ପକ୍ୟାତାକା 6:11 - New Testament in Pengo Parja Language

¹¹ ହଲିଆ କାମାୟ୍‌ତାଙ୍ଗ୍ ମୁକ୍ତି ପାୟାଆତି ଯିହୁଦି ମାନାୟାର୍ ସ୍ତିପାନ ବିରଦ୍‌ତାକେ ୱେଚ୍‌ଚେଙ୍ଗ୍ ମାନାୟାରିଙ୍ଗ୍ ଉସ୍‌କାଇ କିତାର୍। ଲାଗିଙ୍ଗ୍ ହେୱାର୍ ୱେଚ୍‌ଚାର୍, “ଇୱାନ୍ ମୋଶା ଆରେ ଈଶ୍ୱର ବିରଦ୍‌ତାକେ ନିନ୍ଦା ବେଣ୍ ଇନାକା ଆପେଙ୍ଗ୍ ୱେଚାପ୍‌ନା।”

ସତ୍‌ ବଚନ୍‌ ପୁନି ନିୟମ୍‌

¹¹ ହେବେ ହେୱାର୍‌ ମାନାୟାର୍‌ରିଂ ଲାଞ୍ଜ୍‌ ହିଜ଼ି ପୁସ୍‌ରାୟ୍‍ କିତାର୍, ଆରେ ହେୱାର୍‌ ଇଚାର୍‌, “ଆପେଂ ଇଦାଂ ମସା ଆରି ଇସ୍ୱର୍‌ତି ବିରୁଦ୍‌ତ ନିନ୍ଦା ବଚନ୍‌ ଇନାକା ୱେନାପା ।”

ପକ୍ୟାତାକା 6:11 Iomraidhean Croise

ଜହନ୍‌ 1:17

ଈଶ୍ୱର ମାଙ୍ଗେଙ୍ଗ୍ ମୋଶା ଲେକିକିତି ନିୟମ୍‌ନି ସାସ୍ତର୍‌ତାଙ୍ଗ୍ ହିତ୍‌ତାନ୍‌ନା। ମାତର୍ ଯୀଶୁ ଖ୍ରୀଷ୍ଟତାଙ୍ଗ୍ ଦୟା ଆରେ ସତ୍ ବିଷୟ ହିତ୍‌ତାନ୍‌ନା।

ଜହନ୍‌ 16:3

ହେୱାର୍ ହେଲେକେ କିନାର୍, ହେଦାଙ୍ଗ୍ କାଜିଙ୍ଗ୍ ନା ଆବା ଈଶ୍ୱରତିଙ୍ଗ୍ ପୁନୁରେ, ଆରେ ହେୱାର୍ ନାଙ୍ଗେଙ୍ଗ୍ ପା ପୁଞ୍ଜୁରେ।

ଜହନ୍‌ 9:29

ଈଶ୍ୱର ମୋଶା ହୁଦାଙ୍ଗ୍ କାତାବାର୍ତା ଆତାର୍‌ନା ଆପେଙ୍ଗ୍ ପୁନାପ୍। ମାତର୍ ଇୱାନ୍ ଇମେତାଙ୍ଗ୍ ୱାତାନ୍‌ନା, ହେଦାଙ୍ଗ୍ ଆପେଙ୍ଗ୍ ପୁନୁୱାତାପ୍‌ନା।”

ପକ୍ୟାତାକା 15:21

ଆଗେପୁର୍ବେ ୱିଜୁ ସହର୍‌ତାକେ ମୋଶା ଲେକିକିତି ନିୟମ୍‌ନି ସାସ୍ତର୍ ଶୁଣାୟ୍ କିନାକାର୍ ଇ ବିଷୟରେ ଶୁଣାୟ୍ କିନାରା। ଆରେ ୱିଜୁ ଜମ୍‌ନିଦିନ୍‌ତ ପାର୍ତାନା ଇଲ୍‌କୁ ଲାଗାୟ୍ ତା ସାସ୍ତର୍ ପଡ଼ି କିନାରା।”

