ପକ୍ୟାତାକା 6:3 - New Testament in Pengo Parja Language

³ ଲାଗିଙ୍ଗ୍ ଏ ଟଣ୍ଡାର୍‌କାଦେର୍, ଇନେର୍‌ତାକେ ପବିତ୍ର ଆତ୍ମା ଆରେ ବୁଦି ପୁରା ଆତାତ୍‌ନା ଇଞ୍ଜି ୱିଜାକାର୍ ପୁଚାର୍‌ନା, ହେଲେକେ ମି ବିତ୍ରେତାଙ୍ଗ୍ ସାତ୍ ଜାଣ୍‌ତିଙ୍ଗ୍ ବାଚି କିୟାଟ୍। ଲାଗିଙ୍ଗ୍ ଆପେଙ୍ଗ୍ ହେୱାରିଙ୍ଗ୍ ଇ କାମାୟ୍‌ତିଙ୍ଗ୍ ଦେକାଶୁଣା କିଦେଙ୍ଗ୍ ଦାଇତ୍ ହିନାପ୍।

ସତ୍‌ ବଚନ୍‌ ପୁନି ନିୟମ୍‌

³ ଲାଗିଂ ଏ ଟଣ୍ଡାର୍‌ ଆରି ତଣ୍‌ଦେକ୍‌, ଇମ୍‌ଣାକାରିଂ ଆସେଙ୍ଗ୍‌ ଇ କାମାୟ୍‌ତ ବାଚି କିଦେଙ୍ଗ୍‌ ଆଡ୍‌ନାସ୍‌, ଏପେଙ୍ଗ୍‌ ଡାକ୍‍ପୁଟାତାକାର୍ ଆରି ଜିବୁନ୍‌ ଆରି ଗିୟାନ୍ତ ପୁରା ସାତ୍‌ ଜାଣ୍‍ତିଂ ମି ବିତ୍ରେ ସାକି ହିନାକାରିଂ ବାଚି କିଜ଼ି ତିର୍‌ କିୟାଟ୍‌;

ପକ୍ୟାତାକା 6:3 Iomraidhean Croise

ମାତିଉ 23:8

ମାତର୍ ଏପେଙ୍ଗ୍ ଗୁରୁ ଇଞ୍ଜି ହିର୍‌ବାନାକା ଉଚିତ୍ ଆକାଇ, ଇନେସ୍‌କି ଏପେଙ୍ଗ୍ ୱିଜାଦେର୍ ଟଣ୍ଡାର୍ ଆରେ ମି ଗୁରୁ ଆପ୍‌କା ରକାନ୍।

ଜହନ୍‌ 21:23

ଲାଗିଙ୍ଗ୍ ଟଣ୍ଡାହିର୍ ବିତ୍ରେତାଙ୍ଗ୍ ଇ କାତା ୱେଚ୍‌ପାଆତାର୍। ହେୱାର୍ ୱେଚ୍‌ଚି ମାଚାର୍ ଯେ, ଯୀଶୁ ଇମ୍‌ଣି ଚେଲାହିଙ୍ଗ୍ ଲାଡ୍ କିନାନା, ହେ ଚେଲାହି ହାଃଉନ୍। ମାତର୍ ଯୀଶୁ ଇ କାତା ପିତରତିଙ୍ଗ୍ ୱେଚ୍‌ୱାଦାଙ୍ଗ୍ ମାଚାନ୍, ମାତର୍ ଜେକନି ଚେଲାହିର୍ ହାଃଉର୍, ଯଦି ଆନେଙ୍ଗ୍ ଇଚା କିନାଙ୍ଗ୍, ଲାଗିଙ୍ଗ୍ ହେବେ ମିଦାଙ୍ଗ୍ ଇନାକା ମାନାତ୍?

ପକ୍ୟାତାକା 1:15

ହେବେ ପାକାପାକି ଶହେ କଡ଼େ ଜାଣ୍ ମାଚାର୍। ହେପାଦ୍ନା ପିତର ହେୱାର୍ ବିତ୍ରେ ନିଲ୍‌ଚି ୱେଚ୍‌ଚାନ୍,

ପକ୍ୟାତାକା 1:21

ଲାଗିଙ୍ଗ୍, ମାପୃ ଯୀଶୁ ଆରେରଗ ଜିବୁନ୍‌ଆଜି ନିଙ୍ଗ୍‌ନି ବିଷୟରେ ସାକି ଆନି କାଜିଙ୍ଗ୍ ଯିହୁଦା ବାଦୁଲ୍‌ରେ ଆରେ ରକାନ୍ ମାନି ଦର୍‌କାର୍। ଯୋହନତାଙ୍ଗ୍ ଯୀଶୁ ଡୁବନ୍ ଅନି ଆରମ୍‌ତାଙ୍ଗ୍, ଆରେ ହେୱାନ୍ ସରଗ୍‌ଜପି ହାନିପାତେକ୍ ଇମ୍‌ଣାକାର୍ ମା ହୁଦାଙ୍ଗ୍ ମାଚାର୍, ହେୱାର୍ ବିତ୍ରେତାଙ୍ଗ୍ ରକାନିଙ୍ଗ୍ ବାଚିକିନି ଦର୍‌କାର୍।

