ପକ୍ୟାତାକା 6:10 - New Testament in Pengo Parja Language

¹⁰ ମାତର୍ ସ୍ତିପାନ ବୁଦି ଆରେ ଈଶ୍ୱର ଆତ୍ମାନି ଶାକ୍ତିତାଙ୍ଗ୍ ୱେଚ୍‌ଚି ମାଚାନ୍, ହେଦାଙ୍ଗ୍ କାଜିଙ୍ଗ୍ ହେୱାର୍ ହେ ବେଣ୍‌ନି ଉତର୍ ହିଦେଙ୍ଗ୍ ଆଡ୍‌ୱାତାର୍।

ସତ୍‌ ବଚନ୍‌ ପୁନି ନିୟମ୍‌

¹⁰ ମତର୍‌ ହେୱାନ୍‌ ଇମ୍‌ଣି ଗିୟାନ୍‌ ଆରି ଜିବୁନ୍‌ତିଂ ସାକ୍ତିତ କାତା ଇଞ୍ଜି ମାଚାନ୍‌, ହେୱାର୍‌ ହେଦାଂ ବିରଦ୍‍ କିଦେଙ୍ଗ୍‌ ଆଡ୍‌ୱାତାର୍‌ ।

ପକ୍ୟାତାକା 6:10 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:17

ଭବିଷ୍ଯତବକ୍ତା ଏଲିୟ ଆତ୍ମା ଆରେ ଶାକ୍ତି ଲେକେ ଯୋହନ ପା ଡାଣ୍ଡାସି ଲେକେ ଆଜି ମାପୃ ଆଗେ-ଆଗେ ହାନାନ୍। ହେୱାନ୍ ଆବାରିଙ୍ଗ୍ ତା ହିମ୍‌ଣାର୍ ହୁଦାଙ୍ଗ୍ ମେହାଇ କିନାନ୍। ହେୱାନ୍ ଈଶ୍ୱରତିଙ୍ଗ୍ ମାନିକିୱି ଅଦରମ୍‌ ମାନାୟାରିଙ୍ଗ୍ ଦରମ୍ ମାନାୟାର୍ ହାନି ହାଜ୍‌ଦିଙ୍ଗ୍ ତାସିୱାନାନ୍। ମାପୃ କାଜିଙ୍ଗ୍ ହେୱାନ୍ ମାନାୟାରିଙ୍ଗ୍ ଜାଗ୍ରତ୍ କିୟିକିନାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:15

ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚେଙ୍ଗ୍ ବୁଦି ହିଦ୍‌ନାଙ୍ଗ୍। ଏପେଙ୍ଗ୍ ଇନାକା ଇନାଦେର୍, ମି ଶାତ୍ରୁ ତା ଉତର୍ ହିଦ୍‌ଦେଙ୍ଗ୍ ଆଡ଼୍‌ଦୁନ୍।

ଜହନ୍‌ 7:46

ଈଶ୍ୱର ମାନି ମନ୍ଦିର୍‌ନି ସେନାର୍ ୱେଚ୍‌ଚାର୍, “ହେୱାନ୍ ଇନାକା ୱେଚ୍‌ଚାନାନା, ହେଦାଙ୍ଗ୍ ଜେକନିକାର୍‌ ଇନେର୍ ପା ୱେଚ୍‌ଚେଙ୍ଗ୍ ଆଡୁର୍।”

ପକ୍ୟାତାକା 5:39

ମାତର୍ ଯଦି ଇଦାଙ୍ଗ୍ ଈଶ୍ୱରତାଙ୍ଗ୍ ଆଜି ମାନାତ୍, ଲାଗିଙ୍ଗ୍ ଏପେଙ୍ଗ୍ ହେୱାରିଙ୍ଗ୍ ନଷ୍ଟ କିଦେଙ୍ଗ୍ ଆଡୁଦେର୍। ଆରେ ଏପେଙ୍ଗ୍ ଈଶ୍ୱର ବିରୁଦ୍‌ତାକେ ଜୁଜ୍ କିନିଲେକେ ଆନାତ୍‌।”