ପକ୍ୟାତାକା 18:6

ମାତର୍ ଯିହୁଦି ମାନାୟାର୍ ପାଉଲ କାତା ୱେନ୍‌ୱାତାର୍, ଆରେ ହେୱାନିଙ୍ଗ୍ ଅପ୍‌ମାନ୍ କିତାର୍। ଲାଗିଙ୍ଗ୍ ହେୱାନ୍ ତା ଉସ୍‌ପିତି ହେନ୍ଦ୍ରାତିଙ୍ଗ୍ ଡ଼ାତ୍‌ତି ହେୱାରିଙ୍ଗ୍ ୱେଚ୍‌ଚାନ୍, “ନାଦାଙ୍ଗ୍ ଇନାକା ବୁଲ୍ ଆକାୟ୍, ମାତର୍ ଈଶ୍ୱରତାଙ୍ଗ୍ ଦଣ୍ଡ୍ ପାୟା ଆଦେଙ୍ଗ୍ ଏପେଙ୍ଗ୍ ନିଜେ ନେ ଦାଇ। ‌ନଙ୍ଗୟ୍‌ତାଙ୍ଗ୍ ଆନେଙ୍ଗ୍ ବିନ୍‌ଜାତିନି ମାନାୟାର୍‌ତାକେ ହାଲ୍‌ଜି ଈଶ୍ୱର କାତା ଶୁଣାୟ୍ କିନାଙ୍ଗ୍।”

ପକ୍ୟାତାକା 21:28

“ଏ ଇସ୍ରାଏଲ ଜାତିନି ମାନାୟ୍ କାଦେର୍! ମାଙ୍ଗେଙ୍ଗ୍ ସାଇଜ କିଦାଟ୍! ଇୱାନ୍‌ନେ ମା ଜାତି, ମା ନିୟମ୍ ସାସ୍ତର୍ ଆରେ ଇ ମନ୍ଦିର୍‌ ବିରୁଦ୍‌ରେ ୱିଜାକାରିଙ୍ଗ୍ ହିକ୍ଷା ହିଜିମାନ୍‌ଞ୍ଚାନ୍। ଆରେ ହେୱାନ୍ ବିନ୍‌ଜାତିନି ମାନାୟାରିଙ୍ଗ୍ ଈଶ୍ୱର ମାନି ମନ୍ଦିର୍‌ ବିତ୍ରେ ତାସି ଇ ପବିତ୍ର ବାହାତିଙ୍ଗ୍ ଅପବିତ୍ର କିତାନ୍‌ନା।”

ପକ୍ୟାତାକା 25:3

ପାଉଲତିଙ୍ଗ୍ ଯିରୁଶାଲାମ ସହର୍‌ତାକେ କୁକ୍‌ଚି ତାହିୱା ଇଞ୍ଜି ରାଜାର୍ ଲାଗାୟ୍ ହାଲ୍‌ଜି ଦୟାକିଦା ଇଞ୍ଜି ଗୁୱାରି କିତାର୍। ଇନେସ୍‌କି ହେୱାର୍ ପାଉଲତିଙ୍ଗ୍ ହାଜ୍‌ଦ ନେ ମାର୍ନେ ଅହ୍‌ନାପ୍ ଇଞ୍ଜି ଉପାଇକିଜି ମାଚାର୍।

ପକ୍ୟାତାକା 25:7

ଏଚେପାଦ୍ନା ହେୱାନିଙ୍ଗ୍ ତାହିୱାତାର୍, ଯିରୁଶାଲାମ ସହର୍‌ତାଙ୍ଗ୍ ହାଲ୍‌ଜି ମାଚି ଯିହୁଦିର୍ ହେୱାନ୍ ଚାରିବେଣ୍‌ତାଙ୍ଗ୍ ନିଲ୍‌ତାର୍, ଆରେ ହେୱାର୍ ତା ବିରଦ୍‌ତାକେ ଗାଜା ଦସ୍ ହିଜି ୱେଚ୍‌ଚାର୍, ମାତର୍ ହେୱାର୍ ହେ ୱିଜୁ କାତାତିଙ୍ଗ୍ ସତ୍ ଇଞ୍ଜି ଚଚ୍‌ଚେଙ୍ଗ୍ ଆଡ୍‌ୱାତାର୍।

ପକ୍ୟାତାକା 26:11

ଆନେଙ୍ଗ୍ ୱିଜୁଦିନ୍ ପାର୍ତାନା ଇଲ୍‌କୁକାଙ୍ଗ୍ ବୁଲାଆଜି-ଆଜି ହେୱାରିଙ୍ଗ୍ ସାସ୍ତି ହିଜି ମାଚାଙ୍ଗ୍, ଆରେ ହେୱାରିଙ୍ଗ୍ ଜବର୍‌ଦସ୍ତିରେ ଯୀଶୁ ଖ୍ରୀଷ୍ଟଙ୍ଗ୍ ନିନ୍ଦାକିନି କାଜିଙ୍ଗ୍ ୱେଚ୍‌ଚି ମାଚାଙ୍ଗ୍। ଆନେଙ୍ଗ୍ ଏଚେକ୍ ରିସାଆଜି ମାଚାଙ୍ଗ୍ ଯେ, ଜେକନି ସହର୍‌କୁକାଙ୍ଗ୍ ହାଲ୍‌ଜି ପା ପାର୍ତି କିନାକାରିଙ୍ଗ୍ ଦୁକ୍‌କଷ୍ଟ ହିଜି ମାଚାଙ୍ଗ୍।

