ପକ୍ୟାତାକା 5:18 - New Testament in Pengo Parja Language

¹⁸ ଆରେ ବାଚିକିତି ଚେଲାରିଙ୍ଗ୍ ଆସ୍ତି ଜଇଲ୍ ଇଞ୍ଜ ଇଡ଼୍‌ତାର୍।

ସତ୍‌ ବଚନ୍‌ ପୁନି ନିୟମ୍‌

¹⁸ ଆରି ପକ୍ୟାତାକାର୍‌ରିଂ ଆସ୍ତି ଗାଚ୍‌ଚି ସାଦା ଜଇଲ୍‍ତ ଇଟ୍‌ତାର୍‌ ।

ପକ୍ୟାତାକା 5:18 Iomraidhean Croise

ମାତିଉ 4:12

କେତ୍‌ଦିନ୍ ପାଚେ ହେରୋଦ ରାଜା ଯୋହନତିଙ୍ଗ୍ ଗାଚ୍‌ଚି ଜଇଲ୍ ଇଞ୍ଜ ଇଡ଼୍‌ତାନ୍ ଇଞ୍ଜି ଯୀଶୁ ୱେଚାନ୍, ହେୱାନ୍ ଯିହୁଦା ଜିଲ୍ଲା ବାହା ପିସ୍ତି ଗାଲିଲୀ ଜିଲ୍ଲାତ ହାଚାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:12

ମାତର୍ ଇ ୱିଜୁଗଟ୍‌ନା ଆୱି ଆଗେ, ମାନାୟାର୍ ମିଙ୍ଗେଙ୍ଗ୍ ଆସ୍ତାନାର୍। ଆରେ ଜଇଲ୍ ଇଞ୍ଜ ଗେସ୍ତାନାର୍ ଆରେ ମିଙ୍ଗେଙ୍ଗ୍ କଷ୍ଟ ହିଦ୍‌ନାର୍। ପାର୍ତାନା ଇଞ୍ଜ ମିଙ୍ଗେଙ୍ଗ୍ ବିଚାର୍ କିଦ୍‌ନାର୍ ଆରେ ରାଜା ଆରେ ସାସନ୍ କିନାକାନ୍ ମୁମ୍‌ଦ ହେଲାଇ କିଜି ହିଦ୍‌ନାର୍। ଇନେସ୍‌କି ଏପେଙ୍ଗ୍ ନା ପାଚେ ୱାନି କାଜିଙ୍ଗ୍ ମାନାୟାର୍ ମିଙ୍ଗେଙ୍ଗ୍ ଇଲେକେ ବାଉରା ଆଦ୍‌ନାର୍।

ପକ୍ୟାତାକା 4:3

ଲାଗିଙ୍ଗ୍ ହେୱାର୍ ବାଚିକିତି ରିକାର୍ ଚେଲାହିରିଙ୍ଗ୍ ଆସ୍ତାର୍। ହେନାଞ୍ଜ୍ ମିକାହାରେସ୍ ଆଜି ମାଚିଲେ ହେୱାର୍ ହେୱାରିଙ୍ଗ୍ ଆରର ଦିନ୍ ଜଇଲ୍‌ତାକେ ଇଡ଼୍‌ତାର୍।

ପକ୍ୟାତାକା 8:3

ଶାଉଲ ଯୀଶୁତାକେ ପାର୍ତିକିନି ମଣ୍ଡ୍‌ଲିନି ମାନାୟାରିଙ୍ଗ୍ ଦୁକ୍‌କଷ୍ଟ ହିଦେଙ୍ଗ୍ ଲାଗାତାନ୍। ହେୱାନ୍ ପାର୍ତିକିନି ଆଣ୍ଡ୍ରା ଆରେ କଗ୍‍ଲେକାଙ୍ଗ୍ ହେୱାର୍ ଇଞ୍ଜ-ଇଞ୍ଜ ହଣ୍‌ଜି ଜେଲ୍‌ଜି ତାସି ଜଇଲ୍ ଇଞ୍ଜ ଇଡ଼୍‌ଜି ମାଚାନ୍।