ପକ୍ୟାତାକା 10:22

ହେୱାର୍ ୱେଚ୍‌ଚାର୍, “କର୍ଣିଲିୟ ତର୍‍ଦାକାନ୍ ରକାନ୍ ଶହେ ସେନାର୍ ମୁକ୍ୟା। ହେୱାନ୍ ଦରମ୍ ମାନାୟ୍ ଆରେ ଈଶ୍ୱରତିଙ୍ଗ୍ ପାଣ୍ଡ୍ରାଆନି ମାନାୟ୍। ଆରେ ୱିଜୁ ଯିହୁଦି ଜାତିର୍‌ତାକେ ହେୱାନ୍ ସନ୍‌ମାନ୍ ପାୟା ଆନାନ୍। ନି କାତା ୱେଞ୍ଜେଙ୍ଗ୍ ଇଞ୍ଜ କୁକ୍‌ଚି ଅଦେଙ୍ଗ୍, ପବିତ୍ର ଦୁତ୍ ହେୱାନିଙ୍ଗ୍ କେଚ୍‌କଣ୍‌ତାକେ ଚଞ୍ଜିଆଆଜି ୱେଚ୍‌ଚାତ୍‌ନା।”

ପକ୍ୟାତାକା 15:23

ହେୱାର୍ କେଇଦ ଇଦାଙ୍ଗ୍ ଲେକିକିଜି ପକ୍ତାର୍, ଆନ୍ତିୟକିଆ ସହର୍ ସିରିୟା ସହର୍ ଆରେ କିଲିକିୟା ସହର୍‌ନି ବିନ୍‌ଜାତିନି ପାର୍ତିକିନି ଟଣ୍ଡାର୍ ବାଚିକିତି ଚେଲାର୍ ଆରେ ପ୍ରାଚିନାର୍ ଜୁୱାର୍ କିନାରା।

ପକ୍ୟାତାକା 16:2

ଲୁସ୍ତ୍ରା ସହର୍ ଆରେ ଇକନିୟ ସହର୍‌ତାକେ ମାନି ପାର୍ତିକିନି ଟଣ୍ଡାର୍ ତିମତି ବିଷୟରେ ହାର୍ ଇଞ୍ଜି ୱେଚ୍‌ଚି ମାଚାର୍।

ପକ୍ୟାତାକା 2:4

ୱିଜାକାର୍ ପବିତ୍ର ଆତ୍ମାତାଙ୍ଗ୍ ପୁରାଆତାର୍, ଆରେ ଈଶ୍ୱରଆତ୍ମା ଇନେସ୍ ହେୱାରିଙ୍ଗ୍ ୱେଚ୍‌ଚେଙ୍ଗ୍ ସାଇଜ କିତାତ୍, ହେୱାର୍ ବିନ୍-ବିନ୍ ବାଷାତାକେ ୱେଚ୍‌ଚେଙ୍ଗ୍ ଲାଗାତାର୍।

ପକ୍ୟାତାକା 22:12

ହନନିୟ ତର୍‍ଦାକାନ୍ ନାଙ୍ଗେଙ୍ଗ୍ ମେହାଆଦେଙ୍ଗ୍ ୱାତାନ୍, ହେୱାନ୍ ଈଶ୍ୱର ନିୟମ୍ ସାସ୍ତର୍‌ତିଙ୍ଗ୍ ମାନିକିଜି ର ସାଦୁ ମାନାୟ୍ ମାଚାନ୍। ୱିଜୁ ଯିହୁଦି ଜାତିର୍ ହେୱାନିଙ୍ଗ୍ ମାନିକିଜି ମାଚାର୍।

ପକ୍ୟାତାକା 28:14

ହେ ବାହାତାକେ ଆପେଙ୍ଗ୍ ଟଣ୍ଡାରିଙ୍ଗ୍ ମେହା ଆତାପ୍, ଆରେ ହେୱାର୍ ହୁଦାଙ୍ଗ୍ ସାତ୍‌ଦିନ୍ ମାଞ୍ଜେଙ୍ଗ୍ ମାଙ୍ଗେଙ୍ଗ୍ ଗୁୱାରି କିତ୍‌ତାର୍। ହେୱାର୍ ହୁଦାଙ୍ଗ୍ ମାଚି ପାଚେ ଆପେଙ୍ଗ୍ ରୋମ ସହର୍‌ତାକେ ହାଞ୍ଜେଙ୍ଗ୍ ହତାପ୍।

ପକ୍ୟାତାକା 6:2

ହେବେତାଙ୍ଗ୍ ବାରଜାଣ୍ ବାଚିକିତି ଚେଲାହିର୍ ଯିରୁଶାଲାମ ସହର୍‌ତାକେ ମାନି ଜେକନି ଚେଲାହିଙ୍ଗ୍ ଲାଗାୟ୍ କୁକ୍‌ଚି ୱେଚ୍‌ଚାର୍, “ଈଶ୍ୱର କାତା ଶୁଣାୟ୍ କିନାକା ପିସ୍ତି କାଦି କି ଡାବୁଙ୍ଗ୍ ବାଟା କିନିତାକେ ଆସେଙ୍ଗ୍ ଡାନ୍‌ଞ୍ଜି ମାନାକା ମା କାଜିଙ୍ଗ୍ ହାର୍ ଆକାୟ୍।

ପକ୍ୟାତାକା 6:5

ବାଚିକିତି ଚେଲାହିର୍ ଇବେଣ୍ ଜେକନି ଚେଲାର୍ ହାର୍ ଇଞ୍ଜି ୱେଚ୍‌ଚାର୍। ଲାଗିଙ୍ଗ୍ ହେୱାର୍ ସ୍ତିପାନ ତର୍‍ଦାକାନ୍ ରକାନିଙ୍ଗ୍ ବାଚିକିତାର୍। ହେୱାନ୍ ଈଶ୍ୱରତାକେ ପାର୍ତି କିଜି ମାଚାନ୍ ଆରେ ପବିତ୍ର ଆତ୍ମାତାଙ୍ଗ୍ ପୁରାଆଜି ମାଚାନ୍। ଆରେ ହେୱାର୍ ପିଲିପ, ପ୍ରକର, ନିକାନୋର, ତିମୋନ, ପାର୍ମନା ଆରେ ଆନ୍ତିୟକିଆ ସହର୍‌ନି ନିକଲାୟତିଙ୍ଗ୍ ବାଚିକିତାର୍। ନିକଲାୟ ଯୀଶୁତାକେ ପାର୍ତିକିୱି ଆଗେ ଯିହୁଦି ଦରମ୍ ବିଦିତିଙ୍ଗ୍ ମାନିକିଜି ମାଚାନ୍।

ପକ୍ୟାତାକା 6:6

ଜେକନି ଚେଲାର୍ ବାଚିକିତି ଚେଲାହିର୍ ଲାଗାୟ୍ ତାତାର୍। ଲାଗିଙ୍ଗ୍ ବାଚିକିତି ଚେଲାର୍ ପାର୍ତାନା କିଜି ହେ କାମାୟ୍ କିଦେଙ୍ଗ୍ ଦାଇତ୍ ହିତାର୍।

ପକ୍ୟାତାକା 9:30

ହେଦାଙ୍ଗ୍ କାଜିଙ୍ଗ୍ ତା ହାଙ୍ଗ୍‌ଦି ଟଣ୍ଡାହିର୍ ଇଦାଙ୍ଗ୍ ପୁନ୍‌ଞ୍ଜି ହେୱାନିଙ୍ଗ୍ କାଇସରିଆ ସହର୍‌ତାକେ ଅତାର୍। ଆରେ ହେୱାନ୍ କାଜିଙ୍ଗ୍ ତାର୍ଷ ସହର୍‌ତାକେ ହାଞ୍ଜେଙ୍ଗ୍ ଜଗାଡ଼୍ କିଜି ପକ୍ତାର୍।

୧ କରନ୍ତିୟ 12:8

ଈଶ୍ୱର ରକାନିଙ୍ଗ୍ ତା ପବିତ୍ର ଆତ୍ମା ବୁଦିନି କାତା ୱେଚ୍‌ଚେଙ୍ଗ୍ ହିତାନ୍‌ନା, ଆରେ ହେ ଈଶ୍ୱର ରକାନିଙ୍ଗ୍ ତା ପବିତ୍ର ଆତ୍ମା ଜେକନିକାନିଙ୍ଗ୍ ଜ୍ଞାନ୍‌ନି କାତା ୱେଚ୍‌ନି କାଜିଙ୍ଗ୍ ଶାକ୍ତି ହିନାନ୍।

୧ କରନ୍ତିୟ 16:3

ଆନେଙ୍ଗ୍ ଏଚେପାଦ୍ନା ୱାନାଙ୍ଗ୍, ଯିରୁଶାଲାମନି ପାର୍ତିକିନି ଟଣ୍ଡାର୍ କାଜିଙ୍ଗ୍ ଏପେଙ୍ଗ୍ ବାଚିକିତି ମାନାୟାର୍ ବିଷୟରେ ଚିଟିତାକେ ଲେକିକିଜି ପକ୍‍ନାଙ୍ଗ୍। ଆରେ ହେୱାର୍ ଏପେଙ୍ଗ୍ ରୁଣ୍ଡାୟ୍ କିତି ଡାବୁକାଙ୍ଗ୍ ଯିରୁଶାଲାମ୍‌ନି ପାର୍ତିକିନି ଟଣ୍ଡାରିଙ୍ଗ୍ ଅସିହିନାର୍‌।

ଏପିସିୟ 5:18

ଆରେ ଅଙ୍ଗୁର୍ ରାସ୍ ଉଣ୍‌ଜି ହଜ୍‌ଜି ମାନ୍‌ମାଟ୍। ଇନେସ୍‌କି ହେବେତାଙ୍ଗ୍ ନେ ମାନାୟାର୍ ପଶୁ ଲେକେ ବ୍ଯବହାର୍ କିନାର୍। ମାତର୍ ଏପେଙ୍ଗ୍ ପବିତ୍ର ଆତ୍ମାତାଙ୍ଗ୍ ପୁରା ଆଡ।

୧ ତିମତି 5:10

ଆରେ ର ଆଣ୍ଡ୍ରା ନେ ଇଡ଼୍‌ଜି ମାନ୍‌ଗାନାତ୍, ଆରେ ହେଦେଲ୍ ହାର୍ଦି କାମାୟ୍ କାଜିଙ୍ଗ୍ ଜଣାସୁଣା କଗ୍‌ଲେ ଆନାତ୍‌। ଇନେସ୍‌କି ହେଦେଲ୍ ତା ହିମ୍‌ଣା ୱାକ୍‌ଡ଼ାକାଙ୍ଗ୍ ହାର୍ କିଜି ପହା କିନାତ୍, ଗତାକାଙ୍ଗ୍ ହାର୍ କିଜି ମାନିକିନାତ୍। ସାଦୁ ମାନାୟାରିଙ୍ଗ୍ କାଲ୍‌ପାନା ନୁଜ୍‌ଦି ହିନାତ୍, ଆରେ ଦୁକ୍‌ତାକେ ମାନାକାରିଙ୍ଗ୍ ସାଇଜ କିନାତ୍, ଆରେ ୱିଜୁ ହାର୍ଦି କାମାୟ୍ କିଦେଙ୍ଗ୍ ତିର୍‌କାଡ଼୍ ଆନାତ୍, ଇଲେକେ ରାଣ୍ଡି କଗ୍‌ଲେଙ୍ଗ୍ ରାଣ୍ଡିକ୍ ଲିଷ୍ଟ୍‌ତାକେ ଲେକା ଆୟେତ୍।

ଜାକ୍‌ବ 1:17

ଇନେସ୍‌କି ମା ଆବା ଈଶ୍ୱର ୱିଜୁ ପର୍‌କାର୍ ହାର୍ଦି ବର୍‌ଦାନ୍, ଆରେ ଟିକ୍‌ଟାକ୍ ବର୍‌ଦାନ୍ ହିଦ୍‌ନାନ୍। ହେୱାନ୍ ବାଦାଡ଼୍‌ନି ହୁକାଙ୍ଗ୍, ୱେଡ଼ା ଆରେ ଲେଞ୍ଜ୍‌ତିଙ୍ଗ୍ ରସ୍ତାନ୍‌ନା। ହେୱାନ୍ ଇନାୱେଡ଼ାଙ୍ଗ୍ ପା ଡ଼ିଗା ଲେକେ ବାଦ୍‌ଲା ଆଉନ୍, ୱିଜୁଦିନ୍ ହାମାନ୍ ମାନ୍‌ଗାନାନ୍।

୩ ଯୋହନ 1:12

ୱିଜାର୍ ମାନାୟାର୍ ଇନାରା ଯେ, ଦିମିତ୍ରିୟ ରୱାନ୍ ହାର୍‌ଦାକାନ୍, ଇନେସ୍‌କି ହେୱାନ୍ ସତ୍ ଯିବୁନ୍ କାଟି କିନାନା, ହେଦାଙ୍ଗ୍ କାଜିଙ୍ଗ୍ ହେୱାନିଙ୍ଗ୍ ହାର୍‌ଦାକାନ୍ ଇଞ୍ଜି ଇନାର୍। ଆପେଙ୍ଗ୍ ପା ହେୱାନ୍ ହାର୍‌ଦାକାନ୍ ଇଞ୍ଜି ଇନାପା, ଆରେ ଏପେଙ୍ଗ୍ ପୁଚାଦେର୍‌ନା ଯେ ଆପେଙ୍ଗ୍ ୱେଚ୍‌ଚାକା ୱିଜୁ ସତ୍।