ପକ୍ୟାତାକା 6:11

ହଲିଆ କାମାୟ୍‌ତାଙ୍ଗ୍ ମୁକ୍ତି ପାୟାଆତି ଯିହୁଦି ମାନାୟାର୍ ସ୍ତିପାନ ବିରଦ୍‌ତାକେ ୱେଚ୍‌ଚେଙ୍ଗ୍ ମାନାୟାରିଙ୍ଗ୍ ଉସ୍‌କାଇ କିତାର୍। ଲାଗିଙ୍ଗ୍ ହେୱାର୍ ୱେଚ୍‌ଚାର୍, “ଇୱାନ୍ ମୋଶା ଆରେ ଈଶ୍ୱର ବିରଦ୍‌ତାକେ ନିନ୍ଦା ବେଣ୍ ଇନାକା ଆପେଙ୍ଗ୍ ୱେଚାପ୍‌ନା।”

ପକ୍ୟାତାକା 6:9

ମାତର୍ କେତ୍‌ଜାଣ୍ ସ୍ତିପାନତିଙ୍ଗ୍ ବିରଦ୍ କିତାର୍। ହେୱାର୍ ହଲିଆ କାମାୟ୍‌ତାଙ୍ଗ୍ ମୁକ୍ତି ପାୟାଆତି ଯିହୁଦି ମାନାୟାର୍, କୁରିଣିୟ ସହର୍, ଆଲେକ୍‌ଜାଣ୍ଡ୍ରିଆ ସହର୍‌ନି ପାର୍ତାନା ଇଲ୍‌ନି କେତ୍‌ଜାଣ୍ ମାନାୟ୍, କିଲିକିୟା ଆରେ ଏସିଆ ଜିଲ୍ଲାନି ମାନାୟାର୍ ମାଚାର୍। ଇୱାର୍ ସ୍ତିପାନତିଙ୍ଗ୍ ଜୁକ୍ତି କିଦେଙ୍ଗ୍ ଲାଗାତାର୍।

ପକ୍ୟାତାକା 7:51

ସ୍ତିପାନ ଆରେରଗ ୱେଚ୍‌ଚାନ୍, “ଏପେଙ୍ଗ୍ ବେସି ଅବୁଜା ମାନାୟ୍ କାଦେର୍। ଲାଗିଙ୍ଗ୍ ଏପେଙ୍ଗ୍ ଈଶ୍ୱର କାତାତିଙ୍ଗ୍ ୱେନୁଦେରା କି ମାନି କିଉଦେରା। ଏପେଙ୍ଗ୍ ମି ଆକଦାଦିର୍ ପାପ୍ କିତିଲେକେ ଏପେଙ୍ଗ୍ ପାପ୍ କିତାଦେର୍‌ନା। ହେଦାଙ୍ଗ୍ କାଜିଙ୍ଗ୍ ପବିତ୍ର ଆତ୍ମାତିଙ୍ଗ୍ ବିରଦ୍ କିନାଦେରା।

୧ କରନ୍ତିୟ 2:4

ଆନେଙ୍ଗ୍ ମିଙ୍ଗେଙ୍ଗ୍ ଏଚେପାଦ୍ନା ଖ୍ରୀଷ୍ଟତି ହାର୍ଦିକାବୁର୍ ଶୁଣାୟ୍ କିଜି ମାନ୍‌ଞ୍ଚାଙ୍ଗ୍, ଆନେଙ୍ଗ୍ ଜେକନିକାର୍ ଲେକେ ମାନାୟାର୍ ବୁଦିନି ହିକ୍ଷା ଆରେ ଚାଲାକି ହୁଦାଙ୍ଗ୍ କାତା ୱେଚ୍‌ୱାଦାଙ୍ଗ୍ ମାଚାଙ୍ଗ୍। ମାତର୍ ପବିତ୍ର ଆତ୍ମା ମି ବିତ୍ରେ ମାନ୍‌ଞ୍ଜି ଶାକ୍ତିତାଙ୍ଗ୍ ପୁନି କିତ୍‌ତାତ୍ ଯେ, ଆନେଙ୍ଗ୍ ୱେଚ୍‌ଚି ହାର୍ଦିକାବୁର୍ ସତ୍।