙ୍ଗ୍ ଦରମ୍ ମାନାୟ୍ କିତାନ୍‌ନା ହେୱାର୍ ହୁଦାଙ୍ଗ୍ ମାଞ୍ଜେଙ୍ଗ୍ ଈଶ୍ୱର ଆଦିକାର୍ ହିନାନ୍।

ରୋମିୟ 14:17

ଇନେସ୍‌କି ଈଶ୍ୱର ସାସନ୍ କିନି ରାଜି ତିନି ଉଣି ବିଷୟରେ ଆକାୟ୍, ମାତର୍ ଦରମ୍ ଲକ୍ ଆନି ବିଷୟ, ଶାନ୍ତିରେ ମାନି ବିଷୟ ଆରେ ପବିତ୍ର ଆତ୍ମା ହୁଦାଙ୍ଗ୍ ୱାରିୟାଆନି ବିଷୟ ନେ ମୁକ୍ୟ।

୨ କରନ୍ତିୟ 11:14

ମାତର୍ ହେୱାର୍ କାଜିଙ୍ଗ୍ ଆନେଙ୍ଗ୍ ଚାନିଆ ଆଉଙ୍ଗା, ଇନେସ୍‌କି ଶୟତାନ ଜାର୍‌ତିଙ୍ଗ୍ ଅଜଡ଼୍‌ନି ଦୁତ୍ ଇଞ୍ଜି ୱେଚ୍‌ନାତା।

୨ କରନ୍ତିୟ 4:4

ଆସେଙ୍ଗ୍ ଶୁଣାୟ୍ କିନି ହାର୍ଦିକାବୁର୍‌ତିଙ୍ଗ୍ ପାର୍ତିକିୱି ମାନାୟାରିଙ୍ଗ୍ ଇ ପୁର୍ତିତିଙ୍ଗ୍ ସାସନ୍ କିନି ଶୟତାନ୍, ତା ମାନ୍‌ତିଙ୍ଗ୍ କଣ୍ଟ୍ରୁଲ୍ କିନାତା ଆରେ ବୁଜା ଆଦେଙ୍ଗ୍ ହିଉତା। ଲାଗିଙ୍ଗ୍ ଈଶ୍ୱରଲେକେ ଚଞ୍ଜ୍‌ନି ଖ୍ରୀଷ୍ଟ ଯୀଶୁ ବିଷୟନି ହାର୍ଦିକାବୁର୍ ଆରେ ତା ଗୌରବତିଙ୍ଗ୍ ବୁଜା ଆଦେଙ୍ଗ୍ ଆଡୁରା।

ଏପିସିୟ 1:6

ଲାଗିଙ୍ଗ୍ ତା ଇ ବେସି ଦୟା କାଜିଙ୍ଗ୍ ଆସେଙ୍ଗ୍ ହେୱାନିଙ୍ଗ୍ ଜୟ୍-ଜୟ୍ କିନାସ୍। ତା ଲାଡ୍‌ନି ମାଜି କିଜିମାଚି କାମାୟ୍ କାଜିଙ୍ଗ୍ ହେୱାନ୍ ଇ ବେସି ଦୟା ହିତ୍‌ତାନ୍‌ନା।

ଏପିସିୟ 4:18

ଇନେସ୍‌କି ହେୱାର୍ ସତ୍ ବିଷୟରେ ବୁଜା ଆଦେଙ୍ଗ୍ ଆଡୁର୍। ହେୱାର୍ ଈଶ୍ୱର ବିଷୟରେ କିଚି ପୁନ୍‌ୱାଦାଙ୍ଗ୍ ମାନ୍‌ଗାନାର୍ ଆରେ ତା ବେଣ୍ ୱେଞ୍ଜେଙ୍ଗ୍ ଇଚା କିଉର୍, ଲାଗିଙ୍ଗ୍ ହେୱାର୍ ଈଶ୍ୱର ହିଦ୍‌ନି ଜିବୁନ୍‌ତାଙ୍ଗ୍ ଦେହା ମାନାର୍।

ଏପିସିୟ 5:5

ଇନେସ୍‌କି ଏପେଙ୍ଗ୍ ହାର୍‌ଦାଙ୍ଗ୍ ପୁଚାଦେର୍‌ନା ଯେ, ଦାରି କାମାୟ୍ କିନି ମାନାୟ୍, କି କରାପ୍ ବ୍ଯବହାର୍ କିନି ମାନାୟ୍, କି ଦନ୍ ଲବ୍ରାର୍ କାଜିଙ୍ଗ୍, ଖ୍ରୀଷ୍ଟ ଆରେ ଈଶ୍ୱର ରାଜିତାକେ ଆଦିକାର୍ ଆକାୟ୍। ଦନ୍ ଲବ୍ରାର୍ ମୁର୍ତିତିଙ୍ଗ୍ ପୁଜା କିନାକାର୍ ଲେକେ।

ଏପିସିୟ 5:8

ଇନେସ୍‌କି ଏପେଙ୍ଗ୍ ଆଗେ ମାଜ୍‌ଗାତାକେ ମାଚାଦେର୍, ମାତର୍ ନଙ୍ଗୟ୍ ମାପୃତାକେ ରବେ ଆତି କାଜିଙ୍ଗ୍ ଅଜଡ଼୍‌ତାକେ ମାନାଦେର୍। ଲାଗିଙ୍ଗ୍ ଅଜଡ଼୍‌ନି ହିମ୍‌ଣାଙ୍ଗ୍ ଲେକେ ବ୍ଯବହାର୍ କିୟାଟ୍।

ଏପିସିୟ 6:12

ଇନେସ୍‌କି ମା ଯୁଜ୍ ନେତେର୍ ଜେଇ ଇ ପୁର୍ତିନି ମାନାୟାର୍ କାଜିଙ୍ଗ୍ ଆକାୟ୍, ମାତର୍ ମାଜ୍‌ଗା ଜଗତ୍‌ନି ଶାକ୍ତି, ଆଦିକାର୍ ଆରେ ସାସନ୍ କିନାକାର୍ ବିରଦ୍‌ତାକେ ଆରେ ବାଦାଡ଼୍‌ନି କରାପ୍ ଆତ୍ମା ବିରଦ୍ କାଜିଙ୍ଗ୍।

୧ ଥେସଲନୀକିୟ 2:12

ଆପେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାପା, ଆରେ ସାସ୍ ହିଦ୍‌ନାପା। ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ତା ରାଜିତାକେ ଗୌରବ ମାନାୟ୍ ଆନି କାଜିଙ୍ଗ୍ ବାଚି କିତ୍‌ତାନ୍‌ନା, ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ହେୱାନ୍ ଇଚା କିତିଲେକେ ଯିବୁନ୍ କାଟିକିୟାଟ୍।

ଏବ୍ରି 2:14

ଇନେସ୍‌କି ଈଶ୍ୱର ହିମ୍‌ଣାର୍ ନେତେର୍ ଆରେ ଜେଇନି ମାନାୟାର୍, ଲାଗିଙ୍ଗ୍ ଯୀଶୁ ପା ନିଜେ ମାନାୟ୍ ରୁପ୍ ଆଜି ଜନମ୍ ଆଜି ନେତେର୍ ଜେଇନି ମାନାୟ୍ ଆତାନ୍। ଇନେସ୍‌କି ହେୱାନ୍ ମାନାୟ୍ ରୁପ୍ ଆତି କାଜିଙ୍ଗ୍ ନେ ହାଃଦେଙ୍ଗ୍ ଆଡ଼୍‌ତାନ୍, ଆରେ ହାଃତି କାଜିଙ୍ଗ୍ ନେ ହେୱାନ୍ ହାଃନିଲେକେ ମାନି ଆଦିକାର୍‌ନି ଶାକ୍ତି ଇଡ଼୍‌ଜି ମାଚି ଶୟତାନନି ଶାକ୍ତିତିଙ୍ଗ୍ ବିନାସ୍ କିଦେଙ୍ଗ୍ ଆଡ଼୍‌ତାନ୍।

୧ ପିତର 2:9

ମାତର୍ ଏପେଙ୍ଗ୍ ହେୱାର୍ ଲେକେ ଆକାୟ୍, ଈଶ୍ୱର ମିଙ୍ଗେଙ୍ଗ୍ ତା ଲକ୍ ଆଦେଙ୍ଗ୍ ବାଚି କିତ୍‌ତାନ୍‌ନା। ହେୱାନ୍ ମିଙ୍ଗେଙ୍ଗ୍ ରାଜା ଈଶ୍ୱର ହେବା କିଦେଙ୍ଗ୍ ପୁଜାରି କିତ୍‌ତାନା। ହେୱାନ୍ ମିଙ୍ଗେଙ୍ଗ୍ ଜାର୍ ଦନ୍‌ଲେକେ ତା ହେବା କିଦେଙ୍ଗ୍ ବାଚି କିତ୍‌ତାନା। ହେୱାନ୍ ମିଙ୍ଗେଙ୍ଗ୍ ମାଜ୍‌ଗା ଲେଗ୍‌ଦି ପାପ୍‌ତାଙ୍ଗ୍ ବିନେ କିତାନ୍‌ନା ଆରେ ଚାନିଆଆନି କାମାୟ୍‌ତିଙ୍ଗ୍ ଶୁଣାୟ୍ କିଦେଙ୍ଗ୍ ତା ଚାନିଆଆନି ଅଜଡ଼୍‌ତାକେ ତାହି ୱାତ୍‌ତାନ୍‌ନା।

୨ ପିତର 1:11

ଆରେ ମା ମାପୃ ଆରେ ଉଦାର୍ କିଦ୍‌ନାକାନ୍ ଯୀଶୁ ଖ୍ରୀଷ୍ଟ ଇମ୍‌ଣି ରାଜିତାକେ ୱିଜ୍‌ୱିଦିନ୍ ପାତେକ୍ ରାଜା ଲେକେ ସାସନ୍ କିନାନ୍, ହେ ରାଜିତିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ହାର୍‌ଦାଙ୍ଗ୍ ଆସ୍ତାନାନ୍।

୧ ଯୋହନ 2:8

ଆତିସ୍‌ପା ଆନେଙ୍ଗ୍ ପୁନି ଆଦେସ୍ ମିତାକେ ଲେକିକିନାଙ୍ଗା, ଇଦାଙ୍ଗ୍ ଖ୍ରୀଷ୍ଟତାକେ ଆରେ ମିତାକେ ସତ୍ ଇଞ୍ଜି ପୁନ୍ୟା ଆନାତା। ଇନେସ୍‌କି ମାଜ୍‌ଗାଲେକେ କରାପ୍ କାମାୟ୍‌ତିଙ୍ଗ୍ ଗୁଚାୟ୍ କିତାନ୍‌ନା, ଆରେ ଅଜଡ଼୍‌ଲେକେ ଈଶ୍ୱରତି ସତ୍‌ତିଙ୍ଗ୍ ମାନାୟାର୍ ହୁଡ଼୍‌ନାରା।

୧ ଯୋହନ 3:14

ଆପେଙ୍ଗ୍ ପୁଚାପ୍‌ନା ଯେ, ଆପେଙ୍ଗ୍ ହାଃତି ମାନାୟ୍ ଲେକେ ଆକାୟ୍, ମାତର୍ ଆପେଙ୍ଗ୍ ୱିଜ୍‌ୱି ଜିବୁନ୍ ପାୟା ଆତାକାପ୍, ଇନେସ୍‌କି ଆପେଙ୍ଗ୍ ମା ଟଣ୍ଡାରିଙ୍ଗ୍ ଲାଡ୍ କିନାପା। ମାତର୍ ଇମ୍‌ଣି ମାନାୟ୍ ଜାର୍ ଟଣ୍ଡେନିଙ୍ଗ୍ ଲାଡ୍ କିଉନ୍ ହେୱାନ୍ ହାଃତି ମାନାୟ୍ ଲେକେ।

୧ ଯୋହନ 3:8

ଇନେର୍ ପାପ୍ କାମାୟ୍ କିଜି ମାନାନ୍, ହେୱାନ୍ ଶୟତାନ ମେହି, ଇନେସ୍‌କି ଶୟତାନ ଆରମ୍‌ତାଙ୍ଗ୍ ପାପ୍ କାମାୟ୍ କିତାତ୍‌ନା। ମାତର୍ ଶୟତାନ କିତି କାମାୟ୍‌ତିଙ୍ଗ୍ ସେସ୍ କିଦେଙ୍ଗ୍ ଈଶ୍ୱର ମେହି ଯୀଶୁ ଖ୍ରୀଷ୍ଟ ପୁର୍ତିତାକେ ୱାତାନ୍।