ପକ୍ୟାତାକା 6:10

ମାତର୍ ସ୍ତିପାନ ବୁଦି ଆରେ ଈଶ୍ୱର ଆତ୍ମାନି ଶାକ୍ତିତାଙ୍ଗ୍ ୱେଚ୍‌ଚି ମାଚାନ୍, ହେଦାଙ୍ଗ୍ କାଜିଙ୍ଗ୍ ହେୱାର୍ ହେ ବେଣ୍‌ନି ଉତର୍ ହିଦେଙ୍ଗ୍ ଆଡ୍‌ୱାତାର୍।

ପକ୍ୟାତାକା 6:12

ଆରେ ହେୱାର୍ ମାନାୟାରିଙ୍ଗ୍ ଆରେ ପ୍ରାଚିନ୍‌ ଆରେ ପଣ୍ଡିତାରିଙ୍ଗ୍ ଉସ୍‌କାଇ କିତାର୍। ଆରେ ହେୱାନିଙ୍ଗ୍ ଆସ୍ତି ବିଚାର୍‌କିନି ବାହାତାକେ ତାତାର୍।

ପକ୍ୟାତାକା 6:13

ହେବେ ହେୱାର୍ ମିଚ୍ ସାକି ୱେଚ୍‌ନାକାରିଙ୍ଗ୍ ତାତାର୍। ହେ ମିଚ୍ ସାକି ହିନାକାର୍‌ ସ୍ତିପାନ ବିରଦ୍‌ତାକେ ୱେଚ୍‌ଚାର୍, “ଇୱାନ୍ ଈଶ୍ୱର ମାନି ମନ୍ଦିର୍‌ ଆରେ ମୋଶା ଲେକିକିତି ନିୟମ୍‌ନି ସାସ୍ତର୍ ବିରୁଦ୍‌ତାକେ ନିନ୍ଦା କାତା ୱେଚ୍‌ଚି ଲାଗାନାନା।

ରୋମିୟ 3:8

ଆରେ କେତେକ୍ ମାନାୟ୍ ଇଲେକେ ଆପେଙ୍ଗ୍ କିନାପା ଇଞ୍ଜି ୱେଚ୍‌ନାରା ଯେ, ୱାଡ ଆସେଙ୍ଗ୍ କରାପ୍ କାମାୟ୍ କିନାସ୍, ଲାଗିଙ୍ଗ୍ ହାର୍ ପାଡ଼୍‌ ଗାଟାଆଦ୍‍ନାତ୍। ଇଲେକେ ଇମ୍‌ଣି ମାନାୟ୍ ନା ବିଷୟତିଙ୍ଗ୍ ଏଲେଙ୍ଗ୍ ଇଞ୍ଜି ୱେଚ୍‌ନାନ୍, ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।

୧ ତିମତି 1:13

ଆନେଙ୍ଗ୍ ପାର୍ତିକିୱି ଆଗେ ଖ୍ରୀଷ୍ଟଙ୍ଗ୍ ନିନ୍ଦାକିଜି ମାଚାଙ୍ଗ୍, ଆରେ ପାର୍ତି କିନାକାରିଙ୍ଗ୍ ଦୁକ୍‌କଷ୍ଟ ହିଜି ମାଚାଙ୍ଗ୍ ଆରେ ହେୱାରିଙ୍ଗ୍ ବେସି ହରିଆଣ୍ କିଜି ମାଚାଙ୍ଗ୍। ମାତର୍ ଆନେଙ୍ଗ୍ ନଙ୍ଗୟ୍ ପାତେକ୍ ଖ୍ରୀଷ୍ଟଙ୍ଗ୍ ପୁନ୍‌ୱାଦାଙ୍ଗ୍ ମାଚାଙ୍ଗ୍ ଆରେ ଇନାକା ଆନେଙ୍ଗ୍ କିନାଙ୍ଗା ହେଦାଙ୍ଗ୍ ପୁନ୍‌ୱାଦାଙ୍ଗ୍ କିତି କାଜିଙ୍ଗ୍ ଖ୍ରୀଷ୍ଟ ନାଙ୍ଗେଙ୍ଗ୍ ଦୟା କିତ୍‌ତାନ୍‌ନା।