୨ କରନ୍ତିୟ 11:23

ଯଦି ହେୱାର୍ ଖ୍ରୀଷ୍ଟଙ୍ଗ୍ ହେବା କିନାପା ଇଞ୍ଜି ବାଟ୍‌ପାଣ୍ ଆତିସ୍, ଆନେଙ୍ଗ୍ ରକାଙ୍ଗ୍ ପାଗଲ୍ ମାନାୟ୍ ୱେଚ୍‌ଚିଲେକେ ଆନେଙ୍ଗ୍ ହେୱାର୍‌ତାଙ୍ଗ୍ ବେସି ବାଟ୍‌ପାଣ୍ ଆଜି ୱେଚ୍‌ଚାଙ୍ଗ୍‌ମା। ଇନେସ୍‌କି ଆନେଙ୍ଗ୍ ଖ୍ରୀଷ୍ଟଙ୍ଗ୍ ହେବାକିନି କାଜିଙ୍ଗ୍ ବେସି କଷ୍ଟ କାମାୟ୍ କିତାଙ୍ଗ୍‌ନା। ହେ କାମାୟ୍ କାଜିଙ୍ଗ୍ କେତେହଟ୍ ଜଇଲ୍ ଇଞ୍ଜ ହାଲ୍‌ଜି ମାଚାଙ୍ଗ୍। ମାନାୟାର୍ ନାଙ୍ଗେଙ୍ଗ୍ କେତ୍‌ହଟ୍ ଟ୍ରାକ୍ତାତାର୍‌ନା ଆରେ ମାନାୟାର୍ ନାଙ୍ଗେଙ୍ଗ୍ ମାର୍ନେ ଅସ୍ତେଦେଙ୍ଗ୍ ଉପାୟ୍ କିଜି ମାଚାର୍।

ଏବ୍ରି 11:36

ଈଶ୍ୱରତାକେ ପାର୍ତିକିନି କେତେକ୍ ମାନାୟ୍ ଅପ୍‌ମାନ୍ ପାୟାଆତାର୍ ଆରେ ହେୱାର୍ ଗାଗାଡ଼୍ କର୍‌ଡା ହୁଦାଙ୍ଗ୍ ଟ୍ରାକ୍‌ତି କାଜିଙ୍ଗ୍ ଗାଉ ଆଜି ମାଚାତ୍। ଆରେ କେତେକ୍ ମାନାୟ୍ ଗାଚିଆ ଆଜି ଜଇଲ୍ ଇଞ୍ଜ ବନ୍ଦି ଆତାର୍।

ହତ୍‌ତି 2:10

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଦୁଃକ୍ କଷ୍ଟ ପାୟାଆନାପା ଇଞ୍ଜି ପାଣ୍ଡ୍ରା ଆମାଟ୍। ମି ବିତ୍ରେତାଙ୍ଗ୍ କେତ୍‌ଜାଣ୍‌ତିଙ୍ଗ୍ ଶୟତାନ୍ ବନ୍ଦିକିଜି ଜଇଲ୍ ଇଞ୍ଜ ଇଡ଼୍‌ଦାନାତ୍ ଆରେ ମିଙ୍ଗେଙ୍ଗ୍ ପରିକ୍ଷା କିଦ୍‌ନାତ୍। ଏପେଙ୍ଗ୍ ଦଶ୍‌ଦିନ୍ ପାତେକ୍ ବେସି ଦୁଃକ୍ କଷ୍ଟ ପାୟାଆନାଦେର୍। ମାତର୍ ଯଦି ହେୱାନ୍ ମିଙ୍ଗେଙ୍ଗ୍ ମାର୍ନେ ଅସ୍ତିତିସ୍ ପା ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିମାଟ୍, ଇନେସ୍‌କି ଏପେଙ୍ଗ୍ ଜିତାଆତି କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱିଜୁଦିନ୍ ମାନି ଜିବୁନ୍ ପୁରଷ୍କାର୍ ହିଦ୍‌ନାଙ୍ଗ୍।”