ପକ୍ୟାତାକା 9:16 - New Testament in Pengo Parja Language

¹⁶ ଆରେ ନା ବିଷୟରେ ହେୱାନ୍ ମାନାୟାରିଙ୍ଗ୍ ୱେଚ୍‌ନିହିଙ୍ଗ୍ ଏଚେକ୍ ଦୁକ୍‌କଷ୍ଟ ପାୟା ଆନାନ୍, ହେ ବିଷୟରେ ଆନେଙ୍ଗ୍ ହେୱାନିଙ୍ଗ୍ ୱେଚ୍‌ନାଙ୍ଗ୍।”

ସତ୍‌ ବଚନ୍‌ ପୁନି ନିୟମ୍‌

¹⁶ ଲାଗିଂ ନା ତର୍‌ କାଜିଂ ହେୱାନିଂ ଜେ ବେସି ଦୁକ୍‌ ବଗ୍‌ କିଦେଙ୍ଗ୍‌ ଆନାତ୍‌, ହେଦାଂ ଆନ୍‌ ନିଜେ ତାଙ୍ଗ୍‌ ୱେଚ୍‌ନାଙ୍ଗ୍‌ ।”

ପକ୍ୟାତାକା 9:16 Iomraidhean Croise

ମାତିଉ 24:9

ହେ ପାଦ୍ନା ମାନାୟ୍ ମିଙ୍ଗେଙ୍ଗ୍ ଦୁଃକ୍ ପାୟାଆନି କାଜିଙ୍ଗ୍ ହେଲାଇ କିଦ୍‌ନାର୍ ଆରେ ମିଙ୍ଗେଙ୍ଗ୍ ମାର୍ନେ ଅସ୍ତାନାର୍, ଆରେ ନାଙ୍ଗେଙ୍ଗ୍ ପାର୍ତିକିନି କାଜିଙ୍ଗ୍ ଏପେଙ୍ଗ୍ ୱିଜୁଜାତିର୍ କାଜିଙ୍ଗ୍ ଗିଣ୍ ଆନାଦେର୍।

ମାତିଉ 5:11

ଏପେଙ୍ଗ୍ ନା କାଜିଙ୍ଗ୍ ନିନ୍ଦା ଆରେ ଇନସ୍ତା ଆନାଦେର୍, ଆରେ ମିଚ୍‌ତାଙ୍ଗ୍ ମିଙ୍ଗେଙ୍ଗ୍ ବିରଦ୍, ଆରେ ୱିଜୁ ପ୍ରକାର୍ ବାନ୍ୟା ବେଣ୍ ଇଞ୍ଜ୍‌ନାର୍, ଲାଗିଙ୍ଗ୍ ଏପେଙ୍ଗ୍ ହାର୍।

ଜହନ୍‌ 15:20

ଆନେଙ୍ଗ୍ ମିଙ୍ଗେଙ୍ଗ୍ ଇନାକା ୱେଚ୍‌ଚି ମାନ୍‌ଞ୍ଚାଙ୍ଗ୍ ହେଦାଙ୍ଗ୍ ମାନ୍ତ ଇଟାଟ୍। ରକାନ୍ ହଲିଆ ତା ମାଲିକ୍‌ତାଙ୍ଗ୍ ଗାଜା ଆକାୟ୍। ମାନାୟାର୍ ଯଦି ନାଙ୍ଗେଙ୍ଗ୍ ନିନ୍ଦା କିଦ୍‌ନାର୍, ଲାଗିଙ୍ଗ୍ ହେୱାର୍ ମିଙ୍ଗେଙ୍ଗ୍ ପା ନିନ୍ଦା କିଦ୍‌ନାର୍। ଆରେ ଇନେର୍ ନା ହିକ୍ଷାତିଙ୍ଗ୍ ମାନିକିନାର୍, ଲାଗିଙ୍ଗ୍ ହେୱାର୍ ମି ହିକ୍ଷାତିଙ୍ଗ୍ ପା ମାନି କିଦ୍‌ନାର୍।

ପକ୍ୟାତାକା 14:22

ଆରେ ହେୱାର୍ ୱିଜୁ ସହର୍‌ତାକେ ମାନି ପାର୍ତିକିନି ଚେଲାହିର୍ ମେହାଆଜି ହେୱାରିଙ୍ଗ୍ ଶାନ୍ତି କିଜି ମାଚାର୍। ଆରେ ହେୱାର୍ ହେୱାରିଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ସାହାସ୍‌ନି କାତା ୱେଚ୍‌ଚାର୍। ଆରେ ହେୱାର୍ ୱେଚ୍‌ଚାର୍, “ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ମାଙ୍ଗେଙ୍ଗ୍ ବେସି ଦୁକ୍‌କଷ୍ଟ ପାୟାଆନାକା ଆନାତ୍।”

ପକ୍ୟାତାକା 21:11

ହେୱାନ୍ ମା କଚଣ୍‌ତ ୱାଜି ପାଉଲ ବେଲ୍‌ଟ୍‌ତିଙ୍ଗ୍ ଅତାନ୍। ଆରେ ତା କେଇକୁ କାଲ୍‌କୁକାଙ୍ଗ୍ ଗାଚିଆ ଆଜି ୱେଚ୍‌ଚାନ୍, “ପବିତ୍ର ଆତ୍ମା ଏଲେଙ୍ଗ୍ ୱେଚ୍‌ଚାନାନା, ‘ଯିରୁଶାଲାମ ସହର୍‌ତାକେ ମାନି ଯିହୁଦି ନେତାର୍ ଲେକେ ଗାଚ୍‌ଚି ବିନ୍‌ଜାତିର୍ କେଇଦ ହାର୍‌ପି କିଜି ହିଦ୍‌ନାର୍।’”

ପକ୍ୟାତାକା 21:13

ହେବେତାଙ୍ଗ୍ ପାଉଲ ୱେଚ୍‌ଚାନ୍, “ଏପେଙ୍ଗ୍ ଇନା କିଦେଙ୍ଗ୍ ଆଡ଼୍‌ବିସ୍‌ ମାନ୍ ବାଙ୍ଗାୟ୍ କିଦ୍‍ନାଦେରା? ଆନେଙ୍ଗ୍ ମାପୃ ଯୀଶୁ ତର୍‍ଦାଙ୍ଗ୍ ଯିରୁଶାଲାମ ସହର୍‌ତାକେ ଗାଚିଆଦେଙ୍ଗ୍ ଆରେ ହାଃଦେଙ୍ଗ୍ ପା ରେଡି ମାନାଙ୍ଗ୍।”

ପକ୍ୟାତାକା 21:4

ହେ ସହର୍‌ତାକେ ପାର୍ତିକିନି ଚେଲାହିରିଙ୍ଗ୍ ଗିଟାଆତାପ୍, ଆରେ ହେବେ ସାତ୍‌ଦିନ୍ ମାଚାପ୍। ପବିତ୍ର ଆତ୍ମା ସାଇଜତାଙ୍ଗ୍ ପାଉଲତିଙ୍ଗ୍ ଯିରୁଶାଲାମ ସହର୍‌ତାକେ ହାଲ୍‍ମା ଇଞ୍ଜି ଗୁୱାରି କିତାର୍।

ପକ୍ୟାତାକା 9:14

ଆରେ ଇ ବାହାତାକେ ଏଚେଜାଣ୍ ମାନାୟାର୍ ନିବେ ପାର୍ତି କିନାକାରିଙ୍ଗ୍, ହେୱାନ୍ ଗାଚ୍‌ଚି ଯିରୁଶାଲାମ୍ ସହର୍‌ତାକେ ଅଦେଙ୍ଗ୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରିର୍‌ତାଙ୍ଗ୍ ଆଦେସ୍ ପାୟାଆତାନ୍‌ନା, ଇଞ୍ଜି ଆନେଙ୍ଗ୍ କେତେକ୍ ହେନି ମାନାୟାର୍‌ତାକେ ଇୱାନ୍ ବିଷୟରେ ୱେଚାଙ୍ଗ୍‌ନା।”

ପକ୍ୟାତାକା 9:6

ମାତର୍ ଏନେଙ୍ଗ୍ ନିଙ୍ଗା, ଆରେ ସହର୍‌ତାକେ ହାଲା, ଆନେଙ୍ଗ୍ ଇନାକା କିଦେଙ୍ଗ୍ ଇଚା କିନାଙ୍ଗା ଏନେଙ୍ଗ୍ ହେବେ ହାଚିସ୍ ନିଙ୍ଗେଙ୍ଗ୍ ୱେଚ୍‌ଚାନାଙ୍ଗ୍।

୨ କରନ୍ତିୟ 6:4

ମାତର୍ ୱିଜୁ ପର୍‌କାର୍ ଦୁଃକ୍ କଷ୍ଟ ୱାତିସ୍ ପା ଆପେଙ୍ଗ୍ ସାସ୍ ଆଜି ସମ୍ବାଲି କିନାପା, ଲାଗିଙ୍ଗ୍ ଆସେଙ୍ଗ୍ ଇନାକା କିତିସ୍ ପା ଆସେଙ୍ଗ୍ ହାତ୍‌ପା ଈଶ୍ୱରତିଙ୍ଗ୍ ହେବା କିନାପା ଇଞ୍ଜି ଚଚ୍‌ଚେଙ୍ଗ୍ ଉପାୟ୍ କିନାପା।

୧ ଥେସଲନୀକିୟ 3:3

ଏପେଙ୍ଗ୍ ଦୁଃକ୍ କଷ୍ଟ ପାୟାଆତିସ୍ ପା ଖ୍ରୀଷ୍ଟଙ୍ଗ୍ ପିହ୍‌ମାଟ୍, ଇନେସ୍‌କି ଏପେଙ୍ଗ୍ ପୁଚାଦେର୍‌ନା ଯେ, ଆସେଙ୍ଗ୍ ଦୁଃକ୍ କଷ୍ଟ ପାୟାଆନି ଦର୍‌କାର୍, ହେଦାଙ୍ଗ୍ ଈଶ୍ୱର ଇଚା।

୨ ତିମଥି 1:12

ଇ ହାର୍ଦିକାବୁର୍ ମାନାୟାରିଙ୍ଗ୍ ଶୁଣାୟ୍ କିନି କାଜିଙ୍ଗ୍ ପା ଆନେଙ୍ଗ୍ ଇୱିଜୁ ଦୁକ୍ ପାୟାଆତାଙ୍ଗ୍‌ନା, ଆତିସ୍‌ପା ଆନେଙ୍ଗ୍ ଲାଜା ଆଉଙ୍ଗା। ଇନେସ୍‌କି ଆନେଙ୍ଗ୍ ଇନେର୍‌ତାକେ ପାର୍ତି କିନାଙ୍ଗା, ହେୱାନିଙ୍ଗ୍ ଆନେଙ୍ଗ୍ ପୁନାଙ୍ଗ୍। ଖ୍ରୀଷ୍ଟ ନାଙ୍ଗେଙ୍ଗ୍ ଇନାକା ହିତ୍‌ତାନ୍‌ନା, ହେୱାନ୍ ୱାନି ପାତେକ୍ ହେୱାନ୍ ରକ୍ଷା କିଦେଙ୍ଗ୍ ଆଡ୍‌ନାନ୍ ଇଞ୍ଜି ଇଦାଙ୍ଗ୍ ବେସି ପାର୍ତି କିନାଙ୍ଗା।

୨ ତିମଥି 3:11

ମାନାୟାର୍ ନାଙ୍ଗେଙ୍ଗ୍ ଦୁକ୍‌କଷ୍ଟ ଆରେ ବେସିଦୁକ୍ ହିତାର୍‌ନା। ଆନ୍ତିୟକିଆ, ଇକନିୟ ଆରେ ଲୁସ୍ତ୍ରା ସହର୍‌କୁକାଙ୍ଗ୍ ନା ହୁଦାଙ୍ଗ୍ ଇନାକା ୱିଜୁ ଗଟାଆତାତ୍‌ନା ହେ ବିଷୟରେ ଏପେଙ୍ଗ୍ ପୁଚାଦେର୍‌ନା। ଆନେଙ୍ଗ୍ ହେ ୱିଜୁ ମାନିକିଜି ମାଚାଙ୍ଗ୍, ଆରେ ମାପୃ ନାଙ୍ଗେଙ୍ଗ୍ ହେ ୱିଜୁତାଙ୍ଗ୍ ଉଦାର୍ କିଜି ମାନ୍‌ଞ୍ଚାନ୍।

୧ ପିତର 4:14

ଏପେଙ୍ଗ୍ ଖ୍ରୀଷ୍ଟାନ୍ ଆତି କାଜିଙ୍ଗ୍ ଯଦି ମାନାୟାର୍ ମିଙ୍ଗେଙ୍ଗ୍ ଇନସ୍ତା କିଦ୍‌ନାର୍ ଏପେଙ୍ଗ୍ ୱାରି କିୟାଟ୍, ଇନେସ୍‌କି ଗୌରବ ପାୟାଆନି ଈଶ୍ୱରତି ପବିତ୍ର ଆତ୍ମା ମି ବିତ୍ରେ ମାନାତା।

ହତ୍‌ତି 1:9

ଆନେଙ୍ଗ୍ ଯୋହନ ମି ଟଣ୍ଡେନ୍‌ତଙ୍ଗ୍, ଆନେଙ୍ଗ୍ ଯୀଶୁ ହୁଦାଙ୍ଗ୍ ମାହାଆଜି ମାଚି କାଜିଙ୍ଗ୍ ଆନେଙ୍ଗ୍ ପା ମି ଲେକେ ତା ଦୁଃକ୍ କଷ୍ଟତାକେ, ଈଶ୍ୱର ସାସନ୍ କିନି ରାଜିତାକେ, ଆରେ ୱିଜୁ ସମ୍ବାଲି କିନି ଶାକ୍ତିତାକେ ମାହା ଆତାଙ୍ଗ୍‌ନା। ଆନେଙ୍ଗ୍ ଈଶ୍ୱର ହାର୍ଦିକାବୁର୍ ଆରେ ଖ୍ରୀଷ୍ଟ ୱେଚ୍‌ଚି ସତ୍ କାତାତିଙ୍ଗ୍ ଶୁଣାୟ୍ କିତିଲେ, ଖ୍ରୀଷ୍ଟଙ୍ଗ୍ ବିରଦ୍ କିନି ମାନାୟାର୍ ନାଙ୍ଗେଙ୍ଗ୍ ପାତ୍ମ ତର୍‌ଦି ଦ୍ୱିପ୍‌ତାକେ ବନ୍ଦିକିଜି ମାନ୍‌ଞ୍ଚାର୍।