ପକ୍ୟାତାକା 8:22 - New Testament in Pengo Parja Language

²² ଲାଗିଙ୍ଗ୍ ନି କରାପ୍ ବିଷୟତାଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ପାର୍ତାନା କିୟା। ଈଶ୍ୱର କେଜାଣେ ନି ଗରବ୍‌ନି ବୁଲ୍ ବାବ୍‌ନାତିଙ୍ଗ୍ କେମା କିଦ୍‌ନାନ୍।

ସତ୍‌ ବଚନ୍‌ ପୁନି ନିୟମ୍‌

²² ଲାଗିଂ, ନି ଇ ବାଡ଼୍‍ପାଣ୍‍ତାଂ ମାନ୍‌ବାଦ୍‌ଲାୟ୍‌ କିଜ଼ି ମାପ୍ରୁତି ତାକେ ପାର୍ତାନା କିୟା, ଇନେସ୍‌ ଆତିସ୍‌ଚି ନି ମାନ୍ତ ହାନ୍ଦାୟ୍ କିନାକା କେମା ଆଦ୍‌ନାତ୍‌ ।

ପକ୍ୟାତାକା 8:22 Iomraidhean Croise

ପକ୍ୟାତାକା 17:30

ଆଗେନି ଇ ଅବୁଜାନି କାମାୟ୍‌ତିଙ୍ଗ୍ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିଦେଙ୍ଗ୍ ଦିୟାନ୍ କିୱାଦାଙ୍ଗ୍ ମାଚାନ୍। ମାତର୍ ନଙ୍ଗୟ୍ ହେୱାନ୍ ୱିଜୁ ମାନାୟାରିଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଦେଙ୍ଗ୍ ଆଦେସ୍ ହିତାନ୍‌ନା।

ପକ୍ୟାତାକା 2:38

ପିତର ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ୱିଜାକାଦେର୍ ପାପ୍ କାମାୟ୍ ପିସ୍ତି ମାପୃତାକେ ୱାଡ, ଆରେ ପାପ୍ କେମା ପାୟା ଆଦେଙ୍ଗ୍ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ଡୁବନ୍ ଆଡ, ଲାଗିଙ୍ଗ୍ ଏପେଙ୍ଗ୍ ପବିତ୍ର ଆତ୍ମାନି ଦାନ୍ ପାୟାଆନାଦେର୍।

ପକ୍ୟାତାକା 3:19

ଇଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ମି ପାପ୍ କାମାୟ୍ ପିସ୍ତି ମାପୃତାକେ ୱାତିସ୍, ଈଶ୍ୱର ମି ପାପ୍ ୱିଜୁ କେମା କିଦ୍‌ନାନ୍।

ପକ୍ୟାତାକା 8:20

ମାତର୍ ପିତର ହେୱାନିଙ୍ଗ୍ ୱେଚ୍‌ଚାନ୍, “ନି ଡାବୁଙ୍ଗ୍ ନି ହୁଦାଙ୍ଗ୍ ନଷ୍ଟ ଆୟେକ୍, ଈଶ୍ୱର ବର୍‌ଦାନ୍‌ତିଙ୍ଗ୍ ଡାବୁଙ୍ଗ୍ ହିଜି କଡ଼୍‌ନାଙ୍ଗ୍ ଇଞ୍ଜି, ଏନେଙ୍ଗ୍ ବୁଲ୍ ବାବିକିତାଇ।

ପକ୍ୟାତାକା 9:11

ହେବେତାଙ୍ଗ୍ ମାପୃ ହେୱାନିଙ୍ଗ୍ ୱେଚ୍‌ଚାନ୍, “ନିଙ୍ଗା, ସଳଖ ତର୍‌ଦି ହାଜ୍‌ଦିଙ୍ଗ୍ ହାଲ୍‌ଜି ଯିହୁଦା ଇଞ୍ଜ ହାଲା। ହେବେ ଏନେଙ୍ଗ୍ ହାଲ୍‌ଜି ତାର୍ଷ ସହର୍‌ତାଙ୍ଗ୍ ୱାଜିମାଚି ଶାଉଲ ତର୍‍ଦାକାନ୍ ରକାନ୍ ମାନାୟ୍‌ତିଙ୍ଗ୍ ଡେକା। ନଙ୍ଗୟ୍ ହେୱାନ୍ ପାର୍ତାନା କିନାନା।

ରୋମିୟ 2:4

ଈଶ୍ୱର ମିଙ୍ଗେଙ୍ଗ୍ ଦୟା କିଦ୍‌ନି କାଜିଙ୍ଗ୍, ମିଙ୍ଗେଙ୍ଗ୍ ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାୟ୍ କିଦେଙ୍ଗ୍ ସୁଯଗ୍ ହିଦ୍‌ନାନା। ଏପେଙ୍ଗ୍ ତା ଦୟା, ସାସ୍ ଆରେ ୱିଜୁଦିନ୍ ଲାଡ୍‌କିନି ବିଷୟତିଙ୍ଗ୍ ପୁଞ୍ଜେଙ୍ଗ୍ ଆଡୁଦେରା।

ଏବ୍ରି 4:12

ଇନେସ୍‌କି ଈଶ୍ୱର କାତାତାକେ ଜିବୁନ୍ ଆରେ ଶାକ୍ତି ମାନାତ୍। ରିପଣ୍ଡାଙ୍ଗ୍ ଦାରା ମାନି ହୁରିତାଙ୍ଗ୍ ପା ଇଦାଙ୍ଗ୍ ଆଦିକ୍ ଦାରା ମାନାତ୍, ଆରେ ମାନ୍ ଆରେ ପାରାଣ୍, ଗାଟିଙ୍ଗ୍ ଆରେ ପେଣ୍‌ନି ରାସ୍‌ତିଙ୍ଗ୍ ଜେକ-ଜେକ କିଜି ବାଗ୍ କିନାତ୍। ଇଦାଙ୍ଗ୍ ମା ମାନ୍ତି ଚିନ୍ତା ଆରେ ବାବ୍‌ନାତିଙ୍ଗ୍ ଚଚ୍‌ଚାନାତ୍।

ହତ୍‌ତି 2:21

ଆନେଙ୍ଗ୍ ହେ କଗ୍‌ଲେଙ୍ଗ୍ ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାୟ୍ କିଜି ଈଶ୍ୱରତାକେ ୱାଦେଙ୍ଗ୍ ସୁଯଗ୍ ହିତାଙ୍ଗ୍‌ନା, ମାତର୍ ହେଦେଲ୍ ହେଲେଗ୍‌ଦି କରାପ୍ କାମାୟ୍ କିନାକା ବନ୍ଦ୍ କିନି କାଜିଙ୍ଗ୍ ମୁନା କିନାତା।