କଲସିୟ 1:10 - New Testament in Pengo Parja Language

¹⁰ ଆରେ ଏପେଙ୍ଗ୍ ଇନେସ୍‌କି ମାପୃଙ୍ଗ୍ ୱିଜୁଦିନ୍ ସନ୍‌ମାନ୍ ଆରେ ୱାରି କିତିଲେକେ ଜିବୁନ୍ କାଟିକିନାଦେର୍। ଏପେଙ୍ଗ୍ ୱିଜୁଦିନ୍ ହାର୍ଦି କାମାୟ୍ କିନାଦେର୍, ଆରେ ଈଶ୍ୱରତିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ହାର୍‌ଦାଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍।

ସତ୍‌ ବଚନ୍‌ ପୁନି ନିୟମ୍‌

¹⁰ ତା ଆତିସ୍‌, ଏପେଙ୍ଗ୍‌ ମାପ୍ରୁତି ଇଚା ଲାକେ ଜିବୁନ୍‌ ଜିପ୍‌କା କିଦେଙ୍ଗ୍‌ ଆଡ୍‌ନାଦେର୍‌ ଆରି ତା ସାରିଆନି କାମାୟ୍‌ କିଦେଙ୍ଗ୍‌ ଆଡ୍‌ନାଦେର୍‌ । ଏପେଙ୍ଗ୍‌ ଜିବୁନ୍‌ତ ସବୁ ବାନି ହାର୍‌ଦି କାମାୟ୍‌ କିଦେଙ୍ଗ୍‌ ଆଡ୍‌ନାଦେର୍‌ ଆରି ଇସ୍ୱର୍‌ତି ବିସ୍ରେ ମି ଗିୟାନ୍‌ ବାଡାନାତ୍‌ ।

କଲସିୟ 1:10 Iomraidhean Croise

ଜହନ୍‌ 15:16

ଏପେଙ୍ଗ୍ ନାଙ୍ଗେଙ୍ଗ୍ ବାଚି କିଦ୍‌ୱାତାଦେର୍‌ନା, ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ବାଚି କିତ୍‌ତାଙ୍ଗ୍‌ନା। ଆରେ ଏପେଙ୍ଗ୍ ଇନେସ୍‌କି ପାଡ଼୍‌ ଆସ୍ତେଙ୍ଗ୍ ଆଡ୍‌ନାଦେର୍, ମି ପାଡ଼୍‌ ତିର୍‌ଆଜି ମାନ୍‌ଗାନାତ୍। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଇନାକା ଆବା ଈଶ୍ୱରତାକେ ଏନ୍‌ନାଦେର୍, ହେୱାନ୍ ମିଙ୍ଗେଙ୍ଗ୍ ହିଦ୍‌ନାନ୍, ଇନେସ୍‌କି ଏପେଙ୍ଗ୍ ଚେଲା କାଦେର୍।

ଜହନ୍‌ 15:8

ଏପେଙ୍ଗ୍ ବେସି ପାଡ଼୍‌ ଉବ୍‌ଜାଇ କିୟାଟ୍, ଆରେ ନା ଚେଲାଇଞ୍ଜି ଚଚିୟା ଆଡ। ଇଦାଙ୍ଗ୍ କାଜିଙ୍ଗ୍ ନା ଆବା ଈଶ୍ୱର ଜୟ୍-ଜୟ୍ ପାୟା ଆନାନ୍।

ଜହନ୍‌ 17:3

ଏନେଙ୍ଗ୍ ରକାୟ୍ ସତ୍ ଈଶ୍ୱର, ନିଙ୍ଗେଙ୍ଗ୍ ଆରେ ଏନେଙ୍ଗ୍ ପକ୍ତିତି ଯୀଶୁ ଖ୍ରୀଷ୍ଟଙ୍ଗ୍ ପୁନାକା ନେ ୱିଜ୍‌ୱି ଜିବୁନ୍।

ରୋମିୟ 1:13

ଏ ଟଣ୍ଡାର୍‌କାଦେର୍ ଆନେଙ୍ଗ୍ ମିଙ୍ଗେଙ୍ଗ୍ ପୁନି କିଦ୍‌ନାଙ୍ଗା ଯେ, ଆନେଙ୍ଗ୍ ମିତାକେ ୱାଦେଙ୍ଗ୍ ବେସି ଦିନ୍‌ତାଙ୍ଗ୍ ଉପାୟ୍ କିଜି ମାଚାଙ୍ଗ୍, ମାତର୍ ନଙ୍ଗୟ୍ ପାତେକ୍ ମିତାକେ ୱାଦେଙ୍ଗ୍ ଆଡ୍‌ୱାତାଙ୍ଗ୍‌ନା। ଇନେସ୍‌କି ବିନ୍‌ଜାତିନି ମାନାୟ୍‌ତିଙ୍ଗ୍ ଯୀଶୁଙ୍ଗ୍ ପାର୍ତି କିଦେଙ୍ଗ୍ ସାଇଜ କିତିଲେକେ ମିଙ୍ଗେଙ୍ଗ୍ ପା ଆଦିକ୍ ପାର୍ତି କିଦେଙ୍ଗ୍ ସାଇଜ କିଦ୍‌ଦେଙ୍ଗ୍ ଆଡ଼୍‌ତାଙ୍ଗ୍‌ମା।

ରୋମିୟ 4:12

ଆରେ ଏଚେଜାଣ୍ ସୁନତ୍ ଆତାର୍‌ନା ଅବ୍ରାହାମ ହେୱାର୍ ଲାତ୍ରାହି ଆତାନ୍, ୱାରା ହେୱାର୍ କାଜିଙ୍ଗ୍ ଆକାୟ୍, ମାତର୍ ମା ଆବା ଅବ୍ରାହାମ ଇନେସ୍ ସୁନତ୍ ଆୱି ଆଗେ ପାର୍ତି କିଜି ମାଚାନ୍, ହେଲେକେ ଯଦି ଜେକନିକାର୍ ଈଶ୍ୱରତିଙ୍ଗ୍ ପାର୍ତିକିନାର୍। ଅବ୍ରାହାମ ହେୱାର୍ ଲାତ୍ରାହି ପା ଆନାନ୍।

ରୋମିୟ 6:4

ଏଚେପାଦ୍ନା ଆସେଙ୍ଗ୍ ଡୁବନ୍ ଅତାସ୍, ହେପାଦ୍ନା ଆସେଙ୍ଗ୍ ତା ହୁଦାଙ୍ଗ୍ ହାଃତାସ୍ ଆରେ ମାଙ୍ଗେଙ୍ଗ୍ କବର୍ ହିତ୍‌ତାର୍‌ନା। ଆରେ ଇନେସ୍‌ଲେକେ ଆବା ଈଶ୍ୱର ତା ଗୌରବନି ଶାକ୍ତିତାଙ୍ଗ୍ ତାଙ୍ଗେଙ୍ଗ୍ ଆରେରଗ ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଜିବୁନ୍ କିତାନ୍, ହେଲେକେ ଆସେଙ୍ଗ୍ ପା ପୁନି ଜିବୁନ୍ ପାୟାଆତାସ୍‌ନା।

୨ କରନ୍ତିୟ 2:14

ମାତର୍ ଆନେଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଙ୍ଗା, ଇନେସ୍‌କି ଆସେଙ୍ଗ୍ ଖ୍ରୀଷ୍ଟ ହୁଦାଙ୍ଗ୍ ମାହାଆତାସ୍‌ନା, ହେୱାନ୍ ମାଙ୍ଗେଙ୍ଗ୍ ହାଜି ଚଚ୍‌ଚାନାନା ଆରେ ମାଙ୍ଗେଙ୍ଗ୍ ଜିତାୟ୍ କିଦ୍‌ନାନ୍। ନଙ୍ଗୟ୍ ହେ ଖ୍ରୀଷ୍ଟ ବିଷୟନି ଜ୍ଞାନ୍, ର ସେଣ୍ଟ୍‌ଲେକେ ୱିଜୁ ନିପଣ୍ ମା କାଜିଙ୍ଗ୍ ବାସ୍ନା ଆନାତା।

୨ କରନ୍ତିୟ 4:6

ଇନେସ୍‌କି ଈଶ୍ୱର ଆଗେ ୱେଚ୍‌ଚି ମାଚାନ୍, “ମାଜ୍‌ଗାତାକେ ଅଜଡ଼୍ ଆଏତ୍” ଆରେ ଇଲେକେ କିଜି ହେୱାନ୍ ତା ଗୌରବ ବୁଜାୟ୍ କିଜି ମାଚାତ୍ ଯେ, ହେ ଅଜଡ଼୍‌ଲେକେ ତା ଗୌରବ ଯୀଶୁ ଖ୍ରୀଷ୍ଟ ମୁମ୍‌ଦ ଚନ୍‌ଞ୍ଜି ମାଚାତ୍।

୨ କରନ୍ତିୟ 5:9

ଲାଗିଙ୍ଗ୍ ମାଦାଙ୍ଗ୍ ର ଇଚା ମାନି ଦର୍‌କାର୍ ଯେ, ଆସେଙ୍ଗ୍ ଇ ଗାଗାଡ଼୍‌ତାକେ ମାଚିସ୍ କି ଇ ଗାଗାଡ଼୍‌ତାଙ୍ଗ୍ ଦେହା ମାଚିସ୍, ହେୱାନ୍ ୱାରିୟା ଆନିଲେକେ କାମାୟ୍ ୱିଜୁଦିନ୍ କିଜି ମାନାସ୍।

୨ କରନ୍ତିୟ 9:8

ଆରେ ଈଶ୍ୱର ମିଙ୍ଗେଙ୍ଗ୍ ଦର୍‌କାର୍ ଆଦ୍‌ନି ଜିନିଷ୍‌ତାଙ୍ଗ୍ ଆଦିକ୍ ଆଶ୍ରିବାଦ୍ କିଦେଙ୍ଗ୍ ଆଡ଼୍‌ଦାନାତ୍‌, ଆରେ ଜେକନିକାର୍ କାଜିଙ୍ଗ୍ ହାର୍ କାମାୟ୍ କିଦେଙ୍ଗ୍ ମିତାକେ ୱିଜୁଦିନ୍ ୱିଜୁ ଜିନିଷ୍ ଆଦିକ୍ ମାନ୍‌ଗାନାତ୍।

ଏପିସିୟ 1:17

ଆନେଙ୍ଗ୍ ଇଦାଙ୍ଗ୍ ପା ପାର୍ତାନା କିନାଙ୍ଗ୍ ଯେ ଈଶ୍ୱର ମା ମାପୃ ଯୀଶୁ ଖ୍ରୀଷ୍ଟନି ଗୌରବମାନି ଆବା ମିଙ୍ଗେଙ୍ଗ୍ ଜ୍ଞାନ୍ ଆରେ ବୁଦି ହିଦେନ୍, ଲାଗିଙ୍ଗ୍ ଏପେଙ୍ଗ୍ ହେୱାନିଙ୍ଗ୍ ହାର୍‌ଦାଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍।

ଏପିସିୟ 2:10

ଇନେସ୍‌କି ଆସେଙ୍ଗ୍ ନଙ୍ଗୟ୍ ଇନେସାତାସ୍‌ନା ଇଦାଙ୍ଗ୍ ଈଶ୍ୱର ରସ୍ତାତାନ୍‌ନା। ହାର୍ଦି କାମାୟ୍ କିନି କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ଯୀଶୁ ଖ୍ରୀଷ୍ଟତାକେ ପୁନି ମାନାୟ୍ ଲେକେ ରସ୍ତାତାନ୍‌ନା। ଆରେ ଇ ଲେକେ ଜିବୁନ୍ କାଟିକିନି କାଜିଙ୍ଗ୍ ଈଶ୍ୱର ଆଗେତାଙ୍ଗ୍ ନେ ମା କାଜିଙ୍ଗ୍ ଜଜ୍‌ନା କିଜି ମାଚାନ୍।

ଏପିସିୟ 4:1

ଆନେଙ୍ଗ୍ ଯେ ମାପୃଙ୍ଗ୍ ହେବା କିନି କାଜିଙ୍ଗ୍ ବନ୍ଦି ଆତାଙ୍ଗ୍‌ନା, ମିଙ୍ଗେଙ୍ଗ୍ ଗୁୱାରି କିଦ୍‌ନାଙ୍ଗା, ଈଶ୍ୱର ମିଙ୍ଗେଙ୍ଗ୍ ଇନାକିଦେଙ୍ଗ୍ କୁକ୍ତାତାନ୍‌ନା ହେବେ ଆସ୍ତି ଲେକେ ହାର୍ ଆଜି ଜିବୁନ୍ କାଟିକିୟାଟ୍।

ଏପିସିୟ 4:13

ଆସେଙ୍ଗ୍ ଈଶ୍ୱର ମେହି ବିଷୟରେ ପୁନ୍‌ଞ୍ଜି ପାର୍ତିତାକେ ରବେ ଆନି ପାତେକ୍, ଆରେ ଆସେଙ୍ଗ୍ ପୁରାପୁରି ଖ୍ରୀଷ୍ଟ ଲେକେ ଆଜି ପାର୍ତିତାକେ ଗାଜା ମାନାୟ୍ ଲେକେ ଟିକ୍‌ଆଜି ମାନି ପାତେକ୍।

ଏପିସିୟ 5:10

ମାପୃଙ୍ଗ୍ ଇନାକା ୱାରିନି ବିଷୟ, ହେଦାଙ୍ଗ୍ କିଦେଙ୍ଗ୍ ଉପାୟ୍ କିୟାଟ୍।

ଏପିସିୟ 5:15

ଇଦାଙ୍ଗ୍ କାଜିଙ୍ଗ୍ ମି ବ୍ଯବାହାର୍‌ତାକେ ଜାଗ୍ରତ୍ ଆଡ। ଏପେଙ୍ଗ୍ ବୁଦିହିଲ୍‌ୱି ଲେକେ ଆୱାଦାଙ୍ଗ୍ ବୁଦି ମାନିଲେକେ ବ୍ଯବାହାର୍ କିୟାଟ୍।

ଏପିସିୟ 5:2

ଖ୍ରୀଷ୍ଟ ଇନେସ୍ ମିଙ୍ଗେଙ୍ଗ୍ ଲାଡ୍ କିତ୍‌ତାନ୍, ହେଲେକେ ଏପେଙ୍ଗ୍ ଜେକନିକାରିଙ୍ଗ୍ ଲାଡ୍ କିୟାଟ୍। ହେୱାନ୍ ମିଙ୍ଗେଙ୍ଗ୍ ଲାଡ୍ କିତିଲେ, ମି ପାପ୍‌ତିଙ୍ଗ୍ ଦେହା କିଦେଙ୍ଗ୍ ହେୱାନ୍ ନିଜେ ଜାର୍ ଜିବୁନ୍‌ତିଙ୍ଗ୍ ପୁଜା କିତିଲେକେ ବଲିଦାନ୍ କିୟିଆତାନ୍। ଈଶ୍ୱର ତା ବଲିଦାନ୍‌ତାଙ୍ଗ୍ ୱାରି ଆତାନ୍, ଇନେସ୍‌କି ହେୱାନ୍ ବଲିଦାନ୍ ବାସ୍ନା ଚିକାଣ୍ ଲେକେ ମାଚାତ୍।

ପିଲିପିୟ 1:11

ମାର୍ ଇନେସ୍ ପାଡ଼୍‌ ଆହ୍‌ନାତ୍ ଏପେଙ୍ଗ୍ ପା ଯୀଶୁ ଖ୍ରୀଷ୍ଟ ସାଇଜତାଙ୍ଗ୍ ଦରମ୍ କାମାୟ୍ କିନାଦେର୍। ଏଲେଙ୍ଗ୍ ଆତିସ୍ ମାନାୟାର୍ ଈଶ୍ୱରତିଙ୍ଗ୍ ସନ୍‌ମାନ୍ ଆରେ ଜୟ୍-ଜୟ୍ କିନାର୍।

ପିଲିପିୟ 1:27

ଖ୍ରୀଷ୍ଟନି ହାର୍ଦିକାବୁର୍‌ତିଙ୍ଗ୍ ପାର୍ତି କିଜି ମାନି ମାନାୟ୍ ଲେକେ ଟିକ୍ ଜିବୁନ୍ କାଟିକିୟାଟ୍। ଏପେଙ୍ଗ୍ ର ମାନ୍‌ଆଜି ମାନାଟ୍, ଆରେ ହାର୍ଦିକାବୁର୍‌ତିଙ୍ଗ୍ ପାର୍ତିକିଜି ମାନି କାଜିଙ୍ଗ୍ ଏକ୍ ଆଜି ଲଡ଼ିକିୟାଟ୍। ଆନେଙ୍ଗ୍ ମି ଲାଗାୟ୍ ୱାଜି ହୁଡ଼୍‌ତିସ୍ କି ମାନ୍‌ୱାଦାଙ୍ଗ୍ ମି ବିଷୟ ୱେଚିସ୍ ପା ଏଲେଙ୍ଗ୍ ଆଜି ମାନାଟ୍ ଇଞ୍ଜି ଆନେଙ୍ଗ୍ ଇଚା କିନାଙ୍ଗା।

ପିଲିପିୟ 4:18

ଏପେଙ୍ଗ୍ ପକ୍‌ଚି ମାନ୍‌ଞ୍ଚି ୱିଜୁ ଆନେଙ୍ଗ୍ ପାୟାଆନାଙ୍ଗା, ଆରେ ନାଙ୍ଗେଙ୍ଗ୍ ଦର୍‌କାର୍‌ତାଙ୍ଗ୍ ପା ଆଦିକ୍ ପାୟାଆତାଙ୍ଗ୍‌ନା। ଏଫାପ୍ରାଦିତ କେଇଦ ପକ୍ତାତାକା ୱିଜୁ ଦାନ୍ ପାୟାଆତାଙ୍ଗ୍‌ନା ଆରେ ନା ଲାଗାୟ୍ ବେସି ମାନାତ୍। ଏପେଙ୍ଗ୍ ନାଙ୍ଗେଙ୍ଗ୍ ପକ୍ତିତି ଦାନ୍ ଈଶ୍ୱର ଲାଗାୟ୍ ବଲିପୁଜା ଆରେ ହାର୍ ବାସ୍‌ନାହିନି ପୁଜା ସାମାନ୍ ଲେକେ। ଇଦାଙ୍ଗ୍ ଈଶ୍ୱର ଆହ୍‌ନାନ୍ ଆରେ ୱାରିୟା ଆନାନ୍।

କଲସିୟ 2:6

ନଙ୍ଗୟ୍ ଏପେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ମାପୃ ଇଞ୍ଜି ଆସ୍ତାଦେର୍‌ନା, ଲାଗିଙ୍ଗ୍ ଏପେଙ୍ଗ୍ ତା ହୁଦାଙ୍ଗ୍ ମାହାଆତି ମାନାୟ୍ ଆଜି ଜିବୁନ୍ କାଟିକିୟାଟ୍।

କଲସିୟ 3:20

ଏ ହିମ୍‌ଣା କାଦେର୍ ମି ଆୟା ଆବାର୍‌ କାତା ମାନିକିଜି ମାନାଟ୍, ହେଦାଙ୍ଗ୍ ନେ ଈଶ୍ୱରତିଙ୍ଗ୍ ୱାରି କିୟିକିନାତ୍।

କଲସିୟ 4:5

ପାର୍ତିକିୱି ମାନାୟାରିଙ୍ଗ୍ ବୁଦି ହୁଦାଙ୍ଗ୍ ବ୍ଯବହାର୍ କିୟାଟ୍, ଆରେ ୱିଜୁ ସୁଯଗ୍‌ତିଙ୍ଗ୍ ହାର୍‌ଦାଙ୍ଗ୍ ବ୍ଯବହାର୍ କିୟାଟ୍।

୧ ଥେସଲନୀକିୟ 2:12

ଆପେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାପା, ଆରେ ସାସ୍ ହିଦ୍‌ନାପା। ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ତା ରାଜିତାକେ ଗୌରବ ମାନାୟ୍ ଆନି କାଜିଙ୍ଗ୍ ବାଚି କିତ୍‌ତାନ୍‌ନା, ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ହେୱାନ୍ ଇଚା କିତିଲେକେ ଯିବୁନ୍ କାଟିକିୟାଟ୍।

୧ ଥେସଲନୀକିୟ 4:1

ଏ ଟଣ୍ଡାର୍‌କାଦେର୍, ଆପେଙ୍ଗ୍ ମାପୃ ଯୀଶୁ ତର୍‍ଦାଙ୍ଗ୍ ଗୁୱାରି କିଦ୍‌ନାପା ଯେ, ଏପେଙ୍ଗ୍ ଈଶ୍ୱର ୱାରିୟା ଆନିଲେକେ କାମାୟ୍ କିଜି ଯିବୁନ୍ କାଟିକିୟାଟ୍। ଆଗେ ଇନେସ୍ ଆପେଙ୍ଗ୍ ୱେଚ୍‌ଚି ମାନ୍‌ଞ୍ଚାପ୍, ଆରେ ଏପେଙ୍ଗ୍ ହେଲେକେ କିନାଦେରା, ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ସାସ୍ ହିଦ୍‌ନାପା, ଲାଗିଙ୍ଗ୍ ଏପେଙ୍ଗ୍ ହେଲେକେ ଆଦିକ୍ କିନାଦେର୍।

୨ ତିମଥି 2:4

ରକାନ୍ ସେନାଦଳ୍‌ନି କାମାୟ୍ କିନିହିଙ୍ଗ୍ ହେୱାନ୍ ଜେକ ଆରେ ର କାମାୟ୍ କିଉନ୍। ଇନେସ୍‌କି ହେୱାନ୍ ତା ଗାଜା ଅପିସର୍‌ତିଙ୍ଗ୍ ୱାରି କିୟିକିଦେଙ୍ଗ୍ ଇଚାକିନାନ୍।

ତୀତସ 3:1

ସାସନ୍ କିନାକାର୍ ଆରେ ତା ଆଦିକାର୍ ପାୟାଆତି ମାନାୟାର୍ ତାରେନ୍ କିନାକା ଆରେ କାତା ମାନି କିଦେଙ୍ଗ୍, ଆରେ ୱିଜୁ ପର୍‌କାର୍ ହାର୍ଦି କାମାୟ୍ କିନି କାଜିଙ୍ଗ୍ ରେଡି ଆଜି ମାନାଟ୍।

ତୀତସ 3:14

ହେଲେକେ ଏପେଙ୍ଗ୍ ପାର୍ତି କିନାକାରିଙ୍ଗ୍ ହିକ୍ଷା ହିୟାଟ୍ ଯେ ମାନାୟାର୍ ଇନେସ୍ ହେୱାରିଙ୍ଗ୍ ଦର୍‌କାର୍‌ଆନି ଜିନିଷ୍ ପାୟାଆନାର୍‌, ଇଦାଙ୍ଗ୍ କାଜିଙ୍ଗ୍ ପାର୍ତି କିନାକାର୍ ହାର୍ଦି କାମାୟ୍ କିନି କାଜିଙ୍ଗ୍ ନେ ମାନ୍ କିଜି ମାନେର୍। ଲାଗିଙ୍ଗ୍ ହେୱାର୍ ତା ଜିବୁନ୍‌ତ ଇନାୱେଡ଼ାଙ୍ଗ୍ ପା ପାଡ଼୍‌ ହିଲ୍‌ୱି ଲେକେ ଆଉର୍।

ଏବ୍ରି 11:5

ହନୋକ ପାର୍ତିକିତି କାଜିଙ୍ଗ୍, ଈଶ୍ୱର ହେୱାନିଙ୍ଗ୍ ଜିବୁନ୍ ମାନୁ-ମାନୁ ସରଗ୍‌ଜପି ଅତାନ୍। ହେଦାଙ୍ଗ୍ କାଜିଙ୍ଗ୍ ତା ହାଃତି ଗାଗାଡ଼୍‌ତିଙ୍ଗ୍ ଇନେର୍ ଆରେ ଗାଟା ଆୱାତାର୍। ଈଶ୍ୱର ହନୋକଙ୍ଗ୍ ସରଗ୍‌ଜପି ଅସାହାନି ଆଗେ, ତା ବିଷୟରେ ସାକି ହିଜି ୱେଚ୍‌ଚାନ୍ ଯେ ହନୋକ ହେୱାନିଙ୍ଗ୍ ୱାରି କିଜି ମାଚାନ୍।

ଏବ୍ରି 13:16

ହାର୍ଦି କାମାୟ୍ କିନାସ୍ ଆରେ ନାସ୍‌କିନି ମାନାୟାରିଙ୍ଗ୍ ଦାନ୍ କିନାକା ଏପେଙ୍ଗ୍ ବାଣା ଆମାଟ୍। ଇନେସ୍‌କି ଇଲେକେ ବିଲିପୁଜାତିଙ୍ଗ୍ ଈଶ୍ୱର ବେସି ୱାରି ଆନାନ୍।

୨ ପିତର 1:8

ଇ ୱିଜୁ ବିଷୟ ଯଦି ମିବେ ମାନ୍‌ଞ୍ଜି ବାଡା ଆନାତ୍, ଲାଗିଙ୍ଗ୍ ମା ମାପୃ ଯୀଶୁ ଖ୍ରୀଷ୍ଟ ବିଷୟନି ବୁଦିତାଙ୍ଗ୍ ଏପେଙ୍ଗ୍ ବ୍ଯବହାର୍ କିତିଲେକେ ଆରେ ପାଡ଼୍‌ ଆସ୍ତି ଲେକେ ଆଦେଙ୍ଗ୍ ଆଡ୍‌ନାଦେର୍।

୨ ପିତର 3:18

ମାତର୍ ଏପେଙ୍ଗ୍ ମା ମାପୃ ଆରେ ଉଦାର୍ କିଦ୍‌ନି ଯୀଶୁ ଖ୍ରୀଷ୍ଟନି ଦୟାତିଙ୍ଗ୍ ଆରେ ବୁଦିତିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ବୁଜାଆଡ। ଆରେ ହେୱାନିଙ୍ଗ୍ ଏପେଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ନଙ୍ଗୟ୍ ଆରେ ୱିଜ୍‌ୱିଦିନ୍ ପାତେକ୍ ଗୌରବ କିୟାଟ୍। ଆମେନ୍।

୧ ଯୋହନ 3:22

ଆରେ ଆସେଙ୍ଗ୍ ଇନା-ଇନାକା ଈଶ୍ୱରତିଙ୍ଗ୍ ଏନ୍‌ନାସ୍ ହେଦାଙ୍ଗ୍ ମାଙ୍ଗେଙ୍ଗ୍ ହିଦ୍‌ନାନ୍, ଇନେସ୍‌କି ତା ଆଦେସ୍‌ତିଙ୍ଗ୍ ମାନିକିଜି ହେୱାନ୍ ୱାରିୟା ଆନିଲେକେ ଆପେଙ୍ଗ୍ କାମାୟ୍‌ କିନାପା।

୧ ଯୋହନ 5:20

ଆସେଙ୍ଗ୍ ପୁଚାସ୍‌ନା ଯେ, ଈଶ୍ୱର ତା ମେହିଙ୍ଗ୍ ପୁର୍ତିତାକେ ପକ୍ତାତାନ୍‌ନା। ଆରେ ହେୱାନ୍ ମାଙ୍ଗେଙ୍ଗ୍ ସତ୍ ଈଶ୍ୱରତିଙ୍ଗ୍ ପୁଞ୍ଜେଙ୍ଗ୍ ସାଇଜ କିତ୍‌ତାନ୍‌ନା। ନଙ୍ଗୟ୍ ଆପେଙ୍ଗ୍ ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟତାକେ ମାହାଆଜି ମାନାପ୍। ହେୱାନ୍‌ନେ ରକାନ୍ ସତ୍ ଈଶ୍ୱର, ଆରେ ହେୱାନ୍‌ନେ ୱିଜ୍‌ୱି ଜିବୁନ୍।

୩ ଯୋହନ 1:6

ଏନେଙ୍ଗ୍ ହେୱାରିଙ୍ଗ୍ ଲାଡ୍‌କିନି ବିଷୟ, ଆରେ ହାର୍ ବ୍ଯବହାର୍ କିତି ବିଷୟ ମଣ୍ଡ୍‌ଲିତାକେ ୱାଜି ୱେଚ୍‌ନାରା, ନଙ୍ଗୟ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା। ଏନେଙ୍ଗ୍ ଇନେସ୍ ହେୱାରିଙ୍ଗ୍ ସାଇଜ କିଜି ମାଚାୟ୍ ହେଲେକେ ସାଇଜ କିଜି ମାନା, ଲାଗିଙ୍ଗ୍ ଈଶ୍ୱର ୱାରିୟା ଆନାନ